Kaala 21
21
1Korowii ŋɔ Mosis be ŋɔ, “Mmarare nɔɔ chɛ kɛ he kpɔ tɛ Israel tena.
Hibru tena baa yaɡ ba yoma
2He bɛlbwa yawɛ Hibru te aa, bene anumɛlee chɛ kɛ ó tomɛ. Bennuanɛ te la chɛ kɛ ó dɔ o te. O ta komɛlbwa bɔe dɔe.#Mma 15:13 3Dɛ o ɡboo he yawɛ aa, o ɡboo chɛ kɛ he ta ŋwɛnɛ ó kaa. Kɛ dɛ o ne o haahnee yaa, o ne o haah bwaa dɛ́ kaa. 4Dɛ nɛn waa yawɔ la ɡe tɛo haah o ne o dɔ bihaahna kɛɛ bibaala aa, haah la ne bii la bwa ɛ nomoa la kwa. Baa la ɡboo dɛ́ dɔ o te kaa.
5Kɛ dɛ yom la ŋɔ, o dɛ nyin o nomoa ne o haah dɛ bii ŋɔ waa kaa laa, 6nomoa la chɛ kɛŋɔ ó la o ne nɛra baa bol waa dɛɛ pa bole sie, dɛ́ lawɛ o deŋne marɛ doonyoa daa keŋkeŋ, dɛ́ forɔ ó ɛ o nɛndɔɔle dɛɛ la, hale o serewe bena.
7Dɛ baa yoɡ o bihaah tɛ nomɛl kɛŋɔ yom aa, baa o te ŋwɛnɛ ta ó dɔ o te kɛŋɔ, ba yon ta baala ŋwɛnɛ baa dɔ ba te la. 8Dɛ a balɔ kɛŋɔ nɛn waa yawɔ kɛ o fe ɛ o haah la aa on nyin kpa aa, ó berɔ tɛ o nɛra dɛ́ lɛ o suuɡa. O bɛ on yoɡ tɛ nɛŋhɔɔhra dɛkalkɛ o neɡro. 9Dɛ naate lawɔ tɛ o bibaa ɡe aa, a chɛ kɛ ó den kpɔɔ ɛ o bihaah. 10A ɡɛ baa la berɔ kpɔ hanɛɛte ja o nɛ aa, a chɛ kɛ ó teŋɛ dɛɛ tɛ hanomoa la kondikwa ne yal, o ne wɛɛ chɔ saŋ bɛlbwa. 11Baa la ta wone ɛ a ɡɛ kombele atoro nɔ dɛɛ tɛ haah la aa, o dɔ ŋwɛnɛ kɛ ó kaa waa wola suuɡa bɛlbwaa bɔ tɛo.
Dɔŋa kpoora Mmarare
12Nomɛlbwa waa lɔ o dɔŋ o sewɛ la chɛ kɛŋɔ bá kpo o ɡe.#Lew 24:21 13Kɛ dɛ o laa saahna, Korowii we-ɛɛlaa yaa, ó chwa kaa bela maa lea cheɡ heya, ásɛ o dɔ o nyu.#Kur 35:11 14Kɛ dɛ nomɛlbwa dɔ o dɔŋ liire dɛ ka kpoo waa, hale o chwao ka marɛ n saraha kon la dɛ́ dɔ o nyu kwaraa naa, hé lawɔ le, ásɛ dɛ ka kpoo.
15Nomɛlbwa waa lɔɔ o nya kɛɛ o mɛɛ la chɛ kɛŋɔ bá kpoo.
16Nomɛlbwa waa ɡuɡri o dɔŋ dɛ lawɔ ka yoɡ, kɛɛ dɛ o ta lɔ o nɔn ta ba lawɔ waa, kpoe chɛ kɛ bá kpoo.
17Nomɛlbwa waa taah o nya kɛɛ o mɛɛ la chɛ kɛ bá kpoo.
18Dɛ a balɔ kɛŋɔ baala banɛ dɛ yo asɛ bɛl kpɔ bwe forɛ o dɔŋ, kɛɛ dɛ ume nɔn lɔɔ o ta sewɛ dɛ chɔ weela ta, 19asɛ dɛ ba won ir kpɔ daŋɡbala valɛ le buse naa, ba bɛ naate la waa lɔɔ la deŋne tɛr. Kɛ ó cha weela te la o chɔe la bini ka tel kɛŋɔ waa dɔ bokpeɡa. A chɛ kɛ ó berɛ chao dɛɛ tɛo kwaa waa paŋa o weela ta chɔe bini la ɡe bwa.
