Mumpar 21
21
Aesek lola wa
1Korowii aa baɡɛ Saara nyoa la, o chao dɛ ɡel o nyobaɡa la ɛ ɡɛ. 2Saara kpoŋe tea, dɛ lolɛ bibaa tɛ Abraham o hwɛɛhra bini, ɡɛ saŋ tenten Korowii aa baɡɔ nyoa ŋɔ baa lolɛ bie laanee la.#Hib 11:11 3Asɛ Abraham pa bie la Saara aa lola tɛo la sɔn Aesek. 4O bie Aesek aa dɔ yawanyoa la, o teŋe o pen ɡɛ Korowii aa ŋɔ o be la.#Mum 17:12 5Baa lolɛ Aesek la, dɛ Abraham dɔ bene lafa.
6Anee Saara ŋɔ, “Korowii tɛ mɛ silɛɛ dɛ ŋɔ n mamɛ name, nomɛlbwa waa ba no ɡɛ waa nɔ la ɡe sie ɛɛ lɛo ó mamɛ.” 7Dɛ berɛ ŋɔ, “Dɛ nɛn ŋɔ Abraham be ŋɔ n ɡe Saara ɛɛ sɔɔh biirii yaa, ba fe aa ŋɔ n nyosone naa? Kɛ n lolɛ bibaa tɛo o banjeni saŋ.”
Heeɡa ne o bie Ismael doŋa wa
8Aesek kpeɡo ba teŋo el. Awola baa teŋo el la tenten la, Abraham ɡelɔ ba ɛ kondikwaa ba kpɔ lɛ ba sie.
9Awola bɛl, Saara na Heeɡa waa le Ijipt harɛ la bie o ne Abraham aa lolɔ la kɛŋɔ, o ne o bie la aa dɛ hɛlɛ wɛɛ muɡli o baah. 10Belaa o ŋɔ Abraham be ŋɔ, “Doŋi yomhaah la ne o bie la. Dɛkalkɛŋɔ yomhaah la bie ne n bie Aesek aa won pɛ di he kapɛrɛ a maɡre.”
11Gɛ waa nɔ ha Abraham taeh dɛkalkɛ, o bie a ɡɛ bie la ɡe. 12Anee Korowii ŋɔ o be ŋɔ, “Bɛ ɡel he yomhaah Heeɡa ne o bie la waa hiaeh kwara. He te dɛɛ no Saara be dɛkalkɛ, Aesek luɡe taa hɛɛ ba he naanar maa baɡɛ nyoa la dɔe. 13He yomhaah bie la ɡe la, wɛɛ yao taeh, dɛ́ ɡe dɔ ba harɛ, dɛkalkɛ he bie o ɡe.”#Mum 17:20; 25:12-18
14Anomanta, Abraham iro chɔmbibii dɛ kpɔ kondikwaa ne oltɔn pur, dɛ do nee o bini o su dɛ kpɔ chɔŋɛ Heeɡa vaama ta. O lawɛ bie la ja o nɛ, dɛ ta ba ŋwɛnɛ ba kaa. Heeɡa aa lea kaa la, bobɛl waa ɛ pua hɛŋle ɡbo harɛ baa yerɔ Beɛseebaa o ka do dɛɛ ɡaaɡe.
15Pur bini nee la baa tonɛ o kpɔ bie la ka bil dajeɡa bɛl lɔɡa, 16asɛ dɛ kaa ɡelo dɛ ɛ naɡale lafa del dɛ ka so. O lii o nyu bini ŋɔ, “Maa won che nyiŋi, ásɛ n bie sewɛ n siwi ta.” O soɡe bela dɛ wi kohona.
17Belaa Korowii no bie la wii, asɛ o nyundua torome che nyundua ŋɔ Heeɡa be ŋɔ, “Heeɡa, bɔkwa waa dɛɛ hae nɔ? Bɛ ɔmɛ. Korowii no he bie la waa chɔ bela la wii. 18Anomanta, ir ka kpɔɔ dɛ́ ɡbɛɡbɛo. Mɛɛ ɡeloo o ya taeh o harɛ do kan.”
19Belaa Korowii ɡel o sie chole bule bɛl ta, asɛ o la ka dɔ nee do oltɔn la bini, dɛ ka tɛ bie la ane o nyɔ.
20Korowii kpɔ nɔn tɔ bie la nɛɛ o ba kpeɡ, dɛ so bobɛl baa dɛ yerɛ bela Paran. Bela ɛ pua hɛŋle ɡbo harɛ, asɛ o so bela dɛɛ kpaah to ne kɛrɛdɛ. 21Asɛ o nya nyin Ijipt haah tɛo.
