Yela 88
88
Chae wesoŋa
Kora dea bii yel
1N Naa Korowii,
henee ɛ n Lɛɛ,
chɔɔ ne jwaana bwaa
n kpɔ n wii dɛɛ bil he sie.
2No n wesoŋa, cheɡ deŋne,
dɛ́ no n wii maa dɛ wi,
dɛ́ cha mɛ.
3N dɛ na wahala kohona,
a ɡelɔ a ka tama n sewɛ.
4N do kɛŋɔ nɛn waa dɛ ba
sewa,
n bokpeɡa bwa tonɔ.
5He kur mɛ ja nɛra baa serewa
nɛ, n do kɛ nɛra baa
serewa chɔ lalbɔɔne bini.
Nɛra hen Korowii aa soh
ba waa kwaraa, haa wola
won cha ba la ken.
6He taɡ mɛ ta lalbɔɔ
waa luŋa ne biro
kohona bini.
7He bandia ɡwaa n nɛɛ
kohona,
dɛ ba tɔ n nɛɛ kɛŋɔ
mpo nehɛma ken.
8He ɡelɔ n chamene tena
chwa mɛ,
baa n siwi ɡba nyin dɛ́ na.
N do kɛ maa le bel ta,
maa wola won chwa.
9Suna dii ɡelɔ mɛɛ ba nyoŋa.
N Naa Korowii, tɔpere
bɛlbwaa n wi dɛɛ yerɛ,
n ɡɔɔ nɔɔra dɛɛ soŋe.
10He dɛ ɛ nyokpowe-ɛɛla
nɛra baa serewa bini naa?
Baa won ir che dɛ́ kpɛɛre.
11Ba dɛ bol he nyina
aa wola jaɡa dɔe la waa
lalbɔɔ bini, kɛɛ he
kasinteŋ waa la lalabwɛ
aa?
12Ba dɛ na he nyokpowaa
biro ta bela, kɛɛ he wedɛɛɡa
lalabwɛɛ bela baa dɛ soh
wobɛlbwa nɔ naa?
13N Naa Korowii,
n wio dɛɛ noe
kɛ he cha mɛ,
chɔɔ bɛlbwaa n kpɔ
n wesoŋa dɛɛ bil he sie.
14N Naa Korowii,
ɛrɛɛ he berɛ habɔɔ kpo mɛ,
dɛ laa sie kpɔ n nɛɛ nɔɔ?
15Le n bechale saŋ bwaa
n bwara wee mɛ,
a ka tama n sewɛ.
N ɡwɛɡrɔ dɛ le deŋnetɛra
haa kpɔa ba ta n nɛɛ
mɛɛ di suna la wa.
16He bandia kohona la ɡwaa
n nɛ,
he yoi haa dɛ yoo mɛ chɔɡ
mɛ.
17Saŋ bɛlbwaa ba bar mɛ
dɛɛ cheme kɛŋɔ nee
aa sua ken,
ba le baŋ bɛlbwa ta dɛ
baa tɔ n nɛ.
18He ɡelɔ n daamanar tenten
ne nɛra baa dɛ nyin mɛ
ɡba chwa mɛ,
biro ɡboo berɛ n dam
name.
Currently Selected:
Yela 88: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 88
88
Chae wesoŋa
Kora dea bii yel
1N Naa Korowii,
henee ɛ n Lɛɛ,
chɔɔ ne jwaana bwaa
n kpɔ n wii dɛɛ bil he sie.
2No n wesoŋa, cheɡ deŋne,
dɛ́ no n wii maa dɛ wi,
dɛ́ cha mɛ.
3N dɛ na wahala kohona,
a ɡelɔ a ka tama n sewɛ.
4N do kɛŋɔ nɛn waa dɛ ba
sewa,
n bokpeɡa bwa tonɔ.
5He kur mɛ ja nɛra baa serewa
nɛ, n do kɛ nɛra baa
serewa chɔ lalbɔɔne bini.
Nɛra hen Korowii aa soh
ba waa kwaraa, haa wola
won cha ba la ken.
6He taɡ mɛ ta lalbɔɔ
waa luŋa ne biro
kohona bini.
7He bandia ɡwaa n nɛɛ
kohona,
dɛ ba tɔ n nɛɛ kɛŋɔ
mpo nehɛma ken.
8He ɡelɔ n chamene tena
chwa mɛ,
baa n siwi ɡba nyin dɛ́ na.
N do kɛ maa le bel ta,
maa wola won chwa.
9Suna dii ɡelɔ mɛɛ ba nyoŋa.
N Naa Korowii, tɔpere
bɛlbwaa n wi dɛɛ yerɛ,
n ɡɔɔ nɔɔra dɛɛ soŋe.
10He dɛ ɛ nyokpowe-ɛɛla
nɛra baa serewa bini naa?
Baa won ir che dɛ́ kpɛɛre.
11Ba dɛ bol he nyina
aa wola jaɡa dɔe la waa
lalbɔɔ bini, kɛɛ he
kasinteŋ waa la lalabwɛ
aa?
12Ba dɛ na he nyokpowaa
biro ta bela, kɛɛ he wedɛɛɡa
lalabwɛɛ bela baa dɛ soh
wobɛlbwa nɔ naa?
13N Naa Korowii,
n wio dɛɛ noe
kɛ he cha mɛ,
chɔɔ bɛlbwaa n kpɔ
n wesoŋa dɛɛ bil he sie.
14N Naa Korowii,
ɛrɛɛ he berɛ habɔɔ kpo mɛ,
dɛ laa sie kpɔ n nɛɛ nɔɔ?
15Le n bechale saŋ bwaa
n bwara wee mɛ,
a ka tama n sewɛ.
N ɡwɛɡrɔ dɛ le deŋnetɛra
haa kpɔa ba ta n nɛɛ
mɛɛ di suna la wa.
16He bandia kohona la ɡwaa
n nɛ,
he yoi haa dɛ yoo mɛ chɔɡ
mɛ.
17Saŋ bɛlbwaa ba bar mɛ
dɛɛ cheme kɛŋɔ nee
aa sua ken,
ba le baŋ bɛlbwa ta dɛ
baa tɔ n nɛ.
18He ɡelɔ n daamanar tenten
ne nɛra baa dɛ nyin mɛ
ɡba chwa mɛ,
biro ɡboo berɛ n dam
name.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.