20Nomɛlbwa waa dɔ yombaa kɛɛ yomhaah, dɛ kpɔ daa lɔɔ o sewɛ buɡ ta la chɛ kɛ bá tɛr o deŋne. 21Kɛ dɛ o wono dɔ bokpeɡa tɔpebeŋkpoŋ kɛɛ tɔpera anɛ naa, ate a ta chɛ kɛ ó dɔ deŋnetɛra, dɛkalkɛ o ɡbaɡba suuɡa nee o yawɔ.
22A balɔ kɛŋɔ baala banɛ dɛ yo, asɛ bɛl koni ka lɔ tekpoŋri o piɡri lolɛ dɛ waane ta a habɔɔ balaa, naate la chɛ kɛŋɔ haah la jaa yoɡu ɡɛ bwa waa dɛ nyin, ne ɡɛ nɛra baa bol waa dɛɛ pa bole la ɡe aa tɛ ŋwɛnɛ. 23Kɛ dɛ nɛn doe bol aa, he ɡe doo bol. Dɛ nɛn kpo o dɔŋ aa, bá kpo o ɡe. 24Dɛ nomɛl fome he siwii aa, hé ɡe fome o siwi. Dɛ o fome he nyen aa, hé ɡe fome o nyen. O nɔnee yaa, hé ɡe ɛ o kon ɡɛ, o napaa ɡee yaa, hé ɡe ɛ o kon ɡɛ.#Mat 5:38 25Niinii naate kpɔ bwɛ o dɔŋ aa, o ɡe bwɛo ɡɛ, bolee o doo waa, bá do o ɡe bol, dɛ o bwara malaa yaa, bá mali o ɡe bwara ɡɛ.
26Nomɛlbwa waa dɔ yomhaah kɛɛ yombaa dɛ lɔ o siwi ta o chɔɡ la, o siwi la nomanta, ó kaa pɛɛpɛɛ. 27Dɛ o yom nyenee o fome aa, a chɛ kɛŋɔ ó tɛo ŋwɛnɛ ó kaa.
28Dɛ nabal chuɡe baa kɛɛ haah o sewaa, a chɛ kɛ bá foɡre nao la bwea kpo. A ta chɛ kɛ bá chwe o ol, nao te la ɡe ta chɛ kɛ bá tɛr o deŋne. 29Kɛ dɛ ɡɛɛ nao la ɛɛ chuɡe nɛra asɛ ba ɡel kon te jemɛ, o vɛh o lawa dɛ do leɡ bini o kpo haah kɛɛ baa laa, a chɛ kɛ bá foɡre nao la kpo, dɛ́ kpo o dɔɔ la ɡe ja. 30Kɛ dɛ a chɛ kɛ nao te la bɔ komɛl dɛ́ charɛ o nyu aa, ɡɛ bwa baa dɛ nyin laanee bá maɡɛ tɛo ó bɔ. 31Mmara beŋkpoŋ nɔɔ lole dɛ tɛ nao waa chuɡe bihaah kɛɛ bibaa bɛlbwa. 32Dɛ nabal chuɡe yom waa ɛ haah kɛɛ baa laa, a chɛ kɛ nao te la bɔ suuɡapoŋa fifraatoro tɛ yom la dɔɔ, ásɛ ba foɡre nao la bwea kpo.
33Nomɛl pili bɔluŋ, kɛɛ dɛ kwii o kwiu dɛ vɛh o ta tɔe, asɛ nabal kɛɛ keeɡo ka le o bini dɛ sewaa, 34naate la chɛ kɛŋɔ ó bɔ kon la kem tɛ o dɔɔ ásɛ o ɛ o kon. 35Nomɛl nabal chuɡe o dɔŋ kon kpo aa, a chɛ kɛŋɔ bá yoɡ onɔ la o siwi taa lole la, ásɛ dɛ bɔne o suuɡa tɛ dɔŋa, dɛ́ berɛ bɔne onɔ la ɡe waa sewa la ol bini kɛrɛdɛ tɛ dɔŋa. 36Kɛ dɛ ba jemɛ ɡɛ nao la waa kɛŋɔ, ɡɛɛ wɛɛ chuɡri kwaa wubwa asɛ ba bol kon te be o vɛh o teɡa dɛ do leɡ bini naa, a chɛ kɛ kon te la nyin bɛl chiɡ onɔ la waa sewa la naa ta, dɛ́ kpɔ onsewe la.”
