Kaala 20
20
Korowii Mmarare fi la wa
1Korowii bol waa aa teŋa nɔ bwa ɡe dɛ ŋɔ,
2“Menee Korowii haa dɛ tom mɛ n le he ne Ijipt harɛ ta somanjiri dii ta la.#Mma 5:6-21
3He bɛ voɡ bɛlbwa tomɛ ka ja n nɛ.
4He bɛ komɛlbwa waa lɔ nyundua kɛɛ harɛ ta hale nee bini bɛlbwa chaa ɛ.#Mma 4:16-19 5He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ. 6Dɛɛ nyin banɔ la baa dɛ nyin mɛ dɛɛ teŋɛ me Mmara ta, hale dɛ́ kpoŋe ka tel ba naanar bele kaɡboŋ nɛ.
7He bɛ men maa ɛ Korowii haa dɛ tom mɛ la dɛɛ ŋwɛɛ wesale bɛlbwa ta. Mɛɛ tɛr naate waa dɛ ŋwɛɛ mɛ ɡɛ la deŋnee.#Lew 19:12
8Hé di Ona Tɔpere la, dɛ́ ɛo tɔpedɛɛɡe o do ɡoroŋ.#Mma 5:12-15; Mak 2:28 9Tɔpera anumɛlee hé dɔ kɛŋɔ hé ɛ he toma bɛlbwa, 10kɛ Ona Tɔpere la te ɛ men Korowii haa dɛ tom mɛ la tɔpere. O telaa, he bɛ toma bɛlbwa ɛ o ta. He ne he bibaala kɛɛ bihaahna kɛɛ bonɔɔna, kɛɛ toli bɛlbwa bɛ toma ɛ. Hale he kondɛɛra te bɛlbwa, ne hɔɔhra kwaraa baa lɔ he dem.#Ɛse 20:12 11Tɔpera anumɛlee n kpɔ ta nyundua ne harɛ, mpo ne koŋkwaa aa lɔ o ta bwa, asɛ dɛ onɛ tɔpere waa teŋa nuanɛ la ta. A waa n ɡel Ona Tɔpere la ɛ tɔpedɛɛɡe dɛ ɡel o do ɡoroŋ.#Mum 2:1-3
12Hé duu he nyare ne he mɛɛnanar. Anee dɛ́ ɡel he dɔ mkpajaŋ harɛ men Korowii aa kpɔa tɛ heyaa ŋɔ he so o ta la ta.#Mat 15:4-6; Ɛfe 6:1-3
13He bɛ nɛn kpo.#Rom 13:9
14He bɛ jwamane dɛɛ bɔ.#Mat 5:27
15He bɛ dɛɛ ŋwɛ.
16He bɛ dansewea dɛɛ di.
17He bɛ ɡel he sie beɡre he dɔŋa deremi. He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.”
18Nɛra la aa na bwaala nyɛɡla dɛ no o kɔɡra, ne bɛla la sii dɛ na chuu tɔ bwe la ta la, ɔmee laɡ ba dɛ kpɔ bochechela ta ba nɛ ba ka che bojaŋ. 19Anee ba ŋɔ Mosis be ŋɔ, “He ɡbabir bol waa ya be, yaa noo. Bɛ ɡel Korowii bol ásɛ ya ba serewe.”
20Asɛ o ŋɔ nɛra la be ŋɔ, “He bɛ ɔmɛ. Korowiirii bala dɛ́ ba daah heyaa na, ásɛ hɛɛ ɔmɔ dɛ́ ɡel wechɔɡa ɛɛ.” 21Dɛ ba ta cheɡɛ bojaŋ, asɛ Mosis ɡe ka bɛne bam waa bira kpirkpir bela Korowii aa lole la.
Voɡa ne kwaa baa dɛ ɛ saraha a ta
22Belaa Korowii ŋɔ Mosis be ŋɔ, ó bol ɡɛ waa nɔ baɡle Israel tena ŋɔ, “He ɡbabir nao kɛŋɔ men Korowii aa le nyundua dɛ bol waa he be. 23He bɛ suuɡapoŋa kɛɛ suuɡaswɛm bɛlbwa kpɔ ɛ voɡa dɛɛ toma ka ja n nɛ. 24Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa. 25He dɛ ba bwea kpɔe kwaa kon haa ɛ saraha o ta tɛ mɛ naa, hé ɡel bwea la do ɡɛ aa doa la, he bɛ an sɛh. Hé kpɔ kon sɛah aa, aa werii do tɛ n toma kpa. 26He bɛ n saraha kon ɛ tɛ mɛ dɛ́ ɛ sanjol teeh dɛɛ kaa o ta, dɛ he ɛ ɡɛ naa, dɛ he mumɡbalee he kpɔ dɛɛ baɡle la.”
