Yela 118
118
Korowii jaama wesoŋa
1Hé kpɔ jam tɛ Korowii,
dɛkalkɛ o waa wer.
O nyina waa dɛ nyin yaa
lole saŋ bɛlbwa dɛɛ la.
2Israel tena, hé ŋɔ,
“O nyina waa dɛ nyin yaa
lole saŋ bɛlbwa dɛɛ la.”
3Arɔn naanar, hé ŋɔ,
“O nyina waa dɛ nyin yaa
lole saŋ bɛlbwa dɛɛ la.”
4He banɔ la bwa haa dɛ
tomɛ Korowii, hé ŋɔ,
“O nyina waa dɛ nyin yaa
lole saŋ bɛlbwa dɛɛ la.”
5Maa lɔ weweele ta la,
n wio no Korowii,
asɛ o chaŋ mɛ dɛ lɛɛ mɛ.
6Korowii ja n nɛ, maa ɔmɛ.
Ɛrɛɛ nɛwɛnyini ɛɛ ba
wona ɛɛ mɛ nɔ?#Yel 56:3; Hib 13:6
7Korowii ja n nɛɛ dɛɛ
cha mɛ, anomanta,
mɛɛ won pɔ n dɔma nɛ.
8A wer kohona kɛ nɛn
kpɔ o te do Korowii lɔɡa,
ɡwaa kɛŋɔ waa kpɔ
o te dawɛ nɛwɛnyini nɛ.
9A wer kohona kɛ nɛn
kpɔ o te do Korowii lɔɡa,
ɡwaa kɛŋɔ waa kpɔ
o te dawɛ
harɛ nɔ ta nomonjena nɛ.
10Harɛre nɛra baa wola
Korowii tomɛ bwa
bar mɛ cheme,
kɛ Korowii cheɡɛ n habɔɔ
dɛ ɡel n pɔ ba nɛ.
11Ba bar mɛ cheme,
kɛ Korowii cheɡɛ n habɔɔ,
dɛ ɡel n pɔ ba nɛ.
12Ba warɔ bar mɛ cheme,
kɛŋɔ toohna ken,
kɛ ba serewɔ wɔrɔbe nɛ,
kɛŋɔ nii aa le sɔɔhne baah
ken,
asɛ Korowii che n habɔɔ,
dɛ ɡel n pɔ ba nɛ.
13Ba baa yoo mɛ,
a ka tama ba fee pɔ n nɛ,
kɛ Korowii cha mɛ.
14N bokpeɡa maa dɔa
ne n kpeɡri bwa
le Korowii be,
onee nɛn waa dɛ lɛɛ mɛ.
15Hé no nɛra ba wa
aa toɡra silɛɛ moola
aa dɛ le ba tɛnte deene
bini,
pɔe baa pɔ ba dɔma nɛɛ
la wa.
Ba ŋɔ,
“Korowii kpeɡri,
o won wekpeɡa kohona
ɛɛ.#Kaa 15:6
16O kpeɡri ɡelɔ ya pɔ
ya dɔma nɛ, o won
wekpeɡa kohona ɛɛ.”
17Maa sewa ba, mɛɛ so lee
dɛ́ baɡle waa Korowii
aa ɛa.
18Korowii tɛr n deŋne kohona,
kɛ o ta ɡelɛ n sewɛ.
19Hé pili Korowii Dea
doonyoo tɛ mɛ,
bela nɛra ba wa aa toɡra
aa cheɡa dɛɛ jo la,
ásɛ n jo kpɔ jam
ka tɛ Korowii.
20Korowii Dea doonyoa laanee
la,
o taa nɛra ba wa
aa toɡra che dɛɛ jo.
21N Naa Korowii,
mɛɛ kpɔ jamee tɛɛ,
dɛkalkɛ he no n be
dɛ lɛɛ mɛ.
22Bwe la mamaala aa vɛoh
dɛ liiru konsala laanee
bera ba lawɛ dea la kpoŋe
la.
23Korowiirii ɡela a ɛ ɡɛ,
asɛ a ɛ yaa nyokpowa.#Mat 21:42; Weɛ 4:11
24Finii ɛ tɔpere yaa kpɔa dɛɛ lii
awola Korowii aa pɔ o
dɔma nɛ.
Hé ɡel ya sie lɛ,
yaa hɛɡre a wa.
25N Naa Korowii, ba lɛ yaa,
ɡel ya wobɛlbwa chiɡ yaa
kɛrɛdɛ.
26Korowii swee naate waa
valɛ o sɔn ta
dɛɛ ba nɔ andɛɛɡa.
Ya cheɡɛ Korowii Dea
dɛɛ sweere andɛɛɡa.#Mat 21:9
27Korowii beŋkpoŋ ɡboo lole,
on sune ya nɛɛ dɛ lɛ yaa.
Hé pa he tɔpejen dii la mun,
dɛ́ kpoŋe bambie daa,
dɛ́ ka valɛ bar
kwaa aa do kɛ nyeɡlare,
dɛ do Korowii saraha
on la bɔr la.
28Henee Korowii maa dɛ tomɛ,
n kpɔ jam dɛɛ tɛɛ,
mɛɛ bol he kan
haa doa waa.
29Hé kpɔ jam tɛ Korowii,
dɛkalkɛ o waa wer.
O nyina waa dɛ nyin yaa
lole saŋ bɛlbwa dɛɛ la.
