Aesaya 39
39
Toroma baa le Babelɔn harɛ ta wa
1A ɡɛ saŋ dɛ Babelɔn harɛ ta kooro bɛl sɔne Mɛrɔdak Baladan, o mɛɛ sɔne Kooro Baladan. Kooro Mɛrɔdak Baladan aa no Kooro Hɛsɛkea weela waa la, o chwerɛ tɔne dɛ kpɔ koŋkɛɛla ja tomɛ ŋɔ, bá kpɔ ka tɛo.#2Ko 20:12-19 2Kooro Hɛsɛkea lɛ toroma la silɛɛ ne, asɛ dɛ kpɔ o kara mun kwaa aa lɔ dem, suuɡapoŋa ne suuɡaswɛm, ne konsɔɔhsoma ne nodɛɛɡa, dɛ o dɔmkwaa ne bela waa dɛ cheɡa bwa baɡ ba. Komɛlbwa toole dɛ do o dem kɛɛ harɛ la ta waa wola ban baɡlɛ.
3Ate, Korowii keame Aesaya la ka bɔɔ Kooro Hɛsɛkea ŋɔ, “Leperaa ɡɛ nɛra nɔ leɔ? Dɛ́ ba amaneɛ ɔ?”
Anee Kooro Hɛsɛkea ŋɔ, “Ba le bojaŋ harɛ bɛl baa dɛ yerɔ Babelɔn ta.”
4Aesaya pɛɛro ŋɔ, “Bɔkwaa ba na he koodem ɔ?”
Kooro Hɛsɛkea ŋɔ, “Ba na komɛlbwa aa lɔ n koodem. Komɛlbwa toole n kara mun maa wola kpɔe baɡ ba.”
5Aesaya ŋɔ Kooro Hɛsɛkea be ŋɔ, “Koranar Bwa Kooro ŋɔ, 6Saŋ bɛl dɛ ba ásɛ komɛlbwa waa lɔ he koodem bonɔ ne anɔ la bwa he naanar aa nyina cheɡ ba le fini la bwa Babelɔn tena ba kpɔa kaa ba harɛ ta, komɛlbwa aa ka.#2Ko 24:13; Dan 1:2 Korowiirii ŋɔa. 7Baa larawe he ɡbaɡba naanar la banee kaa, dɛ́ ka fɔɡɛ ba lure, bá do Babelɔn koodem dɛɛ tomɛ.”
8Kooro Hɛsɛkea chaŋe ŋɔ, “Waa haa ɡela n no le Korowii be nɔ wer.” Dɛkalkɛŋɔ, o liiro kɛ wɛɛ dɔ deŋnesɔɔhnaa o kora che kɛrɛdɛ o saŋ.
Currently Selected:
Aesaya 39: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
