Ɛsekeɛl 29
29
Korowii bol Ijipt harɛ chɔɡa wa
1Baa lawɛ yaa laa ta kaa bojaŋ harɛfale ta bene fi, korobie fi tɔpera fi dɛ anɛ ta la, Korowii bol waa men Ɛsekeɛl be ŋɔ, 2“Nɛwɛnyini bie, eɡle sie dɛ́ bol waa aa dɛ ba Ijipt kooro ne o harɛ ta bala. 3Ŋɔ o be ŋɔ men Nemenɛ Korowii ŋɔ,
‘Ijipt kooro, n ne he dɔɔ,
he do kɛŋɔ lɛŋɔ damanta
dɛ do he nenabɔɔne ta.
He ŋɔ Nael Moo ɛ he kon,
he ɡbabirii ɛo.
4Kɛ mɛɛ do ɡoŋa he nyoaa,
ásɛ pɛŋa aa lɔ nee la ta
bwa marɛ he pɛɡa ta,
ń tɛɡre le baŋ.
5Mɛɛ ɡelee ta pua hɛŋle ɡbo
harɛ la ta,
he ne pɛŋa la bwa.
Hɛɛ chɔ pɛɛpɛɛ harɛ la taa,
nomɛlbwa
aa wola hen kpɔ.
Mɛɛ kpɔe tɛ harɛ la ta olchɔɡa
ne jumbii á di he ol.
6Ásɛ nɛra baa lɔ Ijipt harɛ ta bwa jemɛ kɛŋɔ menee Korowii.’ ”
Korowii ŋɔ, “Israel tena kpɔ ba te dawɛ he Ijipt tena nɛɛ dɛɛ nyin kɛ hé cha ba, kɛ he do kɛŋɔ pul daŋɡbala waa wola kpeɡe.#2Ko 18:21 7Baa lawɛ kpoŋe la, he pɛɡrɔ dɛ tɔɡɛ ba vaama. Baa kpɔ ba te dawɛ he nɛɛ la, he kuu dɛ ɡel ba nyaŋ diɡe.
8Anomanta, men Nemenɛ Korowii ɛɛ ɡeloo laa tena kpɔ keri ba yoi, dɛ́ kpoo he nɛra ne kondɛɛra bwa. 9Ijipt harɛ bwa dɛ ba chɔɡa, dɛ́ chɔ pɛɛ, ásɛ ba jemɛ kɛŋɔ menee Korowii.
Haa ŋɔa ŋɔ hen dɔ Nael Moo, henee ɛo la wa. 10N ne he dɔɔ, n ne he nenabɔɔne ɡe dɔ. Mɛɛ chɔɡ Ijipt harɛ bwaa o chɔ pɛɛ, le bwɛjen Miɡdol waa lɔ weekaŋle nyunduabɔr, ka le bwɛjen Aswan o ɡe aa lɔ weekaŋle harɛbɔr, dɛ́ kpoŋe ka le Itiopia harɛ jwɛh ta. 11Nɛn kɛɛ ol bɛlbwa aa o taa kpɔ. Bene fifraanaarɛ habɔɔ laa aa, nomɛlbwa kɛɛ komɛlbwa aa won so bela. 12Mɛɛ ɡeloo Ijipt harɛ chɔ pɛɛ, dɛ́ ja harɛre aa chɔɡa bwa ta. O bwɛjena bwa dɛ ba pɛɛ chɔe bene fifraanaarɛ. Ásɛ n lɔ Ijipt tena peɡre harɛre bwa ta.”
