Aesaya 65
65
Korowii ɛɛ tɛr deŋnekpeɡ tena deŋnee
1Korowii ŋɔ, “N kpɔ n te baɡle nɛra baa wola
n waa bɔɔrɛ,
kɛ nɛra baa wola
n bɔr ɡaaɡɛ
laanee na mɛ.
N yerɛ harɛ o nɛra aa wola
men tomɛ dɛ ŋɔ,
‘Menee nɔ. Menee nɔ.’#Rom 10:20-21
2Saŋ bɛlbwaa n paɡri n nɔɔra
kɛŋɔ ń lɛ n nɛra
ba deŋne aa kpeɡa,
dɛɛ ɛ waa baa dɛ nyin.
3Ba teŋɔ dɛɛ muɡli n baah,
dɛ kpoo kwaa dɛɛ ɛ saraha
voɡare ta,
bodɛɛɡe baa du daa bini,
dɛ fuh daawiile dɛɛ tɛa.
4Ba dɛ la bwebɔɔne bini
ne lala huɡribɔr,
dɛ ka yerɛ lala jwaana,
dɛ́ ka so ŋwama ta
dɛɛ were.
Ba dɛ chwe parakoo ola,
dɛɛ di dɛɛ nyɔ ola baa
kpoora tɛ voɡa dɔr,
ne kwaa maa kia.
5Ba yon ŋɔ ba bala be ŋɔ,
‘He laa he te kpɔ ya nɛ,
ya do ɡoroŋ, a ta chɛ kɛŋɔ
hé leɡe yaa!’
N mee le ba nɛ,
n bandia
ɡe do ba nɛɛ kɛŋɔ, nii
aa wola dime bwa ken.
6N lii ɡɛ maa tɛr ba deŋne
cheɡ, ba chwera bil n sie.
Maa sie laa kpɔ waa
baa ɛa nɔ ta.
Mɛɛ bɔ ba a kemee,
7ba ne ba naawa bwa wechɔɡa
baa ɛa wa.
Dɛkalkɛŋɔ ba fuh daawiile
voɡa ta deŋɡarere dor,
dɛ chɛɡre mɛ bela.
Anomanta, mɛɛ tɛr
ba deŋnee ɡɛ aa chɛa,
ba wechɔɡa baa ɛa
dɛ le saŋ la bwa wa.”
8Korowii berɔ ŋɔ,
“Gɛ nee aa lɔ
ɡrepo nɔna sao ta
ba yon ŋɔ, ‘He bɛ an chɔɡ,
ba ta ɛɛ daa a ne senee’ la,
ɡɛɛ maa wola n nɛra
bwaa chɔɡ,
mɛɛ lɛ banɔ la
baa dɛ tom mɛɛ.
9Mɛɛ swee Israel tena baa ɛ
Juda dea tena andɛɛɡaa,
ásɛ ba naanar
so bwejena dor.
Nɛra maa lee ba tɛ n te,
baa tom mɛ laanee
dɛɛ ba bela soɡa.
10Sarɔn ɛɛ ɛ peera dibɔree,
ásɛ Akɔ Fɛlembɔjen#Jos 7:26 ɛ bela
nae aa dɛ onɛ,
dɛ́ tɛ n nɛra baa dɛ nyin mɛ
bambile bwa ne.
11He banɔ la haa berɛ habɔɔ
kpo mɛ dɛ vɛh
Saayɔn Bwejen
waa do ɡoroŋ,
dɛɛ tomɛ voɡ Gad#65:11 Gad munii hɛɛra.
ne voɡ Meni.#65:11 Meni ɡe munii nyokala.
12Aa ɛ nyokalaa tɛ heyaa kɛŋɔ
hɛɛ sewɛ laa taa,
dɛkalkɛŋɔ, n yerɛ heyaa
he ta sɛɛh,
dɛ bol waa he be
he ta men chaŋɛ.
He kpɔ he ɡbaɡba ŋwɛnɛ,
dɛ ɛ waa aa wola n siwi
sui dɛ ɛ wechɔɡa.”
13Anomanta, Nemenɛ Korowii ŋɔ,
“N bonɔɔna ɛɛ dɔ kondikwaa
di dɛɛ nyɔ sen kohona,
kɛ he te, lɔr ne nyɔɡre
ɛɛ kpo heyaa taeh.
N bonɔɔna sie ɛɛ lɛo,
kɛ he te ɛɛ di sihiih.
14N bonɔɔna ɛɛ ɡo silɛɛ yelaa,
kɛ he te ɛɛ wi lokua wii.
15He sɔn ɛɛ berɛ tooh tɛ
nɛra maa lee ba
tɛ n te laanee.
Men Nemenɛ Korowii
ɡbaɡba ɛɛ kpoo heyaa,
dɛ́ tɛ banɔ la baa
dɛ duu mɛ
kɛrɛdɛ la sɔnfale.
16Nomɛlbwa dɛ nyin
kɛ o swee andɛɛɡa harɛ la
ta naa,
ó soŋe le men
Kasinteŋ Korowii be.
