Aesaya 43
43
Lɛɛ beŋkpoŋ waa lole dɛ tɛ Israel tena
1Israel tena, Korowii waa ta heya la ŋɔ,
“He bɛ ɔmɛ.
Menee lɛ heyaa ta,
n yerɛ he sɔn dɛ le heyaa
tɛ n te. Men dɔ heya.
2He dɛ ɡale vile aa, ń ja he nɛ,
haa morɛ,
wobɛlbwa aa heyaa ɛ.
He jo nii ta naa, haa fuh.
Aa heyaa nyaa,
á ba ɛ kɛŋɔ hɛɛ fuuh.#2Kɔ 12:9
3Menee Korowii haa dɛ tom
mɛ, he Israel Nɛŋɡoroŋ
maa dɛ lɛ heyaa la.
N kpɔ Ijipt tena charɛ he nyu,
dɛ kpɔ Itiopia ne Seba tena
cheɡ he buɡ ta dɛ lɛ heya.
4He waa hiah mɛ kohona,
he waa aa dɔ jirima n be
mɛɛ nyin heyaa nomanta,
mɛɛ kpɔ harɛre ne a nɛraa
charɛ he nyu.
5He bɛ ɔmɛ, n ja he nɛ.
Mɛɛ kpɔ he nɛra baa lɔ wee
leebɔree ba, dɛ́ berɛ kpɔ
banɔ la baa lɔ wee cholibɔr
la ɡe ba ja he nɛ.
6Mɛɛ ŋɔ weekaŋle
nyunduabɔr,
ne weekaŋle harɛbɔr tena
bee ŋɔ
bá tɛɛ ba ŋwɛnɛ bá kaa!
Hé kpɔ n bibaala le bojaŋ ba,
dɛ́ kpɔ n bitoli baa lɔ harɛ
jaɡa ɡe ba,
7ba ɛ n nɛra, menee ta ba,
ba kpɔ jirima dɛɛ tɛ mɛ.”
8Korowii ŋɔ, “Hé kpɔ nɛra
baa dɔ sibie
kɛ baa wola na,
ne nɛra baa dɔ deŋna
kɛ baa wola waa no la ba.
9Gel harɛre bwa ta nɛra
ba cheme bobeŋkpoŋ.
Ba voɡ besoo wona baɡle
waa aa ɛa saŋ la mɔɔ a ɛɔ?
Voɡ besoo wona baɡle anɔ
aa dɛ ba chiɡa taraken
nɔɔ?
A ba a danseɛre ne
dɛ́ ba baɡle kɛŋɔ waa
aa dɛ ba bola la ɛ kpela,
ásɛ ane ɡe no
dɛ́ sɛh kɛŋɔ kpelaa.”
10Korowii ŋɔ, “Israel tena,
heyaa n danseɛre,
n le heyaa kɛŋɔ n bonɔɔna
ásɛ he jem mɛ dɛ́ yarada mɛ
dɛ́ no a mun kɛŋɔ
n ɡboo lole.
N sie, Dɔɔ bɛlbwa toole,
á ba ɛ kɛŋɔ n habɔɔ bɛl ta
dɛ ba bala.
11Menee Korowii, n ɡbosoroo,
n habɔɔ, Lɛɛ bɛlbwa toole.
12Menee baɡle waa aa dɛ ba
chiɡa, dɛ lɛ heya,
dɛ ɡel nɛra no a wa.
Harɛ bɛl voɡ bɛlbwa
aa lɔ he be laa ɛ ɡɛ.
N danseɛree heya.
Men Korowiirii bola.
13Kpelaa, n ɡboo Korowii
saŋ bɛlbwa.
Nomɛlbwa aa won lɛ o te
n nɔn ta.
Anɔ la maa ɛ la,
nomɛlbwa aa won bera.”
Israel tena Babelɔn harɛ ta lee wa
14Korowii, Israel Nɛŋɡoroŋ
waa ɛ he Lɛɛ la ŋɔ,
“He lɛɛ nomanta, mɛɛ do laa
tena bá ka yo Babelɔn.
Mɛɛ kuuɡi bwɛjen la
doonyoonee,
ásɛ o nɛra silɛɛ berɛ wii.
15Menee Korowii,
he Israel Nɛŋɡoroŋ la.
Menee ta heya,
menee he Kooro.”
16Kenii Korowii bol.
Onee ɡela mpo faa pere,
ŋwɛnɛ chɔ o baah ta la.
17Onee ɡela nee lɔ laa tena
ne jaɡre ne torɔɡore
a choɡli chɔ, nee bɔle ba nɛɛ
ba ta wone ir kpa
dɛ serewe
kɛŋɔ nii aa dima ken.
18Korowii berɔ ŋɔ,
“Hé laa he liire kpɔ waa a fa aa
chiɡa la ta, he bɛ an lii kpa.
19Hɛ́ɛ no!
N dɛ ba wefale bɛl ɛɛ.
Taraken o dɛ le,
he ta on nae yaa?
