Aesaya 49
49
Israel tena do kɛŋɔ kandea tɛ harɛre nɛra
1Bojaŋa harɛre nɛra,
hé cheɡ deŋne
dɛ́ no n be.
Korowii lee mɛ n ɛ o bonɔɔ,
o yerɛ n sɔn mɔɔ ba lol mɛ.
2O ɡelɔ n nyoa wobol do
nyɛɡre kɛŋɔ naŋɡɔse ken,
dɛ kpɔ o nɔn tɔ n nɛ,
dɛ ɛɛ mɛ kɛŋɔ hɛm waa nyɛɡa,
dɛ́ kpɔ mɛ ɛ toma ken.
3O berɔ ŋɔ,
“Israel harɛ, he do kɛŋɔ n
bonɔɔ, he nɛɛ aa ba
cheɡa nɛra kpɛɛ mɛ.”
4Anee n ŋɔ, “N koɔh ta pɛɛ,
n chɔɡ n bokpeɡa wepuu
ta pɛɛpɛɛ.
Kɛ n kpɔ n waa bwa do
Korowii nɔn ta,
n kembɔr ɡe lɔ o be.”#Jer 1:5
5Korowii lee mɛ dɛ ɛɛ mɛ
o bonɔɔ mɔɔ ba lol mɛ,
dɛ ŋɔ ń berɛ ba o nɛra
Israel tena baa peɡra
dɛ do bobɛlbwa la ne o be.
Korowii ɡelɔ n dɔ duure,
o bee n kpeɡri do.
6O ŋɔ n be ŋɔ,
“N bonɔɔ, n dɔ wejena ane
tɛɛ he ɛ.
Israel tena baa kaa la
ɡbo sie laa hɛɛ ba tɔe.
Mɛɛ ɛɛ kɛŋɔ kandea
hɛ́ɛ chaah harɛre nɛra
baa wola Israel tena ɛɛ
la bwa nɛ,
ásɛ n won lɛ nɛra baa lɔ
harɛ jaɡa bwa.”#Weɛ 13:47
7Israel tena Lɛɛ,
ba Nɛŋɡoroŋ la ŋɔ nɛn
harɛre nɛra aa haoh
baa wola on kpɔe dɛɛ ɛ
wobɛlbwa,
ba nomonome ɛo yom la
be ŋɔ,
“Koranar ɛɛ nae dɛ́ ir che,
koobii nae dɛ́ ɡuŋi harɛ.
A nɔ bwa ɛɛ ɛo dɛkalkɛŋɔ,
men Israel Nɛŋɡoroŋ
n wa aa dɔ kasinteŋ la,
menee lee.”
Korowii ɛɛ berɔɔ lɛ Israel tena
8Korowii ŋɔ,
“Dɛ saŋ telo kɛŋɔ ń lɛ heya
aa, mɛɛ na he sumii
dɛ́ cha heya.
Mɛɛ nyiŋi heyaa, dɛ́ ɡel
he ne nɛra bwa fɔwɛ fɔo.
Mɛɛ ɡeloo he ka so
he harɛ waa chɔɡa
dɛ chɔ pɛɛpɛɛ la ta ja.#2Kɔ 6:2
9Mɛɛ ŋɔ nɛra baa do ba
deene bee ŋɔ,
‘Hé le kaa!’
dɛ́ ŋɔ banɔ la baa lɔ biro ta
ɡe be ŋɔ,
‘Hé le ba bɔchaah ta.’
Baa ɛo kɛŋɔ peera aa dɛ di
deŋɡarere ta ken,
10lɔr ne nyɔɡre aa ba kpoe ba.
Wee nyɛɡre ne pua hɛŋle ɡbo
harɛ ta peuwɔb aa ban ha,
dɛkalkɛ naate waa dɛ nyin
ba waa la ɛɛ tɔ ba siee,
dɛ́ la ba ne bela nesɔn aa
bula dɛɛ le.#Wep 7:16
11Mɛ́ɛ kpɔ ŋwɛnɛɛ
bil bwejena dor,
dɛ́ kwaa ŋwɛnɛ tɛ n
nɛra bá kpɔ o ta.
12Baa le bojaŋaa ba,
bane ɛɛ le weekaŋle
nyunduabɔree,
bane ɡe le wee cholibɔr
dɛ́ ba,
ásɛ bane ɡe le Aswan#49:12 Aswan ɛ bwɛjen Ijipt harɛ ta.
dɛ́ ba.”
