Mumpar 33
33
Jekɔb kaa cheme Esɔ
1Jekɔb aa dɛ kaa la, o ha sie dɛ na kɛŋɔ Esɔ ne o bonɔɔna lafraanaarɛ aa dɛ ba, asɛ Jekɔb bɔne o bii la bini tɛ o haahna Lea ne Rakɛl dɛ ba toli banɛ la. 2O ɡelɔ o toli la lawɛ ba bii tɔ sie mɔɔ Lea ne o bii teŋɛ, asɛ Rakɛl ne Josef ka mun ta. 3Jekɔb berɔ ka tɔ ba bwa sie, asɛ waa dɛ bɛne Esɔ la, o ba harɛ kera anuanɛ mɔɔ dɛ tel o be. 4Esɔ aa nao la, o chwao dɛ ka ɡbaaro pɛl o te dɛ kpɔ o nɔɔra dawɛ o vaama ta dɛ mo o lwɛɛma, ba bwa berɛ wi. 5Esɔ na haahna la ne bechale la, dɛ pɛɛro ŋɔ, “Aah bamewa ɡee ja he nɛɛ nɔɔ?”
Asɛ Jekɔb chaŋe dɛ ŋɔ, “A ɡɛ bii nɔ, Korowiirii sune n nɛɛ dɛ kpɔ ba tɛ mɛ.”
6Anee o toli la ne ba bii ba ɡuŋi Esɔ harɛ, 7asɛ Lea ɡe ne o bii ba ɡuŋu, asɛ Josef ne Rakɛl ɡe ka mun dɛ ba ɡuŋu harɛ.
8Esɔ bɔɔro ŋɔ, “Nɛra maa chem ba ba kpɔ kondɛɛra damanta dɛɛ kaa la ɡe sɛ?”
Anee Jekɔb chaŋe ŋɔ, “N kpɔa dɛɛ ba ba tɛɛ ásɛ he sie lɛ n nɛ.”
9Belaa Esɔ ŋɔ, “N nime dɛɛɡe, anɔ la n ɡbabir aa dɔa warɔ. Gel a che tɛɛ.”
10Anee Jekɔb ɡe ŋɔ, “Akai, n dɛ soŋe dɛ he sie lɛ n nɛɛ tenaa he kpɔ. Taraken maa nae nɔ, a denɔ ɛɛ mɛ kɛŋɔ maa na Korowii ken. 11N poori, sɛh dɛ́ lɛ kwaa maa kpɔa dɛɛ tɛɛ nɔ. Korowii cha mɛ kohona dɛ sune n nɛɛ asɛ dɛ tɛ mɛ komɛlbwa.” Ba bolɔ la sie kɛrɛdɛ mɔɔ Esɔ ta ba lɛ.
12Asɛ Esɔ ŋɔ, “Ya kaa. Kɛ mɛɛ tɔ he siee.”
13Jekɔb ɡe berɔ ŋɔ o be ŋɔ, “He nao kɛŋɔ n bii nɔ nɔn kao, asɛ n peera ne nae ne a bii aa dɛ ɔr la bwa ɡe waa hiah mɛ. Maa won kpɔa valɛ kohona tɔpebir a ba serewe. 14Amɔ tɔ sie ásɛ n ɡe ne n nae nɔ ne n bii nɔ valɛ tama tama ka tel kɛŋɔ yaa ba he be Edom.”
15Anee Esɔ ŋɔ, “Amɔ mɛɛ ɡel n bonɔɔna nɔ bini banee tɛɛ he ne baa ba.”
Asɛ Jekɔb ŋɔ, “Bonɔɔna la ɡela dɛ tɛ mɛ te waa ta hiaeh. Nyinaa mɛɛ nyin kɛŋɔ he sie lɛ n nɛ.” 16Awola tenten la, Esɔ ne o bonɔɔna la chiɡ ŋwɛnɛ ta dɛ kaa Edom harɛ ta. 17Kɛ Jekɔb te kaa Sukot harɛ ta, dɛ ka do o dea, asɛ dɛ do patare tɛ o kondɛɛra ɡe. A waa ba pa bela sɔn Sukot la. O munii patare.
18Waa le Mɛsopoteemea la, o kaa bwɛjen Sɛkem waa lɔ Keenan harɛ ta, dɛ ka baŋre o tɛnte dea bɛne bwɛjen la.#Mum 28:15 19O yawɛ harɛ waa baŋre o tɛnte dea o ta la suuɡapoŋa lafa le Sɛkem mɛɛ Hamɔ bii be.#Mum 12:6 20O ɛ kon baa ɛ saraha o ta dɛɛ tɛ Korowii bela, asɛ dɛ pa o sɔn ‘Korowii Israel tena aa dɛ tomɔ’.#33:20 Hibru tena wobol ta Ɛl Ɛlɔhe Israel munii Korowii Israel tena aa dɛ tomɔ.