Mɛɛ bil ŋwɛnɛ pua hɛŋle ɡbo
harɛ taa, dɛ́ ɡel
nenabɔɔne chɔ harɛ la ta.#2Kɔ 5:17
20Kpɔɡ bini ola ɛɛ duu mɛɛ,
kalampoŋare ne kwiure
ɛɛ duu mɛɛ, nee maa tɛa
pua hɛŋle ɡbo
harɛ ta la wa.
Anee mɛɛ ba n nɛra maa
lee ba tɛ
n te la tɛɛ bá nyɔ,
21N ta ɡɛ nɛra nɔ bá ɛ n nɛra,
dɛ́ ɡo yela dɛɛ kpɛɛ mɛ.”
22Korowii berɔ ŋɔ,
“Kɛ ane a bwa,
he ta men tomɛ,
Israel tena, n waa pe heya.
23Hé ta peera kpoe dɛ fuah ɛ
sarahare tɛ mɛ, á ba ɛ kɛŋɔ
hɛɛ kpɔ saraha bɛlbwaa
ba duu mɛ.
N ta mea sarahare waa kpɔe
dawɛ he nɛɛ
a ɛ heyaa bontɔɡa,
n ta daawiile ɡe waa pɛɛrɛ
le he be he mee le.
24He ta daawiile kalamus
a sɔɔh aa soma yawɛ
bá fuh tɛ mɛ, á ba ɛ kɛŋɔ
he tɛ mɛ
he saraha kwaa
bodɛɛɡa á su n siwi.
Kɛ he wechɔɡa kan
dɛ ɛɛ mɛ bone,
he wedoŋa ɡe ɛɛ le n mee.
25Menee fee he wechɔɡa
dɛɛ ta.
N ɡbaɡba waa mɛɛ ɛ ɡɛ,
maa an lii kpa bwa.
26Hé lii mɛ
waa a fa aa chiɡa,
ásɛ ya cheme dɛ́ bola,
ásɛ he baɡle anɔ la
haa di bole a ta.
27He nabaa waa tɔ sie la
ɛ wechɔɡa,
asɛ he nomonome bwa
kpaŋe n nɛ.
28Anomanta, mɛɛ le he sɔforee
le ba toma ta Korowii Dea
sihiih kpo ba.
Mɛɛ kpɔ Israel tenaa do
ba dɔma nɔn ta
bá chɔɡ ba,
ba tama baa ka ɡe,
bá ɛɛ ba nɛnhɛla.”
Currently Selected:
Aesaya 43: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 43
43
Lɛɛ beŋkpoŋ waa lole dɛ tɛ Israel tena
1Israel tena, Korowii waa ta heya la ŋɔ,
“He bɛ ɔmɛ.
Menee lɛ heyaa ta,
n yerɛ he sɔn dɛ le heyaa
tɛ n te. Men dɔ heya.
2He dɛ ɡale vile aa, ń ja he nɛ,
haa morɛ,
wobɛlbwa aa heyaa ɛ.
He jo nii ta naa, haa fuh.
Aa heyaa nyaa,
á ba ɛ kɛŋɔ hɛɛ fuuh.#2Kɔ 12:9
3Menee Korowii haa dɛ tom
mɛ, he Israel Nɛŋɡoroŋ
maa dɛ lɛ heyaa la.
N kpɔ Ijipt tena charɛ he nyu,
dɛ kpɔ Itiopia ne Seba tena
cheɡ he buɡ ta dɛ lɛ heya.
4He waa hiah mɛ kohona,
he waa aa dɔ jirima n be
mɛɛ nyin heyaa nomanta,
mɛɛ kpɔ harɛre ne a nɛraa
charɛ he nyu.
5He bɛ ɔmɛ, n ja he nɛ.
Mɛɛ kpɔ he nɛra baa lɔ wee
leebɔree ba, dɛ́ berɛ kpɔ
banɔ la baa lɔ wee cholibɔr
la ɡe ba ja he nɛ.
6Mɛɛ ŋɔ weekaŋle
nyunduabɔr,
ne weekaŋle harɛbɔr tena
bee ŋɔ
bá tɛɛ ba ŋwɛnɛ bá kaa!
Hé kpɔ n bibaala le bojaŋ ba,
dɛ́ kpɔ n bitoli baa lɔ harɛ
jaɡa ɡe ba,
7ba ɛ n nɛra, menee ta ba,
ba kpɔ jirima dɛɛ tɛ mɛ.”
8Korowii ŋɔ, “Hé kpɔ nɛra
baa dɔ sibie
kɛ baa wola na,
ne nɛra baa dɔ deŋna
kɛ baa wola waa no la ba.
9Gel harɛre bwa ta nɛra
ba cheme bobeŋkpoŋ.
Ba voɡ besoo wona baɡle
waa aa ɛa saŋ la mɔɔ a ɛɔ?
Voɡ besoo wona baɡle anɔ
aa dɛ ba chiɡa taraken
nɔɔ?
