Yela 119
119
Korowii Mmara la
1Nɛra ba we-ɛɛla aa toɡra,
baa teŋɛ Korowii Mmarare
ta la, ba na som.
2Nɛra baa dɛ nyin o waa
dɛɛ teŋɛ a ta
bambile bwa ne la,
ba na som.
3Baa wechɔɡa bɛlbwa ɛ,
ba dɛ valɛ o ŋwɛnɛre
waa baɡla la ta.
4N Naa Korowii,
he kpɔ he Mmarare tɛ yaa,
dɛ ŋɔ yá kpɔ kasinteŋ
dɛɛ teŋɛ a ta.
5N dɛ nyin kɛ n waa fe dɔ
kasinteŋ,
mɛɛ teŋɛ he waa ta!
6Dɛ n do sie dɛɛ teŋɛ
he waa ta naa,
sihiih aa men kpo bwa.
7Dɛ n dɛ hweli he wa aa toɡra
dɛɛ teŋɛ a ta naa,
mɛɛ dɔ bambidɛɛɡee
dɛɛ kpɛɛre.
8Mɛɛ teŋɛ he Mmarare taa,
bɛ men vɛh kwara.
Korowii Mmarare ta teŋa
9Ɛrɛɛ bonɔɔ we-ɛɛla ɛɛ ba
wona do wer he be nɔ?
Nemenɛ wɛɛ teŋɛ he
Mmarare ta.
10N dɛ tomɛ n bambile bwa ne.
Bɛ ɡel n vɛh waa
haa do mɛ
a ta la ta teŋa.
11N kpɔ he waa
do n bambile bini,
dɛ bɛ hen wechɔɡa ɛ.
12N Naa Korowii,
n dɛ kpɛɛre, baɡ mɛ
he Mmarare la.
13Mɛɛ dɛɛ bol he waa haa
kpɔa baɡ mɛ laanee
nɛra be.
14N sie dɛ lɛ he waa ta teŋa,
ɡwaa kɛ maa dɔ kondɔɔh
kohona.
15N kpɔ he waa la do
n nyu bini, dɛɛ kari a bwa.
16N dɛ nyin he Mmarare la
kohona,
maa he waa laanee vɛh.
Korowii waa ta teŋa dɔ silɛɛ
17Nyiŋi men maa ɛ
he bonɔɔ nɛɛ kɛrɛdɛ,
ásɛ n won so dɛɛ teŋɛ
he waa haa baɡ mɛ la ta.
18Pili n sie, ń won jemɛ
he waa aa dɔ kasinteŋ
he Mmarare ta la.
19N ɛ hɔɔh harɛ nɔ ta,
bɛ he waa haa do mɛ
a ta la kpɔ sɔɔh mɛ.
20N bambile lawɔ
kɛ mɛɛ teŋɛ he Mmarare
la ta, saŋ bɛlbwa.
21He dɛ kah mbarafo tena,
dɛɛ taah nɛra baa vɛh
he waa ta teŋa.
22Lɛɛ mɛ le chɛɡa ne sihiih ta,
dɛkalkɛ n dɛ teŋɛ
he Mmarare ta.
23A lole kɛ nɛra baa dɛ di
kpeɡri dɛ vɔrɔwe n vɔrɔwa,
kɛ mɛɛ kpɔ he waa laanee
do n nyu bini.
24He Mmarare laanee
dɛɛ tɛ mɛ silɛɛ,
anee dɛɛ ja mɛ.
Korowii Mmara ta teŋa siswɛm ne
25N cheɡɛ seo nyoa, ɡel he
waa la tɛ mɛ bokpeɡfala,
ɡɛ haa baɡ mɛ nyoa la.
26N bol n wenaale baɡle,
asɛ he chaŋ mɛ,
baɡ mɛ he ŋwɛnɛre.
27Cha mɛ ń won no
he waa la mun,
ásɛ mɛɛ lii he
nyokpowe-ɛɛla la.
28N dɛ di suna kohona,
tɛ mɛ bokpeɡa,
ɡɛ haa baɡɛ nyoa la.
29Lee mɛ waa aa ɛ
nyosone ta,
he wa aa toɡra nomanta,
chaɡ mɛ he Mmarare la.
30N dɛ nyin kɛ n waa
dɔ kasinteŋ,
dɛ kpɔ n te dawɛ
he waa ta.
31N Naa Korowii,
n lawɛ he Mmarare la
kpoŋe kiŋkiŋ,
bɛ ɡel sihiih kpo mɛ.
32Mɛɛ swɛɛ siwii dɛɛ teŋɛ
he webaɡla ta,
dɛkalkɛŋɔ he cha mɛ,
dɛ ɡel mɛɛ no waa mun
kɛrɛdɛ.
Waa mun noe wesoŋa
33N Naa Korowii,
baɡ mɛ he Mmarare la,
ásɛ mɛɛ teŋɛ a ta
saŋ bɛlbwa.
34Cha mɛ n won
dɛɛ no waa mun,
ásɛ mɛɛ teŋɛ he waa ta,
n bambile bwa ne.
35Chaɡ mɛ he waa ŋwɛnɛre
mɛɛ kpɔ a ta,
dɛkalkɛ a taa mɛɛ dɔ silɛɛ.
36Gel mɛɛ nyin
he waa ta teŋa ta,
ɡwaa kɛŋɔ maa dɔ kwa.#Luk 12:15; 1Ti 6:10; Hib 13:5
37Bɛ ɡel n pɛla do kwaa
aa wola tɔnɔ dɔe ta.
Tɛ mɛ mkpa ɡɛ
he waa la aa baɡla la.
38Tɛ men maa ɛ he bonɔɔ
kon haa baɡ mɛ nyoa,
ɡɛ haa baɡɛ nɛra
baa dɛ ɔmɛ la.
39Lɛɛ mɛ le chɛɡa maa dɛ
ɔmɛ kohona ta, dɛkalkɛ
he waa dɔ nyokpoa.
40N dɛ nyin he waa la ta
teŋa kohona.
Che toɡra he wa
aa toɡra ta
dɛ tɛ mɛ mkpa.
Korowii waa la yaradae
41N Naa Korowii,
ɡel n na he nyina
aa wola jaɡa dɔe la.
Lɛɛ mɛ ɡɛ haa baɡɛ
nyoa la.
42Ásɛ n won chaŋe
nɛra baa dɛ chɛɡ mɛ,
dawa maa kpɔ n te dawɛ
he waa ta nomanta.
43Gel n won kasinteŋ
bola saŋ bɛlbwa,
dɛkalkɛŋɔ n hwɛɡa bwa
lɔ he waa la ta.
44Mɛɛ dɛɛ teŋɛ
he Mmarare la taa,
saŋ bɛlbwa dɛɛ la.
45Mɛɛ valɔɔ maa wola ɔmɛ,
dɛkalkɛŋɔ n teŋɛ he
Mmarare ta.
46Mɛɛ bol he waa koranar sie,
sihiih aa wola men kpo.
47Maa dɛ nyin
he Mmarare la nomanta,
n sie dɛ lɛ a ta teŋa ta.
