1 Tesalonisenses 2
2
Usuh akki Uhokri giwn yuma kiniska nibet
2Ko 1.12, 4.1, 5.11
1Nukebyuvwi kibeynevwi, ka aynsima hiyeg awna uminuh ku usuh kinisekevutnevwi. Bawa ka henema, nukebyuvwi. Yiswa hiyakni ku samah inere wowskawni ayge yibet in ka waditnevyenenma. Heneme in keh yis uti ka aynsima kabayka.
2Avit usuh danuh atere usuh mpiyenete avitiw paytwempu Filivus. Yis kuwis hiyak ku samah hiyeg ayge arewha wotuh. Avim ini usuh ka aynsima hiyapkiska mbeyne wotuh. Heneme ka sam. Ku samah usuh danuh atere yit, ig Kiyavwiye Uhokri ike wawaygi adahan usuh kinetihwene yit akak madikte uboka. Hiyawa uvetunyavu suguhe usuh akak gihawnakis heneme usuh udukwenewa ekkenene yit Kiyavwiye Uhokri ginetni.
3Avim ini usuh akki yit inyewa iwit. Usuh ka ayta ekkenema iwit taraksebetnema. Kawki usuh ayta yit adahan arewhevyema yit, ine adahan yikinseptenma.
4Heneme usuh ayta yit awaku Kiyavwiye Uhokri kaniy usuh ig awahkis usuh atere adahan ekkene ginetni yit. Usuh ka aharitnema hiyeg amadgaya inin adahan igkis batek ukakuh. Usuh aharitne igwa Kiyavwiye Uhokri ku pariye hiyak madikte ku pariye ay abet uhiyekemni adahan ignewa batek ukakuh.
5Usuh danuh atere yit, usuh ka kinistay akak barewye iwit he ukehbetannen adahan yikinsetni. Yiswa hiyakni kabayntiwa. Usuh ka ayta yikinseptenma adahan usuh aharitnema yikakurama. Igwa Kiyavwiye Uhokri hiyakni ku usuh ka keh hene yikak.
6Usuh ka aharitnema yis kiyatha usuh. Usuh kawnata aharitnema nawenyevwi hiyeg kiyatha usuh.
7Heneme kis adahan yis kiyatha usuh mmanawa usuh Cristo giwatnivwi. Ka sam. Usuh ikaw huwipegevye yikak hawata kewa pahavu tinobe avuriwno gukamkayh akak madikte gubetki.
8Usuh batek yikak ka aynsima mpinevevye. Nikwe kawki ininewatma usuh iki yit inakni Kiyavwiye Uhokri ginetni, heneme hawata akiw usuhwa ikaw yit.
9Nukebyuvwi, ba yis kiyenema ku samah usuh kannivwiye ka aynsima ku aysaw usuh ayge yibet? Usuh kannivwiye adahan uvituh ku aysaw kabutnewka mataytak he misanpiwke kahadbe usuh ka iki awiyka yihamadgat adahan usuh ax yimana. Mmanawa ku aysaw usuh ekkene yit ini kibeyne inetit giwntak Kiyavwiye Uhokri, usuh ka axkere yiduhyamadga aynesnima.
10Ku samah usuh ayge yibet yis Jesus gihiyegavu, usuh ikaw Uhokriyanbetnewa. Usuh mpiksaw wew wadit, kiyate. Umawkan usuh ka taraksa yikak aynesnima. Yiswa hiyakni kabayntiwa. Kiyavwiye Uhokri hiyakni hawata.
11Avim ini usuh hiyak yikak kewa pahavwi igtibe ig hiyak gikakkis gikamkayuvwibe.
12Usuh ikene mpuse yihiyekemni. Usuh ikene mpuse yawaygi. Usuh ayepne yit adahan yis hawata ikaw Uhokriyanbetnewa. Mmanawa ignewa Kiyavwiye Uhokri humekwey adahan yis kawih gikumadukan adahan yis kawih gikiytani.
Ku samah yis amava Uhokri giwn, mbeyne hiyapkiska yit
13Nikwe usuh avanenekwa kabayha Kiyavwiye Uhokri adahan ku samah yis timap inakni Kiyavwiye Uhokri ginetni ku pariye usuh ekke yit, yis amavin kabayntiwa. Yis amavin ka kema hiyeg amadgayavu inin giwnkisma. Yis ameve Uhokriyewa giwn. Henewatbaki in. In inyewa Kiyavwiye Uhokri giwn. Ku samah yis ihpene inakni Kiyavwiye Uhokri giwn, in tiviknene wagahkisnene yihiyekemni.
