Aesaya 59
59
Korowii keame bol nɛra wechɔɡa wa
1He bɛ dɛɛ lii kɛŋɔ Korowii aa kpeɡe
dɛ́ lɛ heya,
kɛɛ o deŋna tɔɔɡɔ
waa wola yera
haa dɛ yerɔ la no.
2He wechɔɡaa tɔ
heyaa ŋwɛnɛ,
a do kɛ waa he be no la,
anee pere he ne o baah
he dɛ soŋo waa,
waa wola chaŋe,
dɛ kpɔ o te dɛɛ sɔh
heyaa la.
3Nɛŋkpoa ne wedoŋa ɡboo su
he bwa.
Waa aa dɛ le he nyoo
ɛ nyosone,
hɛɛ lii nyubinikpeɡ
we-ɛɛla.
4Nomɛlbwa ta kasinteŋ ta
cheɡɛɛ
dɛ kpɔ o dɔŋ la kɔɔto bwa.
Nyosone ɡbo taa he che
dɛɛ di bole.
He dɛ vɔrɔwe vɔrɔwa
dɛ́ chɔɡ bane.
5He liire ne he we-ɛɛla do
kɛŋɔ domkpule hala
ne ŋwandare yal ken.
Nomɛlbwa waa di a hala la,
wɛɛ sewɔɔ.
6Haa won kpɔ ŋwandare yal
tɔ kɛŋɔ yal.
He we-ɛɛla ɛ dichɔɡa ɡbo,
dɛ ɛ naɡrenyine ɡe.
7He ɡbaŋre wechɔɡa ɛɛ
ne nɛn waa wola wechɔɡa
ɛɛ kpoe ta.
Wechɔɡa lɛ he liire bwa,
dɛɛ chɔɡ kwaa bobɛlbwa
haa dɛ la.#Rom 3:15
8Deŋnesɔɔhna ŋwɛnɛ te,
haa an jemɛ.
Kasinteŋ ɡe toole
he waa bini.
He we-ɛɛla bwa ɡolo,
a ɡel nomɛlbwa waa
dɛ teŋɛ a ta aa
deŋnesɔɔhna waa jemɛ.
Nɛra la bol ba wechɔɡa
9Ate, nɛra la ŋɔ,
“Ya ne kasinteŋ baah jaŋne,
ya waa ɡe ta toɡrɛ.
Ya dɛ nyin bochaah ta
dɛ́ valɛ,
kɛ biro tenten ɡboo ya na,
10dɛɛ laɡre bɔr bobɛlbwa,
kɛŋɔ nyoŋa aa dɛ ɡaaɡe.
Ya won naa lɔe webaŋa
kɛŋɔ jwaana,
weera bini la, ya do kɛŋɔ
nɛra baa serewa.
11Ɔmee chole ya nɛɛ
ya wi dɛɛ di suna.
Ya dɛ nyiŋi kɛŋɔ,
Korowii ba lɛ yaa le
nɛra baa
dɛ fiiɡi yaa nɔn ta,
kɛ yaa wobɛlbwa na.
12N Naa Korowii,
ya wechɔɡa kan
kohona he sie,
ya wechɔɡa ɡba di danseɛ.
Ya jemɛ ya wechɔɡa bwa.
13Ya ɛ deŋnekpeɡ,
dɛ berɛ habɔɔ kpoe,
dɛ vɛh he nɛɛ teŋa.
Ya fiiɡi ya dɔŋa dɛ berɛ
habɔɔ kpoe.
Ya liire ne ya wobol bwa
ɛ nyosone.
14Waa aa ɛ kpela ne waa
aa toɡra kaa bojaŋ,
a do kɛŋɔ kasinteŋ toole
kpa ken.
15Anomanta, kasinteŋ tonɔ,
dɛ ɡel nɛra baa laa ba te
dɛɛ kpɔ wechɔɡa ta la,
nɛra berɛ hah ba.”
Korowii na ɡɛ,
asɛ o sie ta lɛɛ kɛŋɔ
kasinteŋ aa wola toole la.
16O nyoa kpoo kɛŋɔ,
nomɛlbwa aa wola toole
dɛ́ cha nɛra baa dɛ fiɡ ba,
anomanta, wɛɛ che o ɡbaɡba
kpeɡrii taa dɛ́ lɛɛ ba.
17O kpɔ waa aa toɡra ɛ laa
batakaare, dɛ kpɔ lɛɛ waa
lɛ heyaa la ɛ buni ɡbɛrɛ pi.#Ɛfe 6:13-17; 1Te 5:8
Dɛ ta tea kohona kpɔ deŋnetɛra
waa kpɔa dɛɛ ba ba bɔ nɛra
kem la berɛ yal, dɛ kpɔ tɔ.
18Korowii baah ɛɛ di o dɔma
nɛɛ ɡɛ baa ɛa la wa,
hale banɔ la baa lɔ bojaŋ harɛre ta bwa.
19Le wee leebɔr
ba kaa wee cholibɔr,
nɛra ɛɛ ɔmɔɔ dɛ́ kpɔ jirima tɛo.
Dɛkalkɛŋɔ wɛɛ bao kɛŋɔ
nepale ne peu a nyoa aa kpeɡa.
20Korowii ŋɔ o nɛra be ŋɔ,
“Mɛɛ ba Saayɔnee dɛ́ ba lɛ
he banɔ la haa charɛ
liire le he wechɔɡa ta bwa.