Currently Selected:
Mumpar 33: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 33
33
Jekɔb kaa cheme Esɔ
1Jekɔb aa dɛ kaa la, o ha sie dɛ na kɛŋɔ Esɔ ne o bonɔɔna lafraanaarɛ aa dɛ ba, asɛ Jekɔb bɔne o bii la bini tɛ o haahna Lea ne Rakɛl dɛ ba toli banɛ la. 2O ɡelɔ o toli la lawɛ ba bii tɔ sie mɔɔ Lea ne o bii teŋɛ, asɛ Rakɛl ne Josef ka mun ta. 3Jekɔb berɔ ka tɔ ba bwa sie, asɛ waa dɛ bɛne Esɔ la, o ba harɛ kera anuanɛ mɔɔ dɛ tel o be. 4Esɔ aa nao la, o chwao dɛ ka ɡbaaro pɛl o te dɛ kpɔ o nɔɔra dawɛ o vaama ta dɛ mo o lwɛɛma, ba bwa berɛ wi. 5Esɔ na haahna la ne bechale la, dɛ pɛɛro ŋɔ, “Aah bamewa ɡee ja he nɛɛ nɔɔ?”
Asɛ Jekɔb chaŋe dɛ ŋɔ, “A ɡɛ bii nɔ, Korowiirii sune n nɛɛ dɛ kpɔ ba tɛ mɛ.”
6Anee o toli la ne ba bii ba ɡuŋi Esɔ harɛ, 7asɛ Lea ɡe ne o bii ba ɡuŋu, asɛ Josef ne Rakɛl ɡe ka mun dɛ ba ɡuŋu harɛ.
8Esɔ bɔɔro ŋɔ, “Nɛra maa chem ba ba kpɔ kondɛɛra damanta dɛɛ kaa la ɡe sɛ?”
Anee Jekɔb chaŋe ŋɔ, “N kpɔa dɛɛ ba ba tɛɛ ásɛ he sie lɛ n nɛ.”
9Belaa Esɔ ŋɔ, “N nime dɛɛɡe, anɔ la n ɡbabir aa dɔa warɔ. Gel a che tɛɛ.”
10Anee Jekɔb ɡe ŋɔ, “Akai, n dɛ soŋe dɛ he sie lɛ n nɛɛ tenaa he kpɔ. Taraken maa nae nɔ, a denɔ ɛɛ mɛ kɛŋɔ maa na Korowii ken. 11N poori, sɛh dɛ́ lɛ kwaa maa kpɔa dɛɛ tɛɛ nɔ. Korowii cha mɛ kohona dɛ sune n nɛɛ asɛ dɛ tɛ mɛ komɛlbwa.” Ba bolɔ la sie kɛrɛdɛ mɔɔ Esɔ ta ba lɛ.
12Asɛ Esɔ ŋɔ, “Ya kaa. Kɛ mɛɛ tɔ he siee.”
13Jekɔb ɡe berɔ ŋɔ o be ŋɔ, “He nao kɛŋɔ n bii nɔ nɔn kao, asɛ n peera ne nae ne a bii aa dɛ ɔr la bwa ɡe waa hiah mɛ. Maa won kpɔa valɛ kohona tɔpebir a ba serewe. 14Amɔ tɔ sie ásɛ n ɡe ne n nae nɔ ne n bii nɔ valɛ tama tama ka tel kɛŋɔ yaa ba he be Edom.”
15Anee Esɔ ŋɔ, “Amɔ mɛɛ ɡel n bonɔɔna nɔ bini banee tɛɛ he ne baa ba.”
Asɛ Jekɔb ŋɔ, “Bonɔɔna la ɡela dɛ tɛ mɛ te waa ta hiaeh. Nyinaa mɛɛ nyin kɛŋɔ he sie lɛ n nɛ.” 16Awola tenten la, Esɔ ne o bonɔɔna la chiɡ ŋwɛnɛ ta dɛ kaa Edom harɛ ta. 17Kɛ Jekɔb te kaa Sukot harɛ ta, dɛ ka do o dea, asɛ dɛ do patare tɛ o kondɛɛra ɡe. A waa ba pa bela sɔn Sukot la. O munii patare.
18Waa le Mɛsopoteemea la, o kaa bwɛjen Sɛkem waa lɔ Keenan harɛ ta, dɛ ka baŋre o tɛnte dea bɛne bwɛjen la.#Mum 28:15 19O yawɛ harɛ waa baŋre o tɛnte dea o ta la suuɡapoŋa lafa le Sɛkem mɛɛ Hamɔ bii be.#Mum 12:6 20O ɛ kon baa ɛ saraha o ta dɛɛ tɛ Korowii bela, asɛ dɛ pa o sɔn ‘Korowii Israel tena aa dɛ tomɔ’.#33:20 Hibru tena wobol ta Ɛl Ɛlɔhe Israel munii Korowii Israel tena aa dɛ tomɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.