Sekaria 9
9
Israel tena dɔma deŋnetɛra
1Waa aa le Korowii bee nɔ.
O dɛ ba ba chɔɡ
Hadrak harɛ
ne bwɛjen Damaskɔs.
Nɛra ne Israel deene
bwa sie lɔ Korowii nɛ,
2ne Hamat o ne Damaskɔs
aa do jwɛh,
ne bwɛjena Taaya ne Sidon
tena baa dɔ wejema la jao.
3Taaya tena do dekpeɡa
tɛ ba te, dɛ boa
suuɡapoŋa nyoa kɛŋɔ teera,
ne suuɡaswɛm kɛŋɔ doŋa
aa chɔ fɔɡbaahna.
4Kɛ Korowii ɛɛ laa Taaya
kondɔɔh bwaa kpɔ,
dɛ́ paa ka ta mpo ta,
ásɛ nii fuh o bwa
dɛɛboo ken.
5Bwɛjen Askɛlɔn tena ɛɛ nao
dɛ́ ɔmɛ,
bwɛjen Gasa tena ɡe na
ba bambile wee ba,
ásɛ Ekron tena ɡe hwɛɡa
bwa tonɛ.
Gasa tena kooro ɛɛ le
ba nɔn taa,
ásɛ Askɛlɔn chɔ pɛɛ.
6Hɔɔhraa dɛ́ ba kpɔ Asdɔd so,
ásɛ n sɔɔh Filisti tena
mbarafo nyoa.
7Baa ol chal aa lɔ o ta,
kɛɛ kondikwaa maa kia di.
Banɔ la baa ka la,
ɛ berɔ ɛ men Korowii nɛra,
dɛ́ ɡe dɔ ba dea Juda harɛ ta,
ásɛ Ekron tena ɡe berɛ ɛ
n nɛra kɛ Jebus tena ken.
8Kɛ mɛɛ daah n harɛɛ
le laa tena nɔn ta,
ba bɛ won ba bela.
Nɛra baa dɛ fiiɡi nɛra aa
won ba yo n nɛra kpa,
dɛkalkɛ n ta dɛ daah ba.
Saayɔn kooro bala
9Saayɔn tena,
hé hɛɡre kohona,
Jerusalam tena,
hé moo ɡa.
Hé nyiŋi na! He kooro dɛ ba
he be,
o waa toɡrɔ dɛ won nɛra
lɛɛ, o pwɛre,
o soɡe keeɡo bie ta,
keeɡo bale taa o so.#Mat 21:5; Jɔn 12:15
10Korowii ŋɔ,
“Mɛɛ le laa torɔɡore nee
Israel harɛ ta, dɛ́ le
laa jaɡre ne Jerusalam,
ásɛ dɛ kuuɡi laa tori bwa.
He kooro ɛɛ bol deŋnesɔɔhna
waa harɛre nɛra bee.
Wɛɛ di koraa le mpo bɛl taa
ba kaa bɛl ta,
dɛ́ le Yufretis Moo ta kaa harɛ jaɡa.”#Yel 72:8
11Korowii ŋɔ,
“Kɛ he te, kwaa haa kpoora
dɛ ɛ saraha tɛ mɛ la,
a chal nee n ne he fɔwɛ
fɔo, anomanta, mɛɛ lawɛ
he nɛraa le bɔɔ
baa kaa do ba o bini nee
aa wola toole bela la ta.
12Hé berɛ ba kaa, he nɛra
baa lawɛ heyaa kaa bojaŋ
harɛ ta,
taraken he dɔ hwɛɡa,
hé berɛ ba kaa he harɛ
bosɔɔhna aa lɔ o ta.
Taraken n dɛ ŋɔ he be,
mɛɛ tɛ heyaa anɔ la haa
paŋa la bele anɛɛ.
13Mɛɛ ɡure Juda harɛɛ
kɛŋɔ to ken,
dɛ́ kpɔ Efrem ɛ hɛma.
Dɛ́ kpɔ Saayɔn baala ɛ keri,
dɛ́ ka yo
Grik tena harɛ baala.”
Korowii ɛɛ bao
14Korowii ɛɛ le nyunduaa
dɛ́ ba o nɛra be,
ásɛ o hɛm nyɛɡle
kɛŋɔ bwaala nyɛɡla ken.
Nemenɛ Korowii ɛɛ hoh laa
bɛlaa, dɛ́ valɛ peujen
bini kpeɡri ne
le weekaŋle harɛbɔr ba.
15Koranar Bwa Kooro
ɛɛ tɔ o nɛra ɡbemɡbee.
Baa chɔɡ ba dɔma vamtor
bwea nee, dɛɛ moo laa ta
kɛŋɔ sennyɔdɛɛra ken.
Baa kpoo ba dɔmaa,
ásɛ ba chal ɛɛ palɛ kɛŋɔ
baa kpoo kwaa ɛ saraha,
dɛ kpɔ a chale dɛɛ merɛ
saraha kwaa loŋkoni ta
la ken.
16Tɔpere la telaa,
Korowii baa dɛ tomɔ la
ɛɛ lɛɛ baa, kɛŋɔ peteɡre
aa lɛ peera le wahala ta.
Baa dɛɛ nyɛɡle o harɛ taa,
kɛŋɔ suuɡaswɛm kwaa
aa pɛɡle kooɡbɛrɛ ta la.
17Na ɡɛ harɛ la
aa dɛ ba wer doe
dɛ́ dɔ pɛla!
Kondikwaa ne sen
aa lɔ harɛ la ta la
ɛɛ ɡeloo bonɔɔna
ne toli kpeɡ, dɛ́ dɔ bokpeɡa.
