Yela 91
91
Korowii waa kpɔ nɔn dɛɛ tɔ ya nɛ
1Nomɛlbwa waa chwa
ka so Nemenɛ Korowii lɔɡa
o kpɔ nɔn tɔ o nɛ,
nomɛlbwa waa ka do
On Waa Ɛ Kpeɡri Bwa Dɔɔ
lɔɡa la,
2ɛɛ won ŋɔ o be ŋɔ,
“N Naa Korowii,
henee cheɡɛ n habɔɔ,
dɛ ɛ n danjwɛkpeɡ n chwa
baa marɛ.
Henee Korowii maa dɛ
tomɛ,
dɛɛ hwɛɡɛ he nɛ.”
3Wɛɛ kpɔ nɔnee tɔ he nɛɛ
le wekpeɡa aa sɔah bwa ta,
dɛ́ lɛɛ le weechɔɡa
bwa nyoa.
4Wɛɛ tɔ he nɛɛ kɛŋɔ jal
yon lawɛ o bii do
o kena lɔɡre la ken.
Wɛɛ nyiŋi he nɛɛ he dɔ
bosɔɔhna, dɛ́ che o
kasinteŋ ta
nyiŋi, dɛ́ tɔe ɡbemɡbe.
5Haa komɛlbwaa ɔmɛ jwaana,
kɛɛ dɔma hɛma baa piɡri
taa webaŋa,
6kɛɛ weechɔɡa aa dɛ ba jwaana,
kɛɛ weela aa dɛ kpo
webaŋa.
7Nɛra kaɡboŋ ɛɛ serewoo chɔ
he jwɛh,
kaɡboŋa fi chɔ dɛ́ bare,
kɛ wobɛlbwa aa hen ɛ.
8Siwii hɛɛ ba kpɔe dɛ́ na
wechɔɡ-ɛɛra deŋnetɛra.
9He kpɔ Korowii kɛŋɔ onee
hɛɛ ba chwae kaa marɛ.
He ŋɔ Nemenɛ Korowiirii
kpɔ nɔn dɛɛ tɔ he nɛ,
10anomanta, wenaale bɛlbwa
aa hen pu bwa,
wekpeɡa bɛlbwa ɡe
aa he dem kwaraa bɛne!
11Korowii ɛɛ ɡeloo
o nyundua toroma ɛɛ
nyiŋi he nɛɛ kɛrɛdɛ,
dɛ́ kpɔ nɔn tɔ he nɛ
bobɛlbwa haa kaa.#Mat 4:6#Luk 4:10-11
12Baa lawɛɛ haa wola
nakpala kwaraa lɔ.
13Hɛɛ tiɡri nyujentena
ne harɛkwaare nɛɛ,
nyujentena aa ɔma
ne domkpuli nɛɛ.
14Korowii ŋɔ,
“Mɛɛ lɛ nɛra baa
dɛ nyin mɛ laanee,
dɛ́ kpɔ nɔn tɔ nɛra baa jem
mɛ
kɛ ba dɔɔree men la nɛ.
15Ba wio yer mɛ naa,
mɛɛ no ba bee,
wenaale puu ba ɡe aa,
mɛɛ che ba habɔɔ.
Mɛɛ lɛɛ baa dɛ́ tɛɛ
ba jirima.
16Mɛɛ ɡeloo bá so dɛ́ biɡri,
ásɛ n lɛɛ ba.”
Currently Selected:
Yela 91: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 91
91
Korowii waa kpɔ nɔn dɛɛ tɔ ya nɛ
1Nomɛlbwa waa chwa
ka so Nemenɛ Korowii lɔɡa
o kpɔ nɔn tɔ o nɛ,
nomɛlbwa waa ka do
On Waa Ɛ Kpeɡri Bwa Dɔɔ
lɔɡa la,
2ɛɛ won ŋɔ o be ŋɔ,
“N Naa Korowii,
henee cheɡɛ n habɔɔ,
dɛ ɛ n danjwɛkpeɡ n chwa
baa marɛ.
Henee Korowii maa dɛ
tomɛ,
dɛɛ hwɛɡɛ he nɛ.”
3Wɛɛ kpɔ nɔnee tɔ he nɛɛ
le wekpeɡa aa sɔah bwa ta,
dɛ́ lɛɛ le weechɔɡa
bwa nyoa.
4Wɛɛ tɔ he nɛɛ kɛŋɔ jal
yon lawɛ o bii do
o kena lɔɡre la ken.
Wɛɛ nyiŋi he nɛɛ he dɔ
bosɔɔhna, dɛ́ che o
kasinteŋ ta
nyiŋi, dɛ́ tɔe ɡbemɡbe.
5Haa komɛlbwaa ɔmɛ jwaana,
kɛɛ dɔma hɛma baa piɡri
taa webaŋa,
6kɛɛ weechɔɡa aa dɛ ba jwaana,
kɛɛ weela aa dɛ kpo
webaŋa.
7Nɛra kaɡboŋ ɛɛ serewoo chɔ
he jwɛh,
kaɡboŋa fi chɔ dɛ́ bare,
kɛ wobɛlbwa aa hen ɛ.
8Siwii hɛɛ ba kpɔe dɛ́ na
wechɔɡ-ɛɛra deŋnetɛra.
9He kpɔ Korowii kɛŋɔ onee
hɛɛ ba chwae kaa marɛ.
He ŋɔ Nemenɛ Korowiirii
kpɔ nɔn dɛɛ tɔ he nɛ,
10anomanta, wenaale bɛlbwa
aa hen pu bwa,
wekpeɡa bɛlbwa ɡe
aa he dem kwaraa bɛne!
11Korowii ɛɛ ɡeloo
o nyundua toroma ɛɛ
nyiŋi he nɛɛ kɛrɛdɛ,
dɛ́ kpɔ nɔn tɔ he nɛ
bobɛlbwa haa kaa.#Mat 4:6#Luk 4:10-11
12Baa lawɛɛ haa wola
nakpala kwaraa lɔ.
13Hɛɛ tiɡri nyujentena
ne harɛkwaare nɛɛ,
nyujentena aa ɔma
ne domkpuli nɛɛ.
14Korowii ŋɔ,
“Mɛɛ lɛ nɛra baa
dɛ nyin mɛ laanee,
dɛ́ kpɔ nɔn tɔ nɛra baa jem
mɛ
kɛ ba dɔɔree men la nɛ.
15Ba wio yer mɛ naa,
mɛɛ no ba bee,
wenaale puu ba ɡe aa,
mɛɛ che ba habɔɔ.
Mɛɛ lɛɛ baa dɛ́ tɛɛ
ba jirima.
16Mɛɛ ɡeloo bá so dɛ́ biɡri,
ásɛ n lɛɛ ba.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.