Mumpar 22
22
Korowii aa daah Abraham na wa
1Waa nɔ bwa habɔɔ la, Korowii daah Abraham dɛ́ na ɡɛ waa dɛ yaradao. O yerɔ, “Abraham,” asɛ o sɛh ŋɔ “N Naa Korowii, menee nɔ.”#Hib 11:17-19
2Belaa o ŋɔ o be ŋɔ, “Kpɔ he bibeŋkpoŋ Aesek haa dɛ nyin o waa la kaa Moria harɛ ta dɛ́ ka kpoo, dɛ́ fuuh ɛ saraha tɛ mɛ. Mɛɛ baɡlee bwejen bɛl haa ka ɛ saraha la o taa.”#2We 3:1
3Tɔ aa per chɔmbibii la, o iro do o bone dɛ vɔwɛ dawɛ keeɡo nɛ. O kpɔ o bonɔɔna banɛ ne o bie Aesek, ne daa waa ka mar dɛ ɛ saraha la, asɛ ba chiɡ ŋwɛnɛ ta dɛɛ kaa bela Korowii aa baɡlo la. 4Tɔpetooro wee la, o ha sie nyiŋi dɛ na bela Korowii aa baɡlo la bojaŋ. 5O ŋɔ o bonɔɔna la be ŋɔ, “Hé ne keeɡo nɔ che bonɔ, ásɛ n ne bie nɔ ka soŋe Korowii dɛ́ berɛ ba.” 6Ate, o laa daa baa ka mar la kpɔ choɡ Aesek, dɛ ɡe kpɔ kere ne nii kpoŋe baa kaa. 7Belaa Aesek yerɛ o mɛɛ Abraham ŋɔ, “N mɛɛ,” asɛ o sɛh ŋɔ, “N biee hen.” Anee Aesek chaŋe ŋɔ, “Nii ne daaree nɔ, aah leperaa pee haa dɛ ba kpɔe ɛ saraha la te dɔɔ?”
8Asɛ Abraham chaŋe ŋɔ, “N bie, Korowii ɡbaɡbaa dɛ́ tɛ pee maa kpɔ ɛ saraha la.” Ba nɛra banɛ la bwa berɛ tɛr do dɛɛ kaa.#Mum 22:13; Jɔn 1:29 9Baa kaa tel bela Korowii aa chaɡle Abraham la, o kwaa kon baa dɛ fuh kwaa o ta dɛɛ jam Korowii la bɛl bela, asɛ dɛ pa daa darawe o ta. O vɔrɔwe o bie Aesek dɛ kpɔɔ dawɛ daa la doa.#Jem 2:21-23 10Belaa o ha nɔn kpɔ kere la dɛ́ fee kpɔ kpo o bie la. 11Asɛ Korowii nyundua torome bɛl che nyundua yerɔ, “Abraham!” Anee o sɛh ŋɔ, “Menee nɔ.” 12Asɛ o ŋɔ, “Dɛɛ berɛ bie la wobɛlbwa ɛɛ. Namee n ta jemɛ kɛŋɔ he dɛ ɔmɛ Korowii, dɛkalkɛ he ta men he bibeŋkpoŋ nɔ kwaraa vɔmɛ.”
13Abraham ha sie nyiŋi, asɛ dɛ na pebal o nyeɡlare aa karɛ kaɡra ane ta o che. Asɛ o ka lawɔ dɛ kpoo, dɛ kpɔ chiɡ o bie la naa ta, dɛ fuh ɛ saraha tɛ Korowii. 14Anomanta, o pa bela sɔn ‘Korowii Dɛɛ Tɛ.’#Kaa 17:15 Dɛ ba le fini, ba dɛ bol bela waa ŋɔ, “Korowii ɛɛ tɛo o bwe la doa.”
15Belaa Korowii nyundua torome#22:15 Korowii nyundua torome nɔ ɛ Korowii ɡbaɡba. la che nyundua dɛ yerɛ nɛɛtena ja 16dɛ ŋɔ, “N ŋwɛɛ n ɡbaɡba kɛŋɔ waa nɔ haa ɛa he ta men he bibeŋkpoŋ kwaraa vɔmɛ nomanta, 17mɛɛ tɛɛ hɛɛra tentenee. Mɛɛ ɡeloo he naanar warɛ kɛŋɔ weweela ne mpo nyoa hɛŋle. He naanar ɛɛ yoo lɛ ba dɔma bwɛɛre dɛɛ di a kpeɡri,#1Ko 4:20 18ásɛ a che ba nɛɛ ń tɛ nɛwɛnyina bwa hɛɛra. Mɛɛ ɛ ɡɛɛ dɛkalkɛ, he ɛ waa maa dɛ nyin.”#Mum 18:18; 26:5
19Belaa Abraham berɛ ba o bonɔɔna la be, asɛ ba ir ba Beɛseeba, Abraham so bela.
Neehɔ bibaala wa
20Anɔ bwa habɔɔ la, ba ŋɔ Abraham be ŋɔ Milka lolɛ bibaala banuatoro tɛ o nime Neehɔ. 21O biloɡlee Us. Us nimanar ɡee Bus ne Kɛmoɛl waa lolɛ Aram, 22ne Kɛsɛd ne Haso ne Peldas ne Jidlaf dɛ Bɛtoɛl. 23Bɛtoɛl lolɛ Rebɛka. A ɡɛ bii banuatoro nɔɔ Milka lolɛ tɛ Abraham nime Neehɔ. 24Dɛ o ne haah bɛl soɡo o ɛ o sɛno baa yerɔ Reuma. O ɡe bii waa lol ba laanee Teba ne Gaham ne Tahas dɛ Maaka.
