Mumpar 3
3
Nɛwɛnyina deŋnekpeɡ wa
1Ola Korowii aa taa la bini la, dɛ harɛkon sie pilo ɡwaa a bwa. Harɛkon la baa pɛɛ haah la ŋɔ, “Kpelaa Korowii ŋɔ he bɛ daa nɔ bɛlbwa nɔn di naa?” 2Asɛ haah la chaŋo ŋɔ, “Dɛ́ ya won daa nɔ bɛlbwa nɔn dii. 3Atane kɛŋɔ onɔ waa cheɡɛ bodɛɛɡe baa du daa nɔ baah tenten nɔ, Korowii ŋɔ ya bɛ o te leɡe a ba ɛ kɛŋɔ yaa di o nɔnee. Ya diu waa, yaa sewɔɔ.”
4Belaa harɛkon la ŋɔ haah la be ŋɔ, “Nyosonee. Háa sewa ba. 5Korowii jemɔ kɛŋɔ dɛ he di daa la nɔn aa, he sie dɛ ba pila, he jemɛ wedɛɛɡa ne anchɔɡa kɛ on ken. A waa o ŋɔ he bɛ di la.”
6Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di. 7Baa dia tonɛ la, buɡ la ta, ba bwa sie pilo, ba na kɛŋɔ ba cheɡɛ mumɡbal. Anomanta, ba nyin ɔɡ papooni dɛ nyara dɛ kpɔ li.
8Awola jɔmɔra ne la, ba noɔ kɛŋɔ Korowii dɛ valɛ bodɛɛɡe baa du daa la bini, asɛ ba chwa ka sɔh baŋ pera daa la bini ásɛ o bɛ ban na. 9Anee Korowii yerɛ baa la ŋɔ, “Lee he dɔɔ?”
10O sɛh dɛ ŋɔ, “N no he ɡbɔɡa daa la baah ta bela, asɛ n ɔmɛ dɛ ka sɔh dɛkalkɛ n cheɡɛ mumɡbal.”
11Anee Korowii pɛɛro ŋɔ, “Umee ŋɔ he be ŋɔ he cheɡɛ mumɡbal ɔ? He di daa la maa kaeh ŋɔ he bɛ o nɔn di la kɛɛ?”
12Asɛ baa la ŋɔ, “Ɔɔh. Haah la haa kpɔɔ ja n nɛɛ la, onee tɛ mɛ bɛl n di.”
13Belaa Korowii pɛɛ haah la ŋɔ, “Ɛrɛɛ he ɛ ɡɛ nɔɔ?”
Anee o chaŋe ŋɔ, “Harɛkon laanee neɡ mɛ asɛ n di.”
Korowii taah baa ne haah dɛ harɛkon
14Belaa Korowii ŋɔ harɛkon la be ŋɔ, “Gɛ haa ɛa nɔ nomanta,
N taahne, ásɛ a do kpeɡri tɛɛ
ɡwaa kpɔɡ bini ola ne kondɛɛra bwa.
He tea taa hɛɛ ba tuuɡa,
dɛɛ di teera ka tel he serewe bena.
15Mɛɛ kpɔ danchɔɡee
ta he ne haah la baah ta,
ásɛ he naanar ne o naanar hah dɔŋa dɛɛ la.
Saŋ bɛlbwa waa nae la,
wɛɛ paɡre he nyuu,
ásɛ he ɡe choɡe o nalume.”
16Korowii ŋɔ haah la be ŋɔ,
“Weweele binii hɛɛ ba tea kpoŋa,
dɛ́ lolɛ bonyɛɡa bini.
He sie ɛɛ beɡre he jaa nɛɛ,
ásɛ o di kpeɡri he nɛ.”
17Dɛ ŋɔ baa la be ŋɔ, “Haa no he haah nyoa dɛ di daa nɔn maa ŋɔa he bɛ di nomanta,
N taah harɛ nɔ waa haa ɛa la wa,
tomkpeɡaa hɛɛ ba ɛɛ dɛ́ kwee bɔwɔb
mɔɔ dɛ́ di kwa he soɡa bini bwa.