48N dɛ nyin he waa la
dɛɛ duura,
mɛɛ kpɔa do n nyu bini.
Yarada dɔe Korowii Mmara ta wa
49Lii men maa ɛ he bonɔɔ
waa haa baɡ mɛ nyoa la.
A ɡelɔ n dɔ hwɛɡa.
50Bolarawa maa dɔa dɛ le
n wenaale bini laanee kɛŋɔ,
he nyoa haa baɡ mɛ la
ɡelɔ n dɔ mkpa.
51Mbarafo tena
aa n loro dii ɡel bwa,
kɛ a ta ɡelɛ n laa n te kpɔ
he Mmarare ta teŋa ta.
52N Naa Korowii,
n lii he Mmarare aa lole
dɛ le saŋ la bwa wa aa,
dɛ n dɔ bolarawa.
53N nao kɛ nɛnchɔɡa
vɛh he Mmarare la ta teŋa
aa, dɛ n baah diu.
54N soɡa tama harɛ nɔ ta nɔ,
he waa laanee ber mɛ
yela mɛɛ ɡo.
55N Naa Korowii,
hale jwaana n dɛ lii he wa,
dɛɛ teŋɛ he Mmarare ta.
56Anee ɛ waa maa dɛ ɛ,
dɛɛ teŋɛ he waa la ta
tɔpere bɛlbwa.
Korowii Mmarare ta teŋa kasinteŋ ne
57N Naa Korowii,
henee n komɛlbwa.
N sɛoh kɛŋɔ mɛɛ teŋɛ
he Mmarare la taa.
58N bambile bwa nee
mɛɛ nyin he bɔr.
Sune n nɛ,
ɡɛ haa baɡ mɛ nyoa la.
59N nyiŋi ɡɛ n we-ɛɛla
aa doa dɛ charɛ n liire,
dɛ baa teŋɛ he waa la ta.
60Mɛɛ ɛ waranee maa
wola hɛlɛ, dɛ́ɛ teŋɛ
waa haa do mɛ a ta la.
61Hale nɛnchɔɡa
har mɛ bela kwaraa naa,
maa he Mmarare
laanee soh bwa.
62Harambaŋa n yon
ir dɛ́ɛ kpɛɛre,
ɡɛ he waa la aa toɡra wa.
63N kpɔ nomɛlbwa
waa dɛ tomɛ la ɛ n dam,
nɛra baa dɛ teŋɛ
he Mmarare ta bwa.
64N Naa Korowii,
he nyina aa wola jaɡa dɔe
su harɛ nɔ ta bwa.
Baɡ mɛ he Mmarare la.
Korowii Mmarare wer aa doa
65N Naa Korowii,
he teŋɛ he nyobaɡa ta,
dɛ ɛ men maa ɛ he
bonɔɔ nɔ wedɛɛɡa.
66Tɛ mɛ wejema ne liire,
dawa maa kpɔ n te dawɛ
he Mmarare ta la nomanta.
67Mɔɔ he tɛr n deŋne la,
dɛ wechɔɡaa n ɛ,
kɛ taraken te n dɛ
teŋɛ waa haa do mɛ la ta.
68He waa wer,
he wobɛlbwa ɡe wer,
chaɡ mɛ he waa la.
69Mbarafo tena
teŋe nyosone dawɛ n nɛ,
kɛ n bambile bwa nee
mɛɛ teŋɛ he Mmarare ta.
70Ba nyu bini kpeɡri,
ba tea aa nɛn nɛɛ domɛ,
kɛ he Mmarare la taa
mɛɛ dɔ silɛɛ.
71A wer kɛ maa dɔ deŋnetɛra,
dɛkalkɛ a ɡelɔ n won hweli
he waa la.
72Mmarare haa kpɔa tɛ mɛ la
ɡwaa mɛ harɛ nɔ ta suuɡa
bwa, hale suuɡaswɛm
ne suuɡapoŋa ta an tele.#Sɛɡ 8:10
Korowii Mmara kasinteŋ aa dɔa
73Henee ta mɛ, dɛ kpɔ nɔn tɔ
n nɛ.
Tɛ mɛ waa mun noe,
ń kpɔ hweli he Mmarare
la.
74Nɛra baa dɛ tomɛ la na mɛ
naa,
ba sie ɛɛ lɛo,
dɛkalkɛ n kpɔ n te dawɛ he
waa la ta.
75N Naa Korowii,
n jemɔ kɛŋɔ he bole pae
toɡrɔ,
he che kasinteŋ ta dɛ tɛr
n deŋne.
76Kpɔ he nyina aa wola
jaɡa dɔe la
larawe n bwara ɡɛ haa baɡɛ
men maa ɛ he bonɔɔ nyoa
la.
77Sune n nɛ, ásɛ n won so le,
dɛkalkɛ n sie dɛ lɛ
he Mmarare la ta teŋa ta.
78Gel sihiih kpo mbarafo tena,
nyosone baa teŋa dɛɛ dawɛ
n nɛ pɛɛpɛɛ wa,
kɛ n te, mɛɛ dɛɛ lii he waa
laanee.
79Gel nɛra baa dɛ tomɛ la berɛ
ba n be, nɛra baa
jemɛ he Mmarare la bwa.
80Gel n bambile lawɛ he waa
la,
mɛɛ teŋɛ a ta kɛrɛdɛ,
ásɛ sihiih bɛ men kpo.
Korowii nɛn lɛɛ wesoŋa
81N Naa Korowii,
n nyiŋi he siwi ta
kɛ hɛɛ ba lɛɛ mɛɛ kahonɛ,
n hwɛɡa bwa lɔ he waa la
ta.
82N nyiŋi waa haa baɡ mɛ
nyoa la ŋwɛnɛ dɛ ba koh,
dɛɛ bɔɔ ŋɔ, “Saŋ besoo
hɛɛ ba n bwara larawa ɔ?”
83N do kɛ yakwajɛɡla,
baa wola men kpɔe
dɛɛ ɛ wobɛlbwa ken,
kɛ n ta he Mmarare la
soɛh.
84N kpae ka tel saŋ besoo?
Bɛweeree hɛɛ ba
n dɔma deŋne tɛra ɔ?
85Mbarafo tena
baa wola he Mmarare ta
teŋɛ kwi bɔɔne,
dɛ́ kpɔ har mɛ bela.
86He Mmarare la wer,
kɛ nɛn kpɔ o te dawɛ a ta
kohona.
Lɛɛ mɛ le nɛra
baa hah mɛ pɛɛpɛɛ nɔn ta.
87A ka tama ba kpo mɛ,
kɛ n ta he Mmarare ta
teŋa ɡelɛ bwa.
88Che he nyina aa wola
jaɡa dɔe la ta,
dɛ́ kpɔ nɔn tɔ n nɛ,
ásɛ mɛɛ teŋɛ he webaɡla
bwa ta.
Yarada dɔe Korowii Mmara ta
89N Naa Korowii,
he waa lole saŋ bɛlbwa,
a cheɡɔ kiŋkiŋ nyundua.
90He kasinteŋ lole ka tel
ya naanar
baa teŋɛ dɔŋa nɛɛ bwa.
