Aesaya 36
36
Asiiria Koojen Senakerib aah Jerusalam tena
1Juda Kooro Hɛsɛkea aa di kora bene fi dɛ anaarɛ ta la, Asiiria koojen Senakerib baa yo Juda harɛ bwɛjena baa ma danjwɛkpeɡa bara, dɛ lɛa dɔɔh.#2Ko 18:13-27; 2We 32:1-19 2Asɛ Asiiria koojen tomɛ o laa nomoa ne laa tena baa wara, ba le Lakes dɛ ba Kooro Hɛsɛkea be Jerusalam. Laa nomoa la aa laŋa la, o kaa che bɔɔ baa kwiu feelɔɔ ken le nyundua tam la ta, nee palɛ dɛɛ kpɔ o bini la harɛbɔr. O lɔ ŋwɛnɛjen waa kaa bela baa dɛ ɛ yale toma. 3Baala batoro le Kooro Hɛsɛkea be Jerusalam, dɛ la Asiiria koojen torome la be. Banee, Hilkia bibaa Eliakim waa chɔ koodem nyoa, ne Sɛbna waa ɛ kooro karake, dɛ Asaf bibaa Joa waa dɛ nyiŋi kooro tɔne ta.
4Laa sitɔɔ la ŋɔ ba be, bá la ka ŋɔ Kooro Hɛsɛkea be kɛŋɔ Asiiria koojen la dɛ bɔɔro ŋɔ,
“Bɔkwa taa he kpɔ he te dawɛ dɛɛ hwɛɡɛ ɔɔ? 5He dɛ lii kɛŋɔ nyoa wobol do kɛ wejema, ne kpeɡri ba kpɔ dɛɛ yo laa kɛɛ? Ume nɛɛ he kpɔ he te dawɛ, dɛ ɛɛ mɛ dɔm nɔɔ? 6Na, dɛ Ijipt kooro nɛɛ he kpɔ he te dawɛ aa, a do kɛŋɔ haa kpɔ pul ɛ daŋɡbala, asɛ o ku dɛ tɔɡɛ he nɔn. Gɛɛ Ijipt kooro do tɛ nɛra baa kpɔ ba te dawɛ o nɛɛ bwa. 7Kooro Hɛsɛkea ta ɡelɛ he chɔɡ kwaa haa dɛ toma bwea dor dɛ ŋɔ Juda harɛ ta ne Jerusalam tena bwa be ŋɔ báa tomɛ kombeŋkpoŋ ta Jerusalam aa?
8N ne hɛɛ ŋwɛɛroo n naa Asiiria koojen sɔn ta. Mɛɛ tɛɛ jaɡre kaɡboŋa anɛɛ, dɛ hɛɛ won dɔ laa tena bá so a bwa ta naa. 9Haa won kpɔ he te maɡɛ Asiiria koojen nomonome la bini bechala kwara, kɛ he dɛ hwɛɡɛ Ijipt kooro nɛɛ kɛ o ba tɛɛ kwaa aa do kɛŋɔ torɔɡore, ne laa tena baa dɛ so jaɡre ta. 10He dɛ lii kɛŋɔ Korowii habɔɔ n le dɛɛ ba dɛ́ ba yo he harɛ nɛra nɔ kɛɛ? Korowii ɡbabirii ŋɔ n be ŋɔ ń ba dɛ́ ba chɔɡ harɛ nɔ.”
11Asɛ Eliakim ne Sɛbna dɛ Joa ŋɔ Asiiria koojen laa sitɔɔ la be ŋɔ, “Nomoa, ya dɛ soŋe, bol Aram tena wobol baɡle he bonɔɔna. He bolaa, ya dɛ no. Bɛ Hibru tena wobol kpɔ bol ya be. Nɛra baa cheɡɛ bwɛjen nɔ danjwɛɛ nɔ ta dɛ no he be.”
12Anee laa sitɔɔ la chaŋe ŋɔ, “Hé dɛ lii kɛŋɔ he ne he kooro ɡbo bee n nomoa tom mɛ ŋɔ ń ba bol waa nɔ kɛɛ? He ɡbo laa, nɛra baa sosoɡe bwɛjen nɔ danjwɛɛ nɔ ta ɡe jao, baa di ba ɡbaɡba benaa, dɛ́ nyɔ ba feene kɛ heya.”
