Aesaya 17
17
Korowii bol Damaskɔs tena chɔɡa wa
1Waa aa chiɡ bwɛjen Damaskɔs Korowii bol baɡle Aesaya chaahna ta laanee nɔ.
“Damaskɔs aa bwɛjen ɛɛ
ba kpa,
wɛɛ ba chɔɡoo dɛ́ berɛ
dimɡbia chɔ.
2Bwɛjena aa lɔ Siiria harɛ
dɛ́ ba dimɡbia bera dɛ chɔ.
Aa berɛ peera ne nae
dibɔraa,
nomɛlbwa aa lee do
dɛ́ doŋa.
3Bwɛjen baa ma danjwɛkpeɡ
baro toole
Israel harɛ ta kpa.
Bwɛjen Damaskɔs ɡe aa
koobwɛɛ ɛ kpa.
Siiria tena ɛɛ ba ka tamaa ba
jirima tonɛ,
ɡɛ Israel tena jirima aa
tona la.”
Koranar Bwa Kooroo bola.
4Korowii ŋɔ, “Awola tɔpere la,
Israel jirima waa dɔa
la ɛɛ tonɔɔ,
ásɛ nyaa chiɡ o kondɔɔh
naa ta.
5Wɛɛ ɛo kɛŋɔ koo baa komɛ
o mea dɛ paa kaa la ken.
Wɛɛ ɛo kɛŋɔ koo baa
kuuh mea
Refaim Fɛlembɔjen bini,
o chɔ pɛɛ.
6Kɛ mea tamaa dɛɛ ba kae,
kɛŋɔ ba yon chaa
ɔleve daa nɔna,
ásɛ a yon ba ka nɔna anɛ
kɛɛ atoro daa la
nyundujaɡla
kɛɛ tama aa ka
o kpala ta la.”
Korowii Israel tena aa dɛ tomɔ laanee bola.
7Awola tɔpere la, nɛwɛnyina
bwa ɛɛ kpɔ sie
dawɛ Korowii nɛ.
Onee Israel Nɛŋɡoroŋ
waa ta ba baa tomɔ.
8Baa kwaa ba ɡbaɡba aa maa
dɛ kpɔ saraha kwaa dɛɛ tɛ
voɡa a ta laanee nyiŋi kpa.
Baa voɡhaah Asera
dajaŋa ba ɡbaɡba aa
paaɡa, ne bela
baa maa dɛɛ fuh
daawiile a sɔɔh aa soma la
ta hwɛɡɛ kpa.
9Awola tɔpere la, ba bwɛjena aa do kpeɡri ɛɛ berɛ dimɡbeenii, dɛ le kpɔɡa ne daa, ɡɛ Israel tena fa aa pɔ a ɡɛ bwɛɛre la nɛɛ a nɛra chwa a berɛ dimɡbeeni dɛ che la.
10Israel tena, he liire le he Lɛɛ
Korowii nɛ.
Onee Bwetal haa kpɔ
he te marɔ
wɛɛ tɔ heyaa ɡbemɡbe la,
kɛ he soh o wa.
He du dadɛɛɡa bodɛɛɡa,
dɛ kwaa bela
dɛɛ tomɛ harɛre voɡare.
11He fe wono ɡel a le awola
tenten haa dua la, dɛ moɡɛ
dɛ fe aa,
haa komɛlbwa a ta chaa.
Wahala ne
weweele aa wola
tonɛ ɡboo hɛɛ ba dɔe.
12Sibeɡra chole harɛre
aa wara nɛ,
a nɛra ɛɛ si kɛŋɔ mpo ken,
dɛɛ do ɡbɔɡa kɛŋɔ mpo
nehɛma ken.
13Hale nɛra warɔ dɛɛ moo kɛŋɔ
mpo nehɛma sii aa,
Korowii ɛɛ kah baa ásɛ
ba chwa kaa bojaŋ.
Baa chwao dɛ́ peɡre kɛŋɔ peu
aa kpɔ haahra,
kɛɛ kawulewule aa kpɔ
doŋa kaa la ken.
14A tel jɔmɔra aa, ba dɛ
ɛ ɔmewa,
kɛ tɔɔ ne pera chɔɔ
dɛ ba kaalɔ.
A ɡɛ waa nɔɔ dɛ́ chiɡ nɛra
baa bal ya laala
kɛ laa ta kwa kaa la nɛ.
Currently Selected:
Aesaya 17: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
