Sefania 1
1
1Waa Korowii aa kpɔa baɡle Sefania, ɡɛ saŋ Amɔn bibaa Josia#2Ko 22—23 aa di kora Juda harɛ ta laanee nɔ. Sefania mɛɛ sɔne Kusi, asɛ Kusi mɛɛ sɔne Gedalia, Gedalia mɛɛ sɔne Amaria, asɛ Amaria ɡe mɛɛ sɔne Hɛsɛkea.
Korowii Tɔpere waa bol waa dɛ́ pa bole
2Korowii ŋɔ,
“N dɛ ba komɛlbwa chɔɡa
le harɛ nɔ ta.
3Mɛɛ chɔɡ nɛwɛnyina
ne ola bwaa,
ne jumbii aa dɛ ɡah
nyundua,
ne mpo bini pɛŋa bwa.
Nɛnchɔɡa ɛɛ daŋɔɔ chɔ kɛŋɔ
dea aa chola chɔ ken,
dɛ́ chɔɡ nɛwɛnyina bwa,
nomɛlbwa aa wola ka.
Men Korowiirii bola.
4Mɛɛ tɛr Juda harɛ,
ne nɛra baa soɡe
Jerusalam la bwa deŋnee.
Mɛɛ chɔɡ voɡ Baal
ne o komɛlbwaa kwaraa,
ásɛ nomɛlbwa aa o
kerekpoŋra la waa lii kpa.
5Mɛɛ chɔɡ nɛra baa teehna
kaa deene dor
kaa tomɛ wee, ne korobie
dɛ weweela,
ne banɔ la baa ŋwɛɛra ŋɔ ba
dɛ tom mɛ kɛ dɛ berɛ kaa
tomɛ voɡ Molɛk
ɡe ja laanee.#Lew 18:21
6Mɛɛ chɔɡ banɔ la baa berɛ
habɔɔ dɛ vɛh n nɛɛ teŋa,
ne banɔ la baa wola n be
ba ń baɡ ba waa laanee.
7Bɛ́lbwa hel
men Nemenɛ Korowii sie.
Tɔpere maa lea cheɡ
dɛ́ bol n nɛra waa
dɛ́ pa bole la telo tonɛ.
N dɛ ba n nɛra Juda tena
kpoora ɛ saraha,
dɛ́ le ba dɔma bá ba yoo ba
dɛ́ pa ba laala.#Hab 2:20
8A ɡɛ Korowii saraha Tɔpere la, mɛɛ tɛr nomonome
ne koobii dɛ nɛra baa kpɔ
harɛfale bɛl nawee waa
do ba te la deŋnee.
9A ɡɛ tɔpere la, mɛɛ tɛr nɛra
baa dɛ tomɛ voɡa deŋnee,
ne banɔ la baa kpoo nɛra,
dɛ ŋwɛ ba laala dɛ pa ka su
ba voɡ baa dɛ tomɔ dea la
ɡe deŋnee.
10A ɡɛ tɔpere la,
hɛɛ no wii le bwɛjen
Jerusalam Pɛŋa Doonyoa
bela, dɛ́ no wii le
bwɛɛ la bwɛfala pera,
ásɛ ɡbɔɡa kohona ɛɛ le
deŋɡarere aa bɛne bwɛɛ la
dor.
11He nɛra haa soɡe bwɛɛ la
yawa ta bɔr pera,
hɛ́ɛ wi kohona,
he bonadiire ne banɔ la
baa dɛ peɡri suuɡapoŋa#1:11 A ɡɛ saŋ dɛ suuɡa toole. Suuɡapoŋa nee baa di bona.
la bwa dɛ́ ba serewa.
12A ɡɛ saŋ mɛɛ kpɔ kandeaa
ɡaaɡe Jerusalam bwa,
dɛ́ tɛr nɛra baa dɛ lii kɛŋɔ
wobɛlbwa ta ban hiaeh,
ba nyu bini do ba som la
deŋne,
dɛɛ lii ŋɔ, ‘Wobɛlbwa aa ɛ
wedɛɛɡa kɛɛ anchɔɡa la,
Korowii waane laa.’
13Ba dɔma ɛɛ pa ba
kondɔɔh bwaa kaa,
dɛ́ chɔɡ ba deene.
