ಗಲಾತ್ಯ 1
1
ವಂದನೆ
1ಮುನುಷ್ಯನಗುಂಡ್ ಅಲ್ಲ, ಮನುಷ್ಯಂಡ ಮೂಲಕವು ಅಲ್ಲ, ಯೇಸು ಕ್ರಿಸ್ತನಗುಂಡ್, ಅಂವೊನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ಚಿಟ್ಟ ಅಪ್ಪನಾನ ದೇವಡಗುಂಡ್ ಅಪೊಸ್ತಲನಾನ ಪೌಲ, 2ಪಿಂಞ ನಲ್ಲ ಸುದ್ದಿಕಾಯಿತ್ ನಾಡ ಕೂಡೆ ಉಳ್ಳ ಅಣ್ಣತಮ್ಮಣಂಗ, ಗಲಾತ್ಯ ನಾಡ್‌ಲುಳ್ಳ ಸಬೇಕ್ ಒಳ್‍ದ್‍ವ ಕಾಗದ ಇದ್. 3ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು ಸಮಾದಾನವು ನಿಂಗಕ್ ಕ್‍ಟ್ಟಡ್. 4ಅಂವೊ ನಂಗಳ ಇಕ್ಕತ್‍ರ ಮೋಸವಾನ ಲೋಕತ್ಂಜ ಕಾಪಾಡ್‌ವಕಾಯಿತ್, ನಂಗಡ ಅಪ್ಪನಾನ ದೇವಡ ಚಿತ್ತತ್‍ರನೆಕೆ ನಂಗಡ ಪಾಪಕಾಯಿತ್ ಅಂವೊನ ಚಾವ್‍ಕ್ ಒಪ್ಪ್‌ಚಿಟ್ಟತ್. 5ಇದ್ಂಗಾಯಿತ್ ದೇವಕ್ ನಿತ್ಯ ಕಾಲಕ್ ಮಹಿಮೆ ಆಡ್, ಆಮೆನ್.
ಒರೇ ಒರ್ ನಲ್ಲ ಸುದ್ದಿ
6ನಿಂಗಳ ಯೇಸು ಕ್ರಿಸ್ತಂಡ ಕೃಪೇರಗುಂಡ್ ಕಾಕ್‍ನಂವೊನ ಬುಟ್ಟಿತ್, ಇಚ್ಚಕ್ ಬೆರಿಯ ಬೋರೆ ಒರ್ ನಲ್ಲ ಸುದ್ದಿರ ಬಟ್ಟೇಲ್#1.6 ಇಲ್ಲಿ ಬೋರೆ ಬಟ್ಟೇಂದ್ ಎಣ್ಣ್‌ವದ್ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ಬುಟ್ಟಿತ್ ನ್ಯಾಯಪ್ರಮಾಣತ್‍ರ ಬೋದನೆರಗುಂಡ್ ರಕ್ಷಣೆ ಕ್‍ಟ್ಟ್‌ವಕಾಯಿತ್ ಪ್ರಯತ್ನ ಪಡ್‍ವದ್ ಪೋಪದ್‌ನ ನೋಟುವಕ, ನಾಕ್ ದುಂಬ ಆಶ್ಚರ್ಯ ಆಯಂಡುಂಡ್. 7ಆಚೇಂಗಿ ಇದ್‍ನ ಬುಟ್ಟಿತ್ ಬೋರೆ ನಲ್ಲ ಸುದ್ದಿ ಏದ್ ಉಂಡ್? ಚೆನ್ನ ಜನ, ನಿಂಗಡ ಮನಸ್ಸ್‌ನ ಕಲ್‍ಕಿತ್ ಕ್ರಿಸ್ತಂಡ ನಲ್ಲ ಸುದ್ದಿನ ತಿರ್‌ಕ್‍ವಕ್ ಪ್ರಯತ್ನ ಪಟ್ಟಂಡುಳ್ಳದಲ್ಲತೆ ಬೋರೆ ಒಂದು ಮಾಡಿಯಂಡಿಲ್ಲೆ. 