Wahala aa lɔ he nɛɛ wubwa
ɛɛ tonɔɔ, he soh a wa.”
Nyundufale ne harɛfale wa
17Korowii ŋɔ, “Mɛɛ ta
nyundufale ne harɛfalee.#2Pi 3:13; Wep 21:1
Haa webena a fa aa lole la
waa lii kpa bwa.
18Hé ɡel he sie lɛ hɛɛ hɛɡre
saŋ bɛlbwa.
N dɛ ba Jerusalamfale ɛɛ o
do som, ásɛ o nɛra sie ɛɛ lɛ.
19N ɡbabir sie ɛɛ lɛ Jerusalam
ne o nɛra nɛɛ kohona.
Wii ne lɔŋɔre aa o taa
do kpa.
20Bechasɔɔhne aa serewe kpa,
nɛra bwa ɛɛ soo biɡri.
Baa yerɛ nɛra baa di
bene lafa bonɔɔnaa,
nomɛlbwa sewɔ
dɛ o ta ɡɛ dɔe yaa,
amɔ te dɛ n taahno.
21Baa do deenee dɛ́ so a bini,
dɛ́ parɛ daa kooni,
dɛ́ di a nɔna.
22Baa deenee ma nɛra bane
ba so a ta,
kɛɛ dɛ́ du kwaa nɛmpɛɛne
dia kpa.
Nɛra maa lee ba tɛ n te la
ɛɛ biɡruu kɛŋɔ daa aa dɛ
biɡri la, dɛ́ ɡbaɡba di ba
toma baa ɛa ta.
23Baa koh ta pɛɛ bwa,
ba tomare bwa ɛɛ
do werii tɛɛ ba.
Wekpeɡa ɡe aa ba bii
nɛɛ ba bwa.
Mɛɛ swee andɛɛɡaa tɛ ba ne
ba naanaree
saŋ bɛlbwa dɛɛ la.
24Ba ne ŋɔ ba soŋ mɛ tonɛ la,
dɛ n noɔ dɛ́ chaŋe.
Ba taa dɛ bol kwaraa la,
dɛ n te jemɔ.
25Gboli ne pebiiri ɛɛ pɛ
bobeŋkpoŋii dɛɛ di,#Aes 11:6
nyujentena chwe kpɔɡa
kɛŋɔ nae ken,
harɛkon ɡe, teeraa wɛɛ ba dii.
A bɛlbwa aa kwaa chɔɡ,
aa nɛra ɡee kpo n bwejen
waa do ɡoroŋ Saayɔn ta kpa.”
Korowiirii bola.
Currently Selected:
Aesaya 65: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 65
65
Korowii ɛɛ tɛr deŋnekpeɡ tena deŋnee
1Korowii ŋɔ, “N kpɔ n te baɡle nɛra baa wola
n waa bɔɔrɛ,
kɛ nɛra baa wola
n bɔr ɡaaɡɛ
laanee na mɛ.
N yerɛ harɛ o nɛra aa wola
men tomɛ dɛ ŋɔ,
‘Menee nɔ. Menee nɔ.’#Rom 10:20-21
2Saŋ bɛlbwaa n paɡri n nɔɔra
kɛŋɔ ń lɛ n nɛra
ba deŋne aa kpeɡa,
dɛɛ ɛ waa baa dɛ nyin.
3Ba teŋɔ dɛɛ muɡli n baah,
dɛ kpoo kwaa dɛɛ ɛ saraha
voɡare ta,
bodɛɛɡe baa du daa bini,
dɛ fuh daawiile dɛɛ tɛa.
4Ba dɛ la bwebɔɔne bini
ne lala huɡribɔr,
dɛ ka yerɛ lala jwaana,
dɛ́ ka so ŋwama ta
dɛɛ were.
Ba dɛ chwe parakoo ola,
dɛɛ di dɛɛ nyɔ ola baa
kpoora tɛ voɡa dɔr,
ne kwaa maa kia.
5Ba yon ŋɔ ba bala be ŋɔ,
‘He laa he te kpɔ ya nɛ,
ya do ɡoroŋ, a ta chɛ kɛŋɔ
hé leɡe yaa!’
N mee le ba nɛ,
n bandia
ɡe do ba nɛɛ kɛŋɔ, nii
aa wola dime bwa ken.
6N lii ɡɛ maa tɛr ba deŋne
cheɡ, ba chwera bil n sie.
Maa sie laa kpɔ waa
baa ɛa nɔ ta.
Mɛɛ bɔ ba a kemee,
7ba ne ba naawa bwa wechɔɡa
baa ɛa wa.
Dɛkalkɛŋɔ ba fuh daawiile
voɡa ta deŋɡarere dor,
dɛ chɛɡre mɛ bela.
Anomanta, mɛɛ tɛr
ba deŋnee ɡɛ aa chɛa,
ba wechɔɡa baa ɛa
dɛ le saŋ la bwa wa.”
8Korowii berɔ ŋɔ,
“Gɛ nee aa lɔ
ɡrepo nɔna sao ta
ba yon ŋɔ, ‘He bɛ an chɔɡ,
ba ta ɛɛ daa a ne senee’ la,
ɡɛɛ maa wola n nɛra
bwaa chɔɡ,
mɛɛ lɛ banɔ la
baa dɛ tom mɛɛ.
