Aesaya 44
44
Korowii le Israel tena tɛ o te
1Korowii ŋɔ,
“Israel tena haa ɛ
Jekɔb naanar, hé no!
He ɛ n bonɔɔna
n le heyaa tɛ n te.
2Menee Korowii maa ta heya,
dɛ jemɛ heyaa mɔɔ
ba lolɛ heya,
dɛ cha heyaa la.#Jer 1:5; Gal 1:15
He bɛ ɔmɛ, he ɛ n bonɔɔna
maa le heyaa tɛ n te,
n bambile lawɛ heya.
3Mɛɛ ɡeloo nee chɔ harɛ
waa hola ta,
ásɛ nenabɔɔne chɔ
dɛɛ palɛ.
Mɛɛ ɡeloo n Doma
ba so he bii nɛ,
dɛ́ swee andɛɛɡa tɛ
he naanar.#Jɔn 7:38-39
4Baa kpeɡuu kɛrɛdɛ kɛŋɔ
kpɔɡa aa lɔ harɛsɔn ta,
ne dajaŋa aa cheɡɛ nee
nyoa ken.
5Bɛl ɛɛ bao dɛ ŋɔ,
‘Korowiirii mɛɛ tomɛ,’
ásɛ bɛl ɡe kpɔ Jekɔb sɔn
dawɛ o nɛ,
bɛl ɡe chwerɛ o nɔn ta kɛŋɔ
‘Korowii nɛnee men,’
ásɛ dɛ kpɔ Israel sɔn pa
o te.”
6Nemenɛ Korowii waa ɛ
Israel tena Kooro ne
ba Lɛɛ la ŋɔ,
“Menee komɛlbwa Sitɔɔ,
ne a Muŋkaa bwa,
n habɔɔ Dɔɔ bɛlbwa toole.#Wep 1:17
7Umee do kɛŋɔ men ɔ? Ó bol.
Naate ɡel n jemɛ ɡɛ aa ɛa
n ne o ɛ kɛrɛdɛ.
Ó baɡle waa aa chiɡa le
ɡɛ saŋ maa ta saŋ la tena,
ne waa a taa
dɛ ba bala kerekere.
8He bɛ ɡel he bwara ɛɛ sa!
He bɛ ɔmɛ!
Saŋ la bwa laa n le
baɡle waa nɔ, dɛ bola aa?
N danseɛree heya.
Dɔɔ bɛl ɡe lole dɛ ja n nɛ aa?
Akai, Bwetal bɛlbwa toole
he chwa ka marɔ
ó won lɛ heya,
beŋkpoŋ ɡba toole.”
9Nɛra baa dɛ ma voɡa kɛɛ
dɛɛ sɛah la dɛ ɛ wepuu,
kwaa ba sie aa dɛ lɛ
a ta la ɛ konsale.
Nɛra baa dɛ tomɛ voɡa nɔ,
ba do kɛŋɔ nɛra
baa nyoŋa ken,
baa wobɛlbwa jemɛ,
baa di sihiih.#2Ko 19:18; Jer 10:2-5
10Nomɛlbwa waa dɛ ma
voɡ kɛɛ dɛɛ loɡɔ la,
o ta tɔnɔ dɔe tɛo.
11O ne nɛra baa dɛ tomɛ voɡ la
bwa ɛɛ di sihiih.
Nɛra laa dɛɛ sɛh kwa aa?
Ame binii ba doɔ?
Ba bwa ɛɛ ba chemoo
ba bol ba waa dɛ́ pa bole,
ásɛ ba bwara yɔr kohona,
ba di sihiih.
12Nii taa loɡre do buni dɛ́
yon kpɔ dɛɛ ɛ toma.
Hamba nee wɛɛ lɔɔro
bokpeɡa ne, dɛ́ ɛo ɡɛ waa
dɛ nyin kɛ kon la mar do.
Lɔr ne nyɔɡre nee wɛɛ ɛo
dɛ́ ba koh.
13Nɛn waa jemɛ kwaa sɛɛh dɛ
maɡɛ daa waa kpɔ sɛh kon,
dɛ́ kpɔ kon peo, mɔɔ dɛ́ sɛoh,
ó do wer, dɛ́ do kɛŋɔ nɛn,
dɛ́ kpɔ ka cheɡ voɡ dea.
14Peleme daa aa weraa wɛɛ
teŋe dɛ́ kpɔ sɛh kwaa la.
O dɛ chale daa aa do ɡɛ la,
ásɛ a ne daa aa cheɡɛ kɔr
baah bwa che dɛ́ kpeɡ.
