Aesaya 51
51
Jerusalam tena bɔlarawa wa
1Korowii ŋɔ, “He banɔ la he siwi aa
swɛɛ waa aa toɡra ta,
hɛɛ nyin he jem mɛ la,
hé no n be.
Hé lii he nabaa Abraham
waa do kɛŋɔ bwe baa pɛɡre heyaa
le o ta, ne bɔɔ baa kwi
heyaa le o bini la.
2Hé lii he nabaa Abraham,
ne Saara haa le ba bini la wa.
Maa yerɛ Abraham dɛ o ta bie dɔe,
asɛ n swee andɛɛɡa tɛo
dɛ́ ɡel o naanar warɛ.
3Jerusalam berɛ dimɡbia,
mɛɛ dɔ tedomaa tɛ o nɛra baa soɡe o ta.
Mɛɛ ɡeloo o pua hɛŋle ɡbo harɛ
le daa warɛ dɛ́ do wer,
kɛŋɔ Eden bodɛɛɡe la.
Silɛɛ ne hɛɡra ɛɛ do belaa,
ásɛ ba ɡo kpɛɛra ne jam
yela dɛɛ tɛ mɛ.
4N nɛra, hé no n be!
N harɛ ta nɛra, hé cheɡ deŋne
no waa maa dɛ bol nɔ.
Mɛɛ ɡeloo he jemɛ me Mmarare,
ásɛ n kasinteŋ ɛ kandea
dɛɛ chaah harɛre nɛra.
5Mɛɛ bao warane, dɛ́ ba lɛɛ ba,
ba lɛɛ tɔpere aa jaŋɛ kwara.
N ɡbabirii dɛ nyiŋi harɛre nɛra
nɛɛ dɛ́ ɡel ba jemɛ n kasinteŋ la.
Bojaŋa harɛre nɛra bwa
ɛɛ dɔ hwɛɡaa, dɛɛ nyiŋi
lɛɛ maa dɛ ba ba lɛɛ la ŋwɛnɛ.
6Hé ha sie nyiŋi nyundua,
dɛ́ berɛ ba sie ne harɛ dɛ́ nyiŋi.
Nyundua ɛɛ nyoɡroo kɛŋɔ
ninchuu ken, ásɛ harɛ ɡe chɔɡ
kɛŋɔ yakwara aa kɔɔhna ken,
nɛra baa lɔ o ta serewe kɛŋɔ chwɛɛhne.
Kɛ lɛɛ maa dɛ ba nɛra lɛɛ la
ɛɛ do lee saŋ bɛlbwa dɛɛ la.
N waa aa toɡra ɡe aa tonɛ bwa.#2Pi 3:10
7He banɔ la haa jemɛ waa
aa toɡra, dɛɛ teŋɛ me mmarare
ta la, hé no n be.
He bɛ bammuɡla nɛra
aa dɛ ɛ heyaa la ɔmɛ,
kɛɛ he bwara hwah
chɛɡa baa dɛ chɛɡɛ heyaa la wa.
8Ba bwa ɛɛ heo kɛŋɔ,
sɛɛle aa di laala kɛɛ dudule
aa dɛ chɔɡ yabii ken.
Kɛ toɡra n wa aa toɡra ɛɛ do le saŋ bɛlbwaa,
ásɛ lɛɛ maa lɛ nɛra la
chɔ ka le naanar baa ka ba bwa.”
9N Naa Korowii, ir nyu ne dɛ́ cha yaa!
Kpɔ he kpeɡri la ba lɛ yaa
ɡɛ haa ɛa saŋ la!
He laa chɛwɛ mpo bini oljen Rahab#51:9 Rahab cheɡɔ tɛ Ijipt harɛ ne kon waa dɛ di dichɔɡa. la aa?
10He laa ɡela mpo hweeh,
ŋwɛnɛ chɔ bela waa luŋa,
asɛ nɛra haa lɛɛ ba
won le o baŋ la aa?
11Nɛra haa lɛɛ ba la ɛɛ
berɔɔ ba jo Jerusalam,
dɛ́ ɡo yela dɛɛ hɛɡre silɛɛ ne.
Ba sie ɛɛ lɛo saŋ bɛlbwa,
ásɛ sum ne hima le kwaraa.
12Korowii ŋɔ,
“Menee dɛɛ larawe he bwara.
Nɛwɛnyina ɡee bɔkwa, hɛɛ ɔm baɔ?
Ba dɛ serewe, ba do kɛŋɔ kpɔɡa.
13Kɛ he soh men Korowii maa
ta heyaa dɛ paɡri nyundua kɛŋɔ yal,
dɛ pa harɛ mun la wa.
Ɛrɛwaa tɔpere bɛlbwa
hɛɛ ɔmɛ nɛra baa dɛ fiiɡi heya,
dɛɛ nyin bá chɔɡ heyaa kohona nɔɔ?
Leperaa ba bandia ɛɛ tel ɔ?
14Banɔ la baa do ba dea la,
aa biɡri bá lee ba.
