Mumpar 4
4
Keen ne Ebel wa
1Adam la o haah Hawa be, asɛ o kpoŋe tea dɛ lolɛ bie, asɛ haah la lii o nyu bini ŋɔ, “Korowii alaworomɛ, n dɔ bibaa, dɛ pa o sɔn Keen.” #4:1 Keen munii komɛl dɔe. 2A habɔɔ, o lolɛ bɛl ɡe dɛ pa o sɔn Ebel. Ebel aa kpeɡa la, dɛ peeraa wɛɛ dɛɛ asɛ Keen ɡe ɛ paa. 3A habɔɔ la, Keen kpɔ o koo kondikwa ane ba, dɛ ba ɛ saraha tɛ Korowii. 4Asɛ Ebel ɡe nyiŋi o peera la bini dɛ lawɛ a biloɡla la dɛ kpoora, asɛ dɛ kpɔ a bodɛɛɡa bɔra la ka ɛ saraha tɛ Korowii. Korowii sie lɛ saraha Ebel aa baa ɛ tɛo la ta taeh, 5kɛ o vɛh Keen ne kwaa waa kpɔa ba ɛ saraha tɛo la. Belaa Keen baah di asɛ o ŋweh. 6Anee Korowii bɔɔro ŋɔ, “Ɛrɛɛ he baah di he ŋweh ɡɛ nɔɔ? 7Wedɛɛɡaa he ɛa, he sie ɛɛ lɛo. Kɛ haa ɛ anɔ la aa wola were la nomanta, wechɔɡa dɛ yoi. Kɛ a chɛ kɛŋɔ hé won le a ta.”
8Belaa Keen ŋɔ o nime Ebel be ŋɔ bá la koo. Baa lɔ bela la, Ebel ne ŋɔ o jemɛ dɛ Keen lawɔ asɛ dɛ kpoo.#1Jɔ 3:12 9Belaa Korowii bɔɔ Keen ŋɔ, “Leperaa Ebel dɔɔ?”
Anee Keen ŋɔ, “N nɔn ta laa n nime do mɛɛ nyiŋi o nɛ. Maa jemɛ bela waa lole.”
10Asɛ Korowii berɛ ŋɔ, “Ɛrɛɛ he ɛ waa aa do ken nɔɔ? He nime chal aa le harɛ la ta la dɛ baɡle kɛŋɔ he ɛ wechɔɡa a chɛ kɛŋɔ ń bɔe a kem. 11N taahne, dɛ doŋi le harɛ nɔ ta, haa won parɛ o ta kpa, he nime haa kpoo la nomanta. 12He paraa, he kondikwa aa ɛɛ ba. Haa soŋnibɔr ɡee dɔ. Gaaɡa ɡboo hɛɛ ba dɛɛ ɡaaɡa.”
13Anee Keen ŋɔ Korowii be ŋɔ, “N wechɔɡa maa ɛa nɔ kembɔr ɡwaa n nɛɛ kohona to. 14Na, he doŋ mɛ le he sie ne para ta. Taraken nɔ, maa soŋnibɔree dɔ harɛ nɔ ta bobɛlbwa kpa. Gaaɡa ɡboo mɛɛ ba mɛɛ ɡaaɡe, ásɛ nomɛlbwa waa na mɛ la, ó kpo mɛ.”
15Anee Korowii ŋɔ, “Gɛ laa, nomɛlbwa waa kpoe la, wɛɛ dɔ he wechɔɡa nɔ kembɔr nɔ bele anuanɛɛ.” Asɛ Korowii do Keen dema, ásɛ a baɡle kɛŋɔ Korowii bɛ on kpo. 16Belaa Keen le Korowii sie, dɛ ka so harɛ bɛl waa lɔ Eden wee leebɔr bobɛl baa dɛ yerɔ Nɔd.#4:16 Nɔd munii harɛ baa dɛ ɡaaɡe o ta.
Keen naanar wa
17A habɔɔ, Keen ne o haah kpoŋe tea dɛ lolɛ bibaa dɛ pa o sɔn Enɔk, asɛ dɛ vɔrɔwe bwɛjen dɛ kpɔ bie la sɔn pao. 18Enɔk ɡe aa kpeɡa la, o lolɛ bie dɛ pa o sɔn Irad. Irad aa baa kpeɡ la, o lolɛ Mahujael. Asɛ Mahujael ɡe aa ira la, o lolɛ Metusael. Asɛ Metusael ɡe aa baa kpeɡ la, o lolɛ Lamɛk.