Abraham ne Abemɛlɛk fɔo fɔwa wa
22A ɡɛ saŋ la, Kooro Abemɛlɛk kpɔ o laa tena nomoa Fekɔl dɛ la Abraham be dɛ ka ŋɔ, “He wobɛlbwa haa dɛ ɛ la, Korowii ja he nɛ. 23Anomanta, ŋwɛɛ Korowii kɛŋɔ haa n ne n bii ne naanaree neɡre. Nyiŋi kɛrɛdɛ wedɛɛɡa maa ɛɛ la, ásɛ dɛ kpɔ ɡɛ ɛ n ne harɛ nɔ haa baa so o ta taraken dɛ ɛ hɔɔhra nɔ tena bwa.”
24Asɛ o ŋɔ, “N ŋwɛɛrɔ kɛŋɔ mɛɛ ɛ ɡɛɛ.”
25Belaa o bol o kɔlɔŋ bɛl Kooro Abemɛlɛk bonɔɔna aa kpɔ kpeɡri lɛ la waa baɡlo. 26Asɛ o chaŋe ŋɔ, “Maa nɛra baa ɛ ɡɛ waa nɔ jemɛ bwa. Dɛ fini laa hɛɛ bola nɔ naa, n fe ta an noɛ bwa.” 27Abraham kpɔ peera ne nae tɛo, asɛ ba che a ta dɛ fɔwɛ fɔo. 28Abraham berɔ chale peloni anuanɛ, dɛ le o peera bini dɛ kpɔa ka che baŋ bɛl. 29Asɛ Kooro Abemɛlɛk bɔɔro ŋɔ, “Ɛrɛɛ a mun ɛɛ chaɡle ɔ?”
30Anee o chaŋe ŋɔ, “Lɛ peloni anuanɛ nɔ, ásɛ a ɛ danseɛ kɛŋɔ he sɛoh kɛ menee kwi kɔlɔŋ nɔ.” 31Ba pa bela sɔn Beɛseeba, dɛkalkɛŋɔ belaa ba nɛra banɛ la cheme dɛ fɔwɛ fɔo.
32Ba Beɛseeba fɔo nɔ habɔɔ la, Kooro Abemɛlɛk ne Fekɔl berɔ kaa Filisti tena harɛ ta. 33Asɛ Abraham chɔɔ daa#21:33 A ɡɛ daa nɔ baa yerɔ tamares dɔ papooni hale lɔmɔɡa saŋ, asɛ ba so o lɔɡa dɛɛ tomɛ Korowii. bɛl Beɛseeba bela, dɛɛ tomɛ Korowii waa lole saŋ bɛlbwa la bela. 34Abraham soɡe Filisti tena harɛ ta bela biɡri.
Currently Selected:
Mumpar 21: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mumpar 21
21
Aesek lola wa
1Korowii aa baɡɛ Saara nyoa la, o chao dɛ ɡel o nyobaɡa la ɛ ɡɛ. 2Saara kpoŋe tea, dɛ lolɛ bibaa tɛ Abraham o hwɛɛhra bini, ɡɛ saŋ tenten Korowii aa baɡɔ nyoa ŋɔ baa lolɛ bie laanee la.#Hib 11:11 3Asɛ Abraham pa bie la Saara aa lola tɛo la sɔn Aesek. 4O bie Aesek aa dɔ yawanyoa la, o teŋe o pen ɡɛ Korowii aa ŋɔ o be la.#Mum 17:12 5Baa lolɛ Aesek la, dɛ Abraham dɔ bene lafa.
6Anee Saara ŋɔ, “Korowii tɛ mɛ silɛɛ dɛ ŋɔ n mamɛ name, nomɛlbwa waa ba no ɡɛ waa nɔ la ɡe sie ɛɛ lɛo ó mamɛ.” 7Dɛ berɛ ŋɔ, “Dɛ nɛn ŋɔ Abraham be ŋɔ n ɡe Saara ɛɛ sɔɔh biirii yaa, ba fe aa ŋɔ n nyosone naa? Kɛ n lolɛ bibaa tɛo o banjeni saŋ.”
Heeɡa ne o bie Ismael doŋa wa
8Aesek kpeɡo ba teŋo el. Awola baa teŋo el la tenten la, Abraham ɡelɔ ba ɛ kondikwaa ba kpɔ lɛ ba sie.
9Awola bɛl, Saara na Heeɡa waa le Ijipt harɛ la bie o ne Abraham aa lolɔ la kɛŋɔ, o ne o bie la aa dɛ hɛlɛ wɛɛ muɡli o baah. 10Belaa o ŋɔ Abraham be ŋɔ, “Doŋi yomhaah la ne o bie la. Dɛkalkɛŋɔ yomhaah la bie ne n bie Aesek aa won pɛ di he kapɛrɛ a maɡre.”
