1 Kɔrent 7
7
Hahmor ne yal wepɛɛre
1He fa chwerɛ tɔn dɛ ba bɔɔ mɛ ŋɔ, dɛ baa ŋɔ waa haahnee mo aa, a wer aa? Baa ŋɔ waa haahnee mo aa, a wer. 2Kɛ jwamane aa wara la nomanta, a chɛ kɛŋɔ baa bɛlbwa dɔ o haah, ásɛ haah bɛlbwa ɡe dɔ o jaa. 3Baa bɛlbwa bɛ ŋɔ o ne o haah naa chɔ, ɡɛɛ haah ɡe bɛ ŋɔ waa sɛh o ne o jaa chɔ. 4Haah ta o bwadabii kpeɡri dɔe chɔe bɔr, o jaaree dɔ kpeɡri. Gɛɛ baa ɡe aa wola o bwadabii kpeɡri dɔe, o haahnee dɔ kpeɡri. 5Anomanta, bɛlbwa bɛ o te kpɔ sɔh o dɔŋ chɔe be pera, atane kɛŋɔ he bwa sɛoh kɛŋɔ he dɛ nyin kɛ hé kpɔ bambibeŋkpoŋ soŋe Korowii tɔpere bɛl tama mɔɔ. Gɛ te wer. Kɛ dɛ he ɛ ɡɛ tonaa, hé berɛ pɛ ja. Dɛ he ta pɛɛ yaa, haa wola won lawɛ he te la, Bɔnsam ɛɛ ɡeloo hé ɛ wechɔɡa.
6Waa nɔ maa baɡla nɔ ta denɛ dɛɛ do heyaa ŋɔ a chɛ kɛŋɔ hé mo haahna. Kɛ n dɛ baɡle kɛŋɔ, dɛ he mo haah naa, a ta wechɔɡa ɛɛ. 7N te fe dɛ nyin kɛŋɔ nomɛlbwa fee bɛ haah mo, dɛ́ so ɡɛ maa soɡa nɔ. Kɛ nomɛlbwa laa Korowii ta ŋɔ ó ɡbo so dɛ bɛ haah mo. O dɛ tɛ nomɛlbwa o we-ɛɛla waa dɛ ɛ la kpeɡri, bɛl yon do kpeɡri anɔ ta, bɛl ɡe do kpeɡri anɔ ta.
8Waa maa dɔa dɛ tɛ nɛra baa wola haahna dɔe, ne haahna baa wola jaranar dɔe, ne nɛra ba jaranar aa serewa laanee kɛ, bá fee so ɡɛ n ɡbo aa soɡa nɔ. 9Dɛ bɛlbwa nao kɛŋɔ waa won haŋre dɛ́ ɡbo so te naa, amɔ ó mo haah kɛɛ ó yalɛ. A bɔ kɛŋɔ haah kɛɛ baa pɛla aa dɔe aa we he nɛɛ kohona.
10Anɔ la maa bera dɔ dɛɛ tɛ hahmoola ne jadɔɔhnaa nɔ. N ɡbaɡba laa dɛɛ bol. Ya Dɔɔree ŋɔa ŋɔ haah bɛ o jaa vɛh.#Mak 10:9 11Kɛ dɛ o vɛh o jaa aa, o bɛ baa bɛlbwa yalɛ kpa, atane kɛŋɔ o berɛ la o jaa la be, ásɛ ba ka pɛ dɛ́ so ja. Baa ɡe bɛ o haah vɛh.
12N ɡbaɡbaa dɛɛ bol anɔ te dɛɛ tɛ he kar la. Ya Dɔɔ laa bola. Dɛ he ɛ asɔre te dɛ mo haah waa wola asɔre te ɛɛ, a too o tea o ŋɔ wɛɛ soo waa, bɛ on vɛh. 13Dɛ haah ɡe ɛ asɔre te dɛ yalɛ baa waa wola asɔre te ɛɛ, dɛ o tea toorɔ kɛŋɔ o ne wɛɛ soo waa, haah la bɛ on vɛh. 14Baa waa wola asɔre te ɛɛ la, o mo haah waa ɛ asɔre te aa, pɛɛ o ne haah la aa pɛa la nomanta, Korowii kpɔ baa la dɛɛ ɛ o nɛn. Gɛɛ a do, haah ɡe ta asɔre te ɛɛ dɛ yalɛ baa waa ɛ asɔre te aa, pɛɛ o ne waa pɛa la nomanta, Korowii kpɔ haah la ɡe dɛɛ ɛ o nɛn. Dɛ ɡɛ laa aa, ba bii fe ta Korowii bii ɛɛ, kɛ taraken ba ɛ o kwa.