Baa dea baa kwiu bɔɔ
biro tenten do bela la
binii serewe, á ba ɛ kɛŋɔ
kondikwaa waa ɛɛ noo baa.
15Menee Korowii haa dɛ tom mɛ la.
Menee wona ɡel mpo ɛɛ
ir dɛɛ lɔ nehɛma.
N sɔnee Nemenɛ Korowii.
16Menee kpɔ n waa tɛ heya,
dɛ kpɔ n nɔn tɔ he nɛ.
Menee paɡri nyundua kɛŋɔ yal,
dɛ pa harɛ mun.
Menee ŋɔ Jerusalam tena be ŋɔ, ‘N nɛraa heya.’ ”
Jerusalam tena wenaale jaɡa
17Jerusalam tena, hé ir nyu ne,
hé ir!
He nyɔ Korowii danana nee
a nyoa aa kpeɡa kɛŋɔ sen la,
he nyɔ a bwa kwaraa dɛ dɛɛ, dɛɛ yɛɛɡe.#Jer 25:15; Mat 20:22; Wep 14:10
18He bii haa lol ba bwa,
bɛlbwa toole dɛ́ tɔ he sie.
Bɛlbwa toole he dɛɛ
ó lawɛ he nɔɔra.
19Wekpeɡa anɛ nɔɔ pu heya,
umee dɛ́ won larawe heyaa bwara ɔ?
Laa yoi ɡelɔ he harɛ chɔɡ,
lɔr chole he nɛra nɛ.
Nomɛlbwa toole dɛ́ bwɛɛ heya.
20He bii ɡwɛɡrɔ chɔ fɔɡbaahna,
ba do kɛŋɔ kweɡla aa lɔ bel ta ken.
Korowii baah di ba nɛ,
aa noo ba kohona.
21Hé no, Jerusalam tena,
he waa sum.
Hé dɛɛrɔ, kɛ he ta sen nyɔe.
22Nemenɛ Korowii haa dɛ tomɔ
wɛɛ che he habɔɔ la ŋɔ,
“Hé na, n lɛ n danana nee
numol haa nyɔ o bini
sen dɛɛ la le he nɔn ta.
Haa anee nyɔ kpa bwa.
23Mɛɛ kpɔɔ do nɛra baa
dɛ fiiɡi heyaa la nɔn ta.
Banee yon ŋɔ,
‘Hé chɔ harɛ, ásɛ ya valɛ he nyaŋ ta.’
He chɔ harɛ ba kpɔ he nyaŋ
berɛ ŋwɛnɛ dɛɛ tiɡri he nɛ.”
Currently Selected:
Aesaya 51: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 51
51
Jerusalam tena bɔlarawa wa
1Korowii ŋɔ, “He banɔ la he siwi aa
swɛɛ waa aa toɡra ta,
hɛɛ nyin he jem mɛ la,
hé no n be.
Hé lii he nabaa Abraham
waa do kɛŋɔ bwe baa pɛɡre heyaa
le o ta, ne bɔɔ baa kwi
heyaa le o bini la.
2Hé lii he nabaa Abraham,
ne Saara haa le ba bini la wa.
Maa yerɛ Abraham dɛ o ta bie dɔe,
asɛ n swee andɛɛɡa tɛo
dɛ́ ɡel o naanar warɛ.
3Jerusalam berɛ dimɡbia,
mɛɛ dɔ tedomaa tɛ o nɛra baa soɡe o ta.
Mɛɛ ɡeloo o pua hɛŋle ɡbo harɛ
le daa warɛ dɛ́ do wer,
kɛŋɔ Eden bodɛɛɡe la.
Silɛɛ ne hɛɡra ɛɛ do belaa,
ásɛ ba ɡo kpɛɛra ne jam
yela dɛɛ tɛ mɛ.
4N nɛra, hé no n be!
N harɛ ta nɛra, hé cheɡ deŋne
no waa maa dɛ bol nɔ.
Mɛɛ ɡeloo he jemɛ me Mmarare,
ásɛ n kasinteŋ ɛ kandea
dɛɛ chaah harɛre nɛra.
5Mɛɛ bao warane, dɛ́ ba lɛɛ ba,
ba lɛɛ tɔpere aa jaŋɛ kwara.
N ɡbabirii dɛ nyiŋi harɛre nɛra
nɛɛ dɛ́ ɡel ba jemɛ n kasinteŋ la.
Bojaŋa harɛre nɛra bwa
ɛɛ dɔ hwɛɡaa, dɛɛ nyiŋi
lɛɛ maa dɛ ba ba lɛɛ la ŋwɛnɛ.
6Hé ha sie nyiŋi nyundua,
dɛ́ berɛ ba sie ne harɛ dɛ́ nyiŋi.
Nyundua ɛɛ nyoɡroo kɛŋɔ
ninchuu ken, ásɛ harɛ ɡe chɔɡ
kɛŋɔ yakwara aa kɔɔhna ken,
nɛra baa lɔ o ta serewe kɛŋɔ chwɛɛhne.
Kɛ lɛɛ maa dɛ ba nɛra lɛɛ la
ɛɛ do lee saŋ bɛlbwa dɛɛ la.
