Ɛsekeɛl 30
30
Ijipt harɛ wiile
1Korowii bol waa men Ɛsekeɛl be ŋɔ, 2“Nɛwɛnyini bie, bol waa men Nemenɛ Korowii aa ŋɔa a dɛ ba bala dɛ wi ŋɔ,
‘Tɔpere waa do ɔma kohona
dɛ ba!
3Tɔpere la telo tonɛ.
Tɔpere Korowii aa bol Ijipt
harɛ tena waa la telo tonɛ.
Baama ɛɛ tɔɔ awola,
ásɛ harɛre bwa chɔɡ.
4Laa tena dɛ ba ba yo
Ijipt tena,
Itiopia tena loo ɛɛ kuu.
Baa ba kpoo Ijipt tena la,
baa pa ba kondɔɔh kaa,
dɛ́ chɔɡ harɛ la
ó berɛ dimɡbia.
5Baa kpoo Itiopia ne Lidia ne Arab, dɛ Lebya#30:5 Lebya sɔn bɛl ɡee Kub. harɛre laa tena baa kaa kpɔ ba, ba ba cha ba la bwa laa taa, dɛ́ kpoo n nɛra la bini bane ɡe.’ ”
6Anomanta, Korowii ŋɔ,
“Ijipt chamene tena baa dɛ
chao la bwa ɛɛ serewoo.
O laa tena baa do kpeɡri
wɛɛ ɛ mbarafo
ba waa la bwa ɛɛ serewoo.
Baa kpoo ba bwa laa taa
le Miɡdol dɛ ba Aswan.
Men Nemenɛ Korowiirii bola.
7Harɛ la ɛɛ chɔ pɛɛ
harɛre bwa bini,
ásɛ o bwɛjena bwa
ɡe chɔɡ kwaraa
dɛ́ berɛ dimɡbia.
8N ɡelɔ nii ba chɔɡ Ijipt harɛ
dɛ kpoo nɛra
baa dɛ chao waa,
anee baa ba jema
kɛŋɔ menee Korowii.
9Awola tɔpere, mɛɛ tomɛ toromaa bá kpɔ stiimaere ba, dɛ́ ba aah Itiopia tena, dɛ́ le ba ne ba bosɔɔhna ta. Lokua ɛɛ chole ba nɛɛ awola Ijipt aa chɔɡ la. Tɔpere la ɛɛ bao kpela.”
10Nemenɛ Korowii bolɔ ŋɔ,
“Mɛɛ ɡeloo Babelɔn Kooro
Nebukadnesa kpoo Ijipt
harɛ nɛndamanta bwa.
11O ne o laa tena
ba nyu bini aa kpeɡa
kohona ɡwaa harɛre
laa tena ɛɛ bao,
dɛ́ ba chɔɡ harɛ la.
Baa pamɛ ba kerii dɛ́ yo Ijipt
tena, ásɛ Ijipt tena serewe
perɛ harɛ la bwa ta.
12Mɛɛ ɡeloo nenabɔɔne aa
su Nael Moo ta hweeh,
ásɛ dɛ yoɡ harɛ la tɛ
nɛnchɔɡa.
Mɛɛ ɡeloo nɛŋhɔɔhra ba chɔɡ
harɛ la, ne komɛlbwa
aa lɔ o ta o chɔ pɛɛ.
Men Korowiirii bola.”
13Nemenɛ Korowii ŋɔ,
“Mɛɛ chɔɡ voɡaa, ne anɔ la
baa ɛa
a do bwɛjen Mɛmfes bwaa.
Kooro aa Ijipt harɛ taa
do kpa, ásɛ n kpɔ
ɔmee kohona ba ta nɛra nɛɛ
harɛ la ta bwa.
14Mɛɛ chɔɡ Ijipt harɛ
weekaŋle harɛbɔree
o chɔ pɛɛ,
dɛ́ fuh bwɛjen Soan waa lɔ
weekaŋle nyunduabɔr ɡe,
dɛ́ ba tɛr Tebes waa ɛ ba
bwɛjen la tena ɡe deŋne.
15Mɛɛ kpɔ n bandia ba ta
bwɛjen Pɛloseɔm
waa ɛ Ijipt dekpeɡ la taa.
Mɛɛ kpoo nɛndamanta
baa lɔ bwɛjen Tebes ɡe
bwaa.
16Mɛɛ fuh Ijipt harɛɛ,
ásɛ lokua chole
bwɛjen Pɛloseɔm tena nɛ.
Baa kuuɡi bwɛjen Tebes
danjwɛɛre aa baroo la,
ásɛ bwɛjen Mɛmfes tena
ɛɛ na weweele saŋ bɛlbwa.
17Baa kpoo bonɔɔna baa lɔ
bwɛjena Hɛleopɔles
ne Bubastis laa taa,
ásɛ dɛ lawɛ bwɛjena la
nɛra bane kaa.