15Dɛ onɔ la waa wola asɔre te ɛɛ ŋɔ wɛɛ vɛh o dɔŋ waa ɛ asɔre tee yaa, tɛo ŋwɛnɛ wɛɛ la. A ba ɡɛ naa, a ta wechɔɡa ɛɛ. Korowii dɛ nyin kɛŋɔ ya so deŋnesɔɔhna ta. 16Dɛ Korowii ɛɛ che haah haa ɛ asɔre te nɛɛ dɛ́ lɛ he jaa aa, he jemaa? Gɛɛ a do baa haa ɛ asɔre te la, dɛ Korowii ɛɛ che he nɛɛ dɛ́ lɛ he haah naa, he jemaa?
17Korowiirii tɛ bɛlbwa o we-ɛɛla wɛɛ ɛ. Anomanta, a chɛ kɛŋɔ bɛlbwa ɛ ɡɛ Korowii aa leo dɛ tɛo ŋɔ wɛ́ɛ ɛ la. Gɛɛ mɛɛ bol asɔre tena baa lɔ bobɛlbwa la be. 18Dɛ ba kpɔ kere chɔɡɛ nomɛl mɔɔ Korowii leo o ba ɛ asɔre te aa, o bɛ kpɔ sɔh. Korowii le nomɛl ɡe, dɛ ba ta kere kpɔe chɔɡɔ waa, o bɛ ɡel ba kpɔ kere chɔɡɔ.#7:18 Dɛɡ wobol ta, ba kpɔ kere chɔɡɛ nomɛl dɛ baɡle pen teŋa. 19Ba kpɔ kere chɔɡɛ noo, a ta waane ɛɛ, ba ta kere kpɔe chɔɡɛ noo, a ta waane ɛɛ. Kɛ Korowii Waa la ta teŋaa ɛ kasinteŋ. 20Anomanta, do ɡɛ haa doa mɔɔ Korowii lee he ba ɛ asɔre te la. 21Dɛ he ɛ yom dɛ ba ɛ asɔre te aa, bɛ ɡel a we he nɛ. Kɛ dɛ ba tɛɛ ŋwɛnɛ ŋɔ hé le he yom ɛɛ la ta naa, bɛ vɛh. 22Nomɛlbwa waa ɛ yom dɛ ɛ asɔre te la, o dɔ o te Korowii be. Gɛɛ a do, nomɛlbwa waa dɔ o te dɛ ba ɛ asɔre te la, o ɛ Yeesu Kristo yom. 23Korowiirii kpɔ Yeesu Kristo chal la yawɛ heya, anomanta, he bɛ lii kɛŋɔ nɛraa dɔ heya. 24Yabala, ɡɛ he fa aa doa mɔɔ Korowii le heyaa he ba ɛ asɔre tena la, hé ta do ɡɛ, ásɛ he ne Korowii do le.
25Korowii ta men nɛra baa wola yalɛ la waa baɡlɛ, kɛ o dɛ cha mɛ asɛ mɛɛ ɛ o toma kɛrɛdɛ. Anomanta, mɛɛ baɡle ɡɛ maa jemaa. 26Waa lole dɛ dawɛ ya nɛɛ kɛrɛdɛ, anomanta, n te be te, a wer kɛ ɡɛ haa soɡa la, hé ta so ɡɛ. 27Dɛ he dɔ haah naa, bɛ ŋɔ hɛɛ vɛoh. Dɛ he ta bɛl dɔe ɡe aa, bɛ ŋɔ hɛɛ nyin bɛlee. 28He mo haah naa, a ta wechɔɡa ɛɛ. Dɛ haah ɡe yalaa, a ta wechɔɡa ɛɛ. Kɛ waa lɔ a ta he soɡa bini, a waa mɛɛ nyin n lɛ heyaa le a ta la.
29Maa ŋɔ ɡɛ nɔ, yabala, yaa harɛ nɔ taa biɡri bɛlbwa. Anomanta, le fini dɛɛ kaa, a chɛ kɛŋɔ he banɔ la haa dɔ haahna la ɛ kɛŋɔ he ta haahna dɔe ken, 30he banɔ la haa dɛ wi ɛ kɛŋɔ he waa aa sume ken, he banɔ la ɡe haa dɛ mamɛ ɛ kɛŋɔ he sie ta lɛɛ ken, he banɔ la ɡe aa dɛ yawɛ la ɛ kɛŋɔ kwaa haa yawa la ta he kwaa ɛɛ ken. 31Asɛ he banɔ la ɡe haa dɛ ɛ wobɛlbwa harɛ nɔ ta la bɛ ɛ a ɡwaa kohona, dɛkalkɛŋɔ harɛ nɔ ne o waa dɔ jaɡa. Waa biɡri bɛlbwa.
