Nɛra Kura 2
2
Gɛ Israel deene nɛra aa baŋre ba tɛnte deene
1Korowii ŋɔ Mosis ne Arɔn be ŋɔ, 2“A chɛ kɛŋɔ Israel tena la baŋre ba tɛnte deene bar n Dea Cheremibɔr, ba ne o baah tɛr tama. Nómɛlbwa so o dea fraŋkaa jwɛh, bela o dea tena fraŋkaare aa lole.”
3Juda dea tena la, a chɛ kɛ bá bɔne ba bini, dɛ́ baŋre ba tɛnte deene wee leebɔr pera, dɛ́ so denaa ta ba fraŋkaa jwɛh. Aminadab bibaa Naasɔn ɛ Juda dea nɛra la sitɔɔ. 4O dea tena la lɔ kaɡboŋa fifraanuanɛ dɛ banaarɛ lafraanumɛl.
5Isaaka dea tena ɡe baŋre ba tɛnte deene teŋɛ Juda dea tena nɛ. Suar bibaa Nɛtanɛl ɛ ba sitɔɔ. 6O dea tena lɔ kaɡboŋa fifraanue dɛ banaarɛ lafraanaarɛ.
7Sebulon dea tenaa dɛ teŋɛ. Hɛlɔn bibaa Eliab ɡee ɛ ba sitɔɔ. 8O dea tena lɔ kaɡboŋa fifraanue dɛ banuanɛ lafraanaarɛ.
9Dɛ he kure Juda dea tena ne debele anɛ la ba bwa aa dɛ so dɔŋa jwɛh bela la baala aa, ba bwa lɔ nɛra kaɡboŋa lafa fifraanuatoro dɛ banumɛl lafraanaarɛ. Dɛ Israel tena iro ŋɔ bá kaa bofale aa, banee chɛ kɛŋɔ bá tɔ sie.
10Weekaŋle harɛbɔr peraa chɛ kɛŋɔ Rubin dea tena ne debele anɛ nɛra baa ja ba nɛɛ bwa baŋre ba tɛnte deene dɛ́ so ba fraŋkaa jwɛh. Sɛdor bibaa Elisur ɛ Rubin dea nɛra la sitɔɔ. 11O dea tena lɔ kaɡboŋa fifraanaarɛ dɛ banumɛl lafraanue.
12Simeon dea tena ɡe baŋre ba tɛnte deene dɛ́ so teŋɛ Rubin dea tena nɛ. Surisadai bibaa Sɛlomeɛl ɛ ba sitɔɔ. 13O dea tena lɔ kaɡboŋa fifraanue dɛ banuanaarɛ lafraatoro.
14Gad dea tena ɡe baŋre ba tɛnte deene dɛ́ so teŋɛ Simeon dea tena nɛ. Dewɛl bibaa Eliasaf ɛ ba sitɔɔ. 15O dea tena lɔ kaɡboŋa fifraanaarɛ dɛ banue, lafraanumɛl fifraanue.
16Dɛ he kure Rubin dea tena ne debele anɛ la ba bwa aa dɛ so dɔŋa jwɛɛh bela la baala aa, ba bwa lɔ kaɡboŋa lafa fifraanue dɛ beŋkpoŋ lafraanaarɛ fifraanue. Dɛ Israel tena iro ŋɔ bá kaa bofale aa, banee chɛ kɛŋɔ bá teŋɛ nɛɛ.
17Dɛ Israel tena dɛ iraa, Lewi dea tena la dɛ che n Dea Cheremibɔr ne o laala, dɛ́ do banɔ la baa tɔ sie ne banɔ la baa ka mun ta la baah ta, ba bwa ɛɛ kaa. Gɛ ba bɛlbwa aa pɛa dɛ so la, ɡɛ tentenee dɛ ba iro dɛɛ kaa bofale aa, baa teŋɛ dɔŋa nɛ, bɛlbwa ne o fraŋkaa.
18Wee cholibɔr peraa chɛ kɛ Efrem dea tena ne debele anɛ aa ja ba nɛɛ baŋre ba tɛnte deene dɛ́ so ba fraŋkaa jwɛh. Amihud bibaa Elisama waa le Efrem dea ɛ ba sitɔɔ. 19O dea tena lɔ kaɡboŋa fifraanaarɛ lafraanue.
20Asɛ Manasɛ dea tena chɛ kɛ ba baŋre ba tɛnte deene, dɛ́ so teŋɛ Efrem dea tena nɛ. Pedasur bibaa Gamaleɛl ɛ ba sitɔɔ. 21O dea tena lɔ kaɡboŋa fifraatoro dɛ banɛ lafraanɛ.
22Bɛnjamen dea tena ɡee dɛ́ teŋɛ Manse dea tena nɛ. Gedeɔne bibaa Abidan ɛ ba sitɔɔ. 23O dea tena lɔ kaɡboŋa fifraatoro dɛ banue lafraanaarɛ.