18Sɔɔhne ne jabalnadaŋɛree
dɛɛ ba harɛ la ta lee tɛɛ.
Ásɛ hɛɛ di kpɔɡ bini kondikwa.
19Hɛɛ kwee bɔwɔbee
mɔɔ dɛ́ di kwa ka tel
kɛŋɔ haa berɛ kaa teera
maa kpɔa mae la bini,
dɛkalkɛ teera hen,
teera binii he berɛ dɛɛ ba kaala.”
20Baa la sɔne Adam. O pa haah la ɡe sɔn Hawa dɛkalkɛŋɔ on dɛɛ ba nɛwɛnyina bwa nya ɛɛ.
21Korowii kpɔ ola tɔne tɛɛ ba ba kpɔ tɔ ba bwara.
Korowii doŋi Adam ne Hawa le Eden bodɛɛɡe bela
22Belaa Korowii lii kɛŋɔ, “Name baa la jemɛ wedɛɛɡa ne wechɔɡa kɛŋɔ yan. Yá nyiŋi kɛrɛdɛ o bɛ daa waa dɛ tɛ mkpa la te nɔn ba tor di dɛ́ do le saŋ bɛlbwa.” 23Anomanta, Korowii doŋu le Eden bodɛɛɡe bela waa du daa la, dɛ ɡel o kaa parɛ harɛ waa mao le o ta la ta. 24Waa doŋi baa la le bela habɔɔ la, o kpɔ Kerobim#3:24 Kerobim nɔ ɛ hweera kwaa anɛ ane aa dɔ kena dɛɛ daah Korowii laala. ne tokobii bɛl waa dɛ nyɛɡle kɛ ninlao dɛɛ beɡre bobɛlbwa, dɛ ka cheɡ Eden bodɛɛɡe wee leebɔr pera, ásɛ nomɛlbwa bɛ won di daa la nɔna.
Currently Selected:
Mumpar 3: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 3
3
Nɛwɛnyina deŋnekpeɡ wa
1Ola Korowii aa taa la bini la, dɛ harɛkon sie pilo ɡwaa a bwa. Harɛkon la baa pɛɛ haah la ŋɔ, “Kpelaa Korowii ŋɔ he bɛ daa nɔ bɛlbwa nɔn di naa?” 2Asɛ haah la chaŋo ŋɔ, “Dɛ́ ya won daa nɔ bɛlbwa nɔn dii. 3Atane kɛŋɔ onɔ waa cheɡɛ bodɛɛɡe baa du daa nɔ baah tenten nɔ, Korowii ŋɔ ya bɛ o te leɡe a ba ɛ kɛŋɔ yaa di o nɔnee. Ya diu waa, yaa sewɔɔ.”
4Belaa harɛkon la ŋɔ haah la be ŋɔ, “Nyosonee. Háa sewa ba. 5Korowii jemɔ kɛŋɔ dɛ he di daa la nɔn aa, he sie dɛ ba pila, he jemɛ wedɛɛɡa ne anchɔɡa kɛ on ken. A waa o ŋɔ he bɛ di la.”
6Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di. 7Baa dia tonɛ la, buɡ la ta, ba bwa sie pilo, ba na kɛŋɔ ba cheɡɛ mumɡbal. Anomanta, ba nyin ɔɡ papooni dɛ nyara dɛ kpɔ li.
8Awola jɔmɔra ne la, ba noɔ kɛŋɔ Korowii dɛ valɛ bodɛɛɡe baa du daa la bini, asɛ ba chwa ka sɔh baŋ pera daa la bini ásɛ o bɛ ban na. 9Anee Korowii yerɛ baa la ŋɔ, “Lee he dɔɔ?”
10O sɛh dɛ ŋɔ, “N no he ɡbɔɡa daa la baah ta bela, asɛ n ɔmɛ dɛ ka sɔh dɛkalkɛ n cheɡɛ mumɡbal.”