N waa aa toɡra ɡe aa tonɛ bwa.#2Pi 3:10
7He banɔ la haa jemɛ waa
aa toɡra, dɛɛ teŋɛ me mmarare
ta la, hé no n be.
He bɛ bammuɡla nɛra
aa dɛ ɛ heyaa la ɔmɛ,
kɛɛ he bwara hwah
chɛɡa baa dɛ chɛɡɛ heyaa la wa.
8Ba bwa ɛɛ heo kɛŋɔ,
sɛɛle aa di laala kɛɛ dudule
aa dɛ chɔɡ yabii ken.
Kɛ toɡra n wa aa toɡra ɛɛ do le saŋ bɛlbwaa,
ásɛ lɛɛ maa lɛ nɛra la
chɔ ka le naanar baa ka ba bwa.”
9N Naa Korowii, ir nyu ne dɛ́ cha yaa!
Kpɔ he kpeɡri la ba lɛ yaa
ɡɛ haa ɛa saŋ la!
He laa chɛwɛ mpo bini oljen Rahab#51:9 Rahab cheɡɔ tɛ Ijipt harɛ ne kon waa dɛ di dichɔɡa. la aa?
10He laa ɡela mpo hweeh,
ŋwɛnɛ chɔ bela waa luŋa,
asɛ nɛra haa lɛɛ ba
won le o baŋ la aa?
11Nɛra haa lɛɛ ba la ɛɛ
berɔɔ ba jo Jerusalam,
dɛ́ ɡo yela dɛɛ hɛɡre silɛɛ ne.
Ba sie ɛɛ lɛo saŋ bɛlbwa,
ásɛ sum ne hima le kwaraa.
12Korowii ŋɔ,
“Menee dɛɛ larawe he bwara.
Nɛwɛnyina ɡee bɔkwa, hɛɛ ɔm baɔ?
Ba dɛ serewe, ba do kɛŋɔ kpɔɡa.
13Kɛ he soh men Korowii maa
ta heyaa dɛ paɡri nyundua kɛŋɔ yal,
dɛ pa harɛ mun la wa.
Ɛrɛwaa tɔpere bɛlbwa
hɛɛ ɔmɛ nɛra baa dɛ fiiɡi heya,
dɛɛ nyin bá chɔɡ heyaa kohona nɔɔ?
Leperaa ba bandia ɛɛ tel ɔ?
14Banɔ la baa do ba dea la,
aa biɡri bá lee ba.
Baa dea baa kwiu bɔɔ
biro tenten do bela la
binii serewe, á ba ɛ kɛŋɔ
kondikwaa waa ɛɛ noo baa.
15Menee Korowii haa dɛ tom mɛ la.
Menee wona ɡel mpo ɛɛ
ir dɛɛ lɔ nehɛma.
N sɔnee Nemenɛ Korowii.
16Menee kpɔ n waa tɛ heya,
dɛ kpɔ n nɔn tɔ he nɛ.
Menee paɡri nyundua kɛŋɔ yal,
dɛ pa harɛ mun.
Menee ŋɔ Jerusalam tena be ŋɔ, ‘N nɛraa heya.’ ”
Jerusalam tena wenaale jaɡa
17Jerusalam tena, hé ir nyu ne,
hé ir!
He nyɔ Korowii danana nee
a nyoa aa kpeɡa kɛŋɔ sen la,
he nyɔ a bwa kwaraa dɛ dɛɛ, dɛɛ yɛɛɡe.#Jer 25:15; Mat 20:22; Wep 14:10
18He bii haa lol ba bwa,
bɛlbwa toole dɛ́ tɔ he sie.
Bɛlbwa toole he dɛɛ
ó lawɛ he nɔɔra.
19Wekpeɡa anɛ nɔɔ pu heya,
umee dɛ́ won larawe heyaa bwara ɔ?
Laa yoi ɡelɔ he harɛ chɔɡ,
lɔr chole he nɛra nɛ.
Nomɛlbwa toole dɛ́ bwɛɛ heya.
20He bii ɡwɛɡrɔ chɔ fɔɡbaahna,
ba do kɛŋɔ kweɡla aa lɔ bel ta ken.
Korowii baah di ba nɛ,
aa noo ba kohona.
21Hé no, Jerusalam tena,
he waa sum.
Hé dɛɛrɔ, kɛ he ta sen nyɔe.
22Nemenɛ Korowii haa dɛ tomɔ
wɛɛ che he habɔɔ la ŋɔ,
“Hé na, n lɛ n danana nee
numol haa nyɔ o bini
sen dɛɛ la le he nɔn ta.
Haa anee nyɔ kpa bwa.
23Mɛɛ kpɔɔ do nɛra baa
dɛ fiiɡi heyaa la nɔn ta.
Banee yon ŋɔ,
‘Hé chɔ harɛ, ásɛ ya valɛ he nyaŋ ta.’
He chɔ harɛ ba kpɔ he nyaŋ
berɛ ŋwɛnɛ dɛɛ tiɡri he nɛ.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.