Ɛsekeɛl 4
4
Dɔma teera mae dɛ́ sawɛ Jerusalam danjwɛ
1Korowii berɔ ŋɔ men Ɛsekeɛl be ŋɔ, “Nɛwɛnyini bie, nyin berekese dɛ́ kpɔ bil he sie, ásɛ dɛ ɛ bwɛjen Jerusalam dawɛ o ta.#2Ko 25:1 2Ásɛ he ma teera sawɛ danjwɛɛ la, dɛ́ kpɔ bwejeɡre baro, á che tɛ kwaa dɔma aa won che a ta teeh jo bwɛɛ la ta. Ɛ bwejeɡre á che tɛ dɔma la tɛnte deene, dɛ́ kpɔ dakpeɡa baa dɛ ba wona kpɔ kuuɡi danjwɛɛ waa bar bwɛɛ la baro. 3Kpɔ buni loɡ cheɡ he ne berekese la haa ɛ bwɛjen la dawɛ o ta la baah ta, dɛ́ kpɔ sie chaɡɛ bwɛjen la, á do kɛŋɔ he tɔ bwɛjen la do, á baɡle waane tɛ Israel tena dɛ́ kah ba.
4Chɔ he ɡal ta, ásɛ n kpɔ Israel tena wechɔɡa dawɛ he nɛ. Tɔpera haa chɔ he ɡal ta la bwa, ba wechɔɡa ɛɛ dawɛ he nɛɛ he na wahala. 5N kpɔ ba wechɔɡa baa ɛa la bwa dawɛ he nɛ. Tɔpera lafraatoro fifraanuanaarɛɛ hɛɛ ba Israel tena wechɔɡa cheɡa.
6Haa ba tonɛ anɔ la, berɛ chɔ he diɡ ta, dɛ́ lɛ Juda tena ɡe wechɔɡa dawɛ he nɛ. Tɔpera fifraanaarɛɛ n kpɔ tɛɛ, tɔpebeŋkpoŋ bɛlbwa cheɡɔ tɛ benanyoa beŋkpoŋ. 7Berɛ sie chaɡɛ Jerusalam haa ɛo dɛ tɔɔ do la, dɛ́ tɛr nɔn dɛ́ bol waa bandia ne, á baɡle waa aa dɛ ba bala. 8Mɛɛ vɔrɔwee ŋwɛɛra nee, ásɛ haa won berɛ he te, dɛ́ chɔ baŋ bɛl ka tel kɛŋɔ tɔpera haa tɔ bwɛjen la do la aa baa kaa.
9Kpɔ mea bwa soo siwi ne chebe koo dɛ wɔɔ paanoo. Anee hɛɛ ba dii tɔpera lafraatoro fifraanuanaarɛ haa chɔ he ɡal ta la. 10Maɡɛ he tɔpere bɛlbwa kondikwa a tɔɡre tel suuɡapoŋa fifraanɛ.#4:10 He bɔne kilo bini bɔre anue dɛ kpɔ bɔrbeŋkpoŋ aa, a tɔɡre ne suuɡapoŋa fifraanɛ bwa ɛ beŋkpoŋ. 11Nee ɡe haa nyɔ la, dɛɛ nyɔ pɛrɛntoa del tɔpere bɛlbwa. 12He kondikwaa la, kpɔ nɛra benɡewa wɔɔ paanoo la, dɛ́ dia nɛra la bwa siwi ta.” 13Korowii ŋɔ, “Gɛɛ Israel tena ɡe ɛɛ ba kondikwaa aa ɛ kii kwaa dii, awola maa ba lɔ ba peɡre bá ka so harɛfala ta la.”
14Asɛ men Ɛsekeɛl ŋɔ, “Akai Nemenɛ Korowii, le n bechale saŋ ba le fini, n ta konlale kɛɛ kon olchɔɡa aa kpoo kpɔe leɡe n nyoa bwa. Kondikwaa aa ɛ kii kwaa ta n nyoa joɛ bwa.”#Weɛ 10:14
15Ate, Korowii berɛ ŋɔ, “N kpɔ nabena chiɡ nɛn kwaa la naa ta, he kpɔ wɔɔ paanoo la.”
16O berɔ ŋɔ, “Nɛwɛnyini bie, mɛɛ tɔ kondikwaa ŋwɛnɛɛ a waa do tɔɡre Jerusalam. Maɡaa baa ba kondikwaa maɡa dɛɛ di, ásɛ nee waa ɡe do tɔɡre a ha ba, baa dia tebinichɔɡ ne. 17Kondikwaa ne nee waa ɛɛ do tɔɡree ba ɡwaŋre. Ba bɔra ɛɛ yɔr dɔŋa nɛɛ, bá serewe ba wechɔɡa wa.”