Henee kpɔ harɛ cheɡ
o chebɔr asɛ o do le.
91He nyoa wobol nee
he ta kwaa bwa,
asɛ a do le ba le fini,
dɛkalkɛ a bwa lɔ he lɔɡa.
92Dɛ he waa ta laa n silɛɛ che
naa,
n fe sewɛ n wenaale ta.
93Maa he waa laanee vɛh bwa,
dɛkalkɛŋɔ maa dɛ teŋɛ a ta
waa he ɡel n so le.
94Lɛɛ mɛ, dɛkalkɛ henee dɔɔ mɛ,
n takapɔ dɛɛ teŋɛ
he waa la ta.
95Nɛnchɔɡa dɛ́ kpa kɛŋɔ bá kpo
mɛ, kɛ ane a bwa,
maa he Mmarare la ta
teŋaa ɡel, mɛɛ dɛɛ liiraa.
96N nao kɛŋɔ wobɛlbwa dɔ a jaɡa,
kɛ he Mmarare la te
lole dɛɛ la.
Korowii Mmarare la nyina
97N Naa Korowii,
n dɛ nyin he Mmarare la
kɛrɛdɛ, tɔpere bɛlbwaa
mɛɛ lii a wa.
98He Mmarare la lɔ
n liire bini tɔpere bɛlbwa,
dɛ ɡel n dɔ wejema,
dɛ ɡwaa n dɔma.
99N dɛ no waa mun
ɡwaa nɛra maa hweli
waa le ba be,
dɛkalkɛ he Mmarare la
waa lɔ n nyu bini mɛɛ liira.
100N dɔ wejema
dɛ ɡwaa nomonome
baa hwɛɛhra, dɛkalkɛ
n dɛ teŋɛ he Mmarare ta.
101Maa dɛ nyin mɛɛ teŋɛ
he waa ta nomanta,
n laa n te kpɔ wechɔɡa ɛɛ
ta.
102N ta he Mmarare la vɛɛh,
dɛkalkɛŋɔ henee baɡ mɛ wa.
103He waa la som n be kohona,
a som dɛ ɡwaa tooh kwara.
104A taa n dɔ wejema dɛɛ le,
anomanta, n hah wechɔɡa
nɛra aa dɛ ɛ.
Korowii Mmara waa dɛ chaah bɔr kɛŋɔ kandea
105He waa la do kɛ kandea
dɛ tɛ mɛ, dɛ ɛ nii
dɛɛ chaah mɛ ŋwɛnɛ,
bela bwa maa kpɔ.
106N ŋwɛɛrɔ kɛrɛdɛ
kɛŋɔ mɛɛ teŋɛ
he Mmarare aa toɡra la
taa.
107N Naa Korowii,
n na wahala kohona,
tɛ mɛ bokpeɡfala
ɡɛ haa baɡ mɛ nyoa la.
108N Naa Korowii,
no n jaama maa dɛ jaame
nɔ,
dɛ́ chaɡ mɛ he Mmarare la.
109Saŋ bɛlbwa n cheɡɛ seo nyoa,
n ta he waa soɛh bwa.
110Nɛnchɔɡa har mɛ bel,
kɛ n ta habɔɔ berɛ kpo
he Mmarare la bwa.
111He Mmarare la do kɛ kwaa
a yoɡ aa kpeɡa tɛ mɛ
saŋ bɛlbwa ken,
anee dɛɛ tɛ mɛ silɛɛ.
112N bambile lawɔ kɛ mɛɛ teŋɛ
he waa la taa,
ka tel tɔpere maa sewɛ.
Bosɔɔhna aa lɔ Korowii Mmara ta
113N hah nɛra baa wola
bambile bwa kpɔe dɛɛ
tomɛ,
kɛ n te dɛ nyin he Mmara
la.#1Ko 18:21
114Henee n chwa baa marɛ
hɛɛ tɔ mɛ ɡbemɡbe,
n kpɔ n hwɛɡa bwa
do he waa la ta.
115Hé le n nɛɛ kaa, wechɔɡ-ɛɛra,
ásɛ n won dɛɛ teŋɛ
waa Korowii maa dɛ tomɔ
aa do mɛ ta!
116Tɛ mɛ bokpeɡa ásɛ n won so
le,
ɡɛ haa baɡ mɛ nyoa la.
Bɛ ɡel n hwɛɡa ta pɛɛ.
117Laɡ mɛ kpoŋe, dɛ́ lɛɛ mɛ,
ásɛ n cheɡ deŋne dɛɛ no
waa he Mmarare la
aa dɛ baɡle.
118Haa nɛra baa vɛh
he Mmarare ta teŋa nyin,
dɛkalkɛ ba nyosone vɔrɔwa
bwa ɛ pɛɛpɛɛ.
119Nɛnchɔɡa do kɛŋɔ haahra
he siwi ta,
anomanta, n sie dɛ lɛ
he webaɡla ta.
120He ɔma ɡelɔ n bwara ɛɛ chel,
n dɛ ɔmɛ he Mmarare la.
Korowii Mmarare ne a ta teŋa
121N ɛ wa aa toɡra dɛ do wer,
bɛ men ɡel tɛ n dɔma.
122Nyiŋi men
maa ɛ he bonɔɔ nɛɛ kɛrɛdɛ,
bɛ men ɡel tɛ mbarafo tena
bá fiɡ mɛ.
123N nyiŋi he siwi ta dɛ ba koh
kɛ hɛɛ ba lɛɛ mɛɛ,
dɛɛ nyiŋi nyoa haa baɡ mɛ
ŋɔ, hɛɛ ba lɛɛ mɛɛ la.
124Kpɔ he nyina
aa wola jaɡa dɔe la nyin
mɛ,
dɛ́ chaɡ mɛ he Mmarare la.
125Tɛ men maa ɛ he bonɔɔ nɔ
waa mun noe, ásɛ
n won no he waa la mun.
126N Naa Korowii,
saŋ telo kɛ he ir nyu ne,
dɛkalkɛ nɛra vɛh
he Mmarare la ta teŋa.
127N dɛ nyin he Mmarare
haa dɛ do mɛ a ta la ɡwaa
suuɡaswɛm,
hale suuɡaswɛm tenten
bɛlbwa,
128anomanta, n dɛ teŋɛ he
webaɡla ta, dɛ hah
waa aa wola were te bɛlbwa.
Korowii Mmara ta teŋa nyina
129He webaɡla waa dɔ nyokpoa,
anomanta, n dɛ teŋɛ a ta
n bambile bwa ne.
130He waa la baɡla
ɡelɔ nɛra liire bini ɛɛ
chaah,
dɛɛ tɛ nɛra baa wola
wobɛlbwa jemɛ wejema.
131N pɛla lawɛ he Mmarare
kohona,
n sie beɡrɔ kɛ ń jemɛ
waa aa dɛ baɡle.
132Berɛ sie n be, dɛ́ na n sum,
ɡɛ haa dɛ ɛ nɛra
baa dɛ nyini bwa la.
133Bɛ ɡel n lɔ na,
ɡɛ haa baɡɛ nyoa la,
dɛ bɛ ɡel wechɔɡa
ɡwaa n nɛ.