13Kwaa aa lɔ nyundua,
hé do lɔŋɔre silɛɛ ne,
kwaa aa lɔ harɛ ta ɡe,
hé hɛɡre!
Bwejena ɡe ɡo silɛɛ yela.
Korowii ɛɛ larawe
o nɛra bwaraa,
wɛɛ dɔ tedomaa tɛ
wahala tena ɡe.
14Kɛ Jerusalam tena te ŋɔ,
“Korowii ɡel yaa,
o soh ya wa.”
15Korowii ŋɔ, “Haah ɛɛ won
soh o bilole
waa ɔro wa aa?
Dɛ nya ɛɛ soh o bie waa yaa,
n te aa he waa soeh
ba bwa.
16Jerusalam, n chwerɛ he
sɔn do n nɔmpaala bini,
he waa dawɛ n bambile
ta saŋ bɛlbwa.
17Nɛra baa ba kwaa vɔrɔwe ɛɛ
bao taraken,
ásɛ banɔ la baa chɔɡe la
le kaa.
18Ha sie nyiŋi bar dɛ́ na
waa aa dɛ chiɡ!
He nɛra dɛ́ cheme dɛ́ berɛ
ba he be dem!
N ŋwɛɛrɔ kɛ, maa ɛ Korowii
maa lole saŋ bɛlbwa nɔ,
he sie ɛɛ lɛ he nɛra nɛɛ,
kɛŋɔ hanfale sie yon lɛ o
baŋa kwaa ne nɔnloɡa
aa wera ta la.
19A lole kɛŋɔ harɛ la fa paɡrɔ,
dɛ berɛ dimɡbia,
kɛ taraken harɛ la
ɛɛ do jeɡaa tɛ nɛra
baa dɛ ba ba so o ta.
Ásɛ nɛra ba fa aa chwa he
yaa la,
bá kpɔ ba kaa bojaŋ harɛ ta.
20He bii baa kaa lol ba
harɛfale ta la ɛɛ ba ŋɔ
he be tɔpebɛlee ŋɔ,
‘Ya farɛ harɛ nɔ ta to,
waa kanɛ tɛ yaa.
Tɛ yaa bɔr yá so!’
21Ásɛ he ba lii he nyu bini ŋɔ,
‘Ume tenee lolɛ ɡɛ bii nɔ
tɛ mɛ nɔ?
Dɛ n paŋɛ bii maa wola lii
kɛ mɛɛ dɔ banee kpa.
Ba doŋ mɛ
n kaa harɛfale ta,
aah umee dɛɛ bechale nɔɔ?
Dɛ n ɡboo kaa, leperaa
ba le ba te nɔ?’ ”
22Kenii Nemenɛ Korowii ŋɔ o nɛra be,
“Mɛɛ kwɛr harɛre nɛraa,
ásɛ ba kpɔ
he bii berɛ ba dem.
23Koranar ɛɛ kpɔ heyaa berɛ ba
bii, ásɛ ba haŋkoranar
ɡe berɛ he nyare.
Baa dɛɛ ɡuŋi heyaa harɛɛ,
dɛ́ kpɔ duure tɛ he ya.
Belaa hɛɛ ba jema kɛŋɔ
menee Korowii.
Nɛra baa kpɔ hwɛɡa dawɛ
n nɛɛ la,
sihiih aa ban kpo bwa.”
24Hɛɛ won lɛ banyoo kwaa
waa paa laa ta naa?
Hɛɛ won lɛ nɛra baa laɡ
ba laa ta le nyubinikpeɡ te
nɔn ta naa?
25Ate, ɡɛ Korowii aa dɛ bolee kɛŋɔ,
“Kpelaa, mɛɛ lɛ nɛra banyoola
aa laɡ ba laa ta laanee
le ba be,
mɛɛ lɛ laala baa paa
laa ta laanee le
nyubinikpeɡ tena la
be tɛɛ ba.
Mɛɛ yo nɛra
baa dɛ yo he yaa,
ásɛ dɛ lɛ he bii.
26Mɛɛ ɡeloo nɛra baa dɛ
yoo heyaa la kpoo ba
ɡbaɡba,
dɛ́ nyɔ ba ɡbaɡba chale,
dɛ́ dɛɛ kɛŋɔ
baa nyɔ sen ken,
ásɛ nɛwɛnyini bwa jemɛ
kɛŋɔ, Men Korowii,
menee he Lɛɛ,
menee yawɛ he nyu,
dɛ berɛ ɛ Jekɔb Kpeɡnɛn
waa tomɔ la.”