24Dɛ he kure Efrem dea tena ne debele anɛ la ba bwa aa dɛ so dɔŋa jwɛɛh bela la baala aa, ba lɔ nɛra kaɡboŋa lafa dɛ banuatoro dɛ lafa. Dɛ Israel tena iro ŋɔ ba kaa bofale aa, a ɡɛ deene nɔɔ chɛ kɛŋɔ bá teŋɛ tooro.
25Weekaŋle nyunduabɔr ɡe, Dan dea tena ne debele anɛ tena baa ja ba nɛɛ baŋre ba tɛnte deene dɛ́ so ba fraŋkaa jwɛh. Amisadai bibaa Ahiesa waa le Dan dea ɛ ba sitɔɔ. 26O dea tena lɔ kaɡboŋa fifraanumɛl dɛ banɛ lafraanuanɛ.
27Aasa dea tena chɛ kɛ bá so teŋɛ Dan dea tena nɛ. Okran bibaa Paɡiel ɛ ba sitɔɔ. 28O dea tena lɔ kaɡboŋa fifraanaarɛ dɛ beŋkpoŋ lafraanue.
29Naftale dea tena ɡee dɛ́ so teŋɛ Aasa dea tena nɛ. Enan bibaa Ahira ɛ ba sitɔɔ. 30O dea tena lɔ kaɡboŋa fifraanue dɛ batoro lafraanaarɛ.
31Dɛ he kure Dan dea tena ne debele anɛ la ba bwa aa dɛ so dɔŋa jwɛɛh bela la baala aa, ba bwa lɔ kaɡboŋa lafa fifraanue dɛ banuanɛ lafraanumɛl. Dɛ Israel tena iro ŋɔ bá kaa bofale aa, banee dɛɛ ka mun, bɛlbwa kpoŋe o fraŋkaa.
32Israel tena baa kure ba deene nɛra bwa laanee la. Dɛ he kpɔ debele atotoro baa kura la dɛ ja dɔŋa nɛ aa, ba bwa lɔ kaɡboŋa lafraanumɛl dɛ batoro lafraanue fifraanue. 33Gɛ Korowii aa do Mosis la, Lewi dea tena te, ba ta ban kure ja Israel deene la nɛ.
34Gɛ Korowii aa do Mosis la, ɡɛɛ Israel tena la ɛ. Dea bɛlbwa vɔrɔwe o sobɔr bela o fraŋkaa aa paa. Dɛ ba dɛ nyin ira dɛ́ kaa bofale ɡe aa, ɡɛ tentenee bɛlbwa ne o dea ne o lolanar jemɛ ba bɔr dɛ teŋɛ dɔŋa nɛɛ dɛɛ valɛ.
Currently Selected:
Nɛra Kura 2: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Nɛra Kura 2
2
Gɛ Israel deene nɛra aa baŋre ba tɛnte deene
1Korowii ŋɔ Mosis ne Arɔn be ŋɔ, 2“A chɛ kɛŋɔ Israel tena la baŋre ba tɛnte deene bar n Dea Cheremibɔr, ba ne o baah tɛr tama. Nómɛlbwa so o dea fraŋkaa jwɛh, bela o dea tena fraŋkaare aa lole.”
3Juda dea tena la, a chɛ kɛ bá bɔne ba bini, dɛ́ baŋre ba tɛnte deene wee leebɔr pera, dɛ́ so denaa ta ba fraŋkaa jwɛh. Aminadab bibaa Naasɔn ɛ Juda dea nɛra la sitɔɔ. 4O dea tena la lɔ kaɡboŋa fifraanuanɛ dɛ banaarɛ lafraanumɛl.
5Isaaka dea tena ɡe baŋre ba tɛnte deene teŋɛ Juda dea tena nɛ. Suar bibaa Nɛtanɛl ɛ ba sitɔɔ. 6O dea tena lɔ kaɡboŋa fifraanue dɛ banaarɛ lafraanaarɛ.
7Sebulon dea tenaa dɛ teŋɛ. Hɛlɔn bibaa Eliab ɡee ɛ ba sitɔɔ. 8O dea tena lɔ kaɡboŋa fifraanue dɛ banuanɛ lafraanaarɛ.
9Dɛ he kure Juda dea tena ne debele anɛ la ba bwa aa dɛ so dɔŋa jwɛh bela la baala aa, ba bwa lɔ nɛra kaɡboŋa lafa fifraanuatoro dɛ banumɛl lafraanaarɛ. Dɛ Israel tena iro ŋɔ bá kaa bofale aa, banee chɛ kɛŋɔ bá tɔ sie.
10Weekaŋle harɛbɔr peraa chɛ kɛŋɔ Rubin dea tena ne debele anɛ nɛra baa ja ba nɛɛ bwa baŋre ba tɛnte deene dɛ́ so ba fraŋkaa jwɛh. Sɛdor bibaa Elisur ɛ Rubin dea nɛra la sitɔɔ. 11O dea tena lɔ kaɡboŋa fifraanaarɛ dɛ banumɛl lafraanue.
12Simeon dea tena ɡe baŋre ba tɛnte deene dɛ́ so teŋɛ Rubin dea tena nɛ. Surisadai bibaa Sɛlomeɛl ɛ ba sitɔɔ. 13O dea tena lɔ kaɡboŋa fifraanue dɛ banuanaarɛ lafraatoro.