11Anee Korowii pɛɛro ŋɔ, “Umee ŋɔ he be ŋɔ he cheɡɛ mumɡbal ɔ? He di daa la maa kaeh ŋɔ he bɛ o nɔn di la kɛɛ?”
12Asɛ baa la ŋɔ, “Ɔɔh. Haah la haa kpɔɔ ja n nɛɛ la, onee tɛ mɛ bɛl n di.”
13Belaa Korowii pɛɛ haah la ŋɔ, “Ɛrɛɛ he ɛ ɡɛ nɔɔ?”
Anee o chaŋe ŋɔ, “Harɛkon laanee neɡ mɛ asɛ n di.”
Korowii taah baa ne haah dɛ harɛkon
14Belaa Korowii ŋɔ harɛkon la be ŋɔ, “Gɛ haa ɛa nɔ nomanta,
N taahne, ásɛ a do kpeɡri tɛɛ
ɡwaa kpɔɡ bini ola ne kondɛɛra bwa.
He tea taa hɛɛ ba tuuɡa,
dɛɛ di teera ka tel he serewe bena.
15Mɛɛ kpɔ danchɔɡee
ta he ne haah la baah ta,
ásɛ he naanar ne o naanar hah dɔŋa dɛɛ la.
Saŋ bɛlbwa waa nae la,
wɛɛ paɡre he nyuu,
ásɛ he ɡe choɡe o nalume.”
16Korowii ŋɔ haah la be ŋɔ,
“Weweele binii hɛɛ ba tea kpoŋa,
dɛ́ lolɛ bonyɛɡa bini.
He sie ɛɛ beɡre he jaa nɛɛ,
ásɛ o di kpeɡri he nɛ.”
17Dɛ ŋɔ baa la be ŋɔ, “Haa no he haah nyoa dɛ di daa nɔn maa ŋɔa he bɛ di nomanta,
N taah harɛ nɔ waa haa ɛa la wa,
tomkpeɡaa hɛɛ ba ɛɛ dɛ́ kwee bɔwɔb
mɔɔ dɛ́ di kwa he soɡa bini bwa.
18Sɔɔhne ne jabalnadaŋɛree
dɛɛ ba harɛ la ta lee tɛɛ.
Ásɛ hɛɛ di kpɔɡ bini kondikwa.
19Hɛɛ kwee bɔwɔbee
mɔɔ dɛ́ di kwa ka tel
kɛŋɔ haa berɛ kaa teera
maa kpɔa mae la bini,
dɛkalkɛ teera hen,
teera binii he berɛ dɛɛ ba kaala.”
20Baa la sɔne Adam. O pa haah la ɡe sɔn Hawa dɛkalkɛŋɔ on dɛɛ ba nɛwɛnyina bwa nya ɛɛ.
21Korowii kpɔ ola tɔne tɛɛ ba ba kpɔ tɔ ba bwara.
Korowii doŋi Adam ne Hawa le Eden bodɛɛɡe bela
22Belaa Korowii lii kɛŋɔ, “Name baa la jemɛ wedɛɛɡa ne wechɔɡa kɛŋɔ yan. Yá nyiŋi kɛrɛdɛ o bɛ daa waa dɛ tɛ mkpa la te nɔn ba tor di dɛ́ do le saŋ bɛlbwa.” 23Anomanta, Korowii doŋu le Eden bodɛɛɡe bela waa du daa la, dɛ ɡel o kaa parɛ harɛ waa mao le o ta la ta. 24Waa doŋi baa la le bela habɔɔ la, o kpɔ Kerobim#3:24 Kerobim nɔ ɛ hweera kwaa anɛ ane aa dɔ kena dɛɛ daah Korowii laala. ne tokobii bɛl waa dɛ nyɛɡle kɛ ninlao dɛɛ beɡre bobɛlbwa, dɛ ka cheɡ Eden bodɛɛɡe wee leebɔr pera, ásɛ nomɛlbwa bɛ won di daa la nɔna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.