14Hawata akiw, nukebyuvwi, ku samah yis ihpene inakni giwn, abetiw ini nikwe mbeyne hiyapkiska yit. Yis hiyepne mbeyne kuri kewa madikte neras Kiyavwiye Uhokri gihiyegavube aynte avit Judeyamnaw ku pariye kamaxwenevwi givitit Cristo Jesus. Yisme hiyepne mbeyne giwakukis yiyakivwi hiyeg ku pariye kane judeyenevwima hawata ku samah igkis hiyeg judeyenevwi igkis hiyepne mbeyne giwakukis giyakivwikis judeyenevwi.
15Neras judeyenevwi kane kamaxwanevwima igkis umehe Ukivarawiy Kiyavwiye Jesus hawata ku samah gihawkrivwikis umahave Uhokri gawnevevu pitatyevwi. Kurime igkis arewhe wotuh usuh Uhokri giwatnivwi. Amun ini igkis humaw Kiyavwiye Uhokri givetunyavu igkis humewne givetunyavukis madikte hiyeg.
16Mmanawa igkis mpithevye usuh adahan usuh ka kinetihwa gitkis hiyeg kahadbe ignes isahptaw ariw givathawnikis adahan igkis danuhne git Kiyavwiye Uhokri. He igkis mpithevye usuh adahan usuh ka kinetihwa gitkis hiyeg ku pariye kane judeyenevwima. Akak ini igkis wagahkisne gitaraksankis akiw. Ig Kiyavwiye Uhokri ka batek akak ini gitaraksankis aynesnima. Aysawnemenek ig hiyak gikakkisnek akak madikte gihawna.
Yis keh usuh bateke uminuh
17Nukebyuvwi, usuh kote ayivwite utepkemni ayteke yiwntak heneme ayipa kuwis usuh kadni yiharit ka aynsima. Usuh piyawakad yiw kuri heneme uyakni adukwenewa ayge yibet. Usuh kadni yiharit mpinevevye, usuh ka aynsima hiyepkere yihepka akiw.
18Nah Pol battukewnene kiberevut adahan nah hiyap ba usuh diyuh atere akiw heneme Satanas mpithe usuh.
19 Usuh muwaka darihwak yikak akiw mmanawa yisnewa iki wotuh wawaygi yisnewa keh usuh bateke uminuh. Aysawnemenek ku aysaw Ukivarawiy Jesus danuh atan akiw, nikwe usuh kabayhay ay givetun akak madikte ubetki.
20Mmanawa usuh batek kinetihwa yimin, usuh bateke uminuh yikak.
Currently Selected:
1 Tesalonisenses 2: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
1 Tesalonisenses 2
2
Usuh akki Uhokri giwn yuma kiniska nibet
2Ko 1.12, 4.1, 5.11
1Nukebyuvwi kibeynevwi, ka aynsima hiyeg awna uminuh ku usuh kinisekevutnevwi. Bawa ka henema, nukebyuvwi. Yiswa hiyakni ku samah inere wowskawni ayge yibet in ka waditnevyenenma. Heneme in keh yis uti ka aynsima kabayka.
2Avit usuh danuh atere usuh mpiyenete avitiw paytwempu Filivus. Yis kuwis hiyak ku samah hiyeg ayge arewha wotuh. Avim ini usuh ka aynsima hiyapkiska mbeyne wotuh. Heneme ka sam. Ku samah usuh danuh atere yit, ig Kiyavwiye Uhokri ike wawaygi adahan usuh kinetihwene yit akak madikte uboka. Hiyawa uvetunyavu suguhe usuh akak gihawnakis heneme usuh udukwenewa ekkenene yit Kiyavwiye Uhokri ginetni.
3Avim ini usuh akki yit inyewa iwit. Usuh ka ayta ekkenema iwit taraksebetnema. Kawki usuh ayta yit adahan arewhevyema yit, ine adahan yikinseptenma.
4Heneme usuh ayta yit awaku Kiyavwiye Uhokri kaniy usuh ig awahkis usuh atere adahan ekkene ginetni yit. Usuh ka aharitnema hiyeg amadgaya inin adahan igkis batek ukakuh. Usuh aharitne igwa Kiyavwiye Uhokri ku pariye hiyak madikte ku pariye ay abet uhiyekemni adahan ignewa batek ukakuh.
5Usuh danuh atere yit, usuh ka kinistay akak barewye iwit he ukehbetannen adahan yikinsetni. Yiswa hiyakni kabayntiwa. Usuh ka ayta yikinseptenma adahan usuh aharitnema yikakurama. Igwa Kiyavwiye Uhokri hiyakni ku usuh ka keh hene yikak.
6Usuh ka aharitnema yis kiyatha usuh. Usuh kawnata aharitnema nawenyevwi hiyeg kiyatha usuh.
7Heneme kis adahan yis kiyatha usuh mmanawa usuh Cristo giwatnivwi. Ka sam. Usuh ikaw huwipegevye yikak hawata kewa pahavu tinobe avuriwno gukamkayh akak madikte gubetki.
