1 ਕੁਰਿੰਥੁਸ 5

ਕਲੀਸੀਯਾ ਵਿੱਚ ਵਿਭਚਾਰ

1 # ਵਿਵ 22:30 ਮੈਨੂੰ ਇਹ ਵੀ ਦੱਸਿਆ ਗਿਆ ਹੈ ਕਿ ਤੁਹਾਡੇ ਵਿੱਚ ਵਿਭਚਾਰ ਹੋ ਰਿਹਾ ਹੈ ਸਗੋਂ ਇਸ ਤਰ੍ਹਾਂ ਦਾ ਵਿਭਚਾਰ ਜਿਹੜਾ ਪਰਾਈਆਂ ਕੌਮਾਂ ਵਿੱਚ ਵੀ ਨਹੀਂ ਹੁੰਦਾ । ਤੁਹਾਡੇ ਵਿੱਚੋਂ ਕਿਸੇ ਨੇ ਆਪਣੀ ਮਤਰੇਈ ਮਾਂ ਨੂੰ ਰੱਖ ਲਿਆ ਹੈ । 2ਕੀ ਤੁਸੀਂ ਇਸ ਉੱਤੇ ਘਮੰਡ ਕਰ ਰਹੇ ਹੋ ? ਤੁਹਾਨੂੰ ਤਾਂ ਅਫ਼ਸੋਸ ਕਰਨਾ ਚਾਹੀਦਾ ਹੈ ਅਤੇ ਇਸ ਤਰ੍ਹਾਂ ਦੇ ਕੰਮ ਕਰਨ ਵਾਲੇ ਨੂੰ ਆਪਣੀ ਸੰਗਤ ਵਿੱਚੋਂ ਕੱਢ ਦੇਣਾ ਚਾਹੀਦਾ ਹੈ । 3ਭਾਵੇਂ ਮੈਂ ਸਰੀਰਕ ਤੌਰ ਤੇ ਤੁਹਾਡੇ ਤੋਂ ਦੂਰ ਹਾਂ ਪਰ ਮੈਂ ਆਤਮਿਕ ਤੌਰ ਤੇ ਤੁਹਾਡੇ ਨਾਲ ਹਾਂ । ਇਸ ਤਰ੍ਹਾਂ ਤੁਹਾਡੇ ਵਿੱਚ ਆਪਣੇ ਆਪ ਨੂੰ ਹਾਜ਼ਰ ਮੰਨਦੇ ਹੋਏ, ਮੈਂ ਉਸ ਬੁਰੇ ਕੰਮ ਕਰਨ ਵਾਲੇ ਦੇ ਵਿਰੁੱਧ ਆਪਣਾ ਫ਼ੈਸਲਾ ਦੇ ਚੁੱਕਾ ਹਾਂ । 4ਜਦੋਂ ਤੁਸੀਂ ਪ੍ਰਭੂ ਯਿਸੂ ਮਸੀਹ ਦੇ ਨਾਮ ਵਿੱਚ ਇਕੱਠੇ ਹੋਵੋ ਤਾਂ ਮੈਂ ਵੀ ਆਤਮਿਕ ਤੌਰ ਤੇ ਤੁਹਾਡੇ ਵਿੱਚ ਹੋਵਾਂਗਾ । ਫਿਰ ਉਸ ਸਮੇਂ ਆਪਣੇ ਪ੍ਰਭੂ ਯਿਸੂ ਦੀ ਸਮਰੱਥਾ ਨਾਲ 5ਉਸ ਆਦਮੀ ਨੂੰ ਸ਼ੈਤਾਨ ਦੇ ਹੱਥਾਂ ਵਿੱਚ ਸੌਂਪ ਦੇਵੋ ਕਿ ਉਸ ਦਾ ਸਰੀਰ ਨਾਸ਼ ਹੋ ਜਾਵੇ ਤਾਂ ਜੋ ਉਸ ਦੀ ਆਤਮਾ ਪ੍ਰਭੂ ਦੇ ਦਿਨ ਮੁਕਤੀ ਪਾਵੇ ।

