Aesaya 60
60
Jerusalam jirima dɔe kerekere
1Jerusalam, ir dɛ́ chaah kɛŋɔ wee!
Korowii jirima
dɛ chaah he nɛ!
2Na, biro tenten dɛ ba harɛ
nɔ ta nɛra nɛɛ tɔe,
kɛ he te, Korowii jirima
ɛɛ chaah he nɛɛ.
3Harɛre nɛra ne koranar
bwa ɛɛ ba he bochaah
la taa.#Wep 21:24
4Korowii ŋɔ, “Ha sie dɛ́ nyiŋi bar,
he nɛra bwa chemo
dɛɛ ba he be.
He bibaala le bojaŋa
harɛre ta dɛɛ ba,
ba kpɔ he bihaahna chwaa
dɛɛ ba.
5Hɛɛ na ɡɛɛ he hɛɡra ir,
he tea ɡe too.
Ba dɛ ba harɛre kondɔɔh ne
dɛ́ ba tɛɛ.
Mpo baŋ
le kwaa bwa ɛɛ bao.
6Baa ba nyoɡmare nee
kohona,
dɛ́ ba perɛ harɛ nɔ bwa.
Midian ne Efa harɛre
taa aa ba lee.
Seeba tena ɛɛ ba suuɡaswɛm
ne daawiile nee,
dɛɛ kpɛɛ men Korowii.#Mat 2:11
7Baa kpɔ Keda peera
bwaa ba tɛ heya,
Nɛbayɔt pebala ɡe ɛɛ
he kwaa,
ásɛ he kpoora saraha kon ta
tɛ men Korowii,
dɛ́ kpɔ jirima ba n Dea.
8Stiimaere besoo pɛa dɛɛ ba
kɛŋɔ baama,
kɛɛ kulukukure aa dɛ
ba a kɔne ta nɔɔ?
9A ɛ stiimaere aa le bojaŋa
dɛ kpɔ n nɛra dɛɛ ba dem.
Ba cheɡɛ suuɡapoŋa ne
suuɡaswɛm dɛɛ ba,
dɛ kpɔ jirima dɛɛ ba ba tɛ
men Korowii Israel tena
aa dɛ tomɔ,
Israel Nɛŋɡoroŋ waa
ɡela harɛre nɛra kpɔ duure
dɛɛ tɛ o nɛra la.”
10Korowii ŋɔ Jerusalam tena be ŋɔ,
“Nɛŋhɔɔhraa dɛ́ berɛ ba kwaa
ma he bwɛjen nɔ
danjwɛɛre,
ásɛ ba koranar ɛɛ tomɛ
heya.
N baahnee fa dia n tɛr he
deŋne. Taraken te,
mɛɛ dɔ tedomaa
tɛ heya, dɛ́ sune he nɛ.
11He doonyoone ɛɛ yao che
saŋ bɛlbwa chɔɔ ne jwaana,
aa wola tɔ kpa bwa,
ásɛ harɛre koranar tɔ
ba nɛra sie,
dɛ́ kpɔ ba kondɔɔh jo he be.#Wep 21:25
12Harɛre nɛra baa
ŋɔa baa heyaa tomɛ la,
ba harɛre ɛɛ paɡroo
dɛ́ chɔɡ kwara.
13Baa che Lɛbanɔn kɔr dadɛɛɡa
ne ba dajaŋa bwa soo siwii
dɛ́ ba kwaa n Dea
maa lɔ o bini nɔ ne n
bwɛjen la á do wer.
14Nɛra ba fa aa ɛ heyaa
hɔhɔrɔwa naanar
ne banɔ la ba fa aa hah he ya,
dɛɛ nyiŋi he nyubaah
ɛɛ ba ɡuŋi he siee.
Baa yerɛ he bwɛɛ
Korowii Bwɛjen, Saayɔn,
Israel Nɛŋɡoroŋ la Bwɛ.
15Jerusalam,
ba fa haeh dɛ vɛɛh,
nomɛlbwa aa he ta kpɔ.
Kɛ mɛɛ ɛɛ he do wer kɛŋɔ,
bwɛjen waa soma tɛ nɛra
saŋ te bɛlbwa dɛɛ la.
16Harɛre nɛra ne koranar
ɛɛ nyiŋi he nɛɛ kɛŋɔ,
haah aa dɛ ɔr o bie,
ásɛ he jemɛ kɛŋɔ men Korowiirii he Lɛɛ,
menee Korowii, Jekɔb Kpeɡnɛn waa tomɔ la.
