Sekaria 10
10
Korowii ɛɛ nyiŋi Juda tena nɛɛ
1Hé soŋe Korowii o fel
nɛ bwaala.
Korowiirii dɛɛ ɛ baama
aa nɛ bwaala.
Onee ɡela bwaala nɛ dɛɛ tɛ
nɛwɛnyina, koo kwaa ɛɛ
do wer dɛɛ tɛ nomɛlbwa.
2Voɡa dɛ teŋe nyosone,
voɡra waa baa dɛ na ɛ
nyosone, deera mun baa
dɛ baɡle la ta kasinteŋ ɛɛ,
bolarawa baa kpɔa dɛɛ
tɛ nɛra ɛ wesale.
Anomanta, ba ɡelɔ nɛra
nyoɡre kɛŋɔ peera
aa wola teɡre dɔe,
asɛ nɛra ɛɛ fiɡ ba.
3Koranar Bwa Kooro ŋɔ,
“N baah di nɛra
baa do kɛ peteɡra la nɛ.
Mɛɛ tɛr sitɔɔla la deŋnee,
dɛkalkɛ, mɛɛ nyiŋi
Juda dea tena
baa do kɛ n peera la nɛɛ,
dɛ́ ɡel ba do kɛ jaaɡɔ
waa kpeɡa laa ta.
4Juda dea tena binii nɛn
waa do kɛ bwe baa kpɔ
pa dea mun ɛɛ ba lee,
o bee daa baa kpɔ
baŋre tɛnte ɛɛ ba lee,
to baa kpɔ yo laa le o be,
ásɛ koranar ne
nomonome bwa ɡe le o be.
5Ba bwa ɛɛ doo kɛŋɔ
banyoola, dɛ́ɛ tiɡri
ba dɔma nɛɛ
fɔɡbaahna laa ta.
Men Korowii ja ba nɛɛ
nomanta, baa yoo
dɛ́ pɔ ba dɔma
baa soɡe jaɡre ta, laa ta nɛ.
6Mɛɛ ɡeloo Juda dea tena
do kpeɡri
dɛ́ lɛ Josef dea tena.
Mɛɛ berɔɔ ba ba ne bela
ba fa aa lole,
dɛkalkɛ n dɔ tedoma
tɛɛ ba.
Baa doo kɛŋɔ nɛra
n fa aa wola ban vɛɛh ken,
dɛkalkɛ menee Korowii
baa dɛ tom mɛ la.
Mɛɛ dɛɛ chaŋ baa
ba wesoŋa taa.
7Israel tena ɛɛ doo
kɛŋɔ banyoola,
ásɛ ba sie lɛ kɛŋɔ nɛra
aa nyɔ sen ba sie ɛɛ lɛ la.
Ba bii ɛɛ nao ba sie lɛ,
ásɛ ba hɛɡre waa
Korowii aa ɛa wa.
8Mɛɛ yer baa,
dɛ́ boa ba nyoa.
Kasinteŋ, mɛɛ lɛɛ baa
dɛ́ ɡel ba warɛ ɡɛ
ba fa aa doa wubwa la.
9A lole kɛ n lɔ ba peɡre harɛre
nɛra bini, kɛ báa ba lii
n waa bojaŋ harɛre taa.
Ba ne ba bii ɛɛ dɔ ba nyuu,
ásɛ dɛ bwa berɛ ba dem.
10Mɛɛ berɔɔ le ba ne Ijipt
harɛ taa ba,
dɛ́ boa ba nyoa
le Asiiria harɛ ta.#Aes 11:11
Mɛɛ kpɔ baa ba Gelead
ne Lɛbanɔn harɛre ta,
ásɛ ba warɛ harɛre la ta
baa wola a taa jo.
11Wekpeɡa kohona bɛlbwa
aa do kɛŋɔ mpo nehɛma
dɛ ba ba nɛɛ aa,
men Korowii ɛɛ sɔɔh
a nyoaa, ásɛ Nael Moo
vile bwa hweeh.
Asiiria tena mbarafo nyoa
ɛɛ sɔɔhnoo,
ásɛ Ijipt harɛ kora kpeɡri
nyoa ba harɛ.
12Mɛɛ tɛ n nɛra kpeɡrii,
ásɛ baa tom mɛ
dɛɛ no n wa.
Men Korowiirii bola.”