8ನಂಗಳಾಡ್, ಪರಲೋಕತ್ಂಜ ಬಪ್ಪ ದೇವದೂತನಾಡ್, ನಾನ್ ನಿಂಗಕ್ ಬೋದನೆ ಮಾಡ್‍ನ ನಲ್ಲ ಸುದ್ದಿಯಲ್ಲತೆ, ಬೋರೆ ಒರ್ ನಲ್ಲ ಸುದ್ದಿನ ಬೋದನೆ ಮಾಡ್‍ಚೇಂಗಿ ಅಂವೊ ನಿತ್ಯ ಶಾಪ ಕ್‍ಟ್ಟ್‌ನಂವೊನಾಯಿತ್ ಇರಡ್. 9ನಾನ್ ನಿಂಗಕ್ ಮಿಂಞಲೇ ಎಣ್ಣ್‌ನನೆಕೆ ಪುನಃ ಎಣ್ಣ್‌ವಿ; ನಿಂಗ ಸ್ವೀಕಾರ ಮಾಡ್‍ನ ನಲ್ಲ ಸುದ್ದಿಯಲ್ಲತೆ ಬೋರೆ ಒರ್ ನಲ್ಲ ಸುದ್ದಿನ ಒಬ್ಬ ಬೋದನೆ ಮಾಡ್‍ಚೇಂಗಿ ಅಂವೊ ಶಾಪ ಕ್‍ಟ್ಟ್‌ನಂವೊನಾಯಿತ್ ಇರಡ್. 10ಇಕ್ಕ ನಾನ್ ಮನುಷ್ಯಂಡ ಅಂಗಿಕಾರಕಾಯಿತಾ ಅಥವ ದೇವಡ ಅಂಗಿಕಾರಕಾಯಿತಾ, ಎಂತಂಗಾಯಿತ್ ಪೇಚಾಡಿಯಂಡುಂಡ್? ಅಲ್ಲತೆ ಮನುಷ್ಯನ ಕುಶಿಪಡ್‌ತ್‌ವಕಾಯಿತ್ ನಾನ್ ಮಾಡಿಯಂಡುಂಡಾ? ನಾನ್ ಇಂಞು ಮನುಷ್ಯನ ಕುಶಿಪಡ್‍ತ್‌ಂವೊನಾಯಿತ್ ಉಂಡೇಂಗಿ ನಾನ್ ಕಂಡಿತವಾಯಿತ್ ದೇವಡ ಸೇವಕನಲ್ಲ.
ಪೌಲ, ಅಪೊಸ್ತಲನಾನ ವಿಷಯ
11ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಪ್ರಚಾರ ಮಾಡ್‍ನ ನಲ್ಲ ಸುದ್ದಿರ ಬೋದನೆ ಒರ್ ಮನುಷ್ಯಂಡ ಗೇನತ್‍ರಗುಂಡ್ ಕ್‍ಟ್ಟ್‌ನದ್ ಅಲ್ಲಾಂದ್ ನಿಂಗಕ್ ಚಾಯಿತೆ ಗೊತ್ತಾಂಡೂಂದ್ ನಿಂಗಕ್ ಎಣ್ಣ್‌ವಿ. 12ಇದ್ ನಾಕ್ ಒರ್ ಮನುಷ್ಯಡಿಂಜ ಕ್‍ಟ್ಟ್‌ನದು ಅಲ್ಲ, ದಾರೂ ಬೋದನೆ ಮಾಡ್‌ನದು ಅಲ್ಲ. ಬದ್‍ಲಾಯಿತ್, ಯೇಸು ಕ್ರಿಸ್ತನೇ ಇದ್‍ನ ನಾಕ್ ಕಾಂಬ್‍ಚಿಟ್ಟತ್.
