Mumpar 32
32
Jekɔb kpɔ o te dɛ́ ka cheme Esɔ
1Jekɔb chiɡ ŋwɛnɛ ta dɛɛ kaa, asɛ nyundua toroma ba chemo. 2Waa na ba la, anee o ŋɔ, “Korowii soŋnibɔree bonɔ.” Asɛ dɛ pa bela sɔn Mahanaim.
3Belaa Jekɔb tomɛ toroma ŋɔ bá tɔ o sie dɛ́ kaa o dɔɔ Esɔ be. Dɛ Esɔ soɡe harɛ bɛl baa dɛ yerɛ bela Edom. 4Jekɔb do toroma la ŋɔ bá ka ŋɔ o be ŋɔ, “He bonɔɔ Jekɔb ŋɔ, o kaa so Laban be, belaa o do dɛ ba le fini, 5o dɔ nae ne keeɡore, ne boohna ne peera dɛ nɛndɔɔla baala ne haahna bwa. Taraken, o dɛ tomɛ nɛra ŋɔ ba ba bol hen haa ɛ o dɔɔ be, ásɛ he jemɛ o waa dɛ́ lɛo silɛɛ ne.”
6Toroma la aa bera ba la, ba baa bol o be ŋɔ, “Ya kaa bol he dɔɔ Esɔ be. Baala lafraanaarɛ ja o nɛ do ŋwɛnɛ ta taraken dɛɛ ba dɛ́ ba cheme.” 7Jekɔb aa no ɡɛ la, o ɔmɔ kohona o bwara yɔr, asɛ dɛ bɔne o nɛra la ne peera ne nae, dɛ nyoɡmare la bini bɔre anɛ. 8O liiro kɛŋɔ dɛ Esɔ ba dɛ yo baŋ bɛl nɛra aa, ba kar la ɛɛ won dɔ bɔr dɛ́ chwa kaa.
9Belaa o soŋe Korowii ŋɔ, “Korowii n nabaa Abraham ne n mɛɛ Aesek aa tomɛ, hen ŋɔ n be ŋɔ ń berɛ kaa n bwɛ n lolanar bini, dɛ ŋɔ hɛɛ ɡeloo n wobɛlbwa do wer. 10He teŋa haa teŋa dɛɛ nyin mɛ, ne he kasinteŋ haa ɡela n na nɔ bini bɛlbwa ta men maa ɛ he bonɔɔ nɔ chɛɛ. N fa aa ɡale Jɔɔdan Moo la, dɛ n ta komɛlbwa kpoŋe nemenɛ n daŋɡbala ɡbo, taraken he berɛ ɡel n ya dɛ ɛ nɛmbele banɛ. 11N dɛ soŋe kɛŋɔ he lɛɛ mɛ le n dɔɔ Esɔ nɔn ta. N dɛ ɔmɛ kɛŋɔ o bɛ yaa ba yo, dɛ́ kpoo n ne n haahna ne bii bwa. 12Henee ŋɔa ŋɔ hɛɛ ɡeloo he naanar warɛ kɛŋɔ, mpo nyoa hɛŋle nomɛlbwa aa wola won kur ba.”#Mum 22:17
13Jekɔb chɔ bela awola jwaana la bwa, asɛ dɛ chale o kondɛɛra la bini ane dɛ́ kpɔ ka tɛ Esɔ. 14O lawɛ bohneenanar lafraanɛ ne bombala fifraanɛ, peneenanar lafraanɛ dɛ pebala fifraanɛ, 15nyoɡma neenanar fifraatoro ne a bii, naneenanar fifraanaarɛ ne ambala ɡe fi ne keeɡo neenanar fifraanɛ dɛ ambala ɡe fi. 16Kondɛɛra waa peɡri a bini la, o ŋɔ bá kpɔ ka tɛ o dɔɔ, a bɛlbwa kapa ne nɛn waa dɛ nyiŋa. Asɛ dɛ ŋɔ o bonɔɔna la be ŋɔ, “Hé tɔ n sie, ásɛ dɛ ɡel he baahna tɛr.”
17O ŋɔ o bonɔɔ waa tɔ sie la be ŋɔ, “Dɛ n dɔɔ Esɔ cheme dɛ bɔɔre ŋɔ he dɔɔree umeo? Leperaa hɛɛ kaa lɔ? Ume kondɛɛraa he kpɔ dɛɛ kaa laa, 18he chaŋe ŋɔ, ‘He bonɔɔ Jekɔb kwaa. O lawa ŋɔ ń kpɔ ka tɛ o dɔɔ Esɔ. O ɡe lɔ mun ta dɛɛ ba.’ ” 19Gɛ tentenee o ŋɔ nɛn nɛɛte, ne toorote, ne banɔ la bwa waa kpɔ kondɛɛra do ba nɔn ta la be ŋɔ, “Dɛ he cheme Esɔ aa, hé bwa ɡe ŋɔ o be ɡɛ. 20Hé berɛ ɡel ó jemɛ kɛŋɔ o bonɔɔ Jekɔb ɡe lɔ habɔɔ dɛɛ ba. Dɛ ń tɔ sie, dɛ́ kpɔ koŋkɛɛla nɔ ba tɛɛ, ásɛ mɔɔ o tel he be. Ásɛ dɛ he nao waa, he ken ɛɛ kpɔɔ kɛɔ.” 21Ba kpɔ koŋkɛɛla la tɔ sie dɛ kaa asɛ o te berɛ chɔ bela waa choɡa la.
