Hosia 8
8
Israel tena du peu dɛ ɡel mea
1Korowii ŋɔ Israel tena be ŋɔ, “Hé hoh laa bɛla.
He dɔma dɛ ba he nɛɛ
kɛŋɔ kee aa le nyundua
dɛɛ tu la,
chɔɡa haa chɔɡ n ne he fɔo,
ne deŋnekpeɡ haa ɛa
men Mmarare ta la wa.#Mma 28:49
2Kɛ ane a bwa, Israel tena wio
dɛɛ yer mɛ ŋɔ,
‘N Naa Korowii
yaa dɛ tomɛ, ya jemɛ.’
3Israel tena vɛh waa aa wera,
anomanta, ba dɔma ɛɛ ti
ba a waa.
4Ba cheɡ koranar maa wola
a waa jemɛ,
dɛ le nomonome le n habɔɔ.
Ba kpɔ ba ɡbaɡba suuɡapoŋa
ne suuɡaswɛm
ɛ voɡa dɛ kpɔ chɔɡ ba te.
5Suuɡaswɛm Samaria tena
aa kpɔa ɛ nabale la
ɡelɔ n baah di ba nɛ,
bá kpɔ viɡri.
Saŋ besoo baa ba voɡa toma ɡela ɔ?#1Ko 12:28
6Israel harɛ taa voɡ la le,
Israel tee loɡɔ,
men Korowii laa.
Samaria nabale la,
baa kuuɡu buruburu
ken.
7Ba du peu dɛ ɡel mea,
anomanta, kawulewulee
baa ba koma.
Mea aa wola bie dɔe
ta kondikwaa dɔe.
Dɛ a dɔ bie kwaraa naa,
nɛŋhɔɔhraa dɛɛ ba a dii.
8Israel tena waa tonɔ,
ba do kɛŋɔ konsala
harɛre nɛra bini.#2Ko 17:6
9Ba joɔ kaa Asiiria harɛ ta,
kɛŋɔ keeɡo kpaŋi waa
pere o te dɛɛ ɡaaɡe ken,
dɛ yoɡ ba te tɛ Asiiria
ne harɛre tena bane
bá cha ba.
10Ba yoɡ ba te tɛ ɡɛ te,
kɛ taraken mɛɛ berɔ boa
ba nyoa.
Baa na hɔhɔrɔwa kohonaa
Asiiria koojen nɔn ta.
11Israel tena aa ɛ kwaa
baa ɛ saraha a ta
aa warɛ la,
dɛ ɡɛɛ ba wechɔɡa ɡe ɛɛ
warɛ.
12N chwerɛ waa taeh,
dɛ le me Mmara la bini
tɛɛ ba,
kɛ ba liira harɛ bɛl ta wa.
13Ba kpɔ kwaa ɛ saraha
tɛ mɛ dɛɛ chwe a ola,
men Korowii,
n sie aa a ta lɛ.
Mɛɛ lii ba wechɔɡa
baa dɛ ɛ laanee,
dɛ́ tɛr ba deŋne a wa.
Baa berɔ kaa Ijipt harɛ ta.
14Israel tena ma kooderemi,
dɛ soh men Korowii maa ta
ba wa.
Juda tena ma dekpeɡa bwɛjena ta taeh.
Kɛ mɛɛ kpɔ niinii ba ta ba bwɛjena ta,
ásɛ a fuh ba dekpeɡa bwa.”
Currently Selected:
Hosia 8: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