Currently Selected:
Aesaya 49: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 49
49
Israel tena do kɛŋɔ kandea tɛ harɛre nɛra
1Bojaŋa harɛre nɛra,
hé cheɡ deŋne
dɛ́ no n be.
Korowii lee mɛ n ɛ o bonɔɔ,
o yerɛ n sɔn mɔɔ ba lol mɛ.
2O ɡelɔ n nyoa wobol do
nyɛɡre kɛŋɔ naŋɡɔse ken,
dɛ kpɔ o nɔn tɔ n nɛ,
dɛ ɛɛ mɛ kɛŋɔ hɛm waa nyɛɡa,
dɛ́ kpɔ mɛ ɛ toma ken.
3O berɔ ŋɔ,
“Israel harɛ, he do kɛŋɔ n
bonɔɔ, he nɛɛ aa ba
cheɡa nɛra kpɛɛ mɛ.”
4Anee n ŋɔ, “N koɔh ta pɛɛ,
n chɔɡ n bokpeɡa wepuu
ta pɛɛpɛɛ.
Kɛ n kpɔ n waa bwa do
Korowii nɔn ta,
n kembɔr ɡe lɔ o be.”#Jer 1:5
5Korowii lee mɛ dɛ ɛɛ mɛ
o bonɔɔ mɔɔ ba lol mɛ,
dɛ ŋɔ ń berɛ ba o nɛra
Israel tena baa peɡra
dɛ do bobɛlbwa la ne o be.
Korowii ɡelɔ n dɔ duure,
o bee n kpeɡri do.
6O ŋɔ n be ŋɔ,
“N bonɔɔ, n dɔ wejena ane
tɛɛ he ɛ.
Israel tena baa kaa la
ɡbo sie laa hɛɛ ba tɔe.
Mɛɛ ɛɛ kɛŋɔ kandea
hɛ́ɛ chaah harɛre nɛra
baa wola Israel tena ɛɛ
la bwa nɛ,
ásɛ n won lɛ nɛra baa lɔ
harɛ jaɡa bwa.”#Weɛ 13:47
7Israel tena Lɛɛ,
ba Nɛŋɡoroŋ la ŋɔ nɛn
harɛre nɛra aa haoh
baa wola on kpɔe dɛɛ ɛ
wobɛlbwa,
ba nomonome ɛo yom la
be ŋɔ,
“Koranar ɛɛ nae dɛ́ ir che,
koobii nae dɛ́ ɡuŋi harɛ.
A nɔ bwa ɛɛ ɛo dɛkalkɛŋɔ,
men Israel Nɛŋɡoroŋ
n wa aa dɔ kasinteŋ la,
menee lee.”
Korowii ɛɛ berɔɔ lɛ Israel tena
8Korowii ŋɔ,
“Dɛ saŋ telo kɛŋɔ ń lɛ heya
aa, mɛɛ na he sumii
dɛ́ cha heya.
Mɛɛ nyiŋi heyaa, dɛ́ ɡel
he ne nɛra bwa fɔwɛ fɔo.
Mɛɛ ɡeloo he ka so
he harɛ waa chɔɡa
dɛ chɔ pɛɛpɛɛ la ta ja.#2Kɔ 6:2
9Mɛɛ ŋɔ nɛra baa do ba
deene bee ŋɔ,
‘Hé le kaa!’
dɛ́ ŋɔ banɔ la baa lɔ biro ta
ɡe be ŋɔ,
‘Hé le ba bɔchaah ta.’
Baa ɛo kɛŋɔ peera aa dɛ di
deŋɡarere ta ken,
10lɔr ne nyɔɡre aa ba kpoe ba.
Wee nyɛɡre ne pua hɛŋle ɡbo
harɛ ta peuwɔb aa ban ha,
dɛkalkɛ naate waa dɛ nyin
ba waa la ɛɛ tɔ ba siee,
dɛ́ la ba ne bela nesɔn aa
bula dɛɛ le.#Wep 7:16
11Mɛ́ɛ kpɔ ŋwɛnɛɛ
bil bwejena dor,
dɛ́ kwaa ŋwɛnɛ tɛ n
nɛra bá kpɔ o ta.
12Baa le bojaŋaa ba,
bane ɛɛ le weekaŋle
nyunduabɔree,
bane ɡe le wee cholibɔr
dɛ́ ba,
ásɛ bane ɡe le Aswan#49:12 Aswan ɛ bwɛjen Ijipt harɛ ta.
dɛ́ ba.”
