Yela 116
116
Nomɛl Korowii aa lɛo le seo nyoa Korowii kpɛɛra
1N dɛ nyin Korowii wa,
dɛkalkɛ o no n be,
o no n wii dɛ sune n nɛ.
2N wio noo waa,
o cheɡ deŋne dɛɛ no
n be saŋ bɛlbwa.
3Seo vɔɡ mɛ bil,
lalbɔɔ weweele bɔle
n nɛ n liire chɔɡ,
ɔmee su n bwa.
4Belaa n yerɛ Korowii ŋɔ,
“N Naa Korowii, lɛɛ mɛ!”
5Korowii waa toɡrɔ
wɛɛ sune nɛn nɛ.
Korowii yaa dɛ tomɔ
dɔ tedoma.
6Nɛra baa wola won
cha ba te la, Korowii kpɔ
nɔn dɛɛ tɔ ba nɛ.
Gɛ saŋ maa lɔ sibeɡra
ta la, o lɛɛ mɛ.
7Anomanta, n liiro ŋɔ,
N wee,
ɡel he baah sɔɔh name,
nyiŋa Korowii aa nyiŋi
n nɛɛ la wa.
8N Naa Korowii,
he lee mɛ seo nyoa,
dɛ fee n siniire,
he ta ɡelɛ n lɔ na,
9dɛ ɡel n won dɛɛ valɛ
he sie weera harɛ nɔ ta.
10N yaradae, hale n ŋɔ,
“Weweele ta ɡelɛ
n bwara ɛɛ sɔɔh mɛ.”
11N liire aa chɔɡa la, n ŋɔ,
“Nomɛlbwa waa ta
kasinteŋ dɔe!”
12Bɔkwaa mɛɛ ba wona kpɔ
chiɡ hen Korowii wedɛɛɡa
haa ɛa tɛ mɛ nɔ naa ta nɔ?
13Mɛɛ ɛ sen sarahaa tɛɛ,
dɛ jaame,
lɛɛ haa lɛɛ mɛ la wa.
14He nɛra warɔ dɛ cheme aa,
belaa mɛɛ ba n nyobaɡa
maa baɡɛ la chuɡra.
15Korowii nɛra ba wa aa
toɡra o be la waa hiaoh,
ba seo ɡelɔ o loo ɛɛ ku.
16N Naa Korowii,
n ɛ he bonɔɔ kpela,
n tomɛ ɡɛ n nya aa tomɛ.
He lɛɛ mɛ le seo nyoa.
17Mɛɛ kpo kwaa ɛ
jam sarahaa tɛɛ,
dɛ́ kpɔ n wesoŋa bil he sie.
18He nɛra warɔ dɛ cheme aa,
belaa mɛɛ ba n nyobaɡa
maa baɡɛ la chuɡra,
19he Dea waa lɔ Jerusalam
la bini.
Hé kpɛɛ Korowii!
Currently Selected:
Yela 116: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 116
116
Nomɛl Korowii aa lɛo le seo nyoa Korowii kpɛɛra
1N dɛ nyin Korowii wa,
dɛkalkɛ o no n be,
o no n wii dɛ sune n nɛ.
2N wio noo waa,
o cheɡ deŋne dɛɛ no
n be saŋ bɛlbwa.
3Seo vɔɡ mɛ bil,
lalbɔɔ weweele bɔle
n nɛ n liire chɔɡ,
ɔmee su n bwa.
4Belaa n yerɛ Korowii ŋɔ,
“N Naa Korowii, lɛɛ mɛ!”
5Korowii waa toɡrɔ
wɛɛ sune nɛn nɛ.
Korowii yaa dɛ tomɔ
dɔ tedoma.
6Nɛra baa wola won
cha ba te la, Korowii kpɔ
nɔn dɛɛ tɔ ba nɛ.
Gɛ saŋ maa lɔ sibeɡra
ta la, o lɛɛ mɛ.
7Anomanta, n liiro ŋɔ,
N wee,
ɡel he baah sɔɔh name,
nyiŋa Korowii aa nyiŋi
n nɛɛ la wa.
8N Naa Korowii,
he lee mɛ seo nyoa,
dɛ fee n siniire,
he ta ɡelɛ n lɔ na,
9dɛ ɡel n won dɛɛ valɛ
he sie weera harɛ nɔ ta.
10N yaradae, hale n ŋɔ,
“Weweele ta ɡelɛ
n bwara ɛɛ sɔɔh mɛ.”
11N liire aa chɔɡa la, n ŋɔ,
“Nomɛlbwa waa ta
kasinteŋ dɔe!”
12Bɔkwaa mɛɛ ba wona kpɔ
chiɡ hen Korowii wedɛɛɡa
haa ɛa tɛ mɛ nɔ naa ta nɔ?
13Mɛɛ ɛ sen sarahaa tɛɛ,
dɛ jaame,
lɛɛ haa lɛɛ mɛ la wa.
14He nɛra warɔ dɛ cheme aa,
belaa mɛɛ ba n nyobaɡa
maa baɡɛ la chuɡra.
15Korowii nɛra ba wa aa
toɡra o be la waa hiaoh,
ba seo ɡelɔ o loo ɛɛ ku.
16N Naa Korowii,
n ɛ he bonɔɔ kpela,
n tomɛ ɡɛ n nya aa tomɛ.
He lɛɛ mɛ le seo nyoa.
17Mɛɛ kpo kwaa ɛ
jam sarahaa tɛɛ,
dɛ́ kpɔ n wesoŋa bil he sie.
18He nɛra warɔ dɛ cheme aa,
belaa mɛɛ ba n nyobaɡa
maa baɡɛ la chuɡra,
19he Dea waa lɔ Jerusalam
la bini.
Hé kpɛɛ Korowii!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.