13Ate, laa sitɔɔ la ir che dɛ kpɔ takpeɡ bol waa Hibru tena wobol ne ŋɔ, “Hé no Asiiria koojen waa maa ba a ne! 14Dɛ́ he bɛ ɡel Kooro Hɛsɛkea neɡre heya. Waa won lɛ heya! 15He bɛ o nɛɛ teŋɛ, dɛ́ ɡel hé kpɔ he te dawɛ Korowii nɛɛ ŋɔ, wɛɛ lɛ heyaa, waa bwɛjen nɔɔ kpɔ do Asiiria koojen nɔn ta.
16He bɛ Kooro Hɛsɛkea waa no. Asiiria koojen dɛ bol ŋɔ, hé le bwɛjen la bini ba o be, dɛ́ kpɔ he te ba do o lɔɡa. Wɛɛ ɡeloo he bini bɛlbwa dɔ o fiɡ ne o ɡrepo daa kooni nɔna di, dɛ́ nyɔ o kɔlɔŋ bini ne, 17dɛ ka tel kɛŋɔ maa kpɔ heyaa kaa bojaŋ harɛ waa do kɛŋɔ he kon nɔ ta. Harɛ daa kooni aa lole he dɔ sen le a ta, ne mea baa kpɔ ɛ paanoo, ne ɡrepo daa kooni.
18He bɛ ɡel Kooro Hɛsɛkea neɡre heyaa ŋɔ Korowii ɛɛ lɛ heyaa. Harɛ bɛl voɡ wono lɛ harɛ la nɛra le Asiiria koojen nɔn ta ka aa? 19Leperaa bwɛjena Hamat ne Aapad voɡa dɔɔ? Sefavaim tena voɡare sɛ? A wono lɛ Samaria tena aa? 20Harɛre nɔ voɡ besoo wona lɛ o harɛ le n be nɔ? Ɛrɛɛ Korowii ɛɛ ba wona lɛ Jerusalam ɔ?”
21Asɛ nɛra la hel jeiih ken, ba ta nentane tae ta harɛ, dɛkalkɛŋɔ dɛ Kooro Hɛsɛkea tɔ sie ŋɔ ba be ŋɔ ba bɛ on chaŋe.
22Ate, Eliakim ne Sɛbna dɛ Joa kɛɛ ba laala, a baɡle kɛ ba loo kuu, dɛ la Kooro Hɛsɛkea be, dɛ ka bol waa Asiiria koojen laa sitɔɔ la aa bola la o be.
Currently Selected:
Aesaya 36: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Aesaya 36
36
Asiiria Koojen Senakerib aah Jerusalam tena
1Juda Kooro Hɛsɛkea aa di kora bene fi dɛ anaarɛ ta la, Asiiria koojen Senakerib baa yo Juda harɛ bwɛjena baa ma danjwɛkpeɡa bara, dɛ lɛa dɔɔh.#2Ko 18:13-27; 2We 32:1-19 2Asɛ Asiiria koojen tomɛ o laa nomoa ne laa tena baa wara, ba le Lakes dɛ ba Kooro Hɛsɛkea be Jerusalam. Laa nomoa la aa laŋa la, o kaa che bɔɔ baa kwiu feelɔɔ ken le nyundua tam la ta, nee palɛ dɛɛ kpɔ o bini la harɛbɔr. O lɔ ŋwɛnɛjen waa kaa bela baa dɛ ɛ yale toma. 3Baala batoro le Kooro Hɛsɛkea be Jerusalam, dɛ la Asiiria koojen torome la be. Banee, Hilkia bibaa Eliakim waa chɔ koodem nyoa, ne Sɛbna waa ɛ kooro karake, dɛ Asaf bibaa Joa waa dɛ nyiŋi kooro tɔne ta.
4Laa sitɔɔ la ŋɔ ba be, bá la ka ŋɔ Kooro Hɛsɛkea be kɛŋɔ Asiiria koojen la dɛ bɔɔro ŋɔ,
“Bɔkwa taa he kpɔ he te dawɛ dɛɛ hwɛɡɛ ɔɔ? 5He dɛ lii kɛŋɔ nyoa wobol do kɛ wejema, ne kpeɡri ba kpɔ dɛɛ yo laa kɛɛ? Ume nɛɛ he kpɔ he te dawɛ, dɛ ɛɛ mɛ dɔm nɔɔ? 6Na, dɛ Ijipt kooro nɛɛ he kpɔ he te dawɛ aa, a do kɛŋɔ haa kpɔ pul ɛ daŋɡbala, asɛ o ku dɛ tɔɡɛ he nɔn. Gɛɛ Ijipt kooro do tɛ nɛra baa kpɔ ba te dawɛ o nɛɛ bwa. 7Kooro Hɛsɛkea ta ɡelɛ he chɔɡ kwaa haa dɛ toma bwea dor dɛ ŋɔ Juda harɛ ta ne Jerusalam tena bwa be ŋɔ báa tomɛ kombeŋkpoŋ ta Jerusalam aa?
