Yela 96
96
Korowii ɛ Koojen tenten
1Hé ɡo yelfale kpɛɛ Korowii!
Harɛ nɔ ta nɛra bwa,
hé ɡo yela kpɛɛro!#1We 16:23-33
2Hé ɡo yela kpɛɛ Korowii sɔn!
Hé bol o lɛɛ waa dɛ lɛ nɛra
tɔpere bɛlbwa wa.
3Hé bol o jirima waa baɡle
harɛre nɛra,
dɛ́ bol o nyokpowe-ɛɛla
waa baɡle nɛra bwa.
4Korowii kan, a chɛ kɛ
ya kpɛɛro kohona.
Onee chɛ kɛ ya kpɔ
duure tɛ dɛ́ ɡwaa voɡa.
5Harɛre bwa voɡare
ɛ konsale baa kpɔ nɔɔra ɛa,
kɛ Korowiirii ta nyundua.
6O kan dɛ dɔ jirima kohona,
kpeɡri ne jirima su o Dea.
7Nɛra haa lɔ harɛ ta bwa,
hé kpɛɛ Korowii.
Hé kpɛɛro, o jirima
ne kpeɡri waa dɔa wa.
8Hé kpɛɛ Korowii, dɛ́ kpɔ
jirima aa chɛ o sɔn la tɛo.
Hé kpɔ saraha kwaa ba tɛo
o Dea.
9Hé kpɔ jirima tɛ
Korowii Waa Do Goroŋ la.
Harɛ nɔ ta nɛra bwa, hé
ɔmɔ!
10Hé ɡel harɛre nɛra bwa no
kɛŋɔ,
“Korowii dɛ di kora!
O ta harɛ o che kiŋkiŋ
waa wola yiiɡi,
dɛ bol nɛra bwa waa dɛɛ
pa ba bole ɡɛ aa chɛa.”
11Kwaa aa lɔ nyundua
ne harɛ bwa,
hé ɡel he sie lɛ kɛŋɔ
nɛra aa dɛ lɛ ba sie.
Mpo ne kwaa aa lɔ
o bini bwa ɡe, hé do
lɔŋɔre.
12Kooni ne kwaa aa lɔ a bini bwa,
hé ɡel he sie lɛ kɛŋɔ
nɛra aa dɛ lɛ ba sie!
Ásɛ kɔr bini daa ɡe ɛɛ
hɛɡre,
13saŋ Korowii aa ba di kora
harɛ nɔ ta la.
Wɛɛ ba bol harɛ nɔ ta
nɛra waa dɛ́ pa bole
aŋwɛnɛ ta ne kasinteŋ ne.
Currently Selected:
Yela 96: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 96
96
Korowii ɛ Koojen tenten
1Hé ɡo yelfale kpɛɛ Korowii!
Harɛ nɔ ta nɛra bwa,
hé ɡo yela kpɛɛro!#1We 16:23-33
2Hé ɡo yela kpɛɛ Korowii sɔn!
Hé bol o lɛɛ waa dɛ lɛ nɛra
tɔpere bɛlbwa wa.
3Hé bol o jirima waa baɡle
harɛre nɛra,
dɛ́ bol o nyokpowe-ɛɛla
waa baɡle nɛra bwa.
4Korowii kan, a chɛ kɛ
ya kpɛɛro kohona.
Onee chɛ kɛ ya kpɔ
duure tɛ dɛ́ ɡwaa voɡa.
5Harɛre bwa voɡare
ɛ konsale baa kpɔ nɔɔra ɛa,
kɛ Korowiirii ta nyundua.
6O kan dɛ dɔ jirima kohona,
kpeɡri ne jirima su o Dea.
7Nɛra haa lɔ harɛ ta bwa,
hé kpɛɛ Korowii.
Hé kpɛɛro, o jirima
ne kpeɡri waa dɔa wa.
8Hé kpɛɛ Korowii, dɛ́ kpɔ
jirima aa chɛ o sɔn la tɛo.
Hé kpɔ saraha kwaa ba tɛo
o Dea.
9Hé kpɔ jirima tɛ
Korowii Waa Do Goroŋ la.
Harɛ nɔ ta nɛra bwa, hé
ɔmɔ!
10Hé ɡel harɛre nɛra bwa no
kɛŋɔ,
“Korowii dɛ di kora!
O ta harɛ o che kiŋkiŋ
waa wola yiiɡi,
dɛ bol nɛra bwa waa dɛɛ
pa ba bole ɡɛ aa chɛa.”
11Kwaa aa lɔ nyundua
ne harɛ bwa,
hé ɡel he sie lɛ kɛŋɔ
nɛra aa dɛ lɛ ba sie.
Mpo ne kwaa aa lɔ
o bini bwa ɡe, hé do
lɔŋɔre.
12Kooni ne kwaa aa lɔ a bini bwa,
hé ɡel he sie lɛ kɛŋɔ
nɛra aa dɛ lɛ ba sie!
Ásɛ kɔr bini daa ɡe ɛɛ
hɛɡre,
13saŋ Korowii aa ba di kora
harɛ nɔ ta la.
Wɛɛ ba bol harɛ nɔ ta
nɛra waa dɛ́ pa bole
aŋwɛnɛ ta ne kasinteŋ ne.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.