Currently Selected:
Kaala 20: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Kaala 20
20
Korowii Mmarare fi la wa
1Korowii bol waa aa teŋa nɔ bwa ɡe dɛ ŋɔ,
2“Menee Korowii haa dɛ tom mɛ n le he ne Ijipt harɛ ta somanjiri dii ta la.#Mma 5:6-21
3He bɛ voɡ bɛlbwa tomɛ ka ja n nɛ.
4He bɛ komɛlbwa waa lɔ nyundua kɛɛ harɛ ta hale nee bini bɛlbwa chaa ɛ.#Mma 4:16-19 5He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ. 6Dɛɛ nyin banɔ la baa dɛ nyin mɛ dɛɛ teŋɛ me Mmara ta, hale dɛ́ kpoŋe ka tel ba naanar bele kaɡboŋ nɛ.
7He bɛ men maa ɛ Korowii haa dɛ tom mɛ la dɛɛ ŋwɛɛ wesale bɛlbwa ta. Mɛɛ tɛr naate waa dɛ ŋwɛɛ mɛ ɡɛ la deŋnee.#Lew 19:12
8Hé di Ona Tɔpere la, dɛ́ ɛo tɔpedɛɛɡe o do ɡoroŋ.#Mma 5:12-15; Mak 2:28 9Tɔpera anumɛlee hé dɔ kɛŋɔ hé ɛ he toma bɛlbwa, 10kɛ Ona Tɔpere la te ɛ men Korowii haa dɛ tom mɛ la tɔpere. O telaa, he bɛ toma bɛlbwa ɛ o ta. He ne he bibaala kɛɛ bihaahna kɛɛ bonɔɔna, kɛɛ toli bɛlbwa bɛ toma ɛ. Hale he kondɛɛra te bɛlbwa, ne hɔɔhra kwaraa baa lɔ he dem.#Ɛse 20:12 11Tɔpera anumɛlee n kpɔ ta nyundua ne harɛ, mpo ne koŋkwaa aa lɔ o ta bwa, asɛ dɛ onɛ tɔpere waa teŋa nuanɛ la ta. A waa n ɡel Ona Tɔpere la ɛ tɔpedɛɛɡe dɛ ɡel o do ɡoroŋ.#Mum 2:1-3
12Hé duu he nyare ne he mɛɛnanar. Anee dɛ́ ɡel he dɔ mkpajaŋ harɛ men Korowii aa kpɔa tɛ heyaa ŋɔ he so o ta la ta.#Mat 15:4-6; Ɛfe 6:1-3
13He bɛ nɛn kpo.#Rom 13:9
14He bɛ jwamane dɛɛ bɔ.#Mat 5:27
15He bɛ dɛɛ ŋwɛ.
16He bɛ dansewea dɛɛ di.
17He bɛ ɡel he sie beɡre he dɔŋa deremi. He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.”
18Nɛra la aa na bwaala nyɛɡla dɛ no o kɔɡra, ne bɛla la sii dɛ na chuu tɔ bwe la ta la, ɔmee laɡ ba dɛ kpɔ bochechela ta ba nɛ ba ka che bojaŋ. 19Anee ba ŋɔ Mosis be ŋɔ, “He ɡbabir bol waa ya be, yaa noo. Bɛ ɡel Korowii bol ásɛ ya ba serewe.”
20Asɛ o ŋɔ nɛra la be ŋɔ, “He bɛ ɔmɛ. Korowiirii bala dɛ́ ba daah heyaa na, ásɛ hɛɛ ɔmɔ dɛ́ ɡel wechɔɡa ɛɛ.” 21Dɛ ba ta cheɡɛ bojaŋ, asɛ Mosis ɡe ka bɛne bam waa bira kpirkpir bela Korowii aa lole la.
Voɡa ne kwaa baa dɛ ɛ saraha a ta
22Belaa Korowii ŋɔ Mosis be ŋɔ, ó bol ɡɛ waa nɔ baɡle Israel tena ŋɔ, “He ɡbabir nao kɛŋɔ men Korowii aa le nyundua dɛ bol waa he be. 23He bɛ suuɡapoŋa kɛɛ suuɡaswɛm bɛlbwa kpɔ ɛ voɡa dɛɛ toma ka ja n nɛ. 24Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa. 25He dɛ ba bwea kpɔe kwaa kon haa ɛ saraha o ta tɛ mɛ naa, hé ɡel bwea la do ɡɛ aa doa la, he bɛ an sɛh. Hé kpɔ kon sɛah aa, aa werii do tɛ n toma kpa. 26He bɛ n saraha kon ɛ tɛ mɛ dɛ́ ɛ sanjol teeh dɛɛ kaa o ta, dɛ he ɛ ɡɛ naa, dɛ he mumɡbalee he kpɔ dɛɛ baɡle la.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.