Wiile 5
5
Suna dii wesoŋa
1N Naa Korowii, lii ya wa
dɛ́ na waa aa pu yaa.
Nyiŋi dɛ́ na ɡɛ sihiih
aa kpo yaa.
2Harɛ waa ɛ ya kapɛrɛ kon
kaa di nɛŋhɔɔhra nɔn ta,
harɛfala nɛra lɛ ya deremi
dɛ so a ta.
3Ya mɛɛnanar serewɔ
asɛ ya ɛ bilalbii,
ya nyare ɛ luhaahna.
4Ya dɛ bɔ nee kem mɔɔ
dɛ́ dɔ nyɔ,
ɡɛ tentenee yaa yawɛ
damara ɡe.
5Ya dɔma ti yaa
dɛɛ di ya nafeena, ya koɔh
kɛ baa yaa ɡel ya onɛ.
6Ya koh kondikwaa
yaa dɔ di wa,
dɛ kpɔ ya te ka do Ijipt
ne Asiiria tena lɔɡa.
7Ya naawa fa ɛ wechɔɡa
dɛ bwa serewe kaa,
kɛ taraken yanee bera
dɔ a deŋnetɛra.
8Yomaa bera dɛɛ nyiŋi ya nɛ,
nomɛlbwa toole
dɛ́ won lɛ yaa le
kpeɡri
baa dɛ di ya nɛɛ ta.
9Nɛŋkpoa aa lɔ kpɔɡ bini
nomanta,
ya dɛ sɛh seo kwara
dɛ le kaa nyin kondikwa.
10Lɔr ɡelɔ yaa we kabul,
a ɡel ya bwadabii wɔrɔbe
kɛŋɔ baa mar nii
fononoo bini ken.
11Ba ɡuɡri haahna dɛ laɡ ba
chɔ Saayɔn Bwejen ta,
ɡɛɛ ba ɛ toli
baa wola baala jemɛ ɡe
Juda harɛ
bwɛɛ bɛlbwa ɡe ta.
12Ba vɔrɔwe ya sitɔɔla nɔɔra
ŋwɛɛra ne dɛ ka saɡ ba,
baa duure kpɔe
dɛɛ tɛ banjeni.
13Ba ɛɡre bonɔɔna baa namɛ
boyu kɛŋɔ yoma ken,
bibaala ɡe che datɔɡa
dɛɛ kɛŋle.
14Nomonome aa bwɛjen la
doonyojen ta bela so kpa,
bonɔɔna ɡe ɡel yela ɡoe.
15Silɛɛ toole ya bini kpa.
Ya dɔ silɛɛ aa,
anee ya yon dɛɛ sa,
taraken te ya dɛ wi,
dɛkalkɛ ya lɔ suna dii ta.
16Komɛlbwa toole
ya won dɛɛ tamane
o waa kpa.
Ya ɛ wechɔɡa nomanta,
wenaale kohona ba ya nɛ.
17Gɛ ɡelɔ ya bambili bwa chɔɡ,
siniire nomanta,
ya sibie swɛɛrɔ,
yaa wone
dɛɛ na kɛrɛdɛ kpa,
18dɛkalkɛ Saayɔn Bwejen chɔ
pɛɛ, asɛ kalampoŋare
do o ta dɛɛ ɡaaɡe.
19N Naa Korowii,
he dɛ di kora saŋ bɛlbwa,
hɛɛ teŋɔɔ di kora
saŋ bɛlbwa dɛɛ la.
20Ɛrɛɛ he soh ya
waa biɡri ɡɛ nɔɔ?
He ta ɛɛ ba lii ya
waa ja tenaa?
21N Naa Korowii,
berɛ lawɛ yaa ba he be.
Berɛ ɡel ya dɔ silɛɛ
o fa aa lole wubwa la.
22Kɛɛ he deno vɛh
yaa kwara kɛɛ?
He bandia ta jaɡa dɔe
ya nɛ aa?
Currently Selected:
Wiile 5: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