Baa ma deenee,
kɛ baa a binii so,
dɛ́ parɛ ɡrepo daa kooni,
baa a nɔnaa dɔ ɛ sen nyɔ.”
Korowii Tɔpejen waa lea cheɡ
14Korowii Tɔpejen waa lea cheɡ
o do ɔma la telo tonɛ,
o dɛ ba warawara,
o pu yaa tonɛ.
A ɡɛ tɔpere la ɛɛ ɛ sibeɡraa
taeh, banyoola ɛɛ do
lɔŋɔre kohonaa.
15A ɡɛ tɔpere la, Korowii
bwaawee ɛɛ ir nɛra nɛɛ
taeh,
suna ne wenaale tɔperee,
wahala nae ne chɔɡa
ɡbosoroo, ásɛ baama tɔ,
bɔr ɛ jumaa ken.
Bɔr dɛ ba bira kohona
a ɡɛ tɔpere,
16wɛɛ ɛ laa bɛle hoeh tɔperee,
ásɛ laa tena lɔŋɔre tɔ.
Baa yo bwɛjena baa ma
danjwɛkpeɡa bara,
a dɔ dejaŋaa.
17Korowii ŋɔ,
“Mɛɛ kpɔ a ɡɛ wenaale nɔɔ
ba ta nɛra
baa ɛ wechɔɡa dɛ jo n nɛ,
ásɛ baa laɡre bɔr
kɛŋɔ nyoŋa ken.
Baa ɛɛ mɛ wechɔɡa nomanta,
mɛɛ fuɡe ba chalee ta
kɛŋɔ nee ken,
ásɛ ba lala chɔ dɛ́ pɔh.”
18Korowii bwaawee Tɔpere la,
ba suuɡaswɛm kɛɛ
suuɡapoŋa aa won lɛɛ ba.
O bwaawee dɛ ba harɛ nɔ
bwa fuih kɛŋɔ nii ken.
Nomɛlbwa waa soɡe
harɛ nɔ ta
waa ɛɛ ba a jaɡaa buɡ ta.
Currently Selected:
Sefania 1: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Sefania 1
1
1Waa Korowii aa kpɔa baɡle Sefania, ɡɛ saŋ Amɔn bibaa Josia#2Ko 22—23 aa di kora Juda harɛ ta laanee nɔ. Sefania mɛɛ sɔne Kusi, asɛ Kusi mɛɛ sɔne Gedalia, Gedalia mɛɛ sɔne Amaria, asɛ Amaria ɡe mɛɛ sɔne Hɛsɛkea.
Korowii Tɔpere waa bol waa dɛ́ pa bole
2Korowii ŋɔ,
“N dɛ ba komɛlbwa chɔɡa
le harɛ nɔ ta.
3Mɛɛ chɔɡ nɛwɛnyina
ne ola bwaa,
ne jumbii aa dɛ ɡah
nyundua,
ne mpo bini pɛŋa bwa.
Nɛnchɔɡa ɛɛ daŋɔɔ chɔ kɛŋɔ
dea aa chola chɔ ken,
dɛ́ chɔɡ nɛwɛnyina bwa,
nomɛlbwa aa wola ka.
Men Korowiirii bola.
4Mɛɛ tɛr Juda harɛ,
ne nɛra baa soɡe
Jerusalam la bwa deŋnee.
Mɛɛ chɔɡ voɡ Baal
ne o komɛlbwaa kwaraa,
ásɛ nomɛlbwa aa o
kerekpoŋra la waa lii kpa.
5Mɛɛ chɔɡ nɛra baa teehna
kaa deene dor
kaa tomɛ wee, ne korobie
dɛ weweela,
ne banɔ la baa ŋwɛɛra ŋɔ ba
dɛ tom mɛ kɛ dɛ berɛ kaa
tomɛ voɡ Molɛk
ɡe ja laanee.#Lew 18:21
6Mɛɛ chɔɡ banɔ la baa berɛ
habɔɔ dɛ vɛh n nɛɛ teŋa,
ne banɔ la baa wola n be
ba ń baɡ ba waa laanee.
7Bɛ́lbwa hel
men Nemenɛ Korowii sie.