134Lɛɛ mɛ nɛra
baa dɛ fiɡ mɛ nɔn ta,
ásɛ n won dɛɛ teŋɛ
he Mmarare la ta.
135Nyiŋi men maa ɛ he bonɔɔ
nɛ,
dɛ́ chaɡ mɛ he waa la.
136N sinii dɛ yɔɔ mɛ
kɛŋɔ nenapale ken,
dɛkalkɛ nɛra aa he
Mmarare ta teŋɛ.
Korowii Mmara la kasinteŋ waa dɔa
137N Naa Korowii,
he waa toɡrɔ,
he Mmarare ɡe do wer.
138He Mmarare bwa wer dɛ
toɡre, a chɛ kɛ
yá kpɔ ya te dawɛ a ta.
139N baah dɛ fuh kohona
kɛŋɔ nii ken,
dɛkalkɛ n dɔma laa sie kpɔ
he webaɡla ta.
140He nyoa haa baɡa ɛ kasinteŋ.
Men maa ɛ he bonɔɔ sie
dɛ lɛ a ta.
141A lole kɛŋɔ
n toole wobɛlbwa bini te,
kɛ maa he webaɡla la soh.
142He toɡra haa toɡra
ta jaɡa dɔe,
asɛ he Mmara ɡe dɔ
kasinteŋ.
143Wenaale ne suna su n bwa,
kɛ he waa laanee dɛɛ tɛ mɛ
silɛɛ.
144He webaɡla toɡrɔ
saŋ bɛlbwa.
Tɛ mɛ waa mun noe,
ásɛ n won so le.
Korowii nɛn lɛɛ wesoŋa
145N Naa Korowii,
n dɛ yerɛ n bambile bwa
ne.
Sɛh n be, mɛɛ teŋɛ
he Mmarare taa.
146N wio dɛɛ yerɛ.
Lɛɛ mɛ, ásɛ mɛɛ teŋɛ
he Mmarare ta.
147Mɔɔ wee aa le chɔmbibii la,
dɛ n wio noe kɛ he cha mɛ.
N kpɔ n hwɛɡa do
he waa la ta.
148He Mmarare la waa lɔ n
nyubini.
Jwaana bwaa mɛɛ lii a wa,
maa dom chɔ.
149N Naa Korowii, che he nyina
aa wola jaɡa dɔe bwa ta,
dɛ́ chaŋ mɛ.
Sune n nɛɛ dɛ́ lɛɛ mɛ.
150Nyubinikpeɡ tena
baa teŋɛ n nɛɛ puu mɛ
tonɛ,
baa he Mmarare ta teŋɛ.
151Kɛ hen Korowii, he ja n nɛ,
he Mmarare bwa ɡe ɛ
kasinteŋ.
152Saŋ la bwaa
he waa la do le n hwela,
a lole saŋ bɛlbwa dɛɛ la.
Chae wesoŋa
153Nyiŋi wahala maa dɛ na,
ásɛ dɛ lɛɛ mɛ, dɛkalkɛ
n ta he Mmara la vɛɛh.
154Bol n waa tɛ mɛ, dɛ́ lɛɛ mɛ.
Kpɔ nɔn tɔ n nɛ,
ɡɛ haa baɡ mɛ nyoa la.
155Haa nɛnchɔɡa lɛɛ ba,
dɛkalkɛŋɔ baa he Mmarare
la kpɔe dɛɛ ɛ waane.
156Kɛ hen Korowii,
he tedoma haa dɔa kan,
sune n nɛ, dɛ́ lɛɛ mɛ.
157N dɔma warɔ,
ba ɛ nɛnchɔɡa dɛɛ fiɡ mɛ,
kɛ n ta sie laa kpɔ
he Mmarare ta.
158Maa nɛra baa wola
hen yarada la nyin,
dɛkalkɛ baa he Mmarare ta
teŋɛ.
159N Naa Korowii,
na ɡɛ maa dɛ nyin
he webaɡla,
che he nyina aa wola jaɡa
dɔe bwa ta,
dɛ́ kpɔ nɔn tɔ n nɛ.
160He waa bwa ɛ kasinteŋ,
he Mmarare la toɡre,
dɛ do le saŋ bɛlbwa.
Korowii nyina ne o Mmarare ta teŋa kasinteŋ ne
161N dɔma baa kpeɡa
dɛ yoo mɛ pɛɛpɛɛ,
kɛ he waa laanee mɛɛ ɔmɛ.
162N sie lɛo mɛɛ hɛɡre
he nyobaɡa la ta,
kɛŋɔ nomɛl waa kpaah
komɛl o yoɡ aa kpeɡa ken.#Mat 13:44-45
163N ki waa aa ɛ nyosone
kwaraa,
kɛ he Mmarare la te,
n dɛ nyina.
164N dɛ kpɛɛre
kera anuanɛ#119:164 Waa kera anuanɛ nɔ dɛ baɡle kɛŋɔ Korowii soŋa la warɔ. tɔpere
bɛlbwa,
dɛkalkɛ he waa la toɡrɔ.
165Nɛra baa dɛ nyin
he Mmarare la,
dɛ dɔ deŋnesɔɔhna kohona,
komɛlbwa aa won ɡel ba
lɔ na.
166N Naa Korowii,
n dɛ kpae kɛ he ba lɛɛ mɛ.
N dɛ teŋɛ he waa
haa do mɛ la ta.
167N dɛ nyin he Mmarare la
n bambile bwa ne,
dɛɛ teŋɛ a ta.
168N dɛ teŋɛ he webaɡla,
ne he Mmarare bwa ta.
He te jemɛ n waa bwa maa
dɛ ɛ.
Chae wesoŋa
169N Naa Korowii,
no n wii maa wia
dɛɛ noe nɔ,
dɛ́ tɛ mɛ waa mun noe
liire,
ɡɛ he waa la aa dɛ baɡle la.
170No n wesoŋa,
dɛ́ lɛɛ mɛ ɡɛ haa baɡ mɛ
nyoa la.
171Mɛɛ kpɛɛre saŋ bɛlbwaa,
dɛkalkɛ he dɛ baɡ mɛ
he Mmarare.
172Mɛɛ ɡo he waa la yelaa,
dɛkalkɛ he waa
haa do mɛ a ta la toɡrɔ.
173Maa dɛ teŋɛ
he webaɡla ta nomanta,
kpɔ nɔn dɛɛ tɔ n nɛɛ
saŋ bɛlbwa.
174N Naa Korowii,
n sie dawɛ he nɛɛ kɛ
he lɛɛ mɛ, he Mmarare
laanee dɛɛ tɛ mɛ silɛɛ.
175Gel n dɔ mkpa,
ásɛ dɛ won kpɛɛre,
ɡel he Mmarare la cha mɛ.
176Men maa ɛ he bonɔɔ
do kɛŋɔ pee
waa nyoɡra ken.