19Asɛ Lamɛk aa baa ir la, o mo haahna banɛ. Bɛl sɔne Ada asɛ nɛɛte la ɡe sɔne Siila. 20Ada bie waa lolɔ sɔne Jabal. Onee nɛra baa tɔ sie dɛ yon so tɛnte deene bini dɛɛ nyiŋi kondɛɛra ta bwa naa. 21A habɔɔ la, Ada berɔ lolɛ bibaa, o sɔne Jubal. Onee nɛra baa tɔ sie kwaa bɛle ne janjelare la bwa naa. 22Siila ɡe lolɛ bibaa, dɛ pa o sɔn Tubal Keen. Onee ira dɛ pa mun loɡɛ. Siila berɔ lolɛ bihaah, dɛ pa o sɔn Naama.
23Awola bɛl, Lamɛk ŋɔ o haahna la be ŋɔ,
“Ada ne Siila, hé cheɡ deŋne no n waa nɔ.
N haahna, hé no n be!
Bonɔɔ bɛl do mɛ bol, asɛ n kpoo.
24Dɛ nɛn kpo Keen,
wɛɛ dɔ o wechɔɡa kembɔr bele anuanɛɛ yaa,
nomɛlbwa waa kpo mɛ la,
wɛɛ dɔ n wechɔɡa kembɔr dɔŋa
bele fifraanuanɛ dɛ anuanɛɛ.”
Sɛt ne Enɔs wa
25Adam ne o haah berɔ lolɛ bibaa. Anee o haah ŋɔ, “Korowii tɛ mɛ bie o ba chiɡ Ebel, Keen aa kpoo la naa ta.” Anomanta, o pa o sɔn Sɛt.#4:25 Sɛt munii Korowii tɛ mɛ. 26Sɛt ɡe aa baa ir la, o lolɛ bibaa dɛ pa o sɔn Enɔs.
Le a ɡɛ saŋee nɛwɛnyina pa mun dɛɛ yerɛ Korowii sɔn dɛɛ tomɔ.
Currently Selected:
Mumpar 4: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 4
4
Keen ne Ebel wa
1Adam la o haah Hawa be, asɛ o kpoŋe tea dɛ lolɛ bie, asɛ haah la lii o nyu bini ŋɔ, “Korowii alaworomɛ, n dɔ bibaa, dɛ pa o sɔn Keen.” #4:1 Keen munii komɛl dɔe. 2A habɔɔ, o lolɛ bɛl ɡe dɛ pa o sɔn Ebel. Ebel aa kpeɡa la, dɛ peeraa wɛɛ dɛɛ asɛ Keen ɡe ɛ paa. 3A habɔɔ la, Keen kpɔ o koo kondikwa ane ba, dɛ ba ɛ saraha tɛ Korowii. 4Asɛ Ebel ɡe nyiŋi o peera la bini dɛ lawɛ a biloɡla la dɛ kpoora, asɛ dɛ kpɔ a bodɛɛɡa bɔra la ka ɛ saraha tɛ Korowii. Korowii sie lɛ saraha Ebel aa baa ɛ tɛo la ta taeh, 5kɛ o vɛh Keen ne kwaa waa kpɔa ba ɛ saraha tɛo la. Belaa Keen baah di asɛ o ŋweh. 6Anee Korowii bɔɔro ŋɔ, “Ɛrɛɛ he baah di he ŋweh ɡɛ nɔɔ? 7Wedɛɛɡaa he ɛa, he sie ɛɛ lɛo. Kɛ haa ɛ anɔ la aa wola were la nomanta, wechɔɡa dɛ yoi. Kɛ a chɛ kɛŋɔ hé won le a ta.”
8Belaa Keen ŋɔ o nime Ebel be ŋɔ bá la koo. Baa lɔ bela la, Ebel ne ŋɔ o jemɛ dɛ Keen lawɔ asɛ dɛ kpoo.#1Jɔ 3:12 9Belaa Korowii bɔɔ Keen ŋɔ, “Leperaa Ebel dɔɔ?”
Anee Keen ŋɔ, “N nɔn ta laa n nime do mɛɛ nyiŋi o nɛ. Maa jemɛ bela waa lole.”
