Jona 3
3
Jona Niniwe laŋa
1Korowii berɔ ŋɔ Jona be ja ŋɔ, 2“Ir kaa bwɛjen Niniwe, dɛ́ ka bol waa n fa aa bol he be la bela tena be.”
3Ate, Jona ta vɛɛh kpa, dɛ ir kpɔ waa la kaa Niniwe. Bwɛjen la kan taeh. Tɔpera atoroo nɛn ɛɛ ba wona valɛ dɛ ɡaaɡe bwɛɛ la bini bwa. 4Jona jo bwɛjen la bini dɛ valɛ tɔpebir. Waa waa dɛ bol laanee kɛŋɔ, “Bonɔ tɔpera fifraanaarɛ Korowii ɛɛ chɔɡ Niniwee.” 5Niniwe tena la aa no waa la la, ba yarada Korowii dɛ ŋɔ, nomoa oo, bechala oo, bɛlbwa vɔwɛ nyoa dɛ́ kpɔ lweyal tɔ á baɡle kɛ ba charɛ ba liire dɛ le ba wechɔɡa ta.#Mat 12:41
6Hale bwɛɛ la kooro aa no o bwɛɛ la chɔɡa waa la, o fuɡro ir o kookara ta, dɛ wur o yal waa tɔɔ la ta, dɛ kpɔ lweyal tɔ dɛ ka so tɔɔ ta. 7Asɛ ba lɔ dawuro bwɛɛ la bwa ŋɔ,
“Kooro ne o nomonome ŋɔ, ‘Nomɛlbwa bɛ kwaa di, o bɛ nee nyɔ, o bɛ o kondɛɛra kɛŋɔ nae ne peera dɛ boohna ya ta á ka di, kɛɛ á ka nyɔ ne. 8Nomɛlbwa tɔ lweyal, ásɛ dɛ pee ane do o kondɛɛra ɡe. Bɛlbwa ɡel o wechɔɡa ne dachɔɡe waa lɔ a ta, dɛ́ wi dɛɛ yerɛ Korowii. 9O baah ken ɛɛ sɔɔhnoo, ásɛ o dɔ tedoma tɛ yaa, dɛ́ charɛ o liire le o bandia waa dɛ ba kpɔe ba chɔɡ yaa la ta, ásɛ ya bɛ serewe.’ ”
10Belaa Korowii aa naa kɛ ba charɛ ba liire le ba wechɔɡa ŋwɛnɛre ta la, o tea domɛ ba nɛ, dɛ ɡel chɔɡa waa ŋɔa wɛɛ chɔɡ baa la.#Jer 18:8; Dan 4:27
Currently Selected:
Jona 3: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Jona 3
3
Jona Niniwe laŋa
1Korowii berɔ ŋɔ Jona be ja ŋɔ, 2“Ir kaa bwɛjen Niniwe, dɛ́ ka bol waa n fa aa bol he be la bela tena be.”
3Ate, Jona ta vɛɛh kpa, dɛ ir kpɔ waa la kaa Niniwe. Bwɛjen la kan taeh. Tɔpera atoroo nɛn ɛɛ ba wona valɛ dɛ ɡaaɡe bwɛɛ la bini bwa. 4Jona jo bwɛjen la bini dɛ valɛ tɔpebir. Waa waa dɛ bol laanee kɛŋɔ, “Bonɔ tɔpera fifraanaarɛ Korowii ɛɛ chɔɡ Niniwee.” 5Niniwe tena la aa no waa la la, ba yarada Korowii dɛ ŋɔ, nomoa oo, bechala oo, bɛlbwa vɔwɛ nyoa dɛ́ kpɔ lweyal tɔ á baɡle kɛ ba charɛ ba liire dɛ le ba wechɔɡa ta.#Mat 12:41
6Hale bwɛɛ la kooro aa no o bwɛɛ la chɔɡa waa la, o fuɡro ir o kookara ta, dɛ wur o yal waa tɔɔ la ta, dɛ kpɔ lweyal tɔ dɛ ka so tɔɔ ta. 7Asɛ ba lɔ dawuro bwɛɛ la bwa ŋɔ,
“Kooro ne o nomonome ŋɔ, ‘Nomɛlbwa bɛ kwaa di, o bɛ nee nyɔ, o bɛ o kondɛɛra kɛŋɔ nae ne peera dɛ boohna ya ta á ka di, kɛɛ á ka nyɔ ne. 8Nomɛlbwa tɔ lweyal, ásɛ dɛ pee ane do o kondɛɛra ɡe. Bɛlbwa ɡel o wechɔɡa ne dachɔɡe waa lɔ a ta, dɛ́ wi dɛɛ yerɛ Korowii. 9O baah ken ɛɛ sɔɔhnoo, ásɛ o dɔ tedoma tɛ yaa, dɛ́ charɛ o liire le o bandia waa dɛ ba kpɔe ba chɔɡ yaa la ta, ásɛ ya bɛ serewe.’ ”
10Belaa Korowii aa naa kɛ ba charɛ ba liire le ba wechɔɡa ŋwɛnɛre ta la, o tea domɛ ba nɛ, dɛ ɡel chɔɡa waa ŋɔa wɛɛ chɔɡ baa la.#Jer 18:8; Dan 4:27
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.