13ನಾನ್ ಯೆಹೂದ್ಯಂಗಡ ಪದ್ದತಿರ ಪ್ರಕಾರ ನಡ್ಂದಂಡಿಪ್ಪಕ, ನಾನ್ ಎನ್ನನೆ ಇಂಜ್‍ೕಂದ್ ನಿಂಗ ಕ್‍ೕಟಿತ್ತುಳ್ಳಿರ. ದೇವಡ ಸಬೇನ ಪಾಳ್ ಮಾಡಿತ್, ದೇವಡ ಮಕ್ಕಳ ದುಂಬ ತೊಂದರೆ ಮಾಡಿಯಂಡಿಂಜ. 14ಯೆಹೂದ್ಯ ಜನತ್‍ರ ಮದ್ಯತ್‍ಲ್ ನಾಡ ವಯಸ್‍ಕಾರಂಗಕಿಂಜಲು ದುಂಬ ಗೊತ್ತುಳ್ಳಂವೊನಾಯಿತ್, ನಾಡ ಅಜ್ಜಂಗಡ ಪದ್ದತಿರ ಮೇಲೆ ದುಂಬ ವೈರಾಗ್ಯತ್‍ಲ್ ನಡ್ಂದಂಡಿಂಜ. 15ಅನ್ನನೆ ಇಂಜತೇಂಗಿಯು, ನಾನ್ ಪುಟ್ಟ್‌ವಕಿಂಜ ಮಿಂಞಲೇ ನನ್ನ ಬೋರೆ ಮಾಡಿತ್ ಅಂವೊಂಡ ಕೃಪೇರಗುಂಡ್ ನನ್ನ ದೇವ ಕಾಕ್‍ಚಿ. 16ಅಂವೊಂಡ ಮೋಂವೊಂಡ ನಲ್ಲ ಸುದ್ದಿನ ಯೆಹೂದ್ಯರಲ್ಲತಯಿಂಗಕ್ ನಾನ್ ಎಣ್ಣ್‌ವಕಾಯಿತ್, ನಾಕ್ ಅಂವೊಂಡ ಮೋಂವೊನ ಕಾಂಬ್‍ಚಿಡುವಕ್ ಅಂವೊಂಗ್ ಕುಶಿಯಾಚಿ. ಅಕ್ಕ ನಾನ್ ದಾಡ ಪಕ್ಕವು ಇದ್ಂಡ ವಿಷಯತ್ ತಕ್ಕ್ ಪರಿಯುವಕು, ತಕ್ಕ್ ಕ್‍ೕಪಕು ಪೋಯಿತ್ತ್‌ಲ್ಲೆ. 17ನಾಕಿಂಜ ಮಿಂಞಲೇ ಅಪೊಸ್ತಲನಾಯಿತ್ಂಜಯಿಂಗಡ ಪಕ್ಕ ಯೆರೂಸಲೇಮ್‌ಕ್ ಪೋಕತೆ, ಅರಬಿ ದೇಶಕ್ ಪೋಯಿತ್ ದಮಸ್ಕ ಎಣ್ಣುವ ಪಟ್ಟಣಕ್ ಪುನಃ ವಾಪಸ್ ಬಾತ್. 18ಮೂಂದ್ ಕಾಲ ಆನ ಪಿಂಞ ನಾಕ್ ಪೇತ್ರನ ಪರಿಚಯ ಆಂಡೂಂದ್ ಯೆರೂಸಲೇಮ್‌ಕ್ ಪೋಯೆ. ಅಲ್ಲಿ ನಾನ್ ಅಂವೊಂಡ ಕೂಡೆ ಪದನಂಜಿ ದಿನ ಇಂಜ್. 19ಅಲ್ಲಿ ನಂಗಡ ಒಡೆಯನಾನ ಯೇಸುರ ತಮ್ಮಣ ಯಾಕೋಬನ ಬುಟ್ಟಿತ್ ಬೋರೆ ಅಪೊಸ್ತಲ ದಾರ್‌ನು ಕಂಡಿತ್‌ಲ್ಲೆ. 20ನಾನ್ ಇಕ್ಕ ಎಂತ ಒಳ್‌ದಿಯಂಡುಳ್ಳೆನೋ ಅದ್ ಸತ್ಯ. ದೇವಕ್ ಗೊತ್ತುಂಡ್ ನಾನ್ ಪೊಟ್ಟ್ ಪರ್ಂದಂಡಿಲ್ಲೇಂದ್. 