Jekɔb ne nyundua torome jwiira wa
22Awola jwaana ne la, o iro dɛ kpɔ o haahna banɛ Bilha ne Silpa, dɛ o toli banɛ ne o bii fi dɛ beŋkpoŋ la dɛ kpɔ ba le Jabɔk Moo leebɔɔ. 23Waa kpɔ ba le nee la tonɛ la, o berɛ ba kpɔ komɛlbwa ɡe waa dɔa la ɡe le, 24asɛ dɛ ɡbo ka baŋ bela. Belaa baa bɛl ba jwiiru, ba kpoŋe dɔŋa bini awola jwaana la ne, dɛ ka tel kɛŋɔ aa baa ka tama ásɛ bɔr chaah. 25Baa la aa baa na kɛŋɔ waa won ɡo Jekɔb la, o kpɔ nɔn lɔ Jekɔb kɛɡra asɛ o sor. 26Baa la ŋɔ, “Kpɔ mɛ ta n kaa, bɔr dɛ chaah.” Asɛ Jekɔb ŋɔ, “Maa hen ta, nemenɛ haa swee andɛɛɡa tɛ mɛ mɔɔ.”
27Baa la bɔɔro ŋɔ, “He sɔne ɛrɔɔ?”
Anee o ŋɔ, “N sɔne Jekɔb.”
28Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”
29Jekɔb ŋɔ o be ŋɔ, “N poori, chaɡ mɛ he sɔn.”
Anee o chaŋe ŋɔ, “Ɛrɛ waa hɛɛ nyin dɛ́ jemɛ n sɔn nɔɔ?” Asɛ o swee andɛɛɡa tɛo bela.
30Belaa o ŋɔ, “N na Korowii siwi ne dɛ ta so mkpa ta.” Anomanta, o pa bela sɔn Pɛneɛl. 31Jekɔb aa le Pɛneɛl dɛɛ kaa la dɛ wee leɔ. O kɛɡra la aa sora nomanta, dɛ o dɛ chole o ta. 32Dɛ kpoŋe ba le fini Israel tena aa ol kɛɡra di. Baa la aa kpɔ nɔn lɔ Jekɔb kɛɡra ta o sor la nomanta.
Currently Selected:
Mumpar 32: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 32
32
Jekɔb kpɔ o te dɛ́ ka cheme Esɔ
1Jekɔb chiɡ ŋwɛnɛ ta dɛɛ kaa, asɛ nyundua toroma ba chemo. 2Waa na ba la, anee o ŋɔ, “Korowii soŋnibɔree bonɔ.” Asɛ dɛ pa bela sɔn Mahanaim.
3Belaa Jekɔb tomɛ toroma ŋɔ bá tɔ o sie dɛ́ kaa o dɔɔ Esɔ be. Dɛ Esɔ soɡe harɛ bɛl baa dɛ yerɛ bela Edom. 4Jekɔb do toroma la ŋɔ bá ka ŋɔ o be ŋɔ, “He bonɔɔ Jekɔb ŋɔ, o kaa so Laban be, belaa o do dɛ ba le fini, 5o dɔ nae ne keeɡore, ne boohna ne peera dɛ nɛndɔɔla baala ne haahna bwa. Taraken, o dɛ tomɛ nɛra ŋɔ ba ba bol hen haa ɛ o dɔɔ be, ásɛ he jemɛ o waa dɛ́ lɛo silɛɛ ne.”
6Toroma la aa bera ba la, ba baa bol o be ŋɔ, “Ya kaa bol he dɔɔ Esɔ be. Baala lafraanaarɛ ja o nɛ do ŋwɛnɛ ta taraken dɛɛ ba dɛ́ ba cheme.” 7Jekɔb aa no ɡɛ la, o ɔmɔ kohona o bwara yɔr, asɛ dɛ bɔne o nɛra la ne peera ne nae, dɛ nyoɡmare la bini bɔre anɛ. 8O liiro kɛŋɔ dɛ Esɔ ba dɛ yo baŋ bɛl nɛra aa, ba kar la ɛɛ won dɔ bɔr dɛ́ chwa kaa.
