Sawmus 144
144
Kabayhanay Kiyavwiye Uhokri adahan matakaki
1Kabayhanay Kiyavwiye Uhokri, numaptenten. Ignewa ahegbetan adahan kerka. Hawata ignewa kannuhun ker.
2Ignewa numaptenten. Ignewa nubiskekri. Ignewa nayemwekri. Hawata ignewa namnihten. Ig mpithamnihun kewa pahak arabbe, nah kamaxwa avitit gimapthani. Ig kumadukasa nawwotunyevwi nutuh.
3Kiyavwiye, pariyeki hiyeg ta pit, adahan pis kiyegi hene? Ig amadgaya inin, ig ka ariknawnama adahan pis iki pihiyekemni ta git.
4Hiyeg amadgaya inin ig kewa kamaygviyebe puhka; gidehetni in kewa anmaptibe mpiyevye.
5Kiyavwiye, muhuknaba inuriktak. Daxnaba waxribdi imuwadminene adahan in isahkis sariyan.
6Awahkisnaba ugugune. Hawata ibakhanaba neras nuvetunyavu. Havisnigkis akak piyaka kahadbe igkis bisikbetwikis.
7Taraknaba piwak inuriktak numkanit! Uya amnih wiwhun ariwntak ini un amihawni, ariw neras nuvetunyavu gidatnikis!
8Mmanawa igkis ka awnati inyewatma. Hawata igkis wasaymaw. Igkis awna ku giwnkis inyewa, bawa in he wasaymkanewa.
9Kiyavwiye Uhokri, ta pit nah paknek pahat nukune avat. Nah tesnek hebek madikawkunene arim payak nuvanuh adahan kabeyhene piw.
10Pisnewa iki kabayka git ikivarat. Hawata pisnewa wiwh pibuk Davi ariwntak miyaka.
11Uya amnih wiwhun giwkis nuvetunyavu arewhavye; ariw nawwotunyevwi gidatnikis. Igkis wasaymavye. Igkis ka awnati iwit inyewatma. Igkis awna ku giwnkis inyewa, bawa in he wasaymkanewa.
12Numawkan ukamkayuvwi awaykemni humawnek kewa amutribe kane aramusima, egkisme tinogben humawnek kewa inibe awakur ku pariye barewha ikivarat givin pitatkigtak.
13Adahan abeyhekri waxni misakwa kivunenekwa akak arakembet axka. Kahadbe amadga umata, uvigvu muwtoh kan ka aynsima gukamkayhkis.
14Marihwa pak kibihwa ka aynsima, marihwa pak tino ka matiswati kan. Hawata marihwa yuma kanmakiman adahan wakaymniki avigku ahin.
15Ka aynsima kabayka gidahankis nawwotunyevwi ku pariye kadahanyevwi madikte inin! Ka aynsima kabayka gidahankis hiyeg ku pariye kadahanye Kiyavwiye Uhokri kewa giwohkigabe!
Currently Selected:
Sawmus 144: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Sawmus 144
144
Kabayhanay Kiyavwiye Uhokri adahan matakaki
1Kabayhanay Kiyavwiye Uhokri, numaptenten. Ignewa ahegbetan adahan kerka. Hawata ignewa kannuhun ker.
2Ignewa numaptenten. Ignewa nubiskekri. Ignewa nayemwekri. Hawata ignewa namnihten. Ig mpithamnihun kewa pahak arabbe, nah kamaxwa avitit gimapthani. Ig kumadukasa nawwotunyevwi nutuh.
3Kiyavwiye, pariyeki hiyeg ta pit, adahan pis kiyegi hene? Ig amadgaya inin, ig ka ariknawnama adahan pis iki pihiyekemni ta git.
4Hiyeg amadgaya inin ig kewa kamaygviyebe puhka; gidehetni in kewa anmaptibe mpiyevye.
5Kiyavwiye, muhuknaba inuriktak. Daxnaba waxribdi imuwadminene adahan in isahkis sariyan.
6Awahkisnaba ugugune. Hawata ibakhanaba neras nuvetunyavu. Havisnigkis akak piyaka kahadbe igkis bisikbetwikis.
7Taraknaba piwak inuriktak numkanit! Uya amnih wiwhun ariwntak ini un amihawni, ariw neras nuvetunyavu gidatnikis!
8Mmanawa igkis ka awnati inyewatma. Hawata igkis wasaymaw. Igkis awna ku giwnkis inyewa, bawa in he wasaymkanewa.
9Kiyavwiye Uhokri, ta pit nah paknek pahat nukune avat. Nah tesnek hebek madikawkunene arim payak nuvanuh adahan kabeyhene piw.
10Pisnewa iki kabayka git ikivarat. Hawata pisnewa wiwh pibuk Davi ariwntak miyaka.
11Uya amnih wiwhun giwkis nuvetunyavu arewhavye; ariw nawwotunyevwi gidatnikis. Igkis wasaymavye. Igkis ka awnati iwit inyewatma. Igkis awna ku giwnkis inyewa, bawa in he wasaymkanewa.
12Numawkan ukamkayuvwi awaykemni humawnek kewa amutribe kane aramusima, egkisme tinogben humawnek kewa inibe awakur ku pariye barewha ikivarat givin pitatkigtak.
13Adahan abeyhekri waxni misakwa kivunenekwa akak arakembet axka. Kahadbe amadga umata, uvigvu muwtoh kan ka aynsima gukamkayhkis.
14Marihwa pak kibihwa ka aynsima, marihwa pak tino ka matiswati kan. Hawata marihwa yuma kanmakiman adahan wakaymniki avigku ahin.
15Ka aynsima kabayka gidahankis nawwotunyevwi ku pariye kadahanyevwi madikte inin! Ka aynsima kabayka gidahankis hiyeg ku pariye kadahanye Kiyavwiye Uhokri kewa giwohkigabe!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.