21ಅಲ್ಲಿಂಜ ನಾನ್ ಸಿರಿಯ ಪಿಂಞ ಕಿಲಿಕ್ಯ ಎಣ್ಣುವ ಪ್ರಾಂತ್ಯಕ್ ಪೋಯೆ. 22ಆಚೇಂಗಿ, ಆ ಸಮಯತ್‍ಲ್ ಯೆಹೂದ್ಯ ಪ್ರಾಂತ್ಯತ್‍ಲ್ ಉಳ್ಳ ಸಬೇಕ್ ನನ್ನ ಗೊತ್ತ್‌ಂಜತ್‌ಲ್ಲೆ. 23ಮಿಂಞ ನಂಗಳ ತೊಂದರೆ ಮಾಡ್‍ನಂವೊನೇ, ತಾನ್ ಪಾಳ್ ಮಾಡಂಡೂಂದ್ ಮಾಡಿಯಂಡಿಂಜ ಅದೇ ನಂಬಿಕೇರ ಬೋದನೆನ ಅಂವೊ ಇಕ್ಕ ಪ್ರಚಾರ ಮಾಡಿಯಂಡ್ ಉಂಡ್‍ೕಂದ್ ಮಾತ್ರ ಅಯಿಂಗ ಕ್‍ೕಟಂಡಿಂಜತ್. 24ನಾಕಾಯಿತ್ ಅಯಿಂಗ ದೇವನ ತುದಿಚತ್.
Currently Selected:
ಗಲಾತ್ಯ 1: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಗಲಾತ್ಯ 1
1
ವಂದನೆ
1ಮುನುಷ್ಯನಗುಂಡ್ ಅಲ್ಲ, ಮನುಷ್ಯಂಡ ಮೂಲಕವು ಅಲ್ಲ, ಯೇಸು ಕ್ರಿಸ್ತನಗುಂಡ್, ಅಂವೊನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ಚಿಟ್ಟ ಅಪ್ಪನಾನ ದೇವಡಗುಂಡ್ ಅಪೊಸ್ತಲನಾನ ಪೌಲ, 2ಪಿಂಞ ನಲ್ಲ ಸುದ್ದಿಕಾಯಿತ್ ನಾಡ ಕೂಡೆ ಉಳ್ಳ ಅಣ್ಣತಮ್ಮಣಂಗ, ಗಲಾತ್ಯ ನಾಡ್‌ಲುಳ್ಳ ಸಬೇಕ್ ಒಳ್‍ದ್‍ವ ಕಾಗದ ಇದ್. 3ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು ಸಮಾದಾನವು ನಿಂಗಕ್ ಕ್‍ಟ್ಟಡ್. 4ಅಂವೊ ನಂಗಳ ಇಕ್ಕತ್‍ರ ಮೋಸವಾನ ಲೋಕತ್ಂಜ ಕಾಪಾಡ್‌ವಕಾಯಿತ್, ನಂಗಡ ಅಪ್ಪನಾನ ದೇವಡ ಚಿತ್ತತ್‍ರನೆಕೆ ನಂಗಡ ಪಾಪಕಾಯಿತ್ ಅಂವೊನ ಚಾವ್‍ಕ್ ಒಪ್ಪ್‌ಚಿಟ್ಟತ್. 5ಇದ್ಂಗಾಯಿತ್ ದೇವಕ್ ನಿತ್ಯ ಕಾಲಕ್ ಮಹಿಮೆ ಆಡ್, ಆಮೆನ್.