6 # ਗਲਾ 5:9 ਤੁਹਾਡਾ ਘਮੰਡ ਕਰਨਾ ਚੰਗਾ ਨਹੀਂ ਹੈ । ਕੀ ਤੁਸੀਂ ਨਹੀਂ ਜਾਣਦੇ ਕਿ ਥੋੜ੍ਹਾ ਜਿਹਾ ਖ਼ਮੀਰ ਸਾਰੇ ਗੁੰਨ੍ਹੇ ਹੋਏ ਆਟੇ ਨੂੰ ਖ਼ਮੀਰਾ ਕਰ ਦਿੰਦਾ ਹੈ ? 7#ਕੂਚ 12:5ਤੁਸੀਂ ਆਪਣੇ ਵਿੱਚੋਂ ਪੁਰਾਣਾ ਖ਼ਮੀਰ ਸਾਫ਼ ਕਰੋ ਕਿ ਤੁਸੀਂ ਨਵਾਂ ਗੁੰਨ੍ਹਿਆ ਹੋਇਆ ਆਟਾ ਬਣ ਜਾਵੋ, ਜਿਵੇਂ ਕਿ ਤੁਸੀਂ ਹੋ । ਸਾਡਾ ਪਸਾਹ ਦਾ ਤਿਉਹਾਰ ਸ਼ੁਰੂ ਹੋ ਚੁੱਕਾ ਹੈ, ਕਿਉਂਕਿ ਸਾਡਾ ਪਸਾਹ ਦਾ ਲੇਲਾ ਭਾਵ ਮਸੀਹ ਬਲੀਦਾਨ ਦਿੱਤਾ ਜਾ ਚੁੱਕਾ ਹੈ । 8#ਕੂਚ 13:7, ਵਿਵ 16:3ਇਸ ਲਈ ਆਓ, ਅਸੀਂ ਪਸਾਹ ਮਨਾਈਏ ਪਰ ਪਾਪ ਅਤੇ ਬੁਰਾਈ ਨਾਲ ਭਰੀ ਖ਼ਮੀਰੀ ਰੋਟੀ ਨਾਲ ਨਹੀਂ ਸਗੋਂ ਉਸ ਅਖ਼ਮੀਰੀ ਰੋਟੀ ਨਾਲ ਜਿਹੜੀ ਸ਼ੁੱਧ ਅਤੇ ਸੱਚੀ ਹੈ ।

9ਮੈਂ ਤੁਹਾਨੂੰ ਆਪਣੇ ਪੱਤਰ ਵਿੱਚ ਲਿਖਿਆ ਸੀ ਕਿ ਤੁਸੀਂ ਵਿਭਚਾਰੀਆਂ ਦੇ ਨਾਲ ਕੋਈ ਸੰਬੰਧ ਨਾ ਰੱਖੋ । 10ਪਰ ਮੇਰੇ ਕਹਿਣ ਦਾ ਇਹ ਬਿਲਕੁਲ ਅਰਥ ਨਹੀਂ ਸੀ ਕਿ ਤੁਸੀਂ ਸੰਸਾਰ ਵਿੱਚੋਂ ਵਿਭਚਾਰੀਆਂ, ਲੋਭੀਆਂ, ਲੁਟੇਰਿਆਂ ਅਤੇ ਮੂਰਤੀ ਪੂਜਕਾਂ ਤੋਂ ਵੱਖਰੇ ਰਹੋ ਕਿਉਂਕਿ ਇਹ ਕਰਨ ਦੇ ਲਈ ਤਾਂ ਤੁਹਾਨੂੰ ਸੰਸਾਰ ਨੂੰ ਹੀ ਛੱਡਣਾ ਪਵੇਗਾ । 11ਅਸਲ ਵਿੱਚ ਮੇਰੇ ਲਿਖਣ ਦਾ ਅਰਥ ਸੀ ਕਿ ਤੁਸੀਂ ਉਸ ਨਾਲ ਕੋਈ ਸੰਬੰਧ ਨਾ ਰੱਖੋ ਜਿਹੜਾ ਆਪਣੇ ਆਪ ਨੂੰ ਕਹਿੰਦਾ ਤਾਂ ਵਿਸ਼ਵਾਸੀ ਹੈ ਪਰ ਉਹ ਵਿਭਚਾਰੀ ਜਾਂ ਲੋਭੀ ਜਾਂ ਮੂਰਤੀ ਪੂਜਕ ਜਾਂ ਬਕਵਾਸੀ ਜਾਂ ਸ਼ਰਾਬੀ ਜਾਂ ਲੁਟੇਰਾ ਹੈ । ਇੱਥੋਂ ਤੱਕ ਕਿ ਅਜਿਹੇ ਨਾਲ ਤੁਸੀਂ ਬੈਠ ਕੇ ਖਾਓ ਤੱਕ ਵੀ ਨਾ । 12ਮੈਨੂੰ ਬਾਹਰ ਦੇ ਲੋਕਾਂ ਨੂੰ ਦੋਸ਼ੀ ਠਹਿਰਾਉਣ ਦਾ ਕੀ ਹੱਕ ਹੈ ? 13#ਵਿਵ 13:5, 17:7ਪਰਮੇਸ਼ਰ ਆਪ ਉਹਨਾਂ ਨੂੰ ਦੋਸ਼ੀ ਠਹਿਰਾਉਣਗੇ । “ਦੁਸ਼ਟ ਨੂੰ ਆਪਣੇ ਵਿੱਚੋਂ ਬਾਹਰ ਕੱਢ ਦੇਵੋ ।”

Currently Selected:

1 ਕੁਰਿੰਥੁਸ 5: CL-NA

Highlight

Copy