Currently Selected:
Sekaria 10: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Sekaria 10
10
Korowii ɛɛ nyiŋi Juda tena nɛɛ
1Hé soŋe Korowii o fel
nɛ bwaala.
Korowiirii dɛɛ ɛ baama
aa nɛ bwaala.
Onee ɡela bwaala nɛ dɛɛ tɛ
nɛwɛnyina, koo kwaa ɛɛ
do wer dɛɛ tɛ nomɛlbwa.
2Voɡa dɛ teŋe nyosone,
voɡra waa baa dɛ na ɛ
nyosone, deera mun baa
dɛ baɡle la ta kasinteŋ ɛɛ,
bolarawa baa kpɔa dɛɛ
tɛ nɛra ɛ wesale.
Anomanta, ba ɡelɔ nɛra
nyoɡre kɛŋɔ peera
aa wola teɡre dɔe,
asɛ nɛra ɛɛ fiɡ ba.
3Koranar Bwa Kooro ŋɔ,
“N baah di nɛra
baa do kɛ peteɡra la nɛ.
Mɛɛ tɛr sitɔɔla la deŋnee,
dɛkalkɛ, mɛɛ nyiŋi
Juda dea tena
baa do kɛ n peera la nɛɛ,
dɛ́ ɡel ba do kɛ jaaɡɔ
waa kpeɡa laa ta.
4Juda dea tena binii nɛn
waa do kɛ bwe baa kpɔ
pa dea mun ɛɛ ba lee,
o bee daa baa kpɔ
baŋre tɛnte ɛɛ ba lee,
to baa kpɔ yo laa le o be,
ásɛ koranar ne
nomonome bwa ɡe le o be.
5Ba bwa ɛɛ doo kɛŋɔ
banyoola, dɛ́ɛ tiɡri
ba dɔma nɛɛ
fɔɡbaahna laa ta.
Men Korowii ja ba nɛɛ
nomanta, baa yoo
dɛ́ pɔ ba dɔma
baa soɡe jaɡre ta, laa ta nɛ.
6Mɛɛ ɡeloo Juda dea tena
do kpeɡri
dɛ́ lɛ Josef dea tena.
Mɛɛ berɔɔ ba ba ne bela
ba fa aa lole,
dɛkalkɛ n dɔ tedoma
tɛɛ ba.
Baa doo kɛŋɔ nɛra
n fa aa wola ban vɛɛh ken,
dɛkalkɛ menee Korowii
baa dɛ tom mɛ la.
Mɛɛ dɛɛ chaŋ baa
ba wesoŋa taa.
7Israel tena ɛɛ doo
kɛŋɔ banyoola,
ásɛ ba sie lɛ kɛŋɔ nɛra
aa nyɔ sen ba sie ɛɛ lɛ la.
Ba bii ɛɛ nao ba sie lɛ,
ásɛ ba hɛɡre waa
Korowii aa ɛa wa.
8Mɛɛ yer baa,
dɛ́ boa ba nyoa.
Kasinteŋ, mɛɛ lɛɛ baa
dɛ́ ɡel ba warɛ ɡɛ
ba fa aa doa wubwa la.
9A lole kɛ n lɔ ba peɡre harɛre
nɛra bini, kɛ báa ba lii
n waa bojaŋ harɛre taa.
Ba ne ba bii ɛɛ dɔ ba nyuu,
ásɛ dɛ bwa berɛ ba dem.
10Mɛɛ berɔɔ le ba ne Ijipt
harɛ taa ba,
dɛ́ boa ba nyoa
le Asiiria harɛ ta.#Aes 11:11
Mɛɛ kpɔ baa ba Gelead
ne Lɛbanɔn harɛre ta,
ásɛ ba warɛ harɛre la ta
baa wola a taa jo.
11Wekpeɡa kohona bɛlbwa
aa do kɛŋɔ mpo nehɛma
dɛ ba ba nɛɛ aa,
men Korowii ɛɛ sɔɔh
a nyoaa, ásɛ Nael Moo
vile bwa hweeh.
Asiiria tena mbarafo nyoa
ɛɛ sɔɔhnoo,
ásɛ Ijipt harɛ kora kpeɡri
nyoa ba harɛ.
12Mɛɛ tɛ n nɛra kpeɡrii,
ásɛ baa tom mɛ
dɛɛ no n wa.
Men Korowiirii bola.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.