Currently Selected:
Kaala 21: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Kaala 21
21
1Korowii ŋɔ Mosis be ŋɔ, “Mmarare nɔɔ chɛ kɛ he kpɔ tɛ Israel tena.
Hibru tena baa yaɡ ba yoma
2He bɛlbwa yawɛ Hibru te aa, bene anumɛlee chɛ kɛ ó tomɛ. Bennuanɛ te la chɛ kɛ ó dɔ o te. O ta komɛlbwa bɔe dɔe.#Mma 15:13 3Dɛ o ɡboo he yawɛ aa, o ɡboo chɛ kɛ he ta ŋwɛnɛ ó kaa. Kɛ dɛ o ne o haahnee yaa, o ne o haah bwaa dɛ́ kaa. 4Dɛ nɛn waa yawɔ la ɡe tɛo haah o ne o dɔ bihaahna kɛɛ bibaala aa, haah la ne bii la bwa ɛ nomoa la kwa. Baa la ɡboo dɛ́ dɔ o te kaa.
5Kɛ dɛ yom la ŋɔ, o dɛ nyin o nomoa ne o haah dɛ bii ŋɔ waa kaa laa, 6nomoa la chɛ kɛŋɔ ó la o ne nɛra baa bol waa dɛɛ pa bole sie, dɛ́ lawɛ o deŋne marɛ doonyoa daa keŋkeŋ, dɛ́ forɔ ó ɛ o nɛndɔɔle dɛɛ la, hale o serewe bena.
7Dɛ baa yoɡ o bihaah tɛ nomɛl kɛŋɔ yom aa, baa o te ŋwɛnɛ ta ó dɔ o te kɛŋɔ, ba yon ta baala ŋwɛnɛ baa dɔ ba te la. 8Dɛ a balɔ kɛŋɔ nɛn waa yawɔ kɛ o fe ɛ o haah la aa on nyin kpa aa, ó berɔ tɛ o nɛra dɛ́ lɛ o suuɡa. O bɛ on yoɡ tɛ nɛŋhɔɔhra dɛkalkɛ o neɡro. 9Dɛ naate lawɔ tɛ o bibaa ɡe aa, a chɛ kɛ ó den kpɔɔ ɛ o bihaah. 10A ɡɛ baa la berɔ kpɔ hanɛɛte ja o nɛ aa, a chɛ kɛ ó teŋɛ dɛɛ tɛ hanomoa la kondikwa ne yal, o ne wɛɛ chɔ saŋ bɛlbwa. 11Baa la ta wone ɛ a ɡɛ kombele atoro nɔ dɛɛ tɛ haah la aa, o dɔ ŋwɛnɛ kɛ ó kaa waa wola suuɡa bɛlbwaa bɔ tɛo.
Dɔŋa kpoora Mmarare
12Nomɛlbwa waa lɔ o dɔŋ o sewɛ la chɛ kɛŋɔ bá kpo o ɡe.#Lew 24:21 13Kɛ dɛ o laa saahna, Korowii we-ɛɛlaa yaa, ó chwa kaa bela maa lea cheɡ heya, ásɛ o dɔ o nyu.#Kur 35:11 14Kɛ dɛ nomɛlbwa dɔ o dɔŋ liire dɛ ka kpoo waa, hale o chwao ka marɛ n saraha kon la dɛ́ dɔ o nyu kwaraa naa, hé lawɔ le, ásɛ dɛ ka kpoo.
15Nomɛlbwa waa lɔɔ o nya kɛɛ o mɛɛ la chɛ kɛŋɔ bá kpoo.
16Nomɛlbwa waa ɡuɡri o dɔŋ dɛ lawɔ ka yoɡ, kɛɛ dɛ o ta lɔ o nɔn ta ba lawɔ waa, kpoe chɛ kɛ bá kpoo.
17Nomɛlbwa waa taah o nya kɛɛ o mɛɛ la chɛ kɛ bá kpoo.
18Dɛ a balɔ kɛŋɔ baala banɛ dɛ yo asɛ bɛl kpɔ bwe forɛ o dɔŋ, kɛɛ dɛ ume nɔn lɔɔ o ta sewɛ dɛ chɔ weela ta, 19asɛ dɛ ba won ir kpɔ daŋɡbala valɛ le buse naa, ba bɛ naate la waa lɔɔ la deŋne tɛr. Kɛ ó cha weela te la o chɔe la bini ka tel kɛŋɔ waa dɔ bokpeɡa. A chɛ kɛ ó berɛ chao dɛɛ tɛo kwaa waa paŋa o weela ta chɔe bini la ɡe bwa.