13Kwaa aa lɔ nyundua,
hé do lɔŋɔre silɛɛ ne,
kwaa aa lɔ harɛ ta ɡe,
hé hɛɡre!
Bwejena ɡe ɡo silɛɛ yela.
Korowii ɛɛ larawe
o nɛra bwaraa,
wɛɛ dɔ tedomaa tɛ
wahala tena ɡe.
14Kɛ Jerusalam tena te ŋɔ,
“Korowii ɡel yaa,
o soh ya wa.”
15Korowii ŋɔ, “Haah ɛɛ won
soh o bilole
waa ɔro wa aa?
Dɛ nya ɛɛ soh o bie waa yaa,
n te aa he waa soeh
ba bwa.
16Jerusalam, n chwerɛ he
sɔn do n nɔmpaala bini,
he waa dawɛ n bambile
ta saŋ bɛlbwa.
17Nɛra baa ba kwaa vɔrɔwe ɛɛ
bao taraken,
ásɛ banɔ la baa chɔɡe la
le kaa.
18Ha sie nyiŋi bar dɛ́ na
waa aa dɛ chiɡ!
He nɛra dɛ́ cheme dɛ́ berɛ
ba he be dem!
N ŋwɛɛrɔ kɛ, maa ɛ Korowii
maa lole saŋ bɛlbwa nɔ,
he sie ɛɛ lɛ he nɛra nɛɛ,
kɛŋɔ hanfale sie yon lɛ o
baŋa kwaa ne nɔnloɡa
aa wera ta la.
19A lole kɛŋɔ harɛ la fa paɡrɔ,
dɛ berɛ dimɡbia,
kɛ taraken harɛ la
ɛɛ do jeɡaa tɛ nɛra
baa dɛ ba ba so o ta.
Ásɛ nɛra ba fa aa chwa he
yaa la,
bá kpɔ ba kaa bojaŋ harɛ ta.
20He bii baa kaa lol ba
harɛfale ta la ɛɛ ba ŋɔ
he be tɔpebɛlee ŋɔ,
‘Ya farɛ harɛ nɔ ta to,
waa kanɛ tɛ yaa.
Tɛ yaa bɔr yá so!’
21Ásɛ he ba lii he nyu bini ŋɔ,
‘Ume tenee lolɛ ɡɛ bii nɔ
tɛ mɛ nɔ?
Dɛ n paŋɛ bii maa wola lii
kɛ mɛɛ dɔ banee kpa.
Ba doŋ mɛ
n kaa harɛfale ta,
aah umee dɛɛ bechale nɔɔ?
Dɛ n ɡboo kaa, leperaa
ba le ba te nɔ?’ ”
22Kenii Nemenɛ Korowii ŋɔ o nɛra be,
“Mɛɛ kwɛr harɛre nɛraa,
ásɛ ba kpɔ
he bii berɛ ba dem.
23Koranar ɛɛ kpɔ heyaa berɛ ba
bii, ásɛ ba haŋkoranar
ɡe berɛ he nyare.
Baa dɛɛ ɡuŋi heyaa harɛɛ,
dɛ́ kpɔ duure tɛ he ya.
Belaa hɛɛ ba jema kɛŋɔ
menee Korowii.
Nɛra baa kpɔ hwɛɡa dawɛ
n nɛɛ la,
sihiih aa ban kpo bwa.”
24Hɛɛ won lɛ banyoo kwaa
waa paa laa ta naa?
Hɛɛ won lɛ nɛra baa laɡ
ba laa ta le nyubinikpeɡ te
nɔn ta naa?
25Ate, ɡɛ Korowii aa dɛ bolee kɛŋɔ,
“Kpelaa, mɛɛ lɛ nɛra banyoola
aa laɡ ba laa ta laanee
le ba be,
mɛɛ lɛ laala baa paa
laa ta laanee le
nyubinikpeɡ tena la
be tɛɛ ba.
Mɛɛ yo nɛra
baa dɛ yo he yaa,
ásɛ dɛ lɛ he bii.
26Mɛɛ ɡeloo nɛra baa dɛ
yoo heyaa la kpoo ba
ɡbaɡba,
dɛ́ nyɔ ba ɡbaɡba chale,
dɛ́ dɛɛ kɛŋɔ
baa nyɔ sen ken,
ásɛ nɛwɛnyini bwa jemɛ
kɛŋɔ, Men Korowii,
menee he Lɛɛ,
menee yawɛ he nyu,
dɛ berɛ ɛ Jekɔb Kpeɡnɛn
waa tomɔ la.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.