17Mɛɛ kpɔ suuɡaswɛmee chiɡ
ayaawa naa ta,
dɛ́ kpɔ suuɡapoŋ chiɡ
buni naa ta,
dɛ́ berɛ kpɔ ayaawa chiɡ daa
naa ta,
dɛ́ kpɔ buni chiɡ bwea
naa ta tɛɛ.
He koranar aa he nɛraa
fiiɡi kpa.
Mɛɛ ɡeloo baa nyiŋi he nɛɛ
kasinteŋ ne
deŋnesɔɔhna ne.
18Haa yoi ɡbɔɡaa
no he harɛ ta kpa,
wobɛlbwa aa chɔɡ
he harɛ ta kpa bwa.
Mɛɛ tɔe ɡbemɡbee kɛŋɔ
danjwɛɛ ken dɛ́ lɛɛ,
ásɛ he kpɛɛ mɛ,
lɛɛ maa lɛɛ ta la wa.
19Haa wee nyin kɛ tɔɔ peraa,
o chaah tɛɛ kpa.
Haa korobie ɡee nyin kɛ
o chaah tɛɛ jwaana ɡe.#Wep 21:23
Men Korowiirii dɛɛ ba
he nɛɛ chaahna
saŋ bɛlbwa,
n jirima do he nɛ.
20Wahala haa dɛ na
bwa ɛɛ ba a jaɡaa.
Men Korowiirii dɛɛ ba
he nɛɛ chaahna kɛŋɔ wee
ne korobie
saŋ bɛlbwa.
21He nɛra bwa wa ɛɛ toɡroo,
harɛ la ɛ ba kon saŋ bɛlbwa.
Baa doo kɛŋɔ daa maa duu
o pamɛ le o lur ta ken.
Men ta ba, ásɛ baa baɡle
n jirima.
22Banɔ la baa wola kanɛ la,
baa warɔ dɛ do kpeɡri
kɛŋɔ harɛjen nɛra.
Mɛɛ ɛa waranee
saŋ waa wera ta.
Menee Korowii.”
Currently Selected:
Aesaya 60: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 60
60
Jerusalam jirima dɔe kerekere
1Jerusalam, ir dɛ́ chaah kɛŋɔ wee!
Korowii jirima
dɛ chaah he nɛ!
2Na, biro tenten dɛ ba harɛ
nɔ ta nɛra nɛɛ tɔe,
kɛ he te, Korowii jirima
ɛɛ chaah he nɛɛ.
3Harɛre nɛra ne koranar
bwa ɛɛ ba he bochaah
la taa.#Wep 21:24
4Korowii ŋɔ, “Ha sie dɛ́ nyiŋi bar,
he nɛra bwa chemo
dɛɛ ba he be.
He bibaala le bojaŋa
harɛre ta dɛɛ ba,
ba kpɔ he bihaahna chwaa
dɛɛ ba.
5Hɛɛ na ɡɛɛ he hɛɡra ir,
he tea ɡe too.
Ba dɛ ba harɛre kondɔɔh ne
dɛ́ ba tɛɛ.
Mpo baŋ
le kwaa bwa ɛɛ bao.
6Baa ba nyoɡmare nee
kohona,
dɛ́ ba perɛ harɛ nɔ bwa.
Midian ne Efa harɛre
taa aa ba lee.
Seeba tena ɛɛ ba suuɡaswɛm
ne daawiile nee,
dɛɛ kpɛɛ men Korowii.#Mat 2:11
7Baa kpɔ Keda peera
bwaa ba tɛ heya,
Nɛbayɔt pebala ɡe ɛɛ
he kwaa,
ásɛ he kpoora saraha kon ta
tɛ men Korowii,
dɛ́ kpɔ jirima ba n Dea.
8Stiimaere besoo pɛa dɛɛ ba
kɛŋɔ baama,
kɛɛ kulukukure aa dɛ
ba a kɔne ta nɔɔ?
9A ɛ stiimaere aa le bojaŋa
dɛ kpɔ n nɛra dɛɛ ba dem.
Ba cheɡɛ suuɡapoŋa ne
suuɡaswɛm dɛɛ ba,
dɛ kpɔ jirima dɛɛ ba ba tɛ
men Korowii Israel tena
aa dɛ tomɔ,
Israel Nɛŋɡoroŋ waa
ɡela harɛre nɛra kpɔ duure
dɛɛ tɛ o nɛra la.”