20Nomɛlbwa waa dɔ yombaa kɛɛ yomhaah, dɛ kpɔ daa lɔɔ o sewɛ buɡ ta la chɛ kɛ bá tɛr o deŋne. 21Kɛ dɛ o wono dɔ bokpeɡa tɔpebeŋkpoŋ kɛɛ tɔpera anɛ naa, ate a ta chɛ kɛ ó dɔ deŋnetɛra, dɛkalkɛ o ɡbaɡba suuɡa nee o yawɔ.
22A balɔ kɛŋɔ baala banɛ dɛ yo, asɛ bɛl koni ka lɔ tekpoŋri o piɡri lolɛ dɛ waane ta a habɔɔ balaa, naate la chɛ kɛŋɔ haah la jaa yoɡu ɡɛ bwa waa dɛ nyin, ne ɡɛ nɛra baa bol waa dɛɛ pa bole la ɡe aa tɛ ŋwɛnɛ. 23Kɛ dɛ nɛn doe bol aa, he ɡe doo bol. Dɛ nɛn kpo o dɔŋ aa, bá kpo o ɡe. 24Dɛ nomɛl fome he siwii aa, hé ɡe fome o siwi. Dɛ o fome he nyen aa, hé ɡe fome o nyen. O nɔnee yaa, hé ɡe ɛ o kon ɡɛ, o napaa ɡee yaa, hé ɡe ɛ o kon ɡɛ.#Mat 5:38 25Niinii naate kpɔ bwɛ o dɔŋ aa, o ɡe bwɛo ɡɛ, bolee o doo waa, bá do o ɡe bol, dɛ o bwara malaa yaa, bá mali o ɡe bwara ɡɛ.
26Nomɛlbwa waa dɔ yomhaah kɛɛ yombaa dɛ lɔ o siwi ta o chɔɡ la, o siwi la nomanta, ó kaa pɛɛpɛɛ. 27Dɛ o yom nyenee o fome aa, a chɛ kɛŋɔ ó tɛo ŋwɛnɛ ó kaa.
28Dɛ nabal chuɡe baa kɛɛ haah o sewaa, a chɛ kɛ bá foɡre nao la bwea kpo. A ta chɛ kɛ bá chwe o ol, nao te la ɡe ta chɛ kɛ bá tɛr o deŋne. 29Kɛ dɛ ɡɛɛ nao la ɛɛ chuɡe nɛra asɛ ba ɡel kon te jemɛ, o vɛh o lawa dɛ do leɡ bini o kpo haah kɛɛ baa laa, a chɛ kɛ bá foɡre nao la kpo, dɛ́ kpo o dɔɔ la ɡe ja. 30Kɛ dɛ a chɛ kɛ nao te la bɔ komɛl dɛ́ charɛ o nyu aa, ɡɛ bwa baa dɛ nyin laanee bá maɡɛ tɛo ó bɔ. 31Mmara beŋkpoŋ nɔɔ lole dɛ tɛ nao waa chuɡe bihaah kɛɛ bibaa bɛlbwa. 32Dɛ nabal chuɡe yom waa ɛ haah kɛɛ baa laa, a chɛ kɛ nao te la bɔ suuɡapoŋa fifraatoro tɛ yom la dɔɔ, ásɛ ba foɡre nao la bwea kpo.
33Nomɛl pili bɔluŋ, kɛɛ dɛ kwii o kwiu dɛ vɛh o ta tɔe, asɛ nabal kɛɛ keeɡo ka le o bini dɛ sewaa, 34naate la chɛ kɛŋɔ ó bɔ kon la kem tɛ o dɔɔ ásɛ o ɛ o kon. 35Nomɛl nabal chuɡe o dɔŋ kon kpo aa, a chɛ kɛŋɔ bá yoɡ onɔ la o siwi taa lole la, ásɛ dɛ bɔne o suuɡa tɛ dɔŋa, dɛ́ berɛ bɔne onɔ la ɡe waa sewa la ol bini kɛrɛdɛ tɛ dɔŋa. 36Kɛ dɛ ba jemɛ ɡɛ nao la waa kɛŋɔ, ɡɛɛ wɛɛ chuɡri kwaa wubwa asɛ ba bol kon te be o vɛh o teɡa dɛ do leɡ bini naa, a chɛ kɛ kon te la nyin bɛl chiɡ onɔ la waa sewa la naa ta, dɛ́ kpɔ onsewe la.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.