ಒರೇ ಒರ್ ನಲ್ಲ ಸುದ್ದಿ
6ನಿಂಗಳ ಯೇಸು ಕ್ರಿಸ್ತಂಡ ಕೃಪೇರಗುಂಡ್ ಕಾಕ್‍ನಂವೊನ ಬುಟ್ಟಿತ್, ಇಚ್ಚಕ್ ಬೆರಿಯ ಬೋರೆ ಒರ್ ನಲ್ಲ ಸುದ್ದಿರ ಬಟ್ಟೇಲ್#1.6 ಇಲ್ಲಿ ಬೋರೆ ಬಟ್ಟೇಂದ್ ಎಣ್ಣ್‌ವದ್ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ಬುಟ್ಟಿತ್ ನ್ಯಾಯಪ್ರಮಾಣತ್‍ರ ಬೋದನೆರಗುಂಡ್ ರಕ್ಷಣೆ ಕ್‍ಟ್ಟ್‌ವಕಾಯಿತ್ ಪ್ರಯತ್ನ ಪಡ್‍ವದ್ ಪೋಪದ್‌ನ ನೋಟುವಕ, ನಾಕ್ ದುಂಬ ಆಶ್ಚರ್ಯ ಆಯಂಡುಂಡ್. 7ಆಚೇಂಗಿ ಇದ್‍ನ ಬುಟ್ಟಿತ್ ಬೋರೆ ನಲ್ಲ ಸುದ್ದಿ ಏದ್ ಉಂಡ್? ಚೆನ್ನ ಜನ, ನಿಂಗಡ ಮನಸ್ಸ್‌ನ ಕಲ್‍ಕಿತ್ ಕ್ರಿಸ್ತಂಡ ನಲ್ಲ ಸುದ್ದಿನ ತಿರ್‌ಕ್‍ವಕ್ ಪ್ರಯತ್ನ ಪಟ್ಟಂಡುಳ್ಳದಲ್ಲತೆ ಬೋರೆ ಒಂದು ಮಾಡಿಯಂಡಿಲ್ಲೆ. 8ನಂಗಳಾಡ್, ಪರಲೋಕತ್ಂಜ ಬಪ್ಪ ದೇವದೂತನಾಡ್, ನಾನ್ ನಿಂಗಕ್ ಬೋದನೆ ಮಾಡ್‍ನ ನಲ್ಲ ಸುದ್ದಿಯಲ್ಲತೆ, ಬೋರೆ ಒರ್ ನಲ್ಲ ಸುದ್ದಿನ ಬೋದನೆ ಮಾಡ್‍ಚೇಂಗಿ ಅಂವೊ ನಿತ್ಯ ಶಾಪ ಕ್‍ಟ್ಟ್‌ನಂವೊನಾಯಿತ್ ಇರಡ್. 9ನಾನ್ ನಿಂಗಕ್ ಮಿಂಞಲೇ ಎಣ್ಣ್‌ನನೆಕೆ ಪುನಃ ಎಣ್ಣ್‌ವಿ; ನಿಂಗ ಸ್ವೀಕಾರ ಮಾಡ್‍ನ ನಲ್ಲ ಸುದ್ದಿಯಲ್ಲತೆ ಬೋರೆ ಒರ್ ನಲ್ಲ ಸುದ್ದಿನ ಒಬ್ಬ ಬೋದನೆ ಮಾಡ್‍ಚೇಂಗಿ ಅಂವೊ ಶಾಪ ಕ್‍ಟ್ಟ್‌ನಂವೊನಾಯಿತ್ ಇರಡ್. 10ಇಕ್ಕ ನಾನ್ ಮನುಷ್ಯಂಡ ಅಂಗಿಕಾರಕಾಯಿತಾ ಅಥವ ದೇವಡ ಅಂಗಿಕಾರಕಾಯಿತಾ, ಎಂತಂಗಾಯಿತ್ ಪೇಚಾಡಿಯಂಡುಂಡ್? ಅಲ್ಲತೆ ಮನುಷ್ಯನ ಕುಶಿಪಡ್‌ತ್‌ವಕಾಯಿತ್ ನಾನ್ ಮಾಡಿಯಂಡುಂಡಾ? ನಾನ್ ಇಂಞು ಮನುಷ್ಯನ ಕುಶಿಪಡ್‍ತ್‌ಂವೊನಾಯಿತ್ ಉಂಡೇಂಗಿ ನಾನ್ ಕಂಡಿತವಾಯಿತ್ ದೇವಡ ಸೇವಕನಲ್ಲ.
