1 Tesalonisenses 3
3
Amakohnokwa usuh awahkis Timotyu atere iwasavyi
1Uyakni ka karisawnema mmanawa usuh ka hiyak ku samah yis mpiya ayge. Nikwe usuh ahegbete unetni adahan usuhme misakwa ay avit inin paytwempu Atenas, 2igme ukebyi kiyavwiye Timotyu atere iwasavyi. Ig kannivwiye gidahan Kiyavwiye Uhokri payak ukakuh adahan ig ekkene gitkis hiyeg inakni kibeyne inetit gidahan Cristo. Usuh awahkiswig adahan ig ikene yawaygi adahan ig wagahkisne yikamaxwan.
3Kahadbe ini yihiyvan mbeyne in ka dunih yawaygi. Mmanawa amawka ku wixwiy Jesus gihiyegavu hiyap mbeyne. Henewa Kiyavwiye Uhokri ikiswanaw udahanwiy.
4Amakohnokwa ku aysaw usuh ayge yibet, ayipa usuh akki yit ku wixwiy hiyap mbeynenek. Kuri in kuwis danuh. Yis kuwis hiyapni kuwis.
5 Awaku ini mbeyne nah kiyimare. Inneki keh nah awahkis kiyavwiye Timotyu atere yimin. Ku samah nuyakni ka karisawnema, nah awahkisgi adahan ig iwasavyi ku samah yikamaxwan ayge. Nah avise yikak ku nawenetke Satanas matekbete yihawkan. Wake ig keh henebe, nikwekam madikte wannivwi umaviswan ayge yibet in waditnevyenenkam.
Timotyu ewk wotuh kibeyne inetit yimin
6 Kibeyne, kuhwekwa ig kiyavwiye Timotyu diyuhe ayteke yiwntak. Ig ewk wotuh kibeyne inetit yimin. Ig akki wotuh ku samah yis yidukwenewa batek gikak Kiyavwiye Uhokri, yis yidukwenewa kamaxwenene givitit. Ig akki wotuh ku samah yis kiyene usuh akak batekka yis kadni uharit hawata ku samah usuh kadni yiharit.
7Nukebyuvwi, usuh time yak hene, in ike wawaygi akiw. Usuh ay abet kiyimwiki mbeyne heneme usuh time yak ku samah yis kamaxwenene kabayntiwa givitit Kiyavwiye Uhokri in ike awaygiwawaygi akiw.
8Ku samah yis kamaxwenenekwa givitit Kiyavwiye Uhokri, ini ikene umakniwni.
Usuh piriyepkewnenekwa yidahan
Ef 3.14; Kol 1.9; Fil 1.9; 1Tes 5.23; 2Tes 1.11, 2.16
9Kibeyne gidahan Kiyavwiye Uhokri. Usuh kabayhig yidahan ka aynsima. Usuh batek uminuh yikak mpinevevye giwtrik Kiyavwiye Uhokri.
10Takunipti usuh piriyepkaw avititak uyakni adahan usuh hiyepkere yihepka akiw, kahadbe usuh kannuhyi amin ku pariye hiyakemniki yis kote kannuhte amin yikamaxwan.
11Wigwiy Kiyavwiye Uhokri gikak Ukivarawiy Jesus igkis woka ahinek adahan usuh danuh atere yit akiw.
12Ig Ukivarawiy wagahkis yamnihranek. Ig keh yis batekakamnihakte pawtak akiwnek. Hawata yis pi amnihte madikte hiyeg akiw. Umawkan yis batek gikakkis kiyesrad hawata ku samah usuh batek yikak.
13Akak ini ig ikene yawaygi adahan yihiyekemni misakwa adukwenewa barewbetye. Ayge nikwe aysawnemenek ku aysaw ig Ukivarawiy Jesus danuh atan akak madikte gihiyegavu, avim ini yis kahayak barewvitye ay givetun Wigwiy Kiyavwiye Uhokri. Avim ini nikwe yis yumahwa yivathawni aynesnima giwtrik.
