Emɔs 3
3
1Korowii ŋɔ, “Israel tena, he no waa aa le n be dɛɛ ba he harɛbir nɛra maa lawɛ heyaa le Ijipt harɛ ta la nɛ.
2He ɡboo ɛ nɛra maa le heya
tɛ n te harɛre nɛra
bwa bini,
a waa a chɛ kɛ ń tɛr he deŋne
he wechɔɡa bwa waa la.”
Korowii keame toma
3Nɛra banɛ nyoa ta pɛɛ yaa
baa wono pɛ dɛ́ valaa?
4Nyujente dɛ si kɔr bini
dɛ ol laa o dɔ lawaa?
Wɛɛ do o bɔɔ binii dɛɛ ŋoo
dɛ komɛl laa o lawɛ
dɛɛ di aa?
5Ba ta bel harɛ aa jumbie ɛɛ
ba le o taa o lawɔ waa?
Bel won tae pɛɛ
dɛ waane laa ɛo waa?
6Laa bɛla sio bwɛjen bɛl ta
naa, o nɛra aa ɔmaa?
Wechɔɡa ane chiɡ bwɛjen bɛl
nɛra nɛ aa, dɛ Korowii laa
ɡela a ba ɡɛ naa?
7Nemenɛ Korowii
aa waanee ɛ,
dɛ o ta a bini pile baɡle
o bonɔɔna baa ɛ o keamere.
8Nyujente kɔraa,
umee wola ɔmɔɔ?
Nemenɛ Korowii bol wa aa,
umee wola la ka bol o waa
aa dɛ ba bala laɔ?#Kur 22:38
9Emɔs ŋɔ Samaria
nomonome be ŋɔ,
“Hé la ka bol
nɛra baa soɡe Asdɔd ne Ijipt
dekpeɡa bini la be ŋɔ,
‘Hé ka cheme Samaria
bwejena dor,
dɛ́ na yoi we-ɛɛla
ne fiiɡa
baa dɛ fiiɡi nɛra bela.’ ”
10Korowii ŋɔ, “Baa jemɛ waa
aa wera la ɛ.
Ba cheɡɛ laa ta,
dɛ che laala su ba
dekpeɡa bini.”
11Anomanta, Nemenɛ Korowii ŋɔ,
“Dɔma ɛɛ ba bar
ba harɛɛ cheme,
dɛ́ kuuɡi dekpeɡa,
dɛ́ pa ba dejena bini laala
kaa kɛŋɔ laa ta kwa.”
12Korowii ŋɔ,
“Gɛ peteɡre yon yo lɛ
pee le nyujente nyoa,
dɛ o nakpale anɛ ɡbo kɛɛ
o deŋnekera ɡboo kaa la,
ɡɛ tentenee mɛɛ ba
Israel tena lɛɛ,
banɔ la baa lɔ Samaria
ne Damaskɔs dɛ yale
ba kanedɛɛɡa ta bwa.
13No ɡɛ waa nɔ, ásɛ dɛ kah Jekɔb naanar.” Korowii Waa Ɛ Kpeɡri Bwa Dɔɔ laanee bola.
14“Awola maa ba tɛr Israel tena
deŋne ba wechɔɡa waa la,
mɛɛ paɡre kwaa baa dɛ ɛ
saraha a ta Bɛtel bwaa,
dɛ́ kuuɡi kwaa aa do kɛŋɔ
nyeɡlare dɛ paaɡe a ta
bwaa bil harɛ.#2Ko 23:15
15Mɛɛ paɡre ba dejena
ne ba dejeɡre bwaa.
Mɛɛ chɔɡ deene baa kpɔ
bala nyena ɛ kwaa
cheɡ a bini a do wer
la bwaa.
Dejena bwa ɛɛ chɔɡoo
kwaraa,
Men Korowiirii bola.”
Currently Selected:
Emɔs 3: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