8N ne hɛɛ ŋwɛɛroo n naa Asiiria koojen sɔn ta. Mɛɛ tɛɛ jaɡre kaɡboŋa anɛɛ, dɛ hɛɛ won dɔ laa tena bá so a bwa ta naa. 9Haa won kpɔ he te maɡɛ Asiiria koojen nomonome la bini bechala kwara, kɛ he dɛ hwɛɡɛ Ijipt kooro nɛɛ kɛ o ba tɛɛ kwaa aa do kɛŋɔ torɔɡore, ne laa tena baa dɛ so jaɡre ta. 10He dɛ lii kɛŋɔ Korowii habɔɔ n le dɛɛ ba dɛ́ ba yo he harɛ nɛra nɔ kɛɛ? Korowii ɡbabirii ŋɔ n be ŋɔ ń ba dɛ́ ba chɔɡ harɛ nɔ.”
11Asɛ Eliakim ne Sɛbna dɛ Joa ŋɔ Asiiria koojen laa sitɔɔ la be ŋɔ, “Nomoa, ya dɛ soŋe, bol Aram tena wobol baɡle he bonɔɔna. He bolaa, ya dɛ no. Bɛ Hibru tena wobol kpɔ bol ya be. Nɛra baa cheɡɛ bwɛjen nɔ danjwɛɛ nɔ ta dɛ no he be.”
12Anee laa sitɔɔ la chaŋe ŋɔ, “Hé dɛ lii kɛŋɔ he ne he kooro ɡbo bee n nomoa tom mɛ ŋɔ ń ba bol waa nɔ kɛɛ? He ɡbo laa, nɛra baa sosoɡe bwɛjen nɔ danjwɛɛ nɔ ta ɡe jao, baa di ba ɡbaɡba benaa, dɛ́ nyɔ ba feene kɛ heya.”
13Ate, laa sitɔɔ la ir che dɛ kpɔ takpeɡ bol waa Hibru tena wobol ne ŋɔ, “Hé no Asiiria koojen waa maa ba a ne! 14Dɛ́ he bɛ ɡel Kooro Hɛsɛkea neɡre heya. Waa won lɛ heya! 15He bɛ o nɛɛ teŋɛ, dɛ́ ɡel hé kpɔ he te dawɛ Korowii nɛɛ ŋɔ, wɛɛ lɛ heyaa, waa bwɛjen nɔɔ kpɔ do Asiiria koojen nɔn ta.
16He bɛ Kooro Hɛsɛkea waa no. Asiiria koojen dɛ bol ŋɔ, hé le bwɛjen la bini ba o be, dɛ́ kpɔ he te ba do o lɔɡa. Wɛɛ ɡeloo he bini bɛlbwa dɔ o fiɡ ne o ɡrepo daa kooni nɔna di, dɛ́ nyɔ o kɔlɔŋ bini ne, 17dɛ ka tel kɛŋɔ maa kpɔ heyaa kaa bojaŋ harɛ waa do kɛŋɔ he kon nɔ ta. Harɛ daa kooni aa lole he dɔ sen le a ta, ne mea baa kpɔ ɛ paanoo, ne ɡrepo daa kooni.
18He bɛ ɡel Kooro Hɛsɛkea neɡre heyaa ŋɔ Korowii ɛɛ lɛ heyaa. Harɛ bɛl voɡ wono lɛ harɛ la nɛra le Asiiria koojen nɔn ta ka aa? 19Leperaa bwɛjena Hamat ne Aapad voɡa dɔɔ? Sefavaim tena voɡare sɛ? A wono lɛ Samaria tena aa? 20Harɛre nɔ voɡ besoo wona lɛ o harɛ le n be nɔ? Ɛrɛɛ Korowii ɛɛ ba wona lɛ Jerusalam ɔ?”
21Asɛ nɛra la hel jeiih ken, ba ta nentane tae ta harɛ, dɛkalkɛŋɔ dɛ Kooro Hɛsɛkea tɔ sie ŋɔ ba be ŋɔ ba bɛ on chaŋe.
22Ate, Eliakim ne Sɛbna dɛ Joa kɛɛ ba laala, a baɡle kɛ ba loo kuu, dɛ la Kooro Hɛsɛkea be, dɛ ka bol waa Asiiria koojen laa sitɔɔ la aa bola la o be.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.