21Fɔo n ne haa fɔwɛ laanee kɛŋɔ, ń tɛ he ne he bii ne he naanar n Doma ne n webaɡla, á chɔ le tɛ heyaa saŋ bɛlbwa.”#Hib 8:9
Currently Selected:
Aesaya 59: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 59
59
Korowii keame bol nɛra wechɔɡa wa
1He bɛ dɛɛ lii kɛŋɔ Korowii aa kpeɡe
dɛ́ lɛ heya,
kɛɛ o deŋna tɔɔɡɔ
waa wola yera
haa dɛ yerɔ la no.
2He wechɔɡaa tɔ
heyaa ŋwɛnɛ,
a do kɛ waa he be no la,
anee pere he ne o baah
he dɛ soŋo waa,
waa wola chaŋe,
dɛ kpɔ o te dɛɛ sɔh
heyaa la.
3Nɛŋkpoa ne wedoŋa ɡboo su
he bwa.
Waa aa dɛ le he nyoo
ɛ nyosone,
hɛɛ lii nyubinikpeɡ
we-ɛɛla.
4Nomɛlbwa ta kasinteŋ ta
cheɡɛɛ
dɛ kpɔ o dɔŋ la kɔɔto bwa.
Nyosone ɡbo taa he che
dɛɛ di bole.
He dɛ vɔrɔwe vɔrɔwa
dɛ́ chɔɡ bane.
5He liire ne he we-ɛɛla do
kɛŋɔ domkpule hala
ne ŋwandare yal ken.
Nomɛlbwa waa di a hala la,
wɛɛ sewɔɔ.
6Haa won kpɔ ŋwandare yal
tɔ kɛŋɔ yal.
He we-ɛɛla ɛ dichɔɡa ɡbo,
dɛ ɛ naɡrenyine ɡe.
7He ɡbaŋre wechɔɡa ɛɛ
ne nɛn waa wola wechɔɡa
ɛɛ kpoe ta.
Wechɔɡa lɛ he liire bwa,
dɛɛ chɔɡ kwaa bobɛlbwa
haa dɛ la.#Rom 3:15
8Deŋnesɔɔhna ŋwɛnɛ te,
haa an jemɛ.
Kasinteŋ ɡe toole
he waa bini.
He we-ɛɛla bwa ɡolo,
a ɡel nomɛlbwa waa
dɛ teŋɛ a ta aa
deŋnesɔɔhna waa jemɛ.
Nɛra la bol ba wechɔɡa
9Ate, nɛra la ŋɔ,
“Ya ne kasinteŋ baah jaŋne,
ya waa ɡe ta toɡrɛ.
Ya dɛ nyin bochaah ta
dɛ́ valɛ,
kɛ biro tenten ɡboo ya na,
10dɛɛ laɡre bɔr bobɛlbwa,
kɛŋɔ nyoŋa aa dɛ ɡaaɡe.
Ya won naa lɔe webaŋa
kɛŋɔ jwaana,
weera bini la, ya do kɛŋɔ
nɛra baa serewa.
11Ɔmee chole ya nɛɛ
ya wi dɛɛ di suna.
Ya dɛ nyiŋi kɛŋɔ,
Korowii ba lɛ yaa le
nɛra baa
dɛ fiiɡi yaa nɔn ta,
kɛ yaa wobɛlbwa na.
12N Naa Korowii,
ya wechɔɡa kan
kohona he sie,
ya wechɔɡa ɡba di danseɛ.
Ya jemɛ ya wechɔɡa bwa.
13Ya ɛ deŋnekpeɡ,
dɛ berɛ habɔɔ kpoe,
dɛ vɛh he nɛɛ teŋa.
Ya fiiɡi ya dɔŋa dɛ berɛ
habɔɔ kpoe.
Ya liire ne ya wobol bwa
ɛ nyosone.
14Waa aa ɛ kpela ne waa
aa toɡra kaa bojaŋ,
a do kɛŋɔ kasinteŋ toole
kpa ken.
15Anomanta, kasinteŋ tonɔ,
dɛ ɡel nɛra baa laa ba te
dɛɛ kpɔ wechɔɡa ta la,
nɛra berɛ hah ba.”
Korowii na ɡɛ,
asɛ o sie ta lɛɛ kɛŋɔ
kasinteŋ aa wola toole la.
16O nyoa kpoo kɛŋɔ,
nomɛlbwa aa wola toole
dɛ́ cha nɛra baa dɛ fiɡ ba,
anomanta, wɛɛ che o ɡbaɡba
kpeɡrii taa dɛ́ lɛɛ ba.
17O kpɔ waa aa toɡra ɛ laa
batakaare, dɛ kpɔ lɛɛ waa
lɛ heyaa la ɛ buni ɡbɛrɛ pi.#Ɛfe 6:13-17; 1Te 5:8
Dɛ ta tea kohona kpɔ deŋnetɛra
waa kpɔa dɛɛ ba ba bɔ nɛra
kem la berɛ yal, dɛ kpɔ tɔ.
18Korowii baah ɛɛ di o dɔma
nɛɛ ɡɛ baa ɛa la wa,
hale banɔ la baa lɔ bojaŋ harɛre ta bwa.
19Le wee leebɔr
ba kaa wee cholibɔr,
nɛra ɛɛ ɔmɔɔ dɛ́ kpɔ jirima tɛo.
Dɛkalkɛŋɔ wɛɛ bao kɛŋɔ
nepale ne peu a nyoa aa kpeɡa.
20Korowii ŋɔ o nɛra be ŋɔ,
“Mɛɛ ba Saayɔnee dɛ́ ba lɛ
he banɔ la haa charɛ
liire le he wechɔɡa ta bwa.
21Fɔo n ne haa fɔwɛ laanee kɛŋɔ, ń tɛ he ne he bii ne he naanar n Doma ne n webaɡla, á chɔ le tɛ heyaa saŋ bɛlbwa.”#Hib 8:9
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.