A ba a danseɛre ne
dɛ́ ba baɡle kɛŋɔ waa
aa dɛ ba bola la ɛ kpela,
ásɛ ane ɡe no
dɛ́ sɛh kɛŋɔ kpelaa.”
10Korowii ŋɔ, “Israel tena,
heyaa n danseɛre,
n le heyaa kɛŋɔ n bonɔɔna
ásɛ he jem mɛ dɛ́ yarada mɛ
dɛ́ no a mun kɛŋɔ
n ɡboo lole.
N sie, Dɔɔ bɛlbwa toole,
á ba ɛ kɛŋɔ n habɔɔ bɛl ta
dɛ ba bala.
11Menee Korowii, n ɡbosoroo,
n habɔɔ, Lɛɛ bɛlbwa toole.
12Menee baɡle waa aa dɛ ba
chiɡa, dɛ lɛ heya,
dɛ ɡel nɛra no a wa.
Harɛ bɛl voɡ bɛlbwa
aa lɔ he be laa ɛ ɡɛ.
N danseɛree heya.
Men Korowiirii bola.
13Kpelaa, n ɡboo Korowii
saŋ bɛlbwa.
Nomɛlbwa aa won lɛ o te
n nɔn ta.
Anɔ la maa ɛ la,
nomɛlbwa aa won bera.”
Israel tena Babelɔn harɛ ta lee wa
14Korowii, Israel Nɛŋɡoroŋ
waa ɛ he Lɛɛ la ŋɔ,
“He lɛɛ nomanta, mɛɛ do laa
tena bá ka yo Babelɔn.
Mɛɛ kuuɡi bwɛjen la
doonyoonee,
ásɛ o nɛra silɛɛ berɛ wii.
15Menee Korowii,
he Israel Nɛŋɡoroŋ la.
Menee ta heya,
menee he Kooro.”
16Kenii Korowii bol.
Onee ɡela mpo faa pere,
ŋwɛnɛ chɔ o baah ta la.
17Onee ɡela nee lɔ laa tena
ne jaɡre ne torɔɡore
a choɡli chɔ, nee bɔle ba nɛɛ
ba ta wone ir kpa
dɛ serewe
kɛŋɔ nii aa dima ken.
18Korowii berɔ ŋɔ,
“Hé laa he liire kpɔ waa a fa aa
chiɡa la ta, he bɛ an lii kpa.
19Hɛ́ɛ no!
N dɛ ba wefale bɛl ɛɛ.
Taraken o dɛ le,
he ta on nae yaa?
Mɛɛ bil ŋwɛnɛ pua hɛŋle ɡbo
harɛ taa, dɛ́ ɡel
nenabɔɔne chɔ harɛ la ta.#2Kɔ 5:17
20Kpɔɡ bini ola ɛɛ duu mɛɛ,
kalampoŋare ne kwiure
ɛɛ duu mɛɛ, nee maa tɛa
pua hɛŋle ɡbo
harɛ ta la wa.
Anee mɛɛ ba n nɛra maa
lee ba tɛ
n te la tɛɛ bá nyɔ,
21N ta ɡɛ nɛra nɔ bá ɛ n nɛra,
dɛ́ ɡo yela dɛɛ kpɛɛ mɛ.”
22Korowii berɔ ŋɔ,
“Kɛ ane a bwa,
he ta men tomɛ,
Israel tena, n waa pe heya.
23Hé ta peera kpoe dɛ fuah ɛ
sarahare tɛ mɛ, á ba ɛ kɛŋɔ
hɛɛ kpɔ saraha bɛlbwaa
ba duu mɛ.
N ta mea sarahare waa kpɔe
dawɛ he nɛɛ
a ɛ heyaa bontɔɡa,
n ta daawiile ɡe waa pɛɛrɛ
le he be he mee le.
24He ta daawiile kalamus
a sɔɔh aa soma yawɛ
bá fuh tɛ mɛ, á ba ɛ kɛŋɔ
he tɛ mɛ
he saraha kwaa
bodɛɛɡa á su n siwi.
Kɛ he wechɔɡa kan
dɛ ɛɛ mɛ bone,
he wedoŋa ɡe ɛɛ le n mee.
25Menee fee he wechɔɡa
dɛɛ ta.
N ɡbaɡba waa mɛɛ ɛ ɡɛ,
maa an lii kpa bwa.
26Hé lii mɛ
waa a fa aa chiɡa,
ásɛ ya cheme dɛ́ bola,
ásɛ he baɡle anɔ la
haa di bole a ta.
27He nabaa waa tɔ sie la
ɛ wechɔɡa,
asɛ he nomonome bwa
kpaŋe n nɛ.
28Anomanta, mɛɛ le he sɔforee
le ba toma ta Korowii Dea
sihiih kpo ba.
Mɛɛ kpɔ Israel tenaa do
ba dɔma nɔn ta
bá chɔɡ ba,
ba tama baa ka ɡe,
bá ɛɛ ba nɛnhɛla.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.