Gɛ laa ɡe aa, o dɛ chɔɔ daa
waa do kɛŋɔ a ɡɛ daa
nɔ bɛl, ásɛ bwaala
yon nɛ do o ta o kpeɡ.
15O dɛ mar daa nɔ ane,
dɛɛ ŋwee,
dɛ́ kpɔ dɛɛ daa kondikwa,
dɛ́ kpɔ ane ɡe sɛh voɡ
dɛɛ tomɔ.
16O kpɔ daa la ane
dɛɛ mar nii,
dɛɛ wɔɔ ola kɛɛ dɛ daala
dɛɛ chwe.
O yon ŋwee nii la dɛ ŋɔ,
“N bwara wɔrɔbɔ.”
17Daa la pera ɡe, o kpɔɔ
dɛɛ sɛh voɡ,
dɛɛ yerɔ o dɔɔ,
dɛ ɡuŋi dɛɛ tomɔ,
dɛɛ soŋo ŋɔ,
“N dɔɔree hen,
kpɔ nɔn tɔ n nɛ.”
18Nɛra baa dɛ tomɛ voɡa la
ɡɛnɔ kohona,
baa wobɛlbwa ɡe mun no.
Ba sibie tɔɔɡɔ, baa na,
ba ta liire ɡe dɔe
dɛ́ no waa mun.
19Ba bini bɛlbwa toole
dɛɛ lii wa,
bɛlbwa ta wejema dɔe
dɛ́ no a mun dɛ́ ŋɔ,
“Daa nɔ tentenee n mar,
dɛ kpɔ o hɔla dɛɛ
daa kondikwa,
dɛ wɔɔ ol a ta dɛ chwe.
O pera chɛ kɛŋɔ ń kpɔ ɛ kii
kon aa? A chɛ
kɛŋɔ ń ɡuŋi dakpul aa?”
20A ɛ wesale kɛŋɔ waa
dɛ di tɔɔ ken.
O neɡre o nyu
dɛ nyoɡre ŋwɛnɛ.
Waa won lɛ o te, á ba ɛ kɛŋɔ
wɛɛ won jemɛ dɛ ŋɔ,
“Kon maa kpoŋa ɛ nyosone
kon.”
21Korowii ŋɔ,
Israel tena, hé lii ɡɛ waa nɔ.
N bonɔɔnaa heya.
Menee ta heya.
Maa he waa soh bwa.
22N laa he wechɔɡa fee a tonɛ,
kɛŋɔ bam
ne chɔɔlen kɔɔla ken.
Hé laa berɛ ba n be,
dɛkalkɛ menee lɛ heya.
23Kwaa aa lɔ nyundua,
hé ɡo silɛɛ yela.
Komɛlbwa aa lɔ harɛ ta
ɡe,
hé ɡo hɛɡra yela,
hale bwejena ne kɔr bini
daa bwa.
Dɛkalkɛŋɔ Korowii lɛ
Israel tena,
dɛ baɡle o jirima waa dɔa.
Nɛra ɛɛ berɔ ba so Jerusalam
24Israel tena, Korowii waa ɛ
he Lɛɛ, dɛ ta heyaa la ŋɔ,
“Menee Korowii maa ta
komɛlbwa.
N ɡboo paɡri nyundua
kɛŋɔ yal,
nomɛlbwa ta n nɛɛ jae
n ta harɛ.
25Menee ɡela keame
nyosonteŋna waa ɛ
nyosone,
dɛ ɡel voɡra waa ɛ ɡɛnewa,
dɛ won beɡre harɛ nɔ ta
wejerema wejema,
a ɛ wesale.
26Menee ɡela waa n toroma
aa bol la ɛɛ ɛ kpela.
Menee ŋɔa nɛra ɛɛ berɔɔ
bá so Jerusalam,
Juda bwɛɛre a fa aa
paɡra la,
bá berɛ kwaa vɔrɔwa.
27N dɛ ŋɔ mpo hweeh, ó hweeh,
ásɛ nenabɔɔne ɡe hweeh.
28Men Korowii berɔ bol
Saeros ɡe waa ŋɔ,
‘Henee dɛɛ ba
n nɛra nɛɛ nyiŋa,
dɛ́ ɛ waa maa dɛ nyin la
bwa ka tonɛ,’
dɛ berɛ ŋɔ, ‘Hé kwaa pa
Jerusalam ne men Korowii
Dea la mun.’ ”#2We 36:23; Ɛsr 1:2
Currently Selected:
Aesaya 44: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 44
44
Korowii le Israel tena tɛ o te
1Korowii ŋɔ,
“Israel tena haa ɛ
Jekɔb naanar, hé no!