18N baa sɔɔh Ijipt harɛ kpeɡri
nyoa aa, bɔr dɛ ba bira
bwɛjen Tapanes,
ásɛ Ijipt harɛ kpeɡri
baa cheɡɛ a ta
dɛɛ ɛ mbarafo la ba a jaɡa.
Baama ɛɛ tɔ o bwaa,
ásɛ ba lawɛ nɛra baa lɔ
o bwɛjeɡre ta kaa.
19Gɛɛ mɛɛ ba Ijipt tena
deŋne tɛra, ásɛ ba jemɛ
kɛŋɔ menee Korowii.”
20Baa lawɛ yaa laa ta kaa bojaŋ harɛfale ta bene fi dɛ beŋkpoŋ, korobiloɡle la tɔpenuanɛ ta la, Korowii bol waa men Ɛsekeɛl be ŋɔ, 21“Nɛwɛnyini bie, n pɔ Ijipt kooro nɛ. A do kɛŋɔ maa ku o nɔn ba ta on vɔwɛ o choŋi dɛ do kpeɡri, dɛ́ won lawɛ kere kpoŋe la ken. 22Anomanta, men Nemenɛ Korowii ne Ijipt kooro dɔɔ. Mɛɛ ku o nɔɔraa, ásɛ kere la le o nɔn ta le harɛ. 23N dɛ ba Ijipt tena bwa lɔe peɡre harɛre bwa ta. 24Mɛɛ ɡeloo Babelɔn kooro do kpeɡri, dɛ́ kpɔ n kere do o nɔn ta. Kɛ Ijipt kooro te, mɛɛ kuuɡi o nɔɔraa, ásɛ o bwara nyɛɡo wɛɛ pɛmɛ Babelɔn kooro sie, dɛ́ sewɛ. 25Gɛɛ, mɛɛ ɡeloo Ijipt kooro sɔɔh, dɛ́ ɡel Babelɔn kooro do kpeɡri. Maa ba kpɔ n kere do Babelɔn kooro nɔn ta, ásɛ o kpɔ pa Ijipt tena nɛɛ la, nomɛlbwa ɛɛ jemɔɔ kɛŋɔ menee Korowii. 26Mɛɛ lɔ Ijipt tena bwaa peɡre harɛre bwa ta, ásɛ ba jemɛ kɛŋɔ menee Korowii.”
Currently Selected:
Ɛsekeɛl 30: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Ɛsekeɛl 30
30
Ijipt harɛ wiile
1Korowii bol waa men Ɛsekeɛl be ŋɔ, 2“Nɛwɛnyini bie, bol waa men Nemenɛ Korowii aa ŋɔa a dɛ ba bala dɛ wi ŋɔ,
‘Tɔpere waa do ɔma kohona
dɛ ba!
3Tɔpere la telo tonɛ.
Tɔpere Korowii aa bol Ijipt
harɛ tena waa la telo tonɛ.
Baama ɛɛ tɔɔ awola,
ásɛ harɛre bwa chɔɡ.
4Laa tena dɛ ba ba yo
Ijipt tena,
Itiopia tena loo ɛɛ kuu.
Baa ba kpoo Ijipt tena la,
baa pa ba kondɔɔh kaa,
dɛ́ chɔɡ harɛ la
ó berɛ dimɡbia.
5Baa kpoo Itiopia ne Lidia ne Arab, dɛ Lebya#30:5 Lebya sɔn bɛl ɡee Kub. harɛre laa tena baa kaa kpɔ ba, ba ba cha ba la bwa laa taa, dɛ́ kpoo n nɛra la bini bane ɡe.’ ”
6Anomanta, Korowii ŋɔ,
“Ijipt chamene tena baa dɛ
chao la bwa ɛɛ serewoo.
O laa tena baa do kpeɡri
wɛɛ ɛ mbarafo
ba waa la bwa ɛɛ serewoo.
Baa kpoo ba bwa laa taa
le Miɡdol dɛ ba Aswan.
Men Nemenɛ Korowiirii bola.
7Harɛ la ɛɛ chɔ pɛɛ
harɛre bwa bini,
ásɛ o bwɛjena bwa
ɡe chɔɡ kwaraa
dɛ́ berɛ dimɡbia.
8N ɡelɔ nii ba chɔɡ Ijipt harɛ
dɛ kpoo nɛra
baa dɛ chao waa,
anee baa ba jema
kɛŋɔ menee Korowii.
9Awola tɔpere, mɛɛ tomɛ toromaa bá kpɔ stiimaere ba, dɛ́ ba aah Itiopia tena, dɛ́ le ba ne ba bosɔɔhna ta. Lokua ɛɛ chole ba nɛɛ awola Ijipt aa chɔɡ la. Tɔpere la ɛɛ bao kpela.”
