2 ਕੁਰਿੰਥੁਸ 13
13
ਅੰਤਮ ਚਿਤਾਵਨੀ ਅਤੇ ਨਮਸਕਾਰ
1 #
ਵਿਵ 17:6, 19:15 ਹੁਣ ਮੈਂ ਤੁਹਾਡੇ ਕੋਲ ਤੀਜੀ ਵਾਰ ਆ ਰਿਹਾ ਹਾਂ । ਪਵਿੱਤਰ-ਗ੍ਰੰਥ ਕਹਿੰਦਾ ਹੈ, “ਹਰ ਇਲਜ਼ਾਮ ਦੋ ਜਾਂ ਤਿੰਨ ਗਵਾਹਾਂ ਦੇ ਦੁਆਰਾ ਸੱਚਾ ਸਿੱਧ ਹੋਵੇਗਾ ।” 2ਜਦੋਂ ਮੈਂ ਦੂਜੀ ਵਾਰ ਤੁਹਾਡੇ ਕੋਲ ਆਇਆ ਸੀ, ਉਸ ਸਮੇਂ ਵੀ ਮੈਂ ਸਾਰਿਆਂ ਨੂੰ ਚਿਤਾਵਨੀ ਦਿੱਤੀ ਸੀ, ਖ਼ਾਸ ਕਰ ਕੇ ਉਹਨਾਂ ਨੂੰ ਜਿਹਨਾਂ ਨੇ ਪਹਿਲਾਂ ਪਾਪ ਕੀਤਾ ਸੀ ਅਤੇ ਹੁਣ ਮੈਂ ਤੁਹਾਡੇ ਕੋਲ ਆਉਣ ਤੋਂ ਪਹਿਲਾਂ ਹੀ ਚਿਤਾਵਨੀ ਦੇ ਰਿਹਾ ਹਾਂ ਕਿ ਜੇਕਰ ਮੈਂ ਫਿਰ ਆਇਆ ਤਾਂ ਕਿਸੇ ਉੱਤੇ ਵੀ ਤਰਸ ਨਹੀਂ ਕਰਾਂਗਾ 3ਕਿਉਂਕਿ ਤੁਸੀਂ ਇਸ ਗੱਲ ਦਾ ਸਬੂਤ ਚਾਹੁੰਦੇ ਹੋ ਕਿ ਮਸੀਹ ਮੇਰੇ ਦੁਆਰਾ ਬੋਲਦੇ ਹਨ । ਉਹ ਤੁਹਾਡੇ ਪ੍ਰਤੀ ਕਮਜ਼ੋਰ ਨਹੀਂ ਸਗੋਂ ਉਹਨਾਂ ਦੀ ਸਮਰੱਥਾ ਤੁਹਾਡੇ ਵਿੱਚ ਕੰਮ ਕਰਦੀ ਹੈ । 4ਇਹ ਸੱਚ ਹੈ ਕਿ ਜਿਸ ਸਮੇਂ ਪ੍ਰਭੂ ਯਿਸੂ ਨੂੰ ਸਲੀਬ ਉੱਤੇ ਚੜ੍ਹਾਇਆ ਗਿਆ ਤਾਂ ਉਹ ਕਮਜ਼ੋਰ ਸਨ ਪਰ ਫਿਰ ਵੀ ਪਰਮੇਸ਼ਰ ਦੀ ਸਮਰੱਥਾ ਨਾਲ ਜਿਊਂਦੇ ਹਨ । ਅਸੀਂ ਵੀ ਪ੍ਰਭੂ ਯਿਸੂ ਵਿੱਚ ਕਮਜ਼ੋਰ ਹਾਂ ਪਰ ਪਰਮੇਸ਼ਰ ਦੀ ਸਮਰੱਥਾ ਦੁਆਰਾ ਜਿਹੜੀ ਤੁਹਾਡੇ ਲਈ ਹੈ, ਅਸੀਂ ਉਹਨਾਂ ਦੇ ਨਾਲ ਜੀਵਾਂਗੇ ।
5ਆਪਣੇ ਆਪ ਨੂੰ ਪਰਖੋ ਕਿ ਤੁਹਾਡਾ ਵਿਸ਼ਵਾਸ ਪੱਕਾ ਹੈ ਜਾਂ ਨਹੀਂ । ਆਪਣੀ ਪਰੀਖਿਆ ਆਪ ਹੀ ਲਵੋ । ਕੀ ਤੁਸੀਂ ਨਹੀਂ ਜਾਣਦੇ ਕਿ ਮਸੀਹ ਤੁਹਾਡੇ ਵਿੱਚ ਹਨ ? ਜੇਕਰ ਨਹੀਂ ਤਾਂ ਸਮਝੋ ਕਿ ਤੁਸੀਂ ਅਸਫ਼ਲ ਰਹੇ ਹੋ । 6ਮੈਨੂੰ ਉਮੀਦ ਹੈ ਕਿ ਤੁਸੀਂ ਜਾਣ ਜਾਵੋਗੇ ਅਸੀਂ ਅਸਫ਼ਲ ਨਹੀਂ ਰਹੇ । 7ਸਾਡੀ ਪਰਮੇਸ਼ਰ ਅੱਗੇ ਪ੍ਰਾਰਥਨਾ ਹੈ ਕਿ ਤੁਸੀਂ ਕੋਈ ਬੁਰਾਈ ਨਾ ਕਰੋ ਇਸ ਲਈ ਨਹੀਂ ਕਿ ਅਸੀਂ ਸਫ਼ਲ ਹੋਈਏ ਪਰ ਤੁਸੀਂ ਭਲਾਈ ਕਰੋ ਭਾਵੇਂ ਅਸੀਂ ਅਸਫ਼ਲ ਹੀ ਹੋਈਏ । 