1 Kɔrent 8
8
Kondikwa baa kpɔa tɛ voɡa wepɛɛre
1A ka kwaa baa kpoora dɛɛ tɛ voɡa wa. A waa jema te, ya bwa jemɛ a wa. Kɛ nɛwɛnyini wejema ɡelɔ wɛɛ nyin sɔn. Asɛ nɛnnyin ɡe ɛ chae. 2Nomɛlbwa waa dɛ lii kɛŋɔ o ɛ wejereme la, o ta wejema aa chɛ kɛ o jemɛ la dɔe mɔɔ. 3Naate waa dɛ nyin Korowii la te, Korowii ɡba jemɔ.
4Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole. 5Kwaa nɛra aa kpɔa ɛ Korowii dɛɛ yera ba dɔɔranar la warɔ, dɛ do nyundua ne harɛ. 6Kɛ ya te be, Korowii lɔ beŋkpoŋ. Onee N Naa Korowii waa ta komɛlbwa, asɛ ya do le dɛɛ tomɔ la. Ya Dɔɔ ɡe lɔ beŋkpoŋ. Onee ya Dɔɔ Yeesu Kristo. O nɛɛ Korowii che dɛ ta komɛlbwa, asɛ ya ɡe che o nɛɛ dɛ dɔ mkpa.#Rom 11:36
7Nomɛlbwa laa jemɛ ɡɛ. Bane duu ɡɛ voɡa nɔ biɡri a man ba. Hale ba le fini, dɛ ba di kwaa baa kpoora tɛ voɡa nɔ naa, dɛ ba liire dɛ ɛɛ ba kɛŋɔ voɡa laanee dɔ kwaa la. Ba yarada aa wola kanɛ Yeesu waa la ta nomanta, dɛ ba dɛ lii kɛŋɔ ba ɛ wechɔɡa. 8Ya kondikwaa yaa dɛ dia laa dɛ́ ɡel ya ɛ nɛndɛɛɡa Korowii be. Dɛ ya dɛ dia oo, ya dɛ kia oo, aa wobɛlbwa baɡle.
9Kɛ ane abwa, hɛ́ɛ nyiŋi kɛrɛdɛ, kɛ dɛ he ta an kie, he dɛ dia aa, he bɛ ɡel he we-ɛɛla neɡre nɛra ba yarada aa wola kanɛ Yeesu waa ta ba kia la. 10Nɛn o yarada aa wola kanɛ Yeesu waa ta la, o na he nɛn haa jemɛ Yeesu waa la kɛrɛdɛ soɡe voɡ mun dɛɛ di kwa aa, aa ɡeloo o ɡe di. 11He ɡelɔ he dɔŋ waa wola kiŋkiŋ cheɡɛ, Yeesu Kristo aa koh o waa sewɛ, ɛɛ ba he wejema ne daŋra dɛ́ nyoɡre aa? 12Dɛ he dɛ ɛ he bala ba yarada aa wola kanɛ Yeesu waa ta la wechɔɡa ken asɛ ba tea bini chɔɡ aa, Yeesu Kristoo hɛɛ ɛ wechɔɡa la. 13Dɛ n nao kɛ kondikwaa maa dɛ di la ɛɛ ɡeloo n dɔŋ ɡe di a kaa o ne wechɔɡa ta naa, amɔ te mɛɛ ɡel a dii, ásɛ n dɔŋ ɡe bɛ di dɛ́ ba kaa wechɔɡa ta.
Currently Selected:
1 Kɔrent 8: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
1 Kɔrent 8
8
Kondikwa baa kpɔa tɛ voɡa wepɛɛre
1A ka kwaa baa kpoora dɛɛ tɛ voɡa wa. A waa jema te, ya bwa jemɛ a wa. Kɛ nɛwɛnyini wejema ɡelɔ wɛɛ nyin sɔn. Asɛ nɛnnyin ɡe ɛ chae. 2Nomɛlbwa waa dɛ lii kɛŋɔ o ɛ wejereme la, o ta wejema aa chɛ kɛ o jemɛ la dɔe mɔɔ. 3Naate waa dɛ nyin Korowii la te, Korowii ɡba jemɔ.
4Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole. 5Kwaa nɛra aa kpɔa ɛ Korowii dɛɛ yera ba dɔɔranar la warɔ, dɛ do nyundua ne harɛ. 6Kɛ ya te be, Korowii lɔ beŋkpoŋ. Onee N Naa Korowii waa ta komɛlbwa, asɛ ya do le dɛɛ tomɔ la. Ya Dɔɔ ɡe lɔ beŋkpoŋ. Onee ya Dɔɔ Yeesu Kristo. O nɛɛ Korowii che dɛ ta komɛlbwa, asɛ ya ɡe che o nɛɛ dɛ dɔ mkpa.#Rom 11:36
7Nomɛlbwa laa jemɛ ɡɛ. Bane duu ɡɛ voɡa nɔ biɡri a man ba. Hale ba le fini, dɛ ba di kwaa baa kpoora tɛ voɡa nɔ naa, dɛ ba liire dɛ ɛɛ ba kɛŋɔ voɡa laanee dɔ kwaa la. Ba yarada aa wola kanɛ Yeesu waa la ta nomanta, dɛ ba dɛ lii kɛŋɔ ba ɛ wechɔɡa. 8Ya kondikwaa yaa dɛ dia laa dɛ́ ɡel ya ɛ nɛndɛɛɡa Korowii be. Dɛ ya dɛ dia oo, ya dɛ kia oo, aa wobɛlbwa baɡle.
9Kɛ ane abwa, hɛ́ɛ nyiŋi kɛrɛdɛ, kɛ dɛ he ta an kie, he dɛ dia aa, he bɛ ɡel he we-ɛɛla neɡre nɛra ba yarada aa wola kanɛ Yeesu waa ta ba kia la. 10Nɛn o yarada aa wola kanɛ Yeesu waa ta la, o na he nɛn haa jemɛ Yeesu waa la kɛrɛdɛ soɡe voɡ mun dɛɛ di kwa aa, aa ɡeloo o ɡe di. 11He ɡelɔ he dɔŋ waa wola kiŋkiŋ cheɡɛ, Yeesu Kristo aa koh o waa sewɛ, ɛɛ ba he wejema ne daŋra dɛ́ nyoɡre aa? 12Dɛ he dɛ ɛ he bala ba yarada aa wola kanɛ Yeesu waa ta la wechɔɡa ken asɛ ba tea bini chɔɡ aa, Yeesu Kristoo hɛɛ ɛ wechɔɡa la. 13Dɛ n nao kɛ kondikwaa maa dɛ di la ɛɛ ɡeloo n dɔŋ ɡe di a kaa o ne wechɔɡa ta naa, amɔ te mɛɛ ɡel a dii, ásɛ n dɔŋ ɡe bɛ di dɛ́ ba kaa wechɔɡa ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.