10Nemenɛ Korowii bolɔ ŋɔ,
“Mɛɛ ɡeloo Babelɔn Kooro
Nebukadnesa kpoo Ijipt
harɛ nɛndamanta bwa.
11O ne o laa tena
ba nyu bini aa kpeɡa
kohona ɡwaa harɛre
laa tena ɛɛ bao,
dɛ́ ba chɔɡ harɛ la.
Baa pamɛ ba kerii dɛ́ yo Ijipt
tena, ásɛ Ijipt tena serewe
perɛ harɛ la bwa ta.
12Mɛɛ ɡeloo nenabɔɔne aa
su Nael Moo ta hweeh,
ásɛ dɛ yoɡ harɛ la tɛ
nɛnchɔɡa.
Mɛɛ ɡeloo nɛŋhɔɔhra ba chɔɡ
harɛ la, ne komɛlbwa
aa lɔ o ta o chɔ pɛɛ.
Men Korowiirii bola.”
13Nemenɛ Korowii ŋɔ,
“Mɛɛ chɔɡ voɡaa, ne anɔ la
baa ɛa
a do bwɛjen Mɛmfes bwaa.
Kooro aa Ijipt harɛ taa
do kpa, ásɛ n kpɔ
ɔmee kohona ba ta nɛra nɛɛ
harɛ la ta bwa.
14Mɛɛ chɔɡ Ijipt harɛ
weekaŋle harɛbɔree
o chɔ pɛɛ,
dɛ́ fuh bwɛjen Soan waa lɔ
weekaŋle nyunduabɔr ɡe,
dɛ́ ba tɛr Tebes waa ɛ ba
bwɛjen la tena ɡe deŋne.
15Mɛɛ kpɔ n bandia ba ta
bwɛjen Pɛloseɔm
waa ɛ Ijipt dekpeɡ la taa.
Mɛɛ kpoo nɛndamanta
baa lɔ bwɛjen Tebes ɡe
bwaa.
16Mɛɛ fuh Ijipt harɛɛ,
ásɛ lokua chole
bwɛjen Pɛloseɔm tena nɛ.
Baa kuuɡi bwɛjen Tebes
danjwɛɛre aa baroo la,
ásɛ bwɛjen Mɛmfes tena
ɛɛ na weweele saŋ bɛlbwa.
17Baa kpoo bonɔɔna baa lɔ
bwɛjena Hɛleopɔles
ne Bubastis laa taa,
ásɛ dɛ lawɛ bwɛjena la
nɛra bane kaa.
18N baa sɔɔh Ijipt harɛ kpeɡri
nyoa aa, bɔr dɛ ba bira
bwɛjen Tapanes,
ásɛ Ijipt harɛ kpeɡri
baa cheɡɛ a ta
dɛɛ ɛ mbarafo la ba a jaɡa.
Baama ɛɛ tɔ o bwaa,
ásɛ ba lawɛ nɛra baa lɔ
o bwɛjeɡre ta kaa.
19Gɛɛ mɛɛ ba Ijipt tena
deŋne tɛra, ásɛ ba jemɛ
kɛŋɔ menee Korowii.”
20Baa lawɛ yaa laa ta kaa bojaŋ harɛfale ta bene fi dɛ beŋkpoŋ, korobiloɡle la tɔpenuanɛ ta la, Korowii bol waa men Ɛsekeɛl be ŋɔ, 21“Nɛwɛnyini bie, n pɔ Ijipt kooro nɛ. A do kɛŋɔ maa ku o nɔn ba ta on vɔwɛ o choŋi dɛ do kpeɡri, dɛ́ won lawɛ kere kpoŋe la ken. 22Anomanta, men Nemenɛ Korowii ne Ijipt kooro dɔɔ. Mɛɛ ku o nɔɔraa, ásɛ kere la le o nɔn ta le harɛ. 23N dɛ ba Ijipt tena bwa lɔe peɡre harɛre bwa ta. 24Mɛɛ ɡeloo Babelɔn kooro do kpeɡri, dɛ́ kpɔ n kere do o nɔn ta. Kɛ Ijipt kooro te, mɛɛ kuuɡi o nɔɔraa, ásɛ o bwara nyɛɡo wɛɛ pɛmɛ Babelɔn kooro sie, dɛ́ sewɛ. 25Gɛɛ, mɛɛ ɡeloo Ijipt kooro sɔɔh, dɛ́ ɡel Babelɔn kooro do kpeɡri. Maa ba kpɔ n kere do Babelɔn kooro nɔn ta, ásɛ o kpɔ pa Ijipt tena nɛɛ la, nomɛlbwa ɛɛ jemɔɔ kɛŋɔ menee Korowii. 26Mɛɛ lɔ Ijipt tena bwaa peɡre harɛre bwa ta, ásɛ ba jemɛ kɛŋɔ menee Korowii.”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.