9Belaa o soŋe Korowii ŋɔ, “Korowii n nabaa Abraham ne n mɛɛ Aesek aa tomɛ, hen ŋɔ n be ŋɔ ń berɛ kaa n bwɛ n lolanar bini, dɛ ŋɔ hɛɛ ɡeloo n wobɛlbwa do wer. 10He teŋa haa teŋa dɛɛ nyin mɛ, ne he kasinteŋ haa ɡela n na nɔ bini bɛlbwa ta men maa ɛ he bonɔɔ nɔ chɛɛ. N fa aa ɡale Jɔɔdan Moo la, dɛ n ta komɛlbwa kpoŋe nemenɛ n daŋɡbala ɡbo, taraken he berɛ ɡel n ya dɛ ɛ nɛmbele banɛ. 11N dɛ soŋe kɛŋɔ he lɛɛ mɛ le n dɔɔ Esɔ nɔn ta. N dɛ ɔmɛ kɛŋɔ o bɛ yaa ba yo, dɛ́ kpoo n ne n haahna ne bii bwa. 12Henee ŋɔa ŋɔ hɛɛ ɡeloo he naanar warɛ kɛŋɔ, mpo nyoa hɛŋle nomɛlbwa aa wola won kur ba.”#Mum 22:17
13Jekɔb chɔ bela awola jwaana la bwa, asɛ dɛ chale o kondɛɛra la bini ane dɛ́ kpɔ ka tɛ Esɔ. 14O lawɛ bohneenanar lafraanɛ ne bombala fifraanɛ, peneenanar lafraanɛ dɛ pebala fifraanɛ, 15nyoɡma neenanar fifraatoro ne a bii, naneenanar fifraanaarɛ ne ambala ɡe fi ne keeɡo neenanar fifraanɛ dɛ ambala ɡe fi. 16Kondɛɛra waa peɡri a bini la, o ŋɔ bá kpɔ ka tɛ o dɔɔ, a bɛlbwa kapa ne nɛn waa dɛ nyiŋa. Asɛ dɛ ŋɔ o bonɔɔna la be ŋɔ, “Hé tɔ n sie, ásɛ dɛ ɡel he baahna tɛr.”
17O ŋɔ o bonɔɔ waa tɔ sie la be ŋɔ, “Dɛ n dɔɔ Esɔ cheme dɛ bɔɔre ŋɔ he dɔɔree umeo? Leperaa hɛɛ kaa lɔ? Ume kondɛɛraa he kpɔ dɛɛ kaa laa, 18he chaŋe ŋɔ, ‘He bonɔɔ Jekɔb kwaa. O lawa ŋɔ ń kpɔ ka tɛ o dɔɔ Esɔ. O ɡe lɔ mun ta dɛɛ ba.’ ” 19Gɛ tentenee o ŋɔ nɛn nɛɛte, ne toorote, ne banɔ la bwa waa kpɔ kondɛɛra do ba nɔn ta la be ŋɔ, “Dɛ he cheme Esɔ aa, hé bwa ɡe ŋɔ o be ɡɛ. 20Hé berɛ ɡel ó jemɛ kɛŋɔ o bonɔɔ Jekɔb ɡe lɔ habɔɔ dɛɛ ba. Dɛ ń tɔ sie, dɛ́ kpɔ koŋkɛɛla nɔ ba tɛɛ, ásɛ mɔɔ o tel he be. Ásɛ dɛ he nao waa, he ken ɛɛ kpɔɔ kɛɔ.” 21Ba kpɔ koŋkɛɛla la tɔ sie dɛ kaa asɛ o te berɛ chɔ bela waa choɡa la.
Jekɔb ne nyundua torome jwiira wa
22Awola jwaana ne la, o iro dɛ kpɔ o haahna banɛ Bilha ne Silpa, dɛ o toli banɛ ne o bii fi dɛ beŋkpoŋ la dɛ kpɔ ba le Jabɔk Moo leebɔɔ. 23Waa kpɔ ba le nee la tonɛ la, o berɛ ba kpɔ komɛlbwa ɡe waa dɔa la ɡe le, 24asɛ dɛ ɡbo ka baŋ bela. Belaa baa bɛl ba jwiiru, ba kpoŋe dɔŋa bini awola jwaana la ne, dɛ ka tel kɛŋɔ aa baa ka tama ásɛ bɔr chaah. 25Baa la aa baa na kɛŋɔ waa won ɡo Jekɔb la, o kpɔ nɔn lɔ Jekɔb kɛɡra asɛ o sor. 26Baa la ŋɔ, “Kpɔ mɛ ta n kaa, bɔr dɛ chaah.” Asɛ Jekɔb ŋɔ, “Maa hen ta, nemenɛ haa swee andɛɛɡa tɛ mɛ mɔɔ.”
27Baa la bɔɔro ŋɔ, “He sɔne ɛrɔɔ?”
Anee o ŋɔ, “N sɔne Jekɔb.”
28Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”
29Jekɔb ŋɔ o be ŋɔ, “N poori, chaɡ mɛ he sɔn.”
Anee o chaŋe ŋɔ, “Ɛrɛ waa hɛɛ nyin dɛ́ jemɛ n sɔn nɔɔ?” Asɛ o swee andɛɛɡa tɛo bela.
30Belaa o ŋɔ, “N na Korowii siwi ne dɛ ta so mkpa ta.” Anomanta, o pa bela sɔn Pɛneɛl. 31Jekɔb aa le Pɛneɛl dɛɛ kaa la dɛ wee leɔ. O kɛɡra la aa sora nomanta, dɛ o dɛ chole o ta. 32Dɛ kpoŋe ba le fini Israel tena aa ol kɛɡra di. Baa la aa kpɔ nɔn lɔ Jekɔb kɛɡra ta o sor la nomanta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.