Currently Selected:
Mumpar 22: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 22
22
Korowii aa daah Abraham na wa
1Waa nɔ bwa habɔɔ la, Korowii daah Abraham dɛ́ na ɡɛ waa dɛ yaradao. O yerɔ, “Abraham,” asɛ o sɛh ŋɔ “N Naa Korowii, menee nɔ.”#Hib 11:17-19
2Belaa o ŋɔ o be ŋɔ, “Kpɔ he bibeŋkpoŋ Aesek haa dɛ nyin o waa la kaa Moria harɛ ta dɛ́ ka kpoo, dɛ́ fuuh ɛ saraha tɛ mɛ. Mɛɛ baɡlee bwejen bɛl haa ka ɛ saraha la o taa.”#2We 3:1
3Tɔ aa per chɔmbibii la, o iro do o bone dɛ vɔwɛ dawɛ keeɡo nɛ. O kpɔ o bonɔɔna banɛ ne o bie Aesek, ne daa waa ka mar dɛ ɛ saraha la, asɛ ba chiɡ ŋwɛnɛ ta dɛɛ kaa bela Korowii aa baɡlo la. 4Tɔpetooro wee la, o ha sie nyiŋi dɛ na bela Korowii aa baɡlo la bojaŋ. 5O ŋɔ o bonɔɔna la be ŋɔ, “Hé ne keeɡo nɔ che bonɔ, ásɛ n ne bie nɔ ka soŋe Korowii dɛ́ berɛ ba.” 6Ate, o laa daa baa ka mar la kpɔ choɡ Aesek, dɛ ɡe kpɔ kere ne nii kpoŋe baa kaa. 7Belaa Aesek yerɛ o mɛɛ Abraham ŋɔ, “N mɛɛ,” asɛ o sɛh ŋɔ, “N biee hen.” Anee Aesek chaŋe ŋɔ, “Nii ne daaree nɔ, aah leperaa pee haa dɛ ba kpɔe ɛ saraha la te dɔɔ?”
8Asɛ Abraham chaŋe ŋɔ, “N bie, Korowii ɡbaɡbaa dɛ́ tɛ pee maa kpɔ ɛ saraha la.” Ba nɛra banɛ la bwa berɛ tɛr do dɛɛ kaa.#Mum 22:13; Jɔn 1:29 9Baa kaa tel bela Korowii aa chaɡle Abraham la, o kwaa kon baa dɛ fuh kwaa o ta dɛɛ jam Korowii la bɛl bela, asɛ dɛ pa daa darawe o ta. O vɔrɔwe o bie Aesek dɛ kpɔɔ dawɛ daa la doa.#Jem 2:21-23 10Belaa o ha nɔn kpɔ kere la dɛ́ fee kpɔ kpo o bie la. 11Asɛ Korowii nyundua torome bɛl che nyundua yerɔ, “Abraham!” Anee o sɛh ŋɔ, “Menee nɔ.” 12Asɛ o ŋɔ, “Dɛɛ berɛ bie la wobɛlbwa ɛɛ. Namee n ta jemɛ kɛŋɔ he dɛ ɔmɛ Korowii, dɛkalkɛ he ta men he bibeŋkpoŋ nɔ kwaraa vɔmɛ.”
13Abraham ha sie nyiŋi, asɛ dɛ na pebal o nyeɡlare aa karɛ kaɡra ane ta o che. Asɛ o ka lawɔ dɛ kpoo, dɛ kpɔ chiɡ o bie la naa ta, dɛ fuh ɛ saraha tɛ Korowii. 14Anomanta, o pa bela sɔn ‘Korowii Dɛɛ Tɛ.’#Kaa 17:15 Dɛ ba le fini, ba dɛ bol bela waa ŋɔ, “Korowii ɛɛ tɛo o bwe la doa.”
15Belaa Korowii nyundua torome#22:15 Korowii nyundua torome nɔ ɛ Korowii ɡbaɡba. la che nyundua dɛ yerɛ nɛɛtena ja 16dɛ ŋɔ, “N ŋwɛɛ n ɡbaɡba kɛŋɔ waa nɔ haa ɛa he ta men he bibeŋkpoŋ kwaraa vɔmɛ nomanta, 17mɛɛ tɛɛ hɛɛra tentenee. Mɛɛ ɡeloo he naanar warɛ kɛŋɔ weweela ne mpo nyoa hɛŋle. He naanar ɛɛ yoo lɛ ba dɔma bwɛɛre dɛɛ di a kpeɡri,#1Ko 4:20 18ásɛ a che ba nɛɛ ń tɛ nɛwɛnyina bwa hɛɛra. Mɛɛ ɛ ɡɛɛ dɛkalkɛ, he ɛ waa maa dɛ nyin.”#Mum 18:18; 26:5
19Belaa Abraham berɛ ba o bonɔɔna la be, asɛ ba ir ba Beɛseeba, Abraham so bela.
Neehɔ bibaala wa
20Anɔ bwa habɔɔ la, ba ŋɔ Abraham be ŋɔ Milka lolɛ bibaala banuatoro tɛ o nime Neehɔ. 21O biloɡlee Us. Us nimanar ɡee Bus ne Kɛmoɛl waa lolɛ Aram, 22ne Kɛsɛd ne Haso ne Peldas ne Jidlaf dɛ Bɛtoɛl. 23Bɛtoɛl lolɛ Rebɛka. A ɡɛ bii banuatoro nɔɔ Milka lolɛ tɛ Abraham nime Neehɔ. 24Dɛ o ne haah bɛl soɡo o ɛ o sɛno baa yerɔ Reuma. O ɡe bii waa lol ba laanee Teba ne Gaham ne Tahas dɛ Maaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.