Tɔpere maa lea cheɡ
dɛ́ bol n nɛra waa
dɛ́ pa bole la telo tonɛ.
N dɛ ba n nɛra Juda tena
kpoora ɛ saraha,
dɛ́ le ba dɔma bá ba yoo ba
dɛ́ pa ba laala.#Hab 2:20
8A ɡɛ Korowii saraha Tɔpere la, mɛɛ tɛr nomonome
ne koobii dɛ nɛra baa kpɔ
harɛfale bɛl nawee waa
do ba te la deŋnee.
9A ɡɛ tɔpere la, mɛɛ tɛr nɛra
baa dɛ tomɛ voɡa deŋnee,
ne banɔ la baa kpoo nɛra,
dɛ ŋwɛ ba laala dɛ pa ka su
ba voɡ baa dɛ tomɔ dea la
ɡe deŋnee.
10A ɡɛ tɔpere la,
hɛɛ no wii le bwɛjen
Jerusalam Pɛŋa Doonyoa
bela, dɛ́ no wii le
bwɛɛ la bwɛfala pera,
ásɛ ɡbɔɡa kohona ɛɛ le
deŋɡarere aa bɛne bwɛɛ la
dor.
11He nɛra haa soɡe bwɛɛ la
yawa ta bɔr pera,
hɛ́ɛ wi kohona,
he bonadiire ne banɔ la
baa dɛ peɡri suuɡapoŋa#1:11 A ɡɛ saŋ dɛ suuɡa toole. Suuɡapoŋa nee baa di bona.
la bwa dɛ́ ba serewa.
12A ɡɛ saŋ mɛɛ kpɔ kandeaa
ɡaaɡe Jerusalam bwa,
dɛ́ tɛr nɛra baa dɛ lii kɛŋɔ
wobɛlbwa ta ban hiaeh,
ba nyu bini do ba som la
deŋne,
dɛɛ lii ŋɔ, ‘Wobɛlbwa aa ɛ
wedɛɛɡa kɛɛ anchɔɡa la,
Korowii waane laa.’
13Ba dɔma ɛɛ pa ba
kondɔɔh bwaa kaa,
dɛ́ chɔɡ ba deene.
Baa ma deenee,
kɛ baa a binii so,
dɛ́ parɛ ɡrepo daa kooni,
baa a nɔnaa dɔ ɛ sen nyɔ.”
Korowii Tɔpejen waa lea cheɡ
14Korowii Tɔpejen waa lea cheɡ
o do ɔma la telo tonɛ,
o dɛ ba warawara,
o pu yaa tonɛ.
A ɡɛ tɔpere la ɛɛ ɛ sibeɡraa
taeh, banyoola ɛɛ do
lɔŋɔre kohonaa.
15A ɡɛ tɔpere la, Korowii
bwaawee ɛɛ ir nɛra nɛɛ
taeh,
suna ne wenaale tɔperee,
wahala nae ne chɔɡa
ɡbosoroo, ásɛ baama tɔ,
bɔr ɛ jumaa ken.
Bɔr dɛ ba bira kohona
a ɡɛ tɔpere,
16wɛɛ ɛ laa bɛle hoeh tɔperee,
ásɛ laa tena lɔŋɔre tɔ.
Baa yo bwɛjena baa ma
danjwɛkpeɡa bara,
a dɔ dejaŋaa.
17Korowii ŋɔ,
“Mɛɛ kpɔ a ɡɛ wenaale nɔɔ
ba ta nɛra
baa ɛ wechɔɡa dɛ jo n nɛ,
ásɛ baa laɡre bɔr
kɛŋɔ nyoŋa ken.
Baa ɛɛ mɛ wechɔɡa nomanta,
mɛɛ fuɡe ba chalee ta
kɛŋɔ nee ken,
ásɛ ba lala chɔ dɛ́ pɔh.”
18Korowii bwaawee Tɔpere la,
ba suuɡaswɛm kɛɛ
suuɡapoŋa aa won lɛɛ ba.
O bwaawee dɛ ba harɛ nɔ
bwa fuih kɛŋɔ nii ken.
Nomɛlbwa waa soɡe
harɛ nɔ ta
waa ɛɛ ba a jaɡaa buɡ ta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.