10Asɛ Korowii berɛ ŋɔ, “Ɛrɛɛ he ɛ waa aa do ken nɔɔ? He nime chal aa le harɛ la ta la dɛ baɡle kɛŋɔ he ɛ wechɔɡa a chɛ kɛŋɔ ń bɔe a kem. 11N taahne, dɛ doŋi le harɛ nɔ ta, haa won parɛ o ta kpa, he nime haa kpoo la nomanta. 12He paraa, he kondikwa aa ɛɛ ba. Haa soŋnibɔr ɡee dɔ. Gaaɡa ɡboo hɛɛ ba dɛɛ ɡaaɡa.”
13Anee Keen ŋɔ Korowii be ŋɔ, “N wechɔɡa maa ɛa nɔ kembɔr ɡwaa n nɛɛ kohona to. 14Na, he doŋ mɛ le he sie ne para ta. Taraken nɔ, maa soŋnibɔree dɔ harɛ nɔ ta bobɛlbwa kpa. Gaaɡa ɡboo mɛɛ ba mɛɛ ɡaaɡe, ásɛ nomɛlbwa waa na mɛ la, ó kpo mɛ.”
15Anee Korowii ŋɔ, “Gɛ laa, nomɛlbwa waa kpoe la, wɛɛ dɔ he wechɔɡa nɔ kembɔr nɔ bele anuanɛɛ.” Asɛ Korowii do Keen dema, ásɛ a baɡle kɛŋɔ Korowii bɛ on kpo. 16Belaa Keen le Korowii sie, dɛ ka so harɛ bɛl waa lɔ Eden wee leebɔr bobɛl baa dɛ yerɔ Nɔd.#4:16 Nɔd munii harɛ baa dɛ ɡaaɡe o ta.
Keen naanar wa
17A habɔɔ, Keen ne o haah kpoŋe tea dɛ lolɛ bibaa dɛ pa o sɔn Enɔk, asɛ dɛ vɔrɔwe bwɛjen dɛ kpɔ bie la sɔn pao. 18Enɔk ɡe aa kpeɡa la, o lolɛ bie dɛ pa o sɔn Irad. Irad aa baa kpeɡ la, o lolɛ Mahujael. Asɛ Mahujael ɡe aa ira la, o lolɛ Metusael. Asɛ Metusael ɡe aa baa kpeɡ la, o lolɛ Lamɛk.
19Asɛ Lamɛk aa baa ir la, o mo haahna banɛ. Bɛl sɔne Ada asɛ nɛɛte la ɡe sɔne Siila. 20Ada bie waa lolɔ sɔne Jabal. Onee nɛra baa tɔ sie dɛ yon so tɛnte deene bini dɛɛ nyiŋi kondɛɛra ta bwa naa. 21A habɔɔ la, Ada berɔ lolɛ bibaa, o sɔne Jubal. Onee nɛra baa tɔ sie kwaa bɛle ne janjelare la bwa naa. 22Siila ɡe lolɛ bibaa, dɛ pa o sɔn Tubal Keen. Onee ira dɛ pa mun loɡɛ. Siila berɔ lolɛ bihaah, dɛ pa o sɔn Naama.
23Awola bɛl, Lamɛk ŋɔ o haahna la be ŋɔ,
“Ada ne Siila, hé cheɡ deŋne no n waa nɔ.
N haahna, hé no n be!
Bonɔɔ bɛl do mɛ bol, asɛ n kpoo.
24Dɛ nɛn kpo Keen,
wɛɛ dɔ o wechɔɡa kembɔr bele anuanɛɛ yaa,
nomɛlbwa waa kpo mɛ la,
wɛɛ dɔ n wechɔɡa kembɔr dɔŋa
bele fifraanuanɛ dɛ anuanɛɛ.”
Sɛt ne Enɔs wa
25Adam ne o haah berɔ lolɛ bibaa. Anee o haah ŋɔ, “Korowii tɛ mɛ bie o ba chiɡ Ebel, Keen aa kpoo la naa ta.” Anomanta, o pa o sɔn Sɛt.#4:25 Sɛt munii Korowii tɛ mɛ. 26Sɛt ɡe aa baa ir la, o lolɛ bibaa dɛ pa o sɔn Enɔs.
Le a ɡɛ saŋee nɛwɛnyina pa mun dɛɛ yerɛ Korowii sɔn dɛɛ tomɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.