ಪೌಲ, ಅಪೊಸ್ತಲನಾನ ವಿಷಯ
11ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಪ್ರಚಾರ ಮಾಡ್‍ನ ನಲ್ಲ ಸುದ್ದಿರ ಬೋದನೆ ಒರ್ ಮನುಷ್ಯಂಡ ಗೇನತ್‍ರಗುಂಡ್ ಕ್‍ಟ್ಟ್‌ನದ್ ಅಲ್ಲಾಂದ್ ನಿಂಗಕ್ ಚಾಯಿತೆ ಗೊತ್ತಾಂಡೂಂದ್ ನಿಂಗಕ್ ಎಣ್ಣ್‌ವಿ. 12ಇದ್ ನಾಕ್ ಒರ್ ಮನುಷ್ಯಡಿಂಜ ಕ್‍ಟ್ಟ್‌ನದು ಅಲ್ಲ, ದಾರೂ ಬೋದನೆ ಮಾಡ್‌ನದು ಅಲ್ಲ. ಬದ್‍ಲಾಯಿತ್, ಯೇಸು ಕ್ರಿಸ್ತನೇ ಇದ್‍ನ ನಾಕ್ ಕಾಂಬ್‍ಚಿಟ್ಟತ್.
13ನಾನ್ ಯೆಹೂದ್ಯಂಗಡ ಪದ್ದತಿರ ಪ್ರಕಾರ ನಡ್ಂದಂಡಿಪ್ಪಕ, ನಾನ್ ಎನ್ನನೆ ಇಂಜ್‍ೕಂದ್ ನಿಂಗ ಕ್‍ೕಟಿತ್ತುಳ್ಳಿರ. ದೇವಡ ಸಬೇನ ಪಾಳ್ ಮಾಡಿತ್, ದೇವಡ ಮಕ್ಕಳ ದುಂಬ ತೊಂದರೆ ಮಾಡಿಯಂಡಿಂಜ. 14ಯೆಹೂದ್ಯ ಜನತ್‍ರ ಮದ್ಯತ್‍ಲ್ ನಾಡ ವಯಸ್‍ಕಾರಂಗಕಿಂಜಲು ದುಂಬ ಗೊತ್ತುಳ್ಳಂವೊನಾಯಿತ್, ನಾಡ ಅಜ್ಜಂಗಡ ಪದ್ದತಿರ ಮೇಲೆ ದುಂಬ ವೈರಾಗ್ಯತ್‍ಲ್ ನಡ್ಂದಂಡಿಂಜ. 15ಅನ್ನನೆ ಇಂಜತೇಂಗಿಯು, ನಾನ್ ಪುಟ್ಟ್‌ವಕಿಂಜ ಮಿಂಞಲೇ ನನ್ನ ಬೋರೆ ಮಾಡಿತ್ ಅಂವೊಂಡ ಕೃಪೇರಗುಂಡ್ ನನ್ನ ದೇವ ಕಾಕ್‍ಚಿ. 16ಅಂವೊಂಡ ಮೋಂವೊಂಡ ನಲ್ಲ ಸುದ್ದಿನ ಯೆಹೂದ್ಯರಲ್ಲತಯಿಂಗಕ್ ನಾನ್ ಎಣ್ಣ್‌ವಕಾಯಿತ್, ನಾಕ್ ಅಂವೊಂಡ ಮೋಂವೊನ ಕಾಂಬ್‍ಚಿಡುವಕ್ ಅಂವೊಂಗ್ ಕುಶಿಯಾಚಿ. ಅಕ್ಕ ನಾನ್ ದಾಡ ಪಕ್ಕವು ಇದ್ಂಡ ವಿಷಯತ್ ತಕ್ಕ್ ಪರಿಯುವಕು, ತಕ್ಕ್ ಕ್‍ೕಪಕು ಪೋಯಿತ್ತ್‌ಲ್ಲೆ. 