13Nemenɛ Korowii ŋɔ, “Bene fifraanaarɛ la habɔɔ la, mɛɛ lawɛ Ijipt tena maa lɔ ba peɡre harɛre ane ta laanee pɛ, 14dɛ́ ɡel ba ba so Ijipt harɛ weekaŋle harɛbɔr, ba naawa harɛ ba fa aa soɡe o ta la ta. Ba harɛ la kora aa kpeɡrii do kpa. 15Wɛɛ ɛ kora waa wola kpeɡrii do kpa harɛre koranar bwa bini. Waa ir dɛ́ do kpeɡri dɛɛ nyiŋi harɛfala ane ta kpa. 16Israel tena aa ba tenee kpɔ dawɛ Ijipt tena nɛɛ ŋɔ bá cha ba kpa. Baa na waa aa ba Ijipt harɛ laanee, dɛ na kɛ aa were kɛŋɔ ba kpɔ ba te dawɛ Ijipt tena nɛ. Ásɛ Israel tena jemɛ kɛŋɔ menee Nemenɛ Korowii.”
17Baa lawɛ yaa laa ta kaa bojaŋ harɛfale ta bene fifraanɛ dɛ anuanɛ, korobiloɡle tɔpere waa tɔ sie ta la, Korowii bol waa men Ɛsekeɛl be ŋɔ, 18“Nɛwɛnyini bie, Babelɔn Kooro Nebukadnesa kpɔ o laa tena ka yo bwɛjen Taaya tena. O ɡelɔ o laa tena la che bontɔɡa ba nyuune ɡba, ba vaama swe. Kɛ kooro la ne o laa tena la bɛlbwa ta tɔnɔ bɛlbwa dɔe le a ta. 19Anomanta, Nemenɛ Korowii ŋɔ, wɛɛ kpɔ Ijipt harɛɛ do Babelɔn Kooro Nebukadnesa nɔn ta, ásɛ o pa Ijipt harɛ ta kondɔɔh bwa laa ta kaa, á ɛ o laa tena kembɔr. 20N kpɔ Ijipt harɛ bɔ Babelɔn kooro ne o laa tena kem, waa baa kaa ɛ tɛ mɛ la wa. Men Nemenɛ Korowiirii bola.
21A ɡɛ waa nɔ chiɡo aa, mɛɛ ɡeloo Israel tena do kpeɡri, ásɛ dɛ ɡel hen Ɛsekeɛl bol waa nomɛlbwa no, ásɛ ba jemɛ kɛŋɔ menee Korowii.”
Currently Selected:
Ɛsekeɛl 29: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Ɛsekeɛl 29
29
Korowii bol Ijipt harɛ chɔɡa wa
1Baa lawɛ yaa laa ta kaa bojaŋ harɛfale ta bene fi, korobie fi tɔpera fi dɛ anɛ ta la, Korowii bol waa men Ɛsekeɛl be ŋɔ, 2“Nɛwɛnyini bie, eɡle sie dɛ́ bol waa aa dɛ ba Ijipt kooro ne o harɛ ta bala. 3Ŋɔ o be ŋɔ men Nemenɛ Korowii ŋɔ,
‘Ijipt kooro, n ne he dɔɔ,
he do kɛŋɔ lɛŋɔ damanta
dɛ do he nenabɔɔne ta.
He ŋɔ Nael Moo ɛ he kon,
he ɡbabirii ɛo.
4Kɛ mɛɛ do ɡoŋa he nyoaa,
ásɛ pɛŋa aa lɔ nee la ta
bwa marɛ he pɛɡa ta,
ń tɛɡre le baŋ.
5Mɛɛ ɡelee ta pua hɛŋle ɡbo
harɛ la ta,
he ne pɛŋa la bwa.
Hɛɛ chɔ pɛɛpɛɛ harɛ la taa,
nomɛlbwa
aa wola hen kpɔ.
Mɛɛ kpɔe tɛ harɛ la ta olchɔɡa
ne jumbii á di he ol.
6Ásɛ nɛra baa lɔ Ijipt harɛ ta bwa jemɛ kɛŋɔ menee Korowii.’ ”
Korowii ŋɔ, “Israel tena kpɔ ba te dawɛ he Ijipt tena nɛɛ dɛɛ nyin kɛ hé cha ba, kɛ he do kɛŋɔ pul daŋɡbala waa wola kpeɡe.#2Ko 18:21 7Baa lawɛ kpoŋe la, he pɛɡrɔ dɛ tɔɡɛ ba vaama. Baa kpɔ ba te dawɛ he nɛɛ la, he kuu dɛ ɡel ba nyaŋ diɡe.