8ਕਿਉਂਕਿ ਅਸੀਂ ਸੱਚ ਦੇ ਵਿਰੁੱਧ ਕੁਝ ਨਹੀਂ ਕਰ ਸਕਦੇ ਪਰ ਸੱਚ ਦੇ ਲਈ ਹੀ ਕਰ ਸਕਦੇ ਹਾਂ । 9ਸਾਨੂੰ ਖ਼ੁਸ਼ੀ ਹੈ ਕਿ ਜਦੋਂ ਅਸੀਂ ਕਮਜ਼ੋਰ ਹੁੰਦੇ ਹਾਂ ਤਾਂ ਤੁਸੀਂ ਤਕੜੇ ਹੁੰਦੇ ਹੋ । ਸਾਡੀ ਇਹ ਪ੍ਰਾਰਥਨਾ ਹੈ ਕਿ ਤੁਸੀਂ ਸੰਪੂਰਨ ਬਣੋ । 10ਹੁਣ ਮੈਂ ਤੁਹਾਡੇ ਕੋਲ ਨਹੀਂ ਹਾਂ ਅਤੇ ਮੇਰੇ ਲਿਖਣ ਦਾ ਕਾਰਨ ਇਹ ਹੈ ਕਿ ਜਦੋਂ ਮੈਂ ਤੁਹਾਡੇ ਕੋਲ ਆਵਾਂ ਤਦ ਮੈਨੂੰ ਤੁਹਾਡੇ ਨਾਲ ਆਪਣੇ ਅਧਿਕਾਰ ਦੀ ਵਰਤੋਂ ਸਖ਼ਤੀ ਨਾਲ ਨਾ ਕਰਨੀ ਪਵੇ ਕਿਉਂਕਿ ਪ੍ਰਭੂ ਨੇ ਇਹ ਅਧਿਕਾਰ ਮੈਨੂੰ ਤੁਹਾਡੀ ਆਤਮਿਕ ਉਸਾਰੀ ਦੇ ਲਈ ਦਿੱਤਾ ਹੈ ਨਾ ਕਿ ਡੇਗਣ ਦੇ ਲਈ ।
11ਹੁਣ ਅੰਤ ਵਿੱਚ ਮੇਰੇ ਭਰਾਵੋ ਅਤੇ ਭੈਣੋ, ਖ਼ੁਸ਼ ਰਹੋ ! ਸੰਪੂਰਨ ਬਣਨ ਦੀ ਕੋਸ਼ਿਸ਼ ਕਰੋ, ਇੱਕ ਦੂਜੇ ਨੂੰ ਹੌਸਲਾ ਦੇਵੋ, ਇੱਕ ਮਨ ਹੋ ਕੇ ਰਹੋ, ਸ਼ਾਂਤੀ ਨਾਲ ਰਹੋ ਅਤੇ ਪਰਮੇਸ਼ਰ ਦਾ ਪਿਆਰ ਅਤੇ ਸ਼ਾਂਤੀ ਤੁਹਾਡੇ ਨਾਲ ਹੋਣ !
12ਇੱਕ ਦੂਜੇ ਨਾਲ ਭਰਾਵਾਂ ਅਤੇ ਭੈਣਾਂ ਵਾਲਾ ਪਿਆਰ#13:12 ਮੂਲ ਭਾਸ਼ਾ ਵਿੱਚ ਇੱਥੇ ‘ਪਵਿੱਤਰ ਚੁੰਮਾ’ ਹੈ । ਕਰੋ । ਪਰਮੇਸ਼ਰ ਦੇ ਸਾਰੇ ਲੋਕ ਤੁਹਾਨੂੰ ਨਮਸਕਾਰ ਕਹਿੰਦੇ ਹਨ ।
13ਪ੍ਰਭੂ ਯਿਸੂ ਮਸੀਹ ਦੀ ਕਿਰਪਾ, ਪਰਮੇਸ਼ਰ ਦਾ ਪਿਆਰ ਅਤੇ ਪਵਿੱਤਰ ਆਤਮਾ ਦੀ ਸੰਗਤ, ਤੁਹਾਡੇ ਸਾਰਿਆਂ ਦੇ ਨਾਲ ਰਹੇ !
Currently Selected:
2 ਕੁਰਿੰਥੁਸ 13: CL-NA
Highlight
Share
Copy
Want to have your highlights saved across all your devices? Sign up or sign in
Punjabi Common Language (North American Version):
Text © 2021 Canadian Bible Society and Bible Society of India