11Gɛ waa nɔ ha Abraham taeh dɛkalkɛ, o bie a ɡɛ bie la ɡe. 12Anee Korowii ŋɔ o be ŋɔ, “Bɛ ɡel he yomhaah Heeɡa ne o bie la waa hiaeh kwara. He te dɛɛ no Saara be dɛkalkɛ, Aesek luɡe taa hɛɛ ba he naanar maa baɡɛ nyoa la dɔe. 13He yomhaah bie la ɡe la, wɛɛ yao taeh, dɛ́ ɡe dɔ ba harɛ, dɛkalkɛ he bie o ɡe.”#Mum 17:20; 25:12-18
14Anomanta, Abraham iro chɔmbibii dɛ kpɔ kondikwaa ne oltɔn pur, dɛ do nee o bini o su dɛ kpɔ chɔŋɛ Heeɡa vaama ta. O lawɛ bie la ja o nɛ, dɛ ta ba ŋwɛnɛ ba kaa. Heeɡa aa lea kaa la, bobɛl waa ɛ pua hɛŋle ɡbo harɛ baa yerɔ Beɛseebaa o ka do dɛɛ ɡaaɡe.
15Pur bini nee la baa tonɛ o kpɔ bie la ka bil dajeɡa bɛl lɔɡa, 16asɛ dɛ kaa ɡelo dɛ ɛ naɡale lafa del dɛ ka so. O lii o nyu bini ŋɔ, “Maa won che nyiŋi, ásɛ n bie sewɛ n siwi ta.” O soɡe bela dɛ wi kohona.
17Belaa Korowii no bie la wii, asɛ o nyundua torome che nyundua ŋɔ Heeɡa be ŋɔ, “Heeɡa, bɔkwa waa dɛɛ hae nɔ? Bɛ ɔmɛ. Korowii no he bie la waa chɔ bela la wii. 18Anomanta, ir ka kpɔɔ dɛ́ ɡbɛɡbɛo. Mɛɛ ɡeloo o ya taeh o harɛ do kan.”
19Belaa Korowii ɡel o sie chole bule bɛl ta, asɛ o la ka dɔ nee do oltɔn la bini, dɛ ka tɛ bie la ane o nyɔ.
20Korowii kpɔ nɔn tɔ bie la nɛɛ o ba kpeɡ, dɛ so bobɛl baa dɛ yerɛ bela Paran. Bela ɛ pua hɛŋle ɡbo harɛ, asɛ o so bela dɛɛ kpaah to ne kɛrɛdɛ. 21Asɛ o nya nyin Ijipt haah tɛo.
Abraham ne Abemɛlɛk fɔo fɔwa wa
22A ɡɛ saŋ la, Kooro Abemɛlɛk kpɔ o laa tena nomoa Fekɔl dɛ la Abraham be dɛ ka ŋɔ, “He wobɛlbwa haa dɛ ɛ la, Korowii ja he nɛ. 23Anomanta, ŋwɛɛ Korowii kɛŋɔ haa n ne n bii ne naanaree neɡre. Nyiŋi kɛrɛdɛ wedɛɛɡa maa ɛɛ la, ásɛ dɛ kpɔ ɡɛ ɛ n ne harɛ nɔ haa baa so o ta taraken dɛ ɛ hɔɔhra nɔ tena bwa.”
24Asɛ o ŋɔ, “N ŋwɛɛrɔ kɛŋɔ mɛɛ ɛ ɡɛɛ.”
25Belaa o bol o kɔlɔŋ bɛl Kooro Abemɛlɛk bonɔɔna aa kpɔ kpeɡri lɛ la waa baɡlo. 26Asɛ o chaŋe ŋɔ, “Maa nɛra baa ɛ ɡɛ waa nɔ jemɛ bwa. Dɛ fini laa hɛɛ bola nɔ naa, n fe ta an noɛ bwa.” 27Abraham kpɔ peera ne nae tɛo, asɛ ba che a ta dɛ fɔwɛ fɔo. 28Abraham berɔ chale peloni anuanɛ, dɛ le o peera bini dɛ kpɔa ka che baŋ bɛl. 29Asɛ Kooro Abemɛlɛk bɔɔro ŋɔ, “Ɛrɛɛ a mun ɛɛ chaɡle ɔ?”
30Anee o chaŋe ŋɔ, “Lɛ peloni anuanɛ nɔ, ásɛ a ɛ danseɛ kɛŋɔ he sɛoh kɛ menee kwi kɔlɔŋ nɔ.” 31Ba pa bela sɔn Beɛseeba, dɛkalkɛŋɔ belaa ba nɛra banɛ la cheme dɛ fɔwɛ fɔo.
32Ba Beɛseeba fɔo nɔ habɔɔ la, Kooro Abemɛlɛk ne Fekɔl berɔ kaa Filisti tena harɛ ta. 33Asɛ Abraham chɔɔ daa#21:33 A ɡɛ daa nɔ baa yerɔ tamares dɔ papooni hale lɔmɔɡa saŋ, asɛ ba so o lɔɡa dɛɛ tomɛ Korowii. bɛl Beɛseeba bela, dɛɛ tomɛ Korowii waa lole saŋ bɛlbwa la bela. 34Abraham soɡe Filisti tena harɛ ta bela biɡri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.