Ɛsekeɛl 5
5
Ɛsekeɛl fonɛ o nyu ne o tampona
1Korowii berɔ ŋɔ men Ɛsekeɛl be ŋɔ, “Nɛwɛnyini bie, kpɔ tokobi waa nyɛɡa kɛŋɔ fon dɛ́ fonɛ he nyu ne he tampona. Kpɔ kon maɡɛ pona la ɡɛ a tɔɡre aa doa, dɛ́ bɔne a bini bɔre atoro. 2Fuh bɔre atoro la bini bɔrbeŋkpoŋ bwɛjen haa ɛo la bini saŋ haa tɔɔ do a ba a jaɡa la. Kpɔ tokobi teŋni bɔrbeŋkpoŋ bini bar bwɛjen la bini, dɛ́ kpɔ bɔrbeŋkpoŋ la aa kaa la ɡe ta, ásɛ peu kpɔa kaa, dɛkalkɛ tokobi nee mɛɛ ba ba kpoora. 3Gel pona la tama ka he kpɔ vɔwɛ he batakaare nyoa. 4Berɛ kpɔ anɔ la aa lɔ he batakaare nyoa la tama do nii ta á fuh, a taa nii ɛɛ ba lee dɛ́ ba fuh Israel tena bwa.”
5Nemenɛ Korowii ŋɔ, “Na Jerusalam, n kpɔɔ cheɡ harɛre bwa baah ta a baro cheme. 6Jerusalam tena ɛ deŋnekpeɡ dɛ vɛh me Mmarare ne n waa maa kpɔa tɛɛ ba la ta teŋa. Ba deŋnekpeɡ berɔ ɡwaa harɛre aa bar ba cheme nɛra la kwara.
7Anomanta, men Nemenɛ Korowii bolɔ ŋɔ he Jerusalam tena wechɔɡa ɡwaa nɛra baa bar heyaa cheme la. He ta me Mmarare ta teŋɛ, dɛɛ ɛ waa aa chɛ kɛŋɔ ń pa heyaa bolchɔɡe. He teŋɛ nɛra baa bar heyaa cheme la we-ɛɛla ta.
8Anomanta, men Nemenɛ Korowii ne he Jerusalam tena dɔɔ. Mɛɛ pa heyaa bolchɔɡee harɛre nɛra bwa siwi ta. 9Voɡa maa kia hɛɛ toma nomanta, mɛɛ tɛr he Jerusalam tena deŋnee taeh. N ta ane ɛɛ bwa, maa a dɔŋa ɡee ɛ kpa bwa. 10A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.” 11Anomanta, Nemenɛ Korowii ŋɔ, “N ŋwɛɛrɔ kɛŋɔ, haa kpɔ voɡare ne we-ɛɛla maa kia dɛ kpɔ doŋa ba kah n Dea nɔ, n laa sie kpɔ he nɛ, maa he nɛɛ sune, maa he bwaraa kpɔ kɛ heyaa kpa. 12He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.
13N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.
14Mɛɛ paɡre he bwɛjen laanee, ásɛ harɛre aa bar heyaa cheme nɔ nɛra teŋo baa kaa laa, bá che bojaŋ nyiŋi dɛɛ mamɛ. 15Gɛ saŋ maa tɛr he deŋne bandia kohona ne la, harɛre aa bar heyaa cheme la nɛra ɛɛ ɔmɔɔ taeh, baa he waa nyin, dɛɛ mamɛ heya. 16Mɛɛ tɔɔɡe kondikwaa ŋwɛnɛɛ, ásɛ lɔr kpo heya. Hɛɛ na lɔr weweelee kɛŋɔ baa ta hɛma yaɡɛ heyaa dɛ kpoo heyaa la. 17Mɛɛ kpɔ lɔr ne kpɔɡ bini olchɔɡaa ba ta he nɛ, ásɛ a kpoo he bii. Weechɔɡa ne nɛŋkpoa ɛɛ ba he nɛɛ, ásɛ ba kpoo heyaa laa ta. Men Korowiirii bola.”