Currently Selected:
Ɛsekeɛl 4: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Ɛsekeɛl 4
4
Dɔma teera mae dɛ́ sawɛ Jerusalam danjwɛ
1Korowii berɔ ŋɔ men Ɛsekeɛl be ŋɔ, “Nɛwɛnyini bie, nyin berekese dɛ́ kpɔ bil he sie, ásɛ dɛ ɛ bwɛjen Jerusalam dawɛ o ta.#2Ko 25:1 2Ásɛ he ma teera sawɛ danjwɛɛ la, dɛ́ kpɔ bwejeɡre baro, á che tɛ kwaa dɔma aa won che a ta teeh jo bwɛɛ la ta. Ɛ bwejeɡre á che tɛ dɔma la tɛnte deene, dɛ́ kpɔ dakpeɡa baa dɛ ba wona kpɔ kuuɡi danjwɛɛ waa bar bwɛɛ la baro. 3Kpɔ buni loɡ cheɡ he ne berekese la haa ɛ bwɛjen la dawɛ o ta la baah ta, dɛ́ kpɔ sie chaɡɛ bwɛjen la, á do kɛŋɔ he tɔ bwɛjen la do, á baɡle waane tɛ Israel tena dɛ́ kah ba.
4Chɔ he ɡal ta, ásɛ n kpɔ Israel tena wechɔɡa dawɛ he nɛ. Tɔpera haa chɔ he ɡal ta la bwa, ba wechɔɡa ɛɛ dawɛ he nɛɛ he na wahala. 5N kpɔ ba wechɔɡa baa ɛa la bwa dawɛ he nɛ. Tɔpera lafraatoro fifraanuanaarɛɛ hɛɛ ba Israel tena wechɔɡa cheɡa.
6Haa ba tonɛ anɔ la, berɛ chɔ he diɡ ta, dɛ́ lɛ Juda tena ɡe wechɔɡa dawɛ he nɛ. Tɔpera fifraanaarɛɛ n kpɔ tɛɛ, tɔpebeŋkpoŋ bɛlbwa cheɡɔ tɛ benanyoa beŋkpoŋ. 7Berɛ sie chaɡɛ Jerusalam haa ɛo dɛ tɔɔ do la, dɛ́ tɛr nɔn dɛ́ bol waa bandia ne, á baɡle waa aa dɛ ba bala. 8Mɛɛ vɔrɔwee ŋwɛɛra nee, ásɛ haa won berɛ he te, dɛ́ chɔ baŋ bɛl ka tel kɛŋɔ tɔpera haa tɔ bwɛjen la do la aa baa kaa.
9Kpɔ mea bwa soo siwi ne chebe koo dɛ wɔɔ paanoo. Anee hɛɛ ba dii tɔpera lafraatoro fifraanuanaarɛ haa chɔ he ɡal ta la. 10Maɡɛ he tɔpere bɛlbwa kondikwa a tɔɡre tel suuɡapoŋa fifraanɛ.#4:10 He bɔne kilo bini bɔre anue dɛ kpɔ bɔrbeŋkpoŋ aa, a tɔɡre ne suuɡapoŋa fifraanɛ bwa ɛ beŋkpoŋ. 11Nee ɡe haa nyɔ la, dɛɛ nyɔ pɛrɛntoa del tɔpere bɛlbwa. 12He kondikwaa la, kpɔ nɛra benɡewa wɔɔ paanoo la, dɛ́ dia nɛra la bwa siwi ta.” 13Korowii ŋɔ, “Gɛɛ Israel tena ɡe ɛɛ ba kondikwaa aa ɛ kii kwaa dii, awola maa ba lɔ ba peɡre bá ka so harɛfala ta la.”
14Asɛ men Ɛsekeɛl ŋɔ, “Akai Nemenɛ Korowii, le n bechale saŋ ba le fini, n ta konlale kɛɛ kon olchɔɡa aa kpoo kpɔe leɡe n nyoa bwa. Kondikwaa aa ɛ kii kwaa ta n nyoa joɛ bwa.”#Weɛ 10:14
15Ate, Korowii berɛ ŋɔ, “N kpɔ nabena chiɡ nɛn kwaa la naa ta, he kpɔ wɔɔ paanoo la.”
16O berɔ ŋɔ, “Nɛwɛnyini bie, mɛɛ tɔ kondikwaa ŋwɛnɛɛ a waa do tɔɡre Jerusalam. Maɡaa baa ba kondikwaa maɡa dɛɛ di, ásɛ nee waa ɡe do tɔɡre a ha ba, baa dia tebinichɔɡ ne. 17Kondikwaa ne nee waa ɛɛ do tɔɡree ba ɡwaŋre. Ba bɔra ɛɛ yɔr dɔŋa nɛɛ, bá serewe ba wechɔɡa wa.”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.