Currently Selected:
1 Tesalonisenses 3: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
1 Tesalonisenses 3
3
Amakohnokwa usuh awahkis Timotyu atere iwasavyi
1Uyakni ka karisawnema mmanawa usuh ka hiyak ku samah yis mpiya ayge. Nikwe usuh ahegbete unetni adahan usuhme misakwa ay avit inin paytwempu Atenas, 2igme ukebyi kiyavwiye Timotyu atere iwasavyi. Ig kannivwiye gidahan Kiyavwiye Uhokri payak ukakuh adahan ig ekkene gitkis hiyeg inakni kibeyne inetit gidahan Cristo. Usuh awahkiswig adahan ig ikene yawaygi adahan ig wagahkisne yikamaxwan.
3Kahadbe ini yihiyvan mbeyne in ka dunih yawaygi. Mmanawa amawka ku wixwiy Jesus gihiyegavu hiyap mbeyne. Henewa Kiyavwiye Uhokri ikiswanaw udahanwiy.
4Amakohnokwa ku aysaw usuh ayge yibet, ayipa usuh akki yit ku wixwiy hiyap mbeynenek. Kuri in kuwis danuh. Yis kuwis hiyapni kuwis.
5 Awaku ini mbeyne nah kiyimare. Inneki keh nah awahkis kiyavwiye Timotyu atere yimin. Ku samah nuyakni ka karisawnema, nah awahkisgi adahan ig iwasavyi ku samah yikamaxwan ayge. Nah avise yikak ku nawenetke Satanas matekbete yihawkan. Wake ig keh henebe, nikwekam madikte wannivwi umaviswan ayge yibet in waditnevyenenkam.
Timotyu ewk wotuh kibeyne inetit yimin
6 Kibeyne, kuhwekwa ig kiyavwiye Timotyu diyuhe ayteke yiwntak. Ig ewk wotuh kibeyne inetit yimin. Ig akki wotuh ku samah yis yidukwenewa batek gikak Kiyavwiye Uhokri, yis yidukwenewa kamaxwenene givitit. Ig akki wotuh ku samah yis kiyene usuh akak batekka yis kadni uharit hawata ku samah usuh kadni yiharit.
7Nukebyuvwi, usuh time yak hene, in ike wawaygi akiw. Usuh ay abet kiyimwiki mbeyne heneme usuh time yak ku samah yis kamaxwenene kabayntiwa givitit Kiyavwiye Uhokri in ike awaygiwawaygi akiw.
8Ku samah yis kamaxwenenekwa givitit Kiyavwiye Uhokri, ini ikene umakniwni.
Usuh piriyepkewnenekwa yidahan
Ef 3.14; Kol 1.9; Fil 1.9; 1Tes 5.23; 2Tes 1.11, 2.16
9Kibeyne gidahan Kiyavwiye Uhokri. Usuh kabayhig yidahan ka aynsima. Usuh batek uminuh yikak mpinevevye giwtrik Kiyavwiye Uhokri.
10Takunipti usuh piriyepkaw avititak uyakni adahan usuh hiyepkere yihepka akiw, kahadbe usuh kannuhyi amin ku pariye hiyakemniki yis kote kannuhte amin yikamaxwan.
11Wigwiy Kiyavwiye Uhokri gikak Ukivarawiy Jesus igkis woka ahinek adahan usuh danuh atere yit akiw.
12Ig Ukivarawiy wagahkis yamnihranek. Ig keh yis batekakamnihakte pawtak akiwnek. Hawata yis pi amnihte madikte hiyeg akiw. Umawkan yis batek gikakkis kiyesrad hawata ku samah usuh batek yikak.
13Akak ini ig ikene yawaygi adahan yihiyekemni misakwa adukwenewa barewbetye. Ayge nikwe aysawnemenek ku aysaw ig Ukivarawiy Jesus danuh atan akak madikte gihiyegavu, avim ini yis kahayak barewvitye ay givetun Wigwiy Kiyavwiye Uhokri. Avim ini nikwe yis yumahwa yivathawni aynesnima giwtrik.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.