10Korowii ŋɔ Jerusalam tena be ŋɔ,
“Nɛŋhɔɔhraa dɛ́ berɛ ba kwaa
ma he bwɛjen nɔ
danjwɛɛre,
ásɛ ba koranar ɛɛ tomɛ
heya.
N baahnee fa dia n tɛr he
deŋne. Taraken te,
mɛɛ dɔ tedomaa
tɛ heya, dɛ́ sune he nɛ.
11He doonyoone ɛɛ yao che
saŋ bɛlbwa chɔɔ ne jwaana,
aa wola tɔ kpa bwa,
ásɛ harɛre koranar tɔ
ba nɛra sie,
dɛ́ kpɔ ba kondɔɔh jo he be.#Wep 21:25
12Harɛre nɛra baa
ŋɔa baa heyaa tomɛ la,
ba harɛre ɛɛ paɡroo
dɛ́ chɔɡ kwara.
13Baa che Lɛbanɔn kɔr dadɛɛɡa
ne ba dajaŋa bwa soo siwii
dɛ́ ba kwaa n Dea
maa lɔ o bini nɔ ne n
bwɛjen la á do wer.
14Nɛra ba fa aa ɛ heyaa
hɔhɔrɔwa naanar
ne banɔ la ba fa aa hah he ya,
dɛɛ nyiŋi he nyubaah
ɛɛ ba ɡuŋi he siee.
Baa yerɛ he bwɛɛ
Korowii Bwɛjen, Saayɔn,
Israel Nɛŋɡoroŋ la Bwɛ.
15Jerusalam,
ba fa haeh dɛ vɛɛh,
nomɛlbwa aa he ta kpɔ.
Kɛ mɛɛ ɛɛ he do wer kɛŋɔ,
bwɛjen waa soma tɛ nɛra
saŋ te bɛlbwa dɛɛ la.
16Harɛre nɛra ne koranar
ɛɛ nyiŋi he nɛɛ kɛŋɔ,
haah aa dɛ ɔr o bie,
ásɛ he jemɛ kɛŋɔ men Korowiirii he Lɛɛ,
menee Korowii, Jekɔb Kpeɡnɛn waa tomɔ la.
17Mɛɛ kpɔ suuɡaswɛmee chiɡ
ayaawa naa ta,
dɛ́ kpɔ suuɡapoŋ chiɡ
buni naa ta,
dɛ́ berɛ kpɔ ayaawa chiɡ daa
naa ta,
dɛ́ kpɔ buni chiɡ bwea
naa ta tɛɛ.
He koranar aa he nɛraa
fiiɡi kpa.
Mɛɛ ɡeloo baa nyiŋi he nɛɛ
kasinteŋ ne
deŋnesɔɔhna ne.
18Haa yoi ɡbɔɡaa
no he harɛ ta kpa,
wobɛlbwa aa chɔɡ
he harɛ ta kpa bwa.
Mɛɛ tɔe ɡbemɡbee kɛŋɔ
danjwɛɛ ken dɛ́ lɛɛ,
ásɛ he kpɛɛ mɛ,
lɛɛ maa lɛɛ ta la wa.
19Haa wee nyin kɛ tɔɔ peraa,
o chaah tɛɛ kpa.
Haa korobie ɡee nyin kɛ
o chaah tɛɛ jwaana ɡe.#Wep 21:23
Men Korowiirii dɛɛ ba
he nɛɛ chaahna
saŋ bɛlbwa,
n jirima do he nɛ.
20Wahala haa dɛ na
bwa ɛɛ ba a jaɡaa.
Men Korowiirii dɛɛ ba
he nɛɛ chaahna kɛŋɔ wee
ne korobie
saŋ bɛlbwa.
21He nɛra bwa wa ɛɛ toɡroo,
harɛ la ɛ ba kon saŋ bɛlbwa.
Baa doo kɛŋɔ daa maa duu
o pamɛ le o lur ta ken.
Men ta ba, ásɛ baa baɡle
n jirima.
22Banɔ la baa wola kanɛ la,
baa warɔ dɛ do kpeɡri
kɛŋɔ harɛjen nɛra.
Mɛɛ ɛa waranee
saŋ waa wera ta.
Menee Korowii.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.