Currently Selected:
Sekaria 9: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Sekaria 9
9
Israel tena dɔma deŋnetɛra
1Waa aa le Korowii bee nɔ.
O dɛ ba ba chɔɡ
Hadrak harɛ
ne bwɛjen Damaskɔs.
Nɛra ne Israel deene
bwa sie lɔ Korowii nɛ,
2ne Hamat o ne Damaskɔs
aa do jwɛh,
ne bwɛjena Taaya ne Sidon
tena baa dɔ wejema la jao.
3Taaya tena do dekpeɡa
tɛ ba te, dɛ boa
suuɡapoŋa nyoa kɛŋɔ teera,
ne suuɡaswɛm kɛŋɔ doŋa
aa chɔ fɔɡbaahna.
4Kɛ Korowii ɛɛ laa Taaya
kondɔɔh bwaa kpɔ,
dɛ́ paa ka ta mpo ta,
ásɛ nii fuh o bwa
dɛɛboo ken.
5Bwɛjen Askɛlɔn tena ɛɛ nao
dɛ́ ɔmɛ,
bwɛjen Gasa tena ɡe na
ba bambile wee ba,
ásɛ Ekron tena ɡe hwɛɡa
bwa tonɛ.
Gasa tena kooro ɛɛ le
ba nɔn taa,
ásɛ Askɛlɔn chɔ pɛɛ.
6Hɔɔhraa dɛ́ ba kpɔ Asdɔd so,
ásɛ n sɔɔh Filisti tena
mbarafo nyoa.
7Baa ol chal aa lɔ o ta,
kɛɛ kondikwaa maa kia di.
Banɔ la baa ka la,
ɛ berɔ ɛ men Korowii nɛra,
dɛ́ ɡe dɔ ba dea Juda harɛ ta,
ásɛ Ekron tena ɡe berɛ ɛ
n nɛra kɛ Jebus tena ken.
8Kɛ mɛɛ daah n harɛɛ
le laa tena nɔn ta,
ba bɛ won ba bela.
Nɛra baa dɛ fiiɡi nɛra aa
won ba yo n nɛra kpa,
dɛkalkɛ n ta dɛ daah ba.
Saayɔn kooro bala
9Saayɔn tena,
hé hɛɡre kohona,
Jerusalam tena,
hé moo ɡa.
Hé nyiŋi na! He kooro dɛ ba
he be,
o waa toɡrɔ dɛ won nɛra
lɛɛ, o pwɛre,
o soɡe keeɡo bie ta,
keeɡo bale taa o so.#Mat 21:5; Jɔn 12:15
10Korowii ŋɔ,
“Mɛɛ le laa torɔɡore nee
Israel harɛ ta, dɛ́ le
laa jaɡre ne Jerusalam,
ásɛ dɛ kuuɡi laa tori bwa.
He kooro ɛɛ bol deŋnesɔɔhna
waa harɛre nɛra bee.
Wɛɛ di koraa le mpo bɛl taa
ba kaa bɛl ta,
dɛ́ le Yufretis Moo ta kaa harɛ jaɡa.”#Yel 72:8
11Korowii ŋɔ,
“Kɛ he te, kwaa haa kpoora
dɛ ɛ saraha tɛ mɛ la,
a chal nee n ne he fɔwɛ
fɔo, anomanta, mɛɛ lawɛ
he nɛraa le bɔɔ
baa kaa do ba o bini nee
aa wola toole bela la ta.
12Hé berɛ ba kaa, he nɛra
baa lawɛ heyaa kaa bojaŋ
harɛ ta,
taraken he dɔ hwɛɡa,
hé berɛ ba kaa he harɛ
bosɔɔhna aa lɔ o ta.
Taraken n dɛ ŋɔ he be,
mɛɛ tɛ heyaa anɔ la haa
paŋa la bele anɛɛ.
13Mɛɛ ɡure Juda harɛɛ
kɛŋɔ to ken,
dɛ́ kpɔ Efrem ɛ hɛma.
Dɛ́ kpɔ Saayɔn baala ɛ keri,
dɛ́ ka yo
Grik tena harɛ baala.”
Korowii ɛɛ bao
14Korowii ɛɛ le nyunduaa
dɛ́ ba o nɛra be,
ásɛ o hɛm nyɛɡle
kɛŋɔ bwaala nyɛɡla ken.
Nemenɛ Korowii ɛɛ hoh laa
bɛlaa, dɛ́ valɛ peujen
bini kpeɡri ne
le weekaŋle harɛbɔr ba.
15Koranar Bwa Kooro
ɛɛ tɔ o nɛra ɡbemɡbee.
Baa chɔɡ ba dɔma vamtor
bwea nee, dɛɛ moo laa ta
kɛŋɔ sennyɔdɛɛra ken.
Baa kpoo ba dɔmaa,
ásɛ ba chal ɛɛ palɛ kɛŋɔ
baa kpoo kwaa ɛ saraha,
dɛ kpɔ a chale dɛɛ merɛ
saraha kwaa loŋkoni ta
la ken.
16Tɔpere la telaa,
Korowii baa dɛ tomɔ la
ɛɛ lɛɛ baa, kɛŋɔ peteɡre
aa lɛ peera le wahala ta.
Baa dɛɛ nyɛɡle o harɛ taa,
kɛŋɔ suuɡaswɛm kwaa
aa pɛɡle kooɡbɛrɛ ta la.
17Na ɡɛ harɛ la
aa dɛ ba wer doe
dɛ́ dɔ pɛla!
Kondikwaa ne sen
aa lɔ harɛ la ta la
ɛɛ ɡeloo bonɔɔna
ne toli kpeɡ, dɛ́ dɔ bokpeɡa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.