Ba ɡaaɡe n bɔr,
dɛkalkɛŋɔ n ta he Mmarare
la vɛɛh.#1Pi 2:25
Currently Selected:
Yela 119: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 119
119
Korowii Mmara la
1Nɛra ba we-ɛɛla aa toɡra,
baa teŋɛ Korowii Mmarare
ta la, ba na som.
2Nɛra baa dɛ nyin o waa
dɛɛ teŋɛ a ta
bambile bwa ne la,
ba na som.
3Baa wechɔɡa bɛlbwa ɛ,
ba dɛ valɛ o ŋwɛnɛre
waa baɡla la ta.
4N Naa Korowii,
he kpɔ he Mmarare tɛ yaa,
dɛ ŋɔ yá kpɔ kasinteŋ
dɛɛ teŋɛ a ta.
5N dɛ nyin kɛ n waa fe dɔ
kasinteŋ,
mɛɛ teŋɛ he waa ta!
6Dɛ n do sie dɛɛ teŋɛ
he waa ta naa,
sihiih aa men kpo bwa.
7Dɛ n dɛ hweli he wa aa toɡra
dɛɛ teŋɛ a ta naa,
mɛɛ dɔ bambidɛɛɡee
dɛɛ kpɛɛre.
8Mɛɛ teŋɛ he Mmarare taa,
bɛ men vɛh kwara.
Korowii Mmarare ta teŋa
9Ɛrɛɛ bonɔɔ we-ɛɛla ɛɛ ba
wona do wer he be nɔ?
Nemenɛ wɛɛ teŋɛ he
Mmarare ta.
10N dɛ tomɛ n bambile bwa ne.
Bɛ ɡel n vɛh waa
haa do mɛ
a ta la ta teŋa.
11N kpɔ he waa
do n bambile bini,
dɛ bɛ hen wechɔɡa ɛ.
12N Naa Korowii,
n dɛ kpɛɛre, baɡ mɛ
he Mmarare la.
13Mɛɛ dɛɛ bol he waa haa
kpɔa baɡ mɛ laanee
nɛra be.
14N sie dɛ lɛ he waa ta teŋa,
ɡwaa kɛ maa dɔ kondɔɔh
kohona.
15N kpɔ he waa la do
n nyu bini, dɛɛ kari a bwa.
16N dɛ nyin he Mmarare la
kohona,
maa he waa laanee vɛh.
Korowii waa ta teŋa dɔ silɛɛ
17Nyiŋi men maa ɛ
he bonɔɔ nɛɛ kɛrɛdɛ,
ásɛ n won so dɛɛ teŋɛ
he waa haa baɡ mɛ la ta.
18Pili n sie, ń won jemɛ
he waa aa dɔ kasinteŋ
he Mmarare ta la.
19N ɛ hɔɔh harɛ nɔ ta,
bɛ he waa haa do mɛ
a ta la kpɔ sɔɔh mɛ.
20N bambile lawɔ
kɛ mɛɛ teŋɛ he Mmarare
la ta, saŋ bɛlbwa.
21He dɛ kah mbarafo tena,
dɛɛ taah nɛra baa vɛh
he waa ta teŋa.
22Lɛɛ mɛ le chɛɡa ne sihiih ta,
dɛkalkɛ n dɛ teŋɛ
he Mmarare ta.
23A lole kɛ nɛra baa dɛ di
kpeɡri dɛ vɔrɔwe n vɔrɔwa,
kɛ mɛɛ kpɔ he waa laanee
do n nyu bini.
24He Mmarare laanee
dɛɛ tɛ mɛ silɛɛ,
anee dɛɛ ja mɛ.
Korowii Mmara ta teŋa siswɛm ne
25N cheɡɛ seo nyoa, ɡel he
waa la tɛ mɛ bokpeɡfala,
ɡɛ haa baɡ mɛ nyoa la.
26N bol n wenaale baɡle,
asɛ he chaŋ mɛ,
baɡ mɛ he ŋwɛnɛre.
27Cha mɛ ń won no
he waa la mun,
ásɛ mɛɛ lii he
nyokpowe-ɛɛla la.
28N dɛ di suna kohona,
tɛ mɛ bokpeɡa,
ɡɛ haa baɡɛ nyoa la.
29Lee mɛ waa aa ɛ
nyosone ta,
he wa aa toɡra nomanta,
chaɡ mɛ he Mmarare la.
30N dɛ nyin kɛ n waa
dɔ kasinteŋ,
dɛ kpɔ n te dawɛ
he waa ta.
31N Naa Korowii,
n lawɛ he Mmarare la
kpoŋe kiŋkiŋ,
bɛ ɡel sihiih kpo mɛ.
32Mɛɛ swɛɛ siwii dɛɛ teŋɛ
he webaɡla ta,
dɛkalkɛŋɔ he cha mɛ,
dɛ ɡel mɛɛ no waa mun
kɛrɛdɛ.
Waa mun noe wesoŋa
33N Naa Korowii,
baɡ mɛ he Mmarare la,
ásɛ mɛɛ teŋɛ a ta
saŋ bɛlbwa.
34Cha mɛ n won
dɛɛ no waa mun,
ásɛ mɛɛ teŋɛ he waa ta,
n bambile bwa ne.
35Chaɡ mɛ he waa ŋwɛnɛre
mɛɛ kpɔ a ta,
dɛkalkɛ a taa mɛɛ dɔ silɛɛ.
36Gel mɛɛ nyin
he waa ta teŋa ta,
ɡwaa kɛŋɔ maa dɔ kwa.#Luk 12:15; 1Ti 6:10; Hib 13:5
37Bɛ ɡel n pɛla do kwaa
aa wola tɔnɔ dɔe ta.
Tɛ mɛ mkpa ɡɛ
he waa la aa baɡla la.
38Tɛ men maa ɛ he bonɔɔ
kon haa baɡ mɛ nyoa,
ɡɛ haa baɡɛ nɛra
baa dɛ ɔmɛ la.
39Lɛɛ mɛ le chɛɡa maa dɛ
ɔmɛ kohona ta, dɛkalkɛ
he waa dɔ nyokpoa.
40N dɛ nyin he waa la ta
teŋa kohona.
Che toɡra he wa
aa toɡra ta
dɛ tɛ mɛ mkpa.
Korowii waa la yaradae
41N Naa Korowii,
ɡel n na he nyina
aa wola jaɡa dɔe la.
Lɛɛ mɛ ɡɛ haa baɡɛ
nyoa la.
42Ásɛ n won chaŋe
nɛra baa dɛ chɛɡ mɛ,
dawa maa kpɔ n te dawɛ
he waa ta nomanta.
43Gel n won kasinteŋ
bola saŋ bɛlbwa,
dɛkalkɛŋɔ n hwɛɡa bwa
lɔ he waa la ta.
44Mɛɛ dɛɛ teŋɛ
he Mmarare la taa,
saŋ bɛlbwa dɛɛ la.
45Mɛɛ valɔɔ maa wola ɔmɛ,
dɛkalkɛŋɔ n teŋɛ he
Mmarare ta.
46Mɛɛ bol he waa koranar sie,
sihiih aa wola men kpo.
47Maa dɛ nyin
he Mmarare la nomanta,
n sie dɛ lɛ a ta teŋa ta.