8Anomanta, men Nemenɛ Korowii ɛɛ ɡeloo laa tena kpɔ keri ba yoi, dɛ́ kpoo he nɛra ne kondɛɛra bwa. 9Ijipt harɛ bwa dɛ ba chɔɡa, dɛ́ chɔ pɛɛ, ásɛ ba jemɛ kɛŋɔ menee Korowii.
Haa ŋɔa ŋɔ hen dɔ Nael Moo, henee ɛo la wa. 10N ne he dɔɔ, n ne he nenabɔɔne ɡe dɔ. Mɛɛ chɔɡ Ijipt harɛ bwaa o chɔ pɛɛ, le bwɛjen Miɡdol waa lɔ weekaŋle nyunduabɔr, ka le bwɛjen Aswan o ɡe aa lɔ weekaŋle harɛbɔr, dɛ́ kpoŋe ka le Itiopia harɛ jwɛh ta. 11Nɛn kɛɛ ol bɛlbwa aa o taa kpɔ. Bene fifraanaarɛ habɔɔ laa aa, nomɛlbwa kɛɛ komɛlbwa aa won so bela. 12Mɛɛ ɡeloo Ijipt harɛ chɔ pɛɛ, dɛ́ ja harɛre aa chɔɡa bwa ta. O bwɛjena bwa dɛ ba pɛɛ chɔe bene fifraanaarɛ. Ásɛ n lɔ Ijipt tena peɡre harɛre bwa ta.”
13Nemenɛ Korowii ŋɔ, “Bene fifraanaarɛ la habɔɔ la, mɛɛ lawɛ Ijipt tena maa lɔ ba peɡre harɛre ane ta laanee pɛ, 14dɛ́ ɡel ba ba so Ijipt harɛ weekaŋle harɛbɔr, ba naawa harɛ ba fa aa soɡe o ta la ta. Ba harɛ la kora aa kpeɡrii do kpa. 15Wɛɛ ɛ kora waa wola kpeɡrii do kpa harɛre koranar bwa bini. Waa ir dɛ́ do kpeɡri dɛɛ nyiŋi harɛfala ane ta kpa. 16Israel tena aa ba tenee kpɔ dawɛ Ijipt tena nɛɛ ŋɔ bá cha ba kpa. Baa na waa aa ba Ijipt harɛ laanee, dɛ na kɛ aa were kɛŋɔ ba kpɔ ba te dawɛ Ijipt tena nɛ. Ásɛ Israel tena jemɛ kɛŋɔ menee Nemenɛ Korowii.”
17Baa lawɛ yaa laa ta kaa bojaŋ harɛfale ta bene fifraanɛ dɛ anuanɛ, korobiloɡle tɔpere waa tɔ sie ta la, Korowii bol waa men Ɛsekeɛl be ŋɔ, 18“Nɛwɛnyini bie, Babelɔn Kooro Nebukadnesa kpɔ o laa tena ka yo bwɛjen Taaya tena. O ɡelɔ o laa tena la che bontɔɡa ba nyuune ɡba, ba vaama swe. Kɛ kooro la ne o laa tena la bɛlbwa ta tɔnɔ bɛlbwa dɔe le a ta. 19Anomanta, Nemenɛ Korowii ŋɔ, wɛɛ kpɔ Ijipt harɛɛ do Babelɔn Kooro Nebukadnesa nɔn ta, ásɛ o pa Ijipt harɛ ta kondɔɔh bwa laa ta kaa, á ɛ o laa tena kembɔr. 20N kpɔ Ijipt harɛ bɔ Babelɔn kooro ne o laa tena kem, waa baa kaa ɛ tɛ mɛ la wa. Men Nemenɛ Korowiirii bola.
21A ɡɛ waa nɔ chiɡo aa, mɛɛ ɡeloo Israel tena do kpeɡri, ásɛ dɛ ɡel hen Ɛsekeɛl bol waa nomɛlbwa no, ásɛ ba jemɛ kɛŋɔ menee Korowii.”
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.