17ನಾಕಿಂಜ ಮಿಂಞಲೇ ಅಪೊಸ್ತಲನಾಯಿತ್ಂಜಯಿಂಗಡ ಪಕ್ಕ ಯೆರೂಸಲೇಮ್‌ಕ್ ಪೋಕತೆ, ಅರಬಿ ದೇಶಕ್ ಪೋಯಿತ್ ದಮಸ್ಕ ಎಣ್ಣುವ ಪಟ್ಟಣಕ್ ಪುನಃ ವಾಪಸ್ ಬಾತ್. 18ಮೂಂದ್ ಕಾಲ ಆನ ಪಿಂಞ ನಾಕ್ ಪೇತ್ರನ ಪರಿಚಯ ಆಂಡೂಂದ್ ಯೆರೂಸಲೇಮ್‌ಕ್ ಪೋಯೆ. ಅಲ್ಲಿ ನಾನ್ ಅಂವೊಂಡ ಕೂಡೆ ಪದನಂಜಿ ದಿನ ಇಂಜ್. 19ಅಲ್ಲಿ ನಂಗಡ ಒಡೆಯನಾನ ಯೇಸುರ ತಮ್ಮಣ ಯಾಕೋಬನ ಬುಟ್ಟಿತ್ ಬೋರೆ ಅಪೊಸ್ತಲ ದಾರ್‌ನು ಕಂಡಿತ್‌ಲ್ಲೆ. 20ನಾನ್ ಇಕ್ಕ ಎಂತ ಒಳ್‌ದಿಯಂಡುಳ್ಳೆನೋ ಅದ್ ಸತ್ಯ. ದೇವಕ್ ಗೊತ್ತುಂಡ್ ನಾನ್ ಪೊಟ್ಟ್ ಪರ್ಂದಂಡಿಲ್ಲೇಂದ್. 21ಅಲ್ಲಿಂಜ ನಾನ್ ಸಿರಿಯ ಪಿಂಞ ಕಿಲಿಕ್ಯ ಎಣ್ಣುವ ಪ್ರಾಂತ್ಯಕ್ ಪೋಯೆ. 22ಆಚೇಂಗಿ, ಆ ಸಮಯತ್‍ಲ್ ಯೆಹೂದ್ಯ ಪ್ರಾಂತ್ಯತ್‍ಲ್ ಉಳ್ಳ ಸಬೇಕ್ ನನ್ನ ಗೊತ್ತ್‌ಂಜತ್‌ಲ್ಲೆ. 23ಮಿಂಞ ನಂಗಳ ತೊಂದರೆ ಮಾಡ್‍ನಂವೊನೇ, ತಾನ್ ಪಾಳ್ ಮಾಡಂಡೂಂದ್ ಮಾಡಿಯಂಡಿಂಜ ಅದೇ ನಂಬಿಕೇರ ಬೋದನೆನ ಅಂವೊ ಇಕ್ಕ ಪ್ರಚಾರ ಮಾಡಿಯಂಡ್ ಉಂಡ್‍ೕಂದ್ ಮಾತ್ರ ಅಯಿಂಗ ಕ್‍ೕಟಂಡಿಂಜತ್. 24ನಾಕಾಯಿತ್ ಅಯಿಂಗ ದೇವನ ತುದಿಚತ್.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)