48N dɛ nyin he waa la
dɛɛ duura,
mɛɛ kpɔa do n nyu bini.
Yarada dɔe Korowii Mmara ta wa
49Lii men maa ɛ he bonɔɔ
waa haa baɡ mɛ nyoa la.
A ɡelɔ n dɔ hwɛɡa.
50Bolarawa maa dɔa dɛ le
n wenaale bini laanee kɛŋɔ,
he nyoa haa baɡ mɛ la
ɡelɔ n dɔ mkpa.
51Mbarafo tena
aa n loro dii ɡel bwa,
kɛ a ta ɡelɛ n laa n te kpɔ
he Mmarare ta teŋa ta.
52N Naa Korowii,
n lii he Mmarare aa lole
dɛ le saŋ la bwa wa aa,
dɛ n dɔ bolarawa.
53N nao kɛ nɛnchɔɡa
vɛh he Mmarare la ta teŋa
aa, dɛ n baah diu.
54N soɡa tama harɛ nɔ ta nɔ,
he waa laanee ber mɛ
yela mɛɛ ɡo.
55N Naa Korowii,
hale jwaana n dɛ lii he wa,
dɛɛ teŋɛ he Mmarare ta.
56Anee ɛ waa maa dɛ ɛ,
dɛɛ teŋɛ he waa la ta
tɔpere bɛlbwa.
Korowii Mmarare ta teŋa kasinteŋ ne
57N Naa Korowii,
henee n komɛlbwa.
N sɛoh kɛŋɔ mɛɛ teŋɛ
he Mmarare la taa.
58N bambile bwa nee
mɛɛ nyin he bɔr.
Sune n nɛ,
ɡɛ haa baɡ mɛ nyoa la.
59N nyiŋi ɡɛ n we-ɛɛla
aa doa dɛ charɛ n liire,
dɛ baa teŋɛ he waa la ta.
60Mɛɛ ɛ waranee maa
wola hɛlɛ, dɛ́ɛ teŋɛ
waa haa do mɛ a ta la.
61Hale nɛnchɔɡa
har mɛ bela kwaraa naa,
maa he Mmarare
laanee soh bwa.
62Harambaŋa n yon
ir dɛ́ɛ kpɛɛre,
ɡɛ he waa la aa toɡra wa.
63N kpɔ nomɛlbwa
waa dɛ tomɛ la ɛ n dam,
nɛra baa dɛ teŋɛ
he Mmarare ta bwa.
64N Naa Korowii,
he nyina aa wola jaɡa dɔe
su harɛ nɔ ta bwa.
Baɡ mɛ he Mmarare la.
Korowii Mmarare wer aa doa
65N Naa Korowii,
he teŋɛ he nyobaɡa ta,
dɛ ɛ men maa ɛ he
bonɔɔ nɔ wedɛɛɡa.
66Tɛ mɛ wejema ne liire,
dawa maa kpɔ n te dawɛ
he Mmarare ta la nomanta.
67Mɔɔ he tɛr n deŋne la,
dɛ wechɔɡaa n ɛ,
kɛ taraken te n dɛ
teŋɛ waa haa do mɛ la ta.
68He waa wer,
he wobɛlbwa ɡe wer,
chaɡ mɛ he waa la.
69Mbarafo tena
teŋe nyosone dawɛ n nɛ,
kɛ n bambile bwa nee
mɛɛ teŋɛ he Mmarare ta.
70Ba nyu bini kpeɡri,
ba tea aa nɛn nɛɛ domɛ,
kɛ he Mmarare la taa
mɛɛ dɔ silɛɛ.
71A wer kɛ maa dɔ deŋnetɛra,
dɛkalkɛ a ɡelɔ n won hweli
he waa la.
72Mmarare haa kpɔa tɛ mɛ la
ɡwaa mɛ harɛ nɔ ta suuɡa
bwa, hale suuɡaswɛm
ne suuɡapoŋa ta an tele.#Sɛɡ 8:10
Korowii Mmara kasinteŋ aa dɔa
73Henee ta mɛ, dɛ kpɔ nɔn tɔ
n nɛ.
Tɛ mɛ waa mun noe,
ń kpɔ hweli he Mmarare
la.
74Nɛra baa dɛ tomɛ la na mɛ
naa,
ba sie ɛɛ lɛo,
dɛkalkɛ n kpɔ n te dawɛ he
waa la ta.
75N Naa Korowii,
n jemɔ kɛŋɔ he bole pae
toɡrɔ,
he che kasinteŋ ta dɛ tɛr
n deŋne.
76Kpɔ he nyina aa wola
jaɡa dɔe la
larawe n bwara ɡɛ haa baɡɛ
men maa ɛ he bonɔɔ nyoa
la.
77Sune n nɛ, ásɛ n won so le,
dɛkalkɛ n sie dɛ lɛ
he Mmarare la ta teŋa ta.
78Gel sihiih kpo mbarafo tena,
nyosone baa teŋa dɛɛ dawɛ
n nɛ pɛɛpɛɛ wa,
kɛ n te, mɛɛ dɛɛ lii he waa
laanee.
79Gel nɛra baa dɛ tomɛ la berɛ
ba n be, nɛra baa
jemɛ he Mmarare la bwa.
80Gel n bambile lawɛ he waa
la,
mɛɛ teŋɛ a ta kɛrɛdɛ,
ásɛ sihiih bɛ men kpo.
Korowii nɛn lɛɛ wesoŋa
81N Naa Korowii,
n nyiŋi he siwi ta
kɛ hɛɛ ba lɛɛ mɛɛ kahonɛ,
n hwɛɡa bwa lɔ he waa la
ta.
82N nyiŋi waa haa baɡ mɛ
nyoa la ŋwɛnɛ dɛ ba koh,
dɛɛ bɔɔ ŋɔ, “Saŋ besoo
hɛɛ ba n bwara larawa ɔ?”
83N do kɛ yakwajɛɡla,
baa wola men kpɔe
dɛɛ ɛ wobɛlbwa ken,
kɛ n ta he Mmarare la
soɛh.
84N kpae ka tel saŋ besoo?
Bɛweeree hɛɛ ba
n dɔma deŋne tɛra ɔ?
85Mbarafo tena
baa wola he Mmarare ta
teŋɛ kwi bɔɔne,
dɛ́ kpɔ har mɛ bela.
86He Mmarare la wer,
kɛ nɛn kpɔ o te dawɛ a ta
kohona.
Lɛɛ mɛ le nɛra
baa hah mɛ pɛɛpɛɛ nɔn ta.
87A ka tama ba kpo mɛ,
kɛ n ta he Mmarare ta
teŋa ɡelɛ bwa.
88Che he nyina aa wola
jaɡa dɔe la ta,
dɛ́ kpɔ nɔn tɔ n nɛ,
ásɛ mɛɛ teŋɛ he webaɡla
bwa ta.
Yarada dɔe Korowii Mmara ta
89N Naa Korowii,
he waa lole saŋ bɛlbwa,
a cheɡɔ kiŋkiŋ nyundua.
90He kasinteŋ lole ka tel
ya naanar
baa teŋɛ dɔŋa nɛɛ bwa.
