Jona 2
2
Jona wesoŋa
1Jona aa lɔ pɛŋe la tea bini la, o soŋe Korowii waa dɛ tomɔ la. 2O ŋɔ,
“N Naa Korowii,
maa lɔ wekpeɡa ta
dɛ do lɔŋɔ tɛɛ la,
he no n wesoŋa.#Yel 120:1
Maa lɔ lalabwɛɛ
dɛ do lɔŋɔ tɛɛ la,
he no n wii.
3He ɡɔɔ mɛ viɡri mpo vil ta,
n chɔ nee bini,
wɛɛ kile n ne,
asɛ nehɛma bwa bɔle n nɛ.
4N liiro kɛ he doŋ mɛ le he sie,
dɛ ŋɔ maa he Dea waa do
ɡoroŋ laanee na kpa.
5Nee bɔle n nɛ, n hweera pi,
n do vil bini,
asɛ mpo bini kpɔɡa laa
n nyu bwa.
6N sirimo ka chɔ
bwejena lɔɡre,
a do kɛŋɔ baa huɡ mɛ maa
wola bɔree dɔ le
dɛ́ dɔ n nyu.
Kɛ n Naa Korowii le
n ne seo ta.
7N naa Korowii, maa naa
kɛŋɔ n fe dɛ ba sewa la,
n lii he wa, n siwi swɛɛ
he soŋa ta, a tel he be,
he Dea waa do ɡoroŋ
la ta.
8Nɛra baa daŋre voɡsale
toma ne, ba siwi ɛɛ sua la,
ba paŋɛ chae he fe
aa cha ba la.
9Kɛ n te, mɛɛ jaame yel nee,
anee dɛɛ ba saraha ɛɛ.
Nyoo maa baɡa bwa,
mɛɛ chuɡraa.
Korowiirii dɛɛ lɛ nɛwɛnyini.”
10Belaa Korowii bol waa pɛŋe la be, asɛ o ka uɡe Jona ta nee la nyoa.
Currently Selected:
Jona 2: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Jona 2
2
Jona wesoŋa
1Jona aa lɔ pɛŋe la tea bini la, o soŋe Korowii waa dɛ tomɔ la. 2O ŋɔ,
“N Naa Korowii,
maa lɔ wekpeɡa ta
dɛ do lɔŋɔ tɛɛ la,
he no n wesoŋa.#Yel 120:1
Maa lɔ lalabwɛɛ
dɛ do lɔŋɔ tɛɛ la,
he no n wii.
3He ɡɔɔ mɛ viɡri mpo vil ta,
n chɔ nee bini,
wɛɛ kile n ne,
asɛ nehɛma bwa bɔle n nɛ.
4N liiro kɛ he doŋ mɛ le he sie,
dɛ ŋɔ maa he Dea waa do
ɡoroŋ laanee na kpa.
5Nee bɔle n nɛ, n hweera pi,
n do vil bini,
asɛ mpo bini kpɔɡa laa
n nyu bwa.
6N sirimo ka chɔ
bwejena lɔɡre,
a do kɛŋɔ baa huɡ mɛ maa
wola bɔree dɔ le
dɛ́ dɔ n nyu.
Kɛ n Naa Korowii le
n ne seo ta.
7N naa Korowii, maa naa
kɛŋɔ n fe dɛ ba sewa la,
n lii he wa, n siwi swɛɛ
he soŋa ta, a tel he be,
he Dea waa do ɡoroŋ
la ta.
8Nɛra baa daŋre voɡsale
toma ne, ba siwi ɛɛ sua la,
ba paŋɛ chae he fe
aa cha ba la.
9Kɛ n te, mɛɛ jaame yel nee,
anee dɛɛ ba saraha ɛɛ.
Nyoo maa baɡa bwa,
mɛɛ chuɡraa.
Korowiirii dɛɛ lɛ nɛwɛnyini.”
10Belaa Korowii bol waa pɛŋe la be, asɛ o ka uɡe Jona ta nee la nyoa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.