Aesaya 18
18
Korowii bol Itiopia tena chɔɡa wa
1Nɛra baa lɔ Itiopia harɛ neerare
baŋ le tontombɛ
aa su o ta la, bá bwɛɛlɛ.
2Ba dɛ tomɛ toroma
bá so dafɛɡa ɡbeni bini,
dɛ́ kpɔ Nael Moo sie.
Toroma haa ɡbaŋa,
hé la harɛ o nɛra aa kpeɡa
kohona
ba bwara loɡa la be,
nɛra baa do ɔma harɛ nɔ
bwa ta,
dɛɛ tiɡri ba dɔma nɛ
neerare peɡri ba harɛ bini.
3Nɛra haa lɔ harɛ ta bwa,
hé nyiŋi kɛrɛdɛ, dɛ ba pa
fraŋkaa bwe doa aa,
hé nao,
dɛ́ cheɡ deŋne, dɛ ba hoh
bɛla aa, ásɛ he no.
4Korowii ŋɔ n be ŋɔ,
“Mɛɛ so nyundua
dɛ́ nyiŋi jeiih ken,
kɛŋɔ wee aa lea bɔr wɔrɔbe,
kɛɛ mɛne aa dɛ ta wee lɔ
a ta aa nyɛɡle kwaa
koma saŋ la.”
5Kwaa koma aa wola tele mɔɔ
kwaa fee chure asɛ daa
nɔna la ɛɛ swɛɛ la,
Korowii ɛɛ teŋni kpala nɔna
aa saɡre a ta laanee bil,
ásɛ dɛ kpɔ kere kuu
a kpala la le a ta.
6Gɛ kpala la aa chɔa la,
ɡɛɛ Itiopia lala ɛɛ ba chɔe,
ásɛ jumbii aa dɛ di ola
dia bɔwɔb saŋ,
ásɛ kpɔɡ bini olchɔɡa ɡe
ba dia waa saŋ.
7A ɡɛ saŋ la, nɛra baa kpeɡa
kohona ba bwara do wer,
ba do ɔma harɛ nɔ bwa ta,
dɛɛ tiɡri ba dɔma nɛ,
neerare peɡri
ba harɛ bini la,
baa kpɔ koŋkɛɛlaa ba tɛ
Koranar Bwa Kooro
Saayɔn Bwejen ta,
bela baa dɛ tomɔ.
Currently Selected:
Aesaya 18: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