Henee kpɔ harɛ cheɡ
o chebɔr asɛ o do le.
91He nyoa wobol nee
he ta kwaa bwa,
asɛ a do le ba le fini,
dɛkalkɛ a bwa lɔ he lɔɡa.
92Dɛ he waa ta laa n silɛɛ che
naa,
n fe sewɛ n wenaale ta.
93Maa he waa laanee vɛh bwa,
dɛkalkɛŋɔ maa dɛ teŋɛ a ta
waa he ɡel n so le.
94Lɛɛ mɛ, dɛkalkɛ henee dɔɔ mɛ,
n takapɔ dɛɛ teŋɛ
he waa la ta.
95Nɛnchɔɡa dɛ́ kpa kɛŋɔ bá kpo
mɛ, kɛ ane a bwa,
maa he Mmarare la ta
teŋaa ɡel, mɛɛ dɛɛ liiraa.
96N nao kɛŋɔ wobɛlbwa dɔ a jaɡa,
kɛ he Mmarare la te
lole dɛɛ la.
Korowii Mmarare la nyina
97N Naa Korowii,
n dɛ nyin he Mmarare la
kɛrɛdɛ, tɔpere bɛlbwaa
mɛɛ lii a wa.
98He Mmarare la lɔ
n liire bini tɔpere bɛlbwa,
dɛ ɡel n dɔ wejema,
dɛ ɡwaa n dɔma.
99N dɛ no waa mun
ɡwaa nɛra maa hweli
waa le ba be,
dɛkalkɛ he Mmarare la
waa lɔ n nyu bini mɛɛ liira.
100N dɔ wejema
dɛ ɡwaa nomonome
baa hwɛɛhra, dɛkalkɛ
n dɛ teŋɛ he Mmarare ta.
101Maa dɛ nyin mɛɛ teŋɛ
he waa ta nomanta,
n laa n te kpɔ wechɔɡa ɛɛ
ta.
102N ta he Mmarare la vɛɛh,
dɛkalkɛŋɔ henee baɡ mɛ wa.
103He waa la som n be kohona,
a som dɛ ɡwaa tooh kwara.
104A taa n dɔ wejema dɛɛ le,
anomanta, n hah wechɔɡa
nɛra aa dɛ ɛ.
Korowii Mmara waa dɛ chaah bɔr kɛŋɔ kandea
105He waa la do kɛ kandea
dɛ tɛ mɛ, dɛ ɛ nii
dɛɛ chaah mɛ ŋwɛnɛ,
bela bwa maa kpɔ.
106N ŋwɛɛrɔ kɛrɛdɛ
kɛŋɔ mɛɛ teŋɛ
he Mmarare aa toɡra la
taa.
107N Naa Korowii,
n na wahala kohona,
tɛ mɛ bokpeɡfala
ɡɛ haa baɡ mɛ nyoa la.
108N Naa Korowii,
no n jaama maa dɛ jaame
nɔ,
dɛ́ chaɡ mɛ he Mmarare la.
109Saŋ bɛlbwa n cheɡɛ seo nyoa,
n ta he waa soɛh bwa.
110Nɛnchɔɡa har mɛ bel,
kɛ n ta habɔɔ berɛ kpo
he Mmarare la bwa.
111He Mmarare la do kɛ kwaa
a yoɡ aa kpeɡa tɛ mɛ
saŋ bɛlbwa ken,
anee dɛɛ tɛ mɛ silɛɛ.
112N bambile lawɔ kɛ mɛɛ teŋɛ
he waa la taa,
ka tel tɔpere maa sewɛ.
Bosɔɔhna aa lɔ Korowii Mmara ta
113N hah nɛra baa wola
bambile bwa kpɔe dɛɛ
tomɛ,
kɛ n te dɛ nyin he Mmara
la.#1Ko 18:21
114Henee n chwa baa marɛ
hɛɛ tɔ mɛ ɡbemɡbe,
n kpɔ n hwɛɡa bwa
do he waa la ta.
115Hé le n nɛɛ kaa, wechɔɡ-ɛɛra,
ásɛ n won dɛɛ teŋɛ
waa Korowii maa dɛ tomɔ
aa do mɛ ta!
116Tɛ mɛ bokpeɡa ásɛ n won so
le,
ɡɛ haa baɡ mɛ nyoa la.
Bɛ ɡel n hwɛɡa ta pɛɛ.
117Laɡ mɛ kpoŋe, dɛ́ lɛɛ mɛ,
ásɛ n cheɡ deŋne dɛɛ no
waa he Mmarare la
aa dɛ baɡle.
118Haa nɛra baa vɛh
he Mmarare ta teŋa nyin,
dɛkalkɛ ba nyosone vɔrɔwa
bwa ɛ pɛɛpɛɛ.
119Nɛnchɔɡa do kɛŋɔ haahra
he siwi ta,
anomanta, n sie dɛ lɛ
he webaɡla ta.
120He ɔma ɡelɔ n bwara ɛɛ chel,
n dɛ ɔmɛ he Mmarare la.
Korowii Mmarare ne a ta teŋa
121N ɛ wa aa toɡra dɛ do wer,
bɛ men ɡel tɛ n dɔma.
122Nyiŋi men
maa ɛ he bonɔɔ nɛɛ kɛrɛdɛ,
bɛ men ɡel tɛ mbarafo tena
bá fiɡ mɛ.
123N nyiŋi he siwi ta dɛ ba koh
kɛ hɛɛ ba lɛɛ mɛɛ,
dɛɛ nyiŋi nyoa haa baɡ mɛ
ŋɔ, hɛɛ ba lɛɛ mɛɛ la.
124Kpɔ he nyina
aa wola jaɡa dɔe la nyin
mɛ,
dɛ́ chaɡ mɛ he Mmarare la.
125Tɛ men maa ɛ he bonɔɔ nɔ
waa mun noe, ásɛ
n won no he waa la mun.
126N Naa Korowii,
saŋ telo kɛ he ir nyu ne,
dɛkalkɛ nɛra vɛh
he Mmarare la ta teŋa.
127N dɛ nyin he Mmarare
haa dɛ do mɛ a ta la ɡwaa
suuɡaswɛm,
hale suuɡaswɛm tenten
bɛlbwa,
128anomanta, n dɛ teŋɛ he
webaɡla ta, dɛ hah
waa aa wola were te bɛlbwa.
Korowii Mmara ta teŋa nyina
129He webaɡla waa dɔ nyokpoa,
anomanta, n dɛ teŋɛ a ta
n bambile bwa ne.
130He waa la baɡla
ɡelɔ nɛra liire bini ɛɛ
chaah,
dɛɛ tɛ nɛra baa wola
wobɛlbwa jemɛ wejema.
131N pɛla lawɛ he Mmarare
kohona,
n sie beɡrɔ kɛ ń jemɛ
waa aa dɛ baɡle.
132Berɛ sie n be, dɛ́ na n sum,
ɡɛ haa dɛ ɛ nɛra
baa dɛ nyini bwa la.