He ɛ n bonɔɔna
n le heyaa tɛ n te.
2Menee Korowii maa ta heya,
dɛ jemɛ heyaa mɔɔ
ba lolɛ heya,
dɛ cha heyaa la.#Jer 1:5; Gal 1:15
He bɛ ɔmɛ, he ɛ n bonɔɔna
maa le heyaa tɛ n te,
n bambile lawɛ heya.
3Mɛɛ ɡeloo nee chɔ harɛ
waa hola ta,
ásɛ nenabɔɔne chɔ
dɛɛ palɛ.
Mɛɛ ɡeloo n Doma
ba so he bii nɛ,
dɛ́ swee andɛɛɡa tɛ
he naanar.#Jɔn 7:38-39
4Baa kpeɡuu kɛrɛdɛ kɛŋɔ
kpɔɡa aa lɔ harɛsɔn ta,
ne dajaŋa aa cheɡɛ nee
nyoa ken.
5Bɛl ɛɛ bao dɛ ŋɔ,
‘Korowiirii mɛɛ tomɛ,’
ásɛ bɛl ɡe kpɔ Jekɔb sɔn
dawɛ o nɛ,
bɛl ɡe chwerɛ o nɔn ta kɛŋɔ
‘Korowii nɛnee men,’
ásɛ dɛ kpɔ Israel sɔn pa
o te.”
6Nemenɛ Korowii waa ɛ
Israel tena Kooro ne
ba Lɛɛ la ŋɔ,
“Menee komɛlbwa Sitɔɔ,
ne a Muŋkaa bwa,
n habɔɔ Dɔɔ bɛlbwa toole.#Wep 1:17
7Umee do kɛŋɔ men ɔ? Ó bol.
Naate ɡel n jemɛ ɡɛ aa ɛa
n ne o ɛ kɛrɛdɛ.
Ó baɡle waa aa chiɡa le
ɡɛ saŋ maa ta saŋ la tena,
ne waa a taa
dɛ ba bala kerekere.
8He bɛ ɡel he bwara ɛɛ sa!
He bɛ ɔmɛ!
Saŋ la bwa laa n le
baɡle waa nɔ, dɛ bola aa?
N danseɛree heya.
Dɔɔ bɛl ɡe lole dɛ ja n nɛ aa?
Akai, Bwetal bɛlbwa toole
he chwa ka marɔ
ó won lɛ heya,
beŋkpoŋ ɡba toole.”
9Nɛra baa dɛ ma voɡa kɛɛ
dɛɛ sɛah la dɛ ɛ wepuu,
kwaa ba sie aa dɛ lɛ
a ta la ɛ konsale.
Nɛra baa dɛ tomɛ voɡa nɔ,
ba do kɛŋɔ nɛra
baa nyoŋa ken,
baa wobɛlbwa jemɛ,
baa di sihiih.#2Ko 19:18; Jer 10:2-5
10Nomɛlbwa waa dɛ ma
voɡ kɛɛ dɛɛ loɡɔ la,
o ta tɔnɔ dɔe tɛo.
11O ne nɛra baa dɛ tomɛ voɡ la
bwa ɛɛ di sihiih.
Nɛra laa dɛɛ sɛh kwa aa?
Ame binii ba doɔ?
Ba bwa ɛɛ ba chemoo
ba bol ba waa dɛ́ pa bole,
ásɛ ba bwara yɔr kohona,
ba di sihiih.
12Nii taa loɡre do buni dɛ́
yon kpɔ dɛɛ ɛ toma.
Hamba nee wɛɛ lɔɔro
bokpeɡa ne, dɛ́ ɛo ɡɛ waa
dɛ nyin kɛ kon la mar do.
Lɔr ne nyɔɡre nee wɛɛ ɛo
dɛ́ ba koh.
13Nɛn waa jemɛ kwaa sɛɛh dɛ
maɡɛ daa waa kpɔ sɛh kon,
dɛ́ kpɔ kon peo, mɔɔ dɛ́ sɛoh,
ó do wer, dɛ́ do kɛŋɔ nɛn,
dɛ́ kpɔ ka cheɡ voɡ dea.
14Peleme daa aa weraa wɛɛ
teŋe dɛ́ kpɔ sɛh kwaa la.
O dɛ chale daa aa do ɡɛ la,
ásɛ a ne daa aa cheɡɛ kɔr
baah bwa che dɛ́ kpeɡ.