Currently Selected:
Yela 118: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 118
118
Korowii jaama wesoŋa
1Hé kpɔ jam tɛ Korowii,
dɛkalkɛ o waa wer.
O nyina waa dɛ nyin yaa
lole saŋ bɛlbwa dɛɛ la.
2Israel tena, hé ŋɔ,
“O nyina waa dɛ nyin yaa
lole saŋ bɛlbwa dɛɛ la.”
3Arɔn naanar, hé ŋɔ,
“O nyina waa dɛ nyin yaa
lole saŋ bɛlbwa dɛɛ la.”
4He banɔ la bwa haa dɛ
tomɛ Korowii, hé ŋɔ,
“O nyina waa dɛ nyin yaa
lole saŋ bɛlbwa dɛɛ la.”
5Maa lɔ weweele ta la,
n wio no Korowii,
asɛ o chaŋ mɛ dɛ lɛɛ mɛ.
6Korowii ja n nɛ, maa ɔmɛ.
Ɛrɛɛ nɛwɛnyini ɛɛ ba
wona ɛɛ mɛ nɔ?#Yel 56:3; Hib 13:6
7Korowii ja n nɛɛ dɛɛ
cha mɛ, anomanta,
mɛɛ won pɔ n dɔma nɛ.
8A wer kohona kɛ nɛn
kpɔ o te do Korowii lɔɡa,
ɡwaa kɛŋɔ waa kpɔ
o te dawɛ nɛwɛnyini nɛ.
9A wer kohona kɛ nɛn
kpɔ o te do Korowii lɔɡa,
ɡwaa kɛŋɔ waa kpɔ
o te dawɛ
harɛ nɔ ta nomonjena nɛ.
10Harɛre nɛra baa wola
Korowii tomɛ bwa
bar mɛ cheme,
kɛ Korowii cheɡɛ n habɔɔ
dɛ ɡel n pɔ ba nɛ.
11Ba bar mɛ cheme,
kɛ Korowii cheɡɛ n habɔɔ,
dɛ ɡel n pɔ ba nɛ.
12Ba warɔ bar mɛ cheme,
kɛŋɔ toohna ken,
kɛ ba serewɔ wɔrɔbe nɛ,
kɛŋɔ nii aa le sɔɔhne baah
ken,
asɛ Korowii che n habɔɔ,
dɛ ɡel n pɔ ba nɛ.
13Ba baa yoo mɛ,
a ka tama ba fee pɔ n nɛ,
kɛ Korowii cha mɛ.
14N bokpeɡa maa dɔa
ne n kpeɡri bwa
le Korowii be,
onee nɛn waa dɛ lɛɛ mɛ.
15Hé no nɛra ba wa
aa toɡra silɛɛ moola
aa dɛ le ba tɛnte deene
bini,
pɔe baa pɔ ba dɔma nɛɛ
la wa.
Ba ŋɔ,
“Korowii kpeɡri,
o won wekpeɡa kohona
ɛɛ.#Kaa 15:6
16O kpeɡri ɡelɔ ya pɔ
ya dɔma nɛ, o won
wekpeɡa kohona ɛɛ.”
17Maa sewa ba, mɛɛ so lee
dɛ́ baɡle waa Korowii
aa ɛa.
18Korowii tɛr n deŋne kohona,
kɛ o ta ɡelɛ n sewɛ.
19Hé pili Korowii Dea
doonyoo tɛ mɛ,
bela nɛra ba wa aa toɡra
aa cheɡa dɛɛ jo la,
ásɛ n jo kpɔ jam
ka tɛ Korowii.
20Korowii Dea doonyoa laanee
la,
o taa nɛra ba wa
aa toɡra che dɛɛ jo.
21N Naa Korowii,
mɛɛ kpɔ jamee tɛɛ,
dɛkalkɛ he no n be
dɛ lɛɛ mɛ.
22Bwe la mamaala aa vɛoh
dɛ liiru konsala laanee
bera ba lawɛ dea la kpoŋe
la.
23Korowiirii ɡela a ɛ ɡɛ,
asɛ a ɛ yaa nyokpowa.#Mat 21:42; Weɛ 4:11
24Finii ɛ tɔpere yaa kpɔa dɛɛ lii
awola Korowii aa pɔ o
dɔma nɛ.
Hé ɡel ya sie lɛ,
yaa hɛɡre a wa.
25N Naa Korowii, ba lɛ yaa,
ɡel ya wobɛlbwa chiɡ yaa
kɛrɛdɛ.
26Korowii swee naate waa
valɛ o sɔn ta
dɛɛ ba nɔ andɛɛɡa.
Ya cheɡɛ Korowii Dea
dɛɛ sweere andɛɛɡa.#Mat 21:9
27Korowii beŋkpoŋ ɡboo lole,
on sune ya nɛɛ dɛ lɛ yaa.
Hé pa he tɔpejen dii la mun,
dɛ́ kpoŋe bambie daa,
dɛ́ ka valɛ bar
kwaa aa do kɛ nyeɡlare,
dɛ do Korowii saraha
on la bɔr la.
28Henee Korowii maa dɛ tomɛ,
n kpɔ jam dɛɛ tɛɛ,
mɛɛ bol he kan
haa doa waa.
29Hé kpɔ jam tɛ Korowii,
dɛkalkɛ o waa wer.
O nyina waa dɛ nyin yaa
lole saŋ bɛlbwa dɛɛ la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.