9Mɛɛ swee Israel tena baa ɛ
Juda dea tena andɛɛɡaa,
ásɛ ba naanar
so bwejena dor.
Nɛra maa lee ba tɛ n te,
baa tom mɛ laanee
dɛɛ ba bela soɡa.
10Sarɔn ɛɛ ɛ peera dibɔree,
ásɛ Akɔ Fɛlembɔjen#Jos 7:26 ɛ bela
nae aa dɛ onɛ,
dɛ́ tɛ n nɛra baa dɛ nyin mɛ
bambile bwa ne.
11He banɔ la haa berɛ habɔɔ
kpo mɛ dɛ vɛh
Saayɔn Bwejen
waa do ɡoroŋ,
dɛɛ tomɛ voɡ Gad#65:11 Gad munii hɛɛra.
ne voɡ Meni.#65:11 Meni ɡe munii nyokala.
12Aa ɛ nyokalaa tɛ heyaa kɛŋɔ
hɛɛ sewɛ laa taa,
dɛkalkɛŋɔ, n yerɛ heyaa
he ta sɛɛh,
dɛ bol waa he be
he ta men chaŋɛ.
He kpɔ he ɡbaɡba ŋwɛnɛ,
dɛ ɛ waa aa wola n siwi
sui dɛ ɛ wechɔɡa.”
13Anomanta, Nemenɛ Korowii ŋɔ,
“N bonɔɔna ɛɛ dɔ kondikwaa
di dɛɛ nyɔ sen kohona,
kɛ he te, lɔr ne nyɔɡre
ɛɛ kpo heyaa taeh.
N bonɔɔna sie ɛɛ lɛo,
kɛ he te ɛɛ di sihiih.
14N bonɔɔna ɛɛ ɡo silɛɛ yelaa,
kɛ he te ɛɛ wi lokua wii.
15He sɔn ɛɛ berɛ tooh tɛ
nɛra maa lee ba
tɛ n te laanee.
Men Nemenɛ Korowii
ɡbaɡba ɛɛ kpoo heyaa,
dɛ́ tɛ banɔ la baa
dɛ duu mɛ
kɛrɛdɛ la sɔnfale.
16Nomɛlbwa dɛ nyin
kɛ o swee andɛɛɡa harɛ la
ta naa,
ó soŋe le men
Kasinteŋ Korowii be.
Wahala aa lɔ he nɛɛ wubwa
ɛɛ tonɔɔ, he soh a wa.”
Nyundufale ne harɛfale wa
17Korowii ŋɔ, “Mɛɛ ta
nyundufale ne harɛfalee.#2Pi 3:13; Wep 21:1
Haa webena a fa aa lole la
waa lii kpa bwa.
18Hé ɡel he sie lɛ hɛɛ hɛɡre
saŋ bɛlbwa.
N dɛ ba Jerusalamfale ɛɛ o
do som, ásɛ o nɛra sie ɛɛ lɛ.
19N ɡbabir sie ɛɛ lɛ Jerusalam
ne o nɛra nɛɛ kohona.
Wii ne lɔŋɔre aa o taa
do kpa.
20Bechasɔɔhne aa serewe kpa,
nɛra bwa ɛɛ soo biɡri.
Baa yerɛ nɛra baa di
bene lafa bonɔɔnaa,
nomɛlbwa sewɔ
dɛ o ta ɡɛ dɔe yaa,
amɔ te dɛ n taahno.
21Baa do deenee dɛ́ so a bini,
dɛ́ parɛ daa kooni,
dɛ́ di a nɔna.
22Baa deenee ma nɛra bane
ba so a ta,
kɛɛ dɛ́ du kwaa nɛmpɛɛne
dia kpa.
Nɛra maa lee ba tɛ n te la
ɛɛ biɡruu kɛŋɔ daa aa dɛ
biɡri la, dɛ́ ɡbaɡba di ba
toma baa ɛa ta.
23Baa koh ta pɛɛ bwa,
ba tomare bwa ɛɛ
do werii tɛɛ ba.
Wekpeɡa ɡe aa ba bii
nɛɛ ba bwa.
Mɛɛ swee andɛɛɡaa tɛ ba ne
ba naanaree
saŋ bɛlbwa dɛɛ la.
24Ba ne ŋɔ ba soŋ mɛ tonɛ la,
dɛ n noɔ dɛ́ chaŋe.
Ba taa dɛ bol kwaraa la,
dɛ n te jemɔ.
25Gboli ne pebiiri ɛɛ pɛ
bobeŋkpoŋii dɛɛ di,#Aes 11:6
nyujentena chwe kpɔɡa
kɛŋɔ nae ken,
harɛkon ɡe, teeraa wɛɛ ba dii.
A bɛlbwa aa kwaa chɔɡ,
aa nɛra ɡee kpo n bwejen
waa do ɡoroŋ Saayɔn ta kpa.”
Korowiirii bola.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.