Gɛ laa ɡe aa, o dɛ chɔɔ daa
waa do kɛŋɔ a ɡɛ daa
nɔ bɛl, ásɛ bwaala
yon nɛ do o ta o kpeɡ.
15O dɛ mar daa nɔ ane,
dɛɛ ŋwee,
dɛ́ kpɔ dɛɛ daa kondikwa,
dɛ́ kpɔ ane ɡe sɛh voɡ
dɛɛ tomɔ.
16O kpɔ daa la ane
dɛɛ mar nii,
dɛɛ wɔɔ ola kɛɛ dɛ daala
dɛɛ chwe.
O yon ŋwee nii la dɛ ŋɔ,
“N bwara wɔrɔbɔ.”
17Daa la pera ɡe, o kpɔɔ
dɛɛ sɛh voɡ,
dɛɛ yerɔ o dɔɔ,
dɛ ɡuŋi dɛɛ tomɔ,
dɛɛ soŋo ŋɔ,
“N dɔɔree hen,
kpɔ nɔn tɔ n nɛ.”
18Nɛra baa dɛ tomɛ voɡa la
ɡɛnɔ kohona,
baa wobɛlbwa ɡe mun no.
Ba sibie tɔɔɡɔ, baa na,
ba ta liire ɡe dɔe
dɛ́ no waa mun.
19Ba bini bɛlbwa toole
dɛɛ lii wa,
bɛlbwa ta wejema dɔe
dɛ́ no a mun dɛ́ ŋɔ,
“Daa nɔ tentenee n mar,
dɛ kpɔ o hɔla dɛɛ
daa kondikwa,
dɛ wɔɔ ol a ta dɛ chwe.
O pera chɛ kɛŋɔ ń kpɔ ɛ kii
kon aa? A chɛ
kɛŋɔ ń ɡuŋi dakpul aa?”
20A ɛ wesale kɛŋɔ waa
dɛ di tɔɔ ken.
O neɡre o nyu
dɛ nyoɡre ŋwɛnɛ.
Waa won lɛ o te, á ba ɛ kɛŋɔ
wɛɛ won jemɛ dɛ ŋɔ,
“Kon maa kpoŋa ɛ nyosone
kon.”
21Korowii ŋɔ,
Israel tena, hé lii ɡɛ waa nɔ.
N bonɔɔnaa heya.
Menee ta heya.
Maa he waa soh bwa.
22N laa he wechɔɡa fee a tonɛ,
kɛŋɔ bam
ne chɔɔlen kɔɔla ken.
Hé laa berɛ ba n be,
dɛkalkɛ menee lɛ heya.
23Kwaa aa lɔ nyundua,
hé ɡo silɛɛ yela.
Komɛlbwa aa lɔ harɛ ta
ɡe,
hé ɡo hɛɡra yela,
hale bwejena ne kɔr bini
daa bwa.
Dɛkalkɛŋɔ Korowii lɛ
Israel tena,
dɛ baɡle o jirima waa dɔa.
Nɛra ɛɛ berɔ ba so Jerusalam
24Israel tena, Korowii waa ɛ
he Lɛɛ, dɛ ta heyaa la ŋɔ,
“Menee Korowii maa ta
komɛlbwa.
N ɡboo paɡri nyundua
kɛŋɔ yal,
nomɛlbwa ta n nɛɛ jae
n ta harɛ.
25Menee ɡela keame
nyosonteŋna waa ɛ
nyosone,
dɛ ɡel voɡra waa ɛ ɡɛnewa,
dɛ won beɡre harɛ nɔ ta
wejerema wejema,
a ɛ wesale.
26Menee ɡela waa n toroma
aa bol la ɛɛ ɛ kpela.
Menee ŋɔa nɛra ɛɛ berɔɔ
bá so Jerusalam,
Juda bwɛɛre a fa aa
paɡra la,
bá berɛ kwaa vɔrɔwa.
27N dɛ ŋɔ mpo hweeh, ó hweeh,
ásɛ nenabɔɔne ɡe hweeh.
28Men Korowii berɔ bol
Saeros ɡe waa ŋɔ,
‘Henee dɛɛ ba
n nɛra nɛɛ nyiŋa,
dɛ́ ɛ waa maa dɛ nyin la
bwa ka tonɛ,’
dɛ berɛ ŋɔ, ‘Hé kwaa pa
Jerusalam ne men Korowii
Dea la mun.’ ”#2We 36:23; Ɛsr 1:2
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.