Currently Selected:
Ɛsekeɛl 5: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Ɛsekeɛl 5
5
Ɛsekeɛl fonɛ o nyu ne o tampona
1Korowii berɔ ŋɔ men Ɛsekeɛl be ŋɔ, “Nɛwɛnyini bie, kpɔ tokobi waa nyɛɡa kɛŋɔ fon dɛ́ fonɛ he nyu ne he tampona. Kpɔ kon maɡɛ pona la ɡɛ a tɔɡre aa doa, dɛ́ bɔne a bini bɔre atoro. 2Fuh bɔre atoro la bini bɔrbeŋkpoŋ bwɛjen haa ɛo la bini saŋ haa tɔɔ do a ba a jaɡa la. Kpɔ tokobi teŋni bɔrbeŋkpoŋ bini bar bwɛjen la bini, dɛ́ kpɔ bɔrbeŋkpoŋ la aa kaa la ɡe ta, ásɛ peu kpɔa kaa, dɛkalkɛ tokobi nee mɛɛ ba ba kpoora. 3Gel pona la tama ka he kpɔ vɔwɛ he batakaare nyoa. 4Berɛ kpɔ anɔ la aa lɔ he batakaare nyoa la tama do nii ta á fuh, a taa nii ɛɛ ba lee dɛ́ ba fuh Israel tena bwa.”
5Nemenɛ Korowii ŋɔ, “Na Jerusalam, n kpɔɔ cheɡ harɛre bwa baah ta a baro cheme. 6Jerusalam tena ɛ deŋnekpeɡ dɛ vɛh me Mmarare ne n waa maa kpɔa tɛɛ ba la ta teŋa. Ba deŋnekpeɡ berɔ ɡwaa harɛre aa bar ba cheme nɛra la kwara.
7Anomanta, men Nemenɛ Korowii bolɔ ŋɔ he Jerusalam tena wechɔɡa ɡwaa nɛra baa bar heyaa cheme la. He ta me Mmarare ta teŋɛ, dɛɛ ɛ waa aa chɛ kɛŋɔ ń pa heyaa bolchɔɡe. He teŋɛ nɛra baa bar heyaa cheme la we-ɛɛla ta.
8Anomanta, men Nemenɛ Korowii ne he Jerusalam tena dɔɔ. Mɛɛ pa heyaa bolchɔɡee harɛre nɛra bwa siwi ta. 9Voɡa maa kia hɛɛ toma nomanta, mɛɛ tɛr he Jerusalam tena deŋnee taeh. N ta ane ɛɛ bwa, maa a dɔŋa ɡee ɛ kpa bwa. 10A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.” 11Anomanta, Nemenɛ Korowii ŋɔ, “N ŋwɛɛrɔ kɛŋɔ, haa kpɔ voɡare ne we-ɛɛla maa kia dɛ kpɔ doŋa ba kah n Dea nɔ, n laa sie kpɔ he nɛ, maa he nɛɛ sune, maa he bwaraa kpɔ kɛ heyaa kpa. 12He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.
13N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.
14Mɛɛ paɡre he bwɛjen laanee, ásɛ harɛre aa bar heyaa cheme nɔ nɛra teŋo baa kaa laa, bá che bojaŋ nyiŋi dɛɛ mamɛ. 15Gɛ saŋ maa tɛr he deŋne bandia kohona ne la, harɛre aa bar heyaa cheme la nɛra ɛɛ ɔmɔɔ taeh, baa he waa nyin, dɛɛ mamɛ heya. 16Mɛɛ tɔɔɡe kondikwaa ŋwɛnɛɛ, ásɛ lɔr kpo heya. Hɛɛ na lɔr weweelee kɛŋɔ baa ta hɛma yaɡɛ heyaa dɛ kpoo heyaa la. 17Mɛɛ kpɔ lɔr ne kpɔɡ bini olchɔɡaa ba ta he nɛ, ásɛ a kpoo he bii. Weechɔɡa ne nɛŋkpoa ɛɛ ba he nɛɛ, ásɛ ba kpoo heyaa laa ta. Men Korowiirii bola.”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.