14Gad dea tena ɡe baŋre ba tɛnte deene dɛ́ so teŋɛ Simeon dea tena nɛ. Dewɛl bibaa Eliasaf ɛ ba sitɔɔ. 15O dea tena lɔ kaɡboŋa fifraanaarɛ dɛ banue, lafraanumɛl fifraanue.
16Dɛ he kure Rubin dea tena ne debele anɛ la ba bwa aa dɛ so dɔŋa jwɛɛh bela la baala aa, ba bwa lɔ kaɡboŋa lafa fifraanue dɛ beŋkpoŋ lafraanaarɛ fifraanue. Dɛ Israel tena iro ŋɔ bá kaa bofale aa, banee chɛ kɛŋɔ bá teŋɛ nɛɛ.
17Dɛ Israel tena dɛ iraa, Lewi dea tena la dɛ che n Dea Cheremibɔr ne o laala, dɛ́ do banɔ la baa tɔ sie ne banɔ la baa ka mun ta la baah ta, ba bwa ɛɛ kaa. Gɛ ba bɛlbwa aa pɛa dɛ so la, ɡɛ tentenee dɛ ba iro dɛɛ kaa bofale aa, baa teŋɛ dɔŋa nɛ, bɛlbwa ne o fraŋkaa.
18Wee cholibɔr peraa chɛ kɛ Efrem dea tena ne debele anɛ aa ja ba nɛɛ baŋre ba tɛnte deene dɛ́ so ba fraŋkaa jwɛh. Amihud bibaa Elisama waa le Efrem dea ɛ ba sitɔɔ. 19O dea tena lɔ kaɡboŋa fifraanaarɛ lafraanue.
20Asɛ Manasɛ dea tena chɛ kɛ ba baŋre ba tɛnte deene, dɛ́ so teŋɛ Efrem dea tena nɛ. Pedasur bibaa Gamaleɛl ɛ ba sitɔɔ. 21O dea tena lɔ kaɡboŋa fifraatoro dɛ banɛ lafraanɛ.
22Bɛnjamen dea tena ɡee dɛ́ teŋɛ Manse dea tena nɛ. Gedeɔne bibaa Abidan ɛ ba sitɔɔ. 23O dea tena lɔ kaɡboŋa fifraatoro dɛ banue lafraanaarɛ.
24Dɛ he kure Efrem dea tena ne debele anɛ la ba bwa aa dɛ so dɔŋa jwɛɛh bela la baala aa, ba lɔ nɛra kaɡboŋa lafa dɛ banuatoro dɛ lafa. Dɛ Israel tena iro ŋɔ ba kaa bofale aa, a ɡɛ deene nɔɔ chɛ kɛŋɔ bá teŋɛ tooro.
25Weekaŋle nyunduabɔr ɡe, Dan dea tena ne debele anɛ tena baa ja ba nɛɛ baŋre ba tɛnte deene dɛ́ so ba fraŋkaa jwɛh. Amisadai bibaa Ahiesa waa le Dan dea ɛ ba sitɔɔ. 26O dea tena lɔ kaɡboŋa fifraanumɛl dɛ banɛ lafraanuanɛ.
27Aasa dea tena chɛ kɛ bá so teŋɛ Dan dea tena nɛ. Okran bibaa Paɡiel ɛ ba sitɔɔ. 28O dea tena lɔ kaɡboŋa fifraanaarɛ dɛ beŋkpoŋ lafraanue.
29Naftale dea tena ɡee dɛ́ so teŋɛ Aasa dea tena nɛ. Enan bibaa Ahira ɛ ba sitɔɔ. 30O dea tena lɔ kaɡboŋa fifraanue dɛ batoro lafraanaarɛ.
31Dɛ he kure Dan dea tena ne debele anɛ la ba bwa aa dɛ so dɔŋa jwɛɛh bela la baala aa, ba bwa lɔ kaɡboŋa lafa fifraanue dɛ banuanɛ lafraanumɛl. Dɛ Israel tena iro ŋɔ bá kaa bofale aa, banee dɛɛ ka mun, bɛlbwa kpoŋe o fraŋkaa.
32Israel tena baa kure ba deene nɛra bwa laanee la. Dɛ he kpɔ debele atotoro baa kura la dɛ ja dɔŋa nɛ aa, ba bwa lɔ kaɡboŋa lafraanumɛl dɛ batoro lafraanue fifraanue. 33Gɛ Korowii aa do Mosis la, Lewi dea tena te, ba ta ban kure ja Israel deene la nɛ.
34Gɛ Korowii aa do Mosis la, ɡɛɛ Israel tena la ɛ. Dea bɛlbwa vɔrɔwe o sobɔr bela o fraŋkaa aa paa. Dɛ ba dɛ nyin ira dɛ́ kaa bofale ɡe aa, ɡɛ tentenee bɛlbwa ne o dea ne o lolanar jemɛ ba bɔr dɛ teŋɛ dɔŋa nɛɛ dɛɛ valɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.