Sɛɡla 7
7
Hanjwamane jae wa
1N bie, dɛɛ teŋɛ n waa ta,
dɛ́ɛ do liire waa maa
dɛ doe a ta la ta.
2Dɛɛ no n waa dɛ́ dɔ mkpa,
dɛ́ɛ nyiŋi waa maa
dɛ baɡle la ta kɛrɛdɛ,
kɛŋɔ he siwinyiŋi ken.
3Kpɔa do kɛŋɔ noniseɡ,
dɛ́ ɡel a do he bambile
bini.
4Kpɔ wejema kɛŋɔ
he nimambie,
dɛ́ kpɔ waa mun noe
kɛŋɔ he dansom.
5Aa lawɛɛ le hanjwamane,
ne nomɛl haah
o nyoa wobol aa soma nɛ.#Wej 7:26
6Awola bɛl, n lɔ dea
dɛ ha sie nyiŋi tokoro ta,
7dɛ na bonɔɔna bane
baa wola wobɛlbwa jemɛ,
ba bini la,
dɛ bɛl te ɛ ɡɛne tenten.
8Baa dɛ kaa la,
dɛ ɡɛne la te valɔ
dɛɛ kpɔ bela hanjwamane
la aa soɡa.
Dɛɛ fɛrɛ haah la dem,
9dɛ bɔr dɛ jo,
bobɛlbwa ɛɛ bir.
10Ate, haah la kpɔ o te
dɛ ba cheme bonɔɔ la,
dɛ haah la do jwamanlaala
dɛɛ taaɡe sie.
11O ɛ haah o deŋne aa kpeɡa,
waa sihiih jemɛ,
dɛ do ɡaaɡa ɡbo ta,
12hɛɛ nao kɛŋɔ o cheɡɛ loŋkoni
ta,
kɛɛ fɔɡbaahna ane ta yawa
ta,
dɛ́ dɔ baa lawɛ.
13Belaa haah la ba
ɡbaa bonɔɔ la pɛl o te,
dɛ kpɔ nɔɔra dawɛ o vaama
ta,
dɛ nyiŋi o siebɔr,
dɛ ŋɔ o be ŋɔ,
14“Fini n kpo kon dɛ ɛ
deŋnesɔɔhna sarahare,
asɛ a ka ola la ane.
15Asɛ n le dɛ baa ɡaaɡe he bɔr,
n nyin he bɔr asɛ dɛ nae la!
16N kpɔ yadɛɛɡe
Ijipt harɛ tena aa ɛo,
o do wer kɛrɛdɛ pa n
chɔɔbɔr.
17Dɛ kpɔ korobo ne konsɔɔhsoma
bwa soo siwi merɛ o ta.
18Ba ya ka lɛ ya sie jwaana nɔ
ne bwa,
ya ka di ya bwara!
19N jaa toole,
o kaa bobɛl, bela jaŋne.
20O kpoŋe suuɡa kohona dɛ kaa,
wɛɛ dɔ yawanyoa anɛɛ.”
21Haah la kpɔ neɡra ŋwɛnɛ
ne wobosoma dɛ dɔɔ kaa.
22Buɡ la ta, bonɔɔ la den teŋɛ
o nɛɛ kɛŋɔ nao baa tɛɡro
dɛɛ la ka kpo la,
kɛɛ kweɡla aa jo bel ta
23bela hɛm aa yaɡɔ
dɛ́ kpoo la.
O berɔ do kɛŋɔ jumbie
aa toola dɛɛ kaa bel ta,
waa wola jemɛ kɛŋɔ
o dɛ ba sewa la.
24N bii, name hé no n be,
hé cheɡ deŋne dɛ́ no n wa.
25Hé bɛ ɡel he pɛla do haah
waa do ɡɛ nɔ nɛɛ
ó ba neɡre heya,
he bɛ bɛl nɛɛ teŋɛ bwa.
26Gɛ haah nɔ chɔɡ baala taeh,
dɛ berɛ ɡel bane ɡe serewe
baa wola won kur ba.
27He nakpala tire o dem aa,
amɔ dɛ lalabwɛɛ ŋwɛnɛ taa
he che la.
Bela ne seo bori.
Currently Selected:
Sɛɡla 7: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.