8Usuh batek yikak ka aynsima mpinevevye. Nikwe kawki ininewatma usuh iki yit inakni Kiyavwiye Uhokri ginetni, heneme hawata akiw usuhwa ikaw yit.
9Nukebyuvwi, ba yis kiyenema ku samah usuh kannivwiye ka aynsima ku aysaw usuh ayge yibet? Usuh kannivwiye adahan uvituh ku aysaw kabutnewka mataytak he misanpiwke kahadbe usuh ka iki awiyka yihamadgat adahan usuh ax yimana. Mmanawa ku aysaw usuh ekkene yit ini kibeyne inetit giwntak Kiyavwiye Uhokri, usuh ka axkere yiduhyamadga aynesnima.
10Ku samah usuh ayge yibet yis Jesus gihiyegavu, usuh ikaw Uhokriyanbetnewa. Usuh mpiksaw wew wadit, kiyate. Umawkan usuh ka taraksa yikak aynesnima. Yiswa hiyakni kabayntiwa. Kiyavwiye Uhokri hiyakni hawata.
11Avim ini usuh hiyak yikak kewa pahavwi igtibe ig hiyak gikakkis gikamkayuvwibe.
12Usuh ikene mpuse yihiyekemni. Usuh ikene mpuse yawaygi. Usuh ayepne yit adahan yis hawata ikaw Uhokriyanbetnewa. Mmanawa ignewa Kiyavwiye Uhokri humekwey adahan yis kawih gikumadukan adahan yis kawih gikiytani.
Ku samah yis amava Uhokri giwn, mbeyne hiyapkiska yit
13Nikwe usuh avanenekwa kabayha Kiyavwiye Uhokri adahan ku samah yis timap inakni Kiyavwiye Uhokri ginetni ku pariye usuh ekke yit, yis amavin kabayntiwa. Yis amavin ka kema hiyeg amadgayavu inin giwnkisma. Yis ameve Uhokriyewa giwn. Henewatbaki in. In inyewa Kiyavwiye Uhokri giwn. Ku samah yis ihpene inakni Kiyavwiye Uhokri giwn, in tiviknene wagahkisnene yihiyekemni.
14Hawata akiw, nukebyuvwi, ku samah yis ihpene inakni giwn, abetiw ini nikwe mbeyne hiyapkiska yit. Yis hiyepne mbeyne kuri kewa madikte neras Kiyavwiye Uhokri gihiyegavube aynte avit Judeyamnaw ku pariye kamaxwenevwi givitit Cristo Jesus. Yisme hiyepne mbeyne giwakukis yiyakivwi hiyeg ku pariye kane judeyenevwima hawata ku samah igkis hiyeg judeyenevwi igkis hiyepne mbeyne giwakukis giyakivwikis judeyenevwi.
15Neras judeyenevwi kane kamaxwanevwima igkis umehe Ukivarawiy Kiyavwiye Jesus hawata ku samah gihawkrivwikis umahave Uhokri gawnevevu pitatyevwi. Kurime igkis arewhe wotuh usuh Uhokri giwatnivwi. Amun ini igkis humaw Kiyavwiye Uhokri givetunyavu igkis humewne givetunyavukis madikte hiyeg.
16Mmanawa igkis mpithevye usuh adahan usuh ka kinetihwa gitkis hiyeg kahadbe ignes isahptaw ariw givathawnikis adahan igkis danuhne git Kiyavwiye Uhokri. He igkis mpithevye usuh adahan usuh ka kinetihwa gitkis hiyeg ku pariye kane judeyenevwima. Akak ini igkis wagahkisne gitaraksankis akiw. Ig Kiyavwiye Uhokri ka batek akak ini gitaraksankis aynesnima. Aysawnemenek ig hiyak gikakkisnek akak madikte gihawna.
Yis keh usuh bateke uminuh
17Nukebyuvwi, usuh kote ayivwite utepkemni ayteke yiwntak heneme ayipa kuwis usuh kadni yiharit ka aynsima. Usuh piyawakad yiw kuri heneme uyakni adukwenewa ayge yibet. Usuh kadni yiharit mpinevevye, usuh ka aynsima hiyepkere yihepka akiw.
18Nah Pol battukewnene kiberevut adahan nah hiyap ba usuh diyuh atere akiw heneme Satanas mpithe usuh.
19 Usuh muwaka darihwak yikak akiw mmanawa yisnewa iki wotuh wawaygi yisnewa keh usuh bateke uminuh. Aysawnemenek ku aysaw Ukivarawiy Jesus danuh atan akiw, nikwe usuh kabayhay ay givetun akak madikte ubetki.
20Mmanawa usuh batek kinetihwa yimin, usuh bateke uminuh yikak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.