Yela 92
92
Kpɛɛra yel baa dɛ ɡo Ona Tɔpere ta
1N Naa Korowii,
a wer kɛ ya kpɛɛre,
dɛ́ ɡo yela kpɛɛ
hen Nemenɛ Korowii sɔn,
2dɛ́ bol he nyina
haa dɛ nyin ya wa chɔɔ,
ásɛ jwaana ɡe dɛ́ bol
ɡɛ he wa aa dɔ kasinteŋ,
3dɛ́ lɔ janjela ne kwaa bwa soo
siwi
baa kpɔa dɛɛ hɛlɛ ɡo yela
kpɛɛre.
4He nyokpowe-ɛɛla
ɡelɔ n sie ɛɛ lɛ,
n dɛ ɡo silɛɛ yela a wa.
5N Naa Korowii,
he waa haa dɛ ɛ kan,
he wejema ta jaɡa dɔe.
6Nɛn waa wola liire
dɔe la aa won jemɛ,
nɛn waa ɡɛna ɡe
aa won no a mun.
7Nyubinikpeɡ tena
ɛɛ won dɛɛ kpeɡ kɛŋɔ
kpɔɡa,
ásɛ wechɔɡ-ɛɛra ɡe
wobɛlbwa
do wer dɛɛ tɛɛ ba,
kɛ ba bwa ɛɛ ba chɔɡoo
kwaraa.
8Kɛ hen Korowii kan
saŋ bɛlbwa dɛɛ la.
9N Naa Korowii, ya jemɔ kɛŋɔ
he dɔma bwa ɛɛ serewoo,
ásɛ nyubinikpeɡ tena bwa
lɔ peɡre.
10He ɡelɔ n do kpeɡri
kɛŋɔ kpɔɡ bini nabal,
dɛ swee mɛ andɛɛɡa,
dɛ ɡel n dɔ silɛɛ.
11N na n dɔma chola, dɛ no
nyubinikpeɡ tena wii baa
dɛ wi.
12Nɛra ba wa aa toɡra
ɛɛ dɛɡoo kɛŋɔ kpor daa ken,
baa kpeɡuu kɛŋɔ Lɛbanɔn
peleme dajena.
13Ba do kɛŋɔ daa baa
dua Korowii Dea,
aa dɛɡ Korowii yaa dɛ tomɔ
Dea bela ken.
14A ɛ dabena dɛ ta won nɔna,
dɛ dɔ papooni kohona,
dɛ che kɛrɛdɛ.
15Anee dɛɛ baɡle kɛŋɔ,
“Korowii waa toɡrɔ.
Onee Bwetal
n chwa kaa marɔ,
o nyu bini ɡe aa kpeɡe.”
Currently Selected:
Yela 92: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 92
92
Kpɛɛra yel baa dɛ ɡo Ona Tɔpere ta
1N Naa Korowii,
a wer kɛ ya kpɛɛre,
dɛ́ ɡo yela kpɛɛ
hen Nemenɛ Korowii sɔn,
2dɛ́ bol he nyina
haa dɛ nyin ya wa chɔɔ,
ásɛ jwaana ɡe dɛ́ bol
ɡɛ he wa aa dɔ kasinteŋ,
3dɛ́ lɔ janjela ne kwaa bwa soo
siwi
baa kpɔa dɛɛ hɛlɛ ɡo yela
kpɛɛre.
4He nyokpowe-ɛɛla
ɡelɔ n sie ɛɛ lɛ,
n dɛ ɡo silɛɛ yela a wa.
5N Naa Korowii,
he waa haa dɛ ɛ kan,
he wejema ta jaɡa dɔe.
6Nɛn waa wola liire
dɔe la aa won jemɛ,
nɛn waa ɡɛna ɡe
aa won no a mun.
7Nyubinikpeɡ tena
ɛɛ won dɛɛ kpeɡ kɛŋɔ
kpɔɡa,
ásɛ wechɔɡ-ɛɛra ɡe
wobɛlbwa
do wer dɛɛ tɛɛ ba,
kɛ ba bwa ɛɛ ba chɔɡoo
kwaraa.
8Kɛ hen Korowii kan
saŋ bɛlbwa dɛɛ la.
9N Naa Korowii, ya jemɔ kɛŋɔ
he dɔma bwa ɛɛ serewoo,
ásɛ nyubinikpeɡ tena bwa
lɔ peɡre.
10He ɡelɔ n do kpeɡri
kɛŋɔ kpɔɡ bini nabal,
dɛ swee mɛ andɛɛɡa,
dɛ ɡel n dɔ silɛɛ.
11N na n dɔma chola, dɛ no
nyubinikpeɡ tena wii baa
dɛ wi.
12Nɛra ba wa aa toɡra
ɛɛ dɛɡoo kɛŋɔ kpor daa ken,
baa kpeɡuu kɛŋɔ Lɛbanɔn
peleme dajena.
13Ba do kɛŋɔ daa baa
dua Korowii Dea,
aa dɛɡ Korowii yaa dɛ tomɔ
Dea bela ken.
14A ɛ dabena dɛ ta won nɔna,
dɛ dɔ papooni kohona,
dɛ che kɛrɛdɛ.
15Anee dɛɛ baɡle kɛŋɔ,
“Korowii waa toɡrɔ.
Onee Bwetal
n chwa kaa marɔ,
o nyu bini ɡe aa kpeɡe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.