133Bɛ ɡel n lɔ na,
ɡɛ haa baɡɛ nyoa la,
dɛ bɛ ɡel wechɔɡa
ɡwaa n nɛ.
134Lɛɛ mɛ nɛra
baa dɛ fiɡ mɛ nɔn ta,
ásɛ n won dɛɛ teŋɛ
he Mmarare la ta.
135Nyiŋi men maa ɛ he bonɔɔ
nɛ,
dɛ́ chaɡ mɛ he waa la.
136N sinii dɛ yɔɔ mɛ
kɛŋɔ nenapale ken,
dɛkalkɛ nɛra aa he
Mmarare ta teŋɛ.
Korowii Mmara la kasinteŋ waa dɔa
137N Naa Korowii,
he waa toɡrɔ,
he Mmarare ɡe do wer.
138He Mmarare bwa wer dɛ
toɡre, a chɛ kɛ
yá kpɔ ya te dawɛ a ta.
139N baah dɛ fuh kohona
kɛŋɔ nii ken,
dɛkalkɛ n dɔma laa sie kpɔ
he webaɡla ta.
140He nyoa haa baɡa ɛ kasinteŋ.
Men maa ɛ he bonɔɔ sie
dɛ lɛ a ta.
141A lole kɛŋɔ
n toole wobɛlbwa bini te,
kɛ maa he webaɡla la soh.
142He toɡra haa toɡra
ta jaɡa dɔe,
asɛ he Mmara ɡe dɔ
kasinteŋ.
143Wenaale ne suna su n bwa,
kɛ he waa laanee dɛɛ tɛ mɛ
silɛɛ.
144He webaɡla toɡrɔ
saŋ bɛlbwa.
Tɛ mɛ waa mun noe,
ásɛ n won so le.
Korowii nɛn lɛɛ wesoŋa
145N Naa Korowii,
n dɛ yerɛ n bambile bwa
ne.
Sɛh n be, mɛɛ teŋɛ
he Mmarare taa.
146N wio dɛɛ yerɛ.
Lɛɛ mɛ, ásɛ mɛɛ teŋɛ
he Mmarare ta.
147Mɔɔ wee aa le chɔmbibii la,
dɛ n wio noe kɛ he cha mɛ.
N kpɔ n hwɛɡa do
he waa la ta.
148He Mmarare la waa lɔ n
nyubini.
Jwaana bwaa mɛɛ lii a wa,
maa dom chɔ.
149N Naa Korowii, che he nyina
aa wola jaɡa dɔe bwa ta,
dɛ́ chaŋ mɛ.
Sune n nɛɛ dɛ́ lɛɛ mɛ.
150Nyubinikpeɡ tena
baa teŋɛ n nɛɛ puu mɛ
tonɛ,
baa he Mmarare ta teŋɛ.
151Kɛ hen Korowii, he ja n nɛ,
he Mmarare bwa ɡe ɛ
kasinteŋ.
152Saŋ la bwaa
he waa la do le n hwela,
a lole saŋ bɛlbwa dɛɛ la.
Chae wesoŋa
153Nyiŋi wahala maa dɛ na,
ásɛ dɛ lɛɛ mɛ, dɛkalkɛ
n ta he Mmara la vɛɛh.
154Bol n waa tɛ mɛ, dɛ́ lɛɛ mɛ.
Kpɔ nɔn tɔ n nɛ,
ɡɛ haa baɡ mɛ nyoa la.
155Haa nɛnchɔɡa lɛɛ ba,
dɛkalkɛŋɔ baa he Mmarare
la kpɔe dɛɛ ɛ waane.
156Kɛ hen Korowii,
he tedoma haa dɔa kan,
sune n nɛ, dɛ́ lɛɛ mɛ.
157N dɔma warɔ,
ba ɛ nɛnchɔɡa dɛɛ fiɡ mɛ,
kɛ n ta sie laa kpɔ
he Mmarare ta.
158Maa nɛra baa wola
hen yarada la nyin,
dɛkalkɛ baa he Mmarare ta
teŋɛ.
159N Naa Korowii,
na ɡɛ maa dɛ nyin
he webaɡla,
che he nyina aa wola jaɡa
dɔe bwa ta,
dɛ́ kpɔ nɔn tɔ n nɛ.
160He waa bwa ɛ kasinteŋ,
he Mmarare la toɡre,
dɛ do le saŋ bɛlbwa.
Korowii nyina ne o Mmarare ta teŋa kasinteŋ ne
161N dɔma baa kpeɡa
dɛ yoo mɛ pɛɛpɛɛ,
kɛ he waa laanee mɛɛ ɔmɛ.
162N sie lɛo mɛɛ hɛɡre
he nyobaɡa la ta,
kɛŋɔ nomɛl waa kpaah
komɛl o yoɡ aa kpeɡa ken.#Mat 13:44-45
163N ki waa aa ɛ nyosone
kwaraa,
kɛ he Mmarare la te,
n dɛ nyina.
164N dɛ kpɛɛre
kera anuanɛ#119:164 Waa kera anuanɛ nɔ dɛ baɡle kɛŋɔ Korowii soŋa la warɔ. tɔpere
bɛlbwa,
dɛkalkɛ he waa la toɡrɔ.
165Nɛra baa dɛ nyin
he Mmarare la,
dɛ dɔ deŋnesɔɔhna kohona,
komɛlbwa aa won ɡel ba
lɔ na.
166N Naa Korowii,
n dɛ kpae kɛ he ba lɛɛ mɛ.
N dɛ teŋɛ he waa
haa do mɛ la ta.
167N dɛ nyin he Mmarare la
n bambile bwa ne,
dɛɛ teŋɛ a ta.
168N dɛ teŋɛ he webaɡla,
ne he Mmarare bwa ta.
He te jemɛ n waa bwa maa
dɛ ɛ.
Chae wesoŋa
169N Naa Korowii,
no n wii maa wia
dɛɛ noe nɔ,
dɛ́ tɛ mɛ waa mun noe
liire,
ɡɛ he waa la aa dɛ baɡle la.
170No n wesoŋa,
dɛ́ lɛɛ mɛ ɡɛ haa baɡ mɛ
nyoa la.
171Mɛɛ kpɛɛre saŋ bɛlbwaa,
dɛkalkɛ he dɛ baɡ mɛ
he Mmarare.
172Mɛɛ ɡo he waa la yelaa,
dɛkalkɛ he waa
haa do mɛ a ta la toɡrɔ.
173Maa dɛ teŋɛ
he webaɡla ta nomanta,
kpɔ nɔn dɛɛ tɔ n nɛɛ
saŋ bɛlbwa.
174N Naa Korowii,
n sie dawɛ he nɛɛ kɛ
he lɛɛ mɛ, he Mmarare
laanee dɛɛ tɛ mɛ silɛɛ.
175Gel n dɔ mkpa,
ásɛ dɛ won kpɛɛre,
ɡel he Mmarare la cha mɛ.
176Men maa ɛ he bonɔɔ
do kɛŋɔ pee
waa nyoɡra ken.
Ba ɡaaɡe n bɔr,
dɛkalkɛŋɔ n ta he Mmarare
la vɛɛh.#1Pi 2:25
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.