32N dɛ nyin kɛŋɔ harɛ nɔ ta waa bɛ heyaa ha kohona. Baa waa wola haah dɔe la, o siwi dɛ swɛɛ Korowii toma ta, wɛɛ nyin kɛŋɔ Korowii sie lɛ o nɛ. 33Kɛ baa waa dɔ haah la te sie dɛ beɡre harɛ nɔ ta kwaa ta, ásɛ o haah sie ɛɛ lɛ o nɛ. Webele anɛɛ yon do o baŋa. 34Haah waa wola yalɛ, kɛɛ tolo waa wola baa jemɛ mɔɔ la, o sie dɛ beɡre Korowii toma ta, o kpɔ o te ne o liire bwa dɛɛ tɛ Korowii toma. Asɛ haah waa yala la ɡe sie ɛɛ beɡre harɛ nɔ ta kwaa ta, ásɛ o jaa sie lɛ o nɛ. 35N dɛ nyin kɛ n cha heya, a waa ɡela mɛɛ bol waa ɡɛ la. Maa nyin kɛŋɔ he ŋwɛnɛ tɔ. N dɛ nyin kɛŋɔ he ɛ anɔ la aa wera, ásɛ he liire bwa won do Korowii toma ta.
36Dɛ baa bɛlbwa dɔ o bihaah waa kpeɡa ne yala, o ŋɔ waa ɡel o yalɛ, dɛ berɛ na kɛŋɔ a wer kɛŋɔ bie la yalaa, ó ɛ ɡɛ bwa waa dɛ nyin. Ó ɡel o yalɛ. A ta wechɔɡa ɛɛ. 37Dɛ baa bɛlbwa nyiŋi ɡɛ waa nɔ kɛrɛdɛ, dɛ ŋɔ waa o bihaahnee kpɔ tɛ baa bɛlbwa ó mo aa, dɛ nomɛl laa hɛo, dɛ o ɡbaɡba bambile binii a le, asɛ o ta on kpɔe tɛ baa laa, o ɛ wa. 38Anomanta, dɛ nomɛl lawɛ o bihaah tɛ baa o mo aa, o ɛ kɛrɛdɛ. Kɛ naate waa wola o bihaah lawɛ tɛ baa ó mo la ɛa kɛrɛdɛ ɡwaa o dɔŋ waa lawɛ o bihaah tɛ yal la.
39Dɛ haah yalɔ, o jaa ta do le naa, baa laanee dɔ haah la kpeɡri. Kɛ dɛ baa la sewaa, o ta haah la kpeɡri dɔe kpa. Haah la won kaala, dɛ́ ka yalɛ baa waa dɛ nyinu ja. Kɛ o bɛ baa waa wola asɔre te ɛɛ yalɛ. 40A ka n waa aa, dɛ o fe ta yalɛ kpa kwaraa fe wer tɛo ɡwaa kɛŋɔ waa yala. N ɡbaɡba liire te, kɛ Korowii Domadɛɛɡe la soɡe n nɛ.
Currently Selected:
1 Kɔrent 7: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
1 Kɔrent 7
7
Hahmor ne yal wepɛɛre
1He fa chwerɛ tɔn dɛ ba bɔɔ mɛ ŋɔ, dɛ baa ŋɔ waa haahnee mo aa, a wer aa? Baa ŋɔ waa haahnee mo aa, a wer. 2Kɛ jwamane aa wara la nomanta, a chɛ kɛŋɔ baa bɛlbwa dɔ o haah, ásɛ haah bɛlbwa ɡe dɔ o jaa. 3Baa bɛlbwa bɛ ŋɔ o ne o haah naa chɔ, ɡɛɛ haah ɡe bɛ ŋɔ waa sɛh o ne o jaa chɔ. 4Haah ta o bwadabii kpeɡri dɔe chɔe bɔr, o jaaree dɔ kpeɡri. Gɛɛ baa ɡe aa wola o bwadabii kpeɡri dɔe, o haahnee dɔ kpeɡri. 5Anomanta, bɛlbwa bɛ o te kpɔ sɔh o dɔŋ chɔe be pera, atane kɛŋɔ he bwa sɛoh kɛŋɔ he dɛ nyin kɛ hé kpɔ bambibeŋkpoŋ soŋe Korowii tɔpere bɛl tama mɔɔ. Gɛ te wer. Kɛ dɛ he ɛ ɡɛ tonaa, hé berɛ pɛ ja. Dɛ he ta pɛɛ yaa, haa wola won lawɛ he te la, Bɔnsam ɛɛ ɡeloo hé ɛ wechɔɡa.
6Waa nɔ maa baɡla nɔ ta denɛ dɛɛ do heyaa ŋɔ a chɛ kɛŋɔ hé mo haahna. Kɛ n dɛ baɡle kɛŋɔ, dɛ he mo haah naa, a ta wechɔɡa ɛɛ. 7N te fe dɛ nyin kɛŋɔ nomɛlbwa fee bɛ haah mo, dɛ́ so ɡɛ maa soɡa nɔ. Kɛ nomɛlbwa laa Korowii ta ŋɔ ó ɡbo so dɛ bɛ haah mo. O dɛ tɛ nomɛlbwa o we-ɛɛla waa dɛ ɛ la kpeɡri, bɛl yon do kpeɡri anɔ ta, bɛl ɡe do kpeɡri anɔ ta.
8Waa maa dɔa dɛ tɛ nɛra baa wola haahna dɔe, ne haahna baa wola jaranar dɔe, ne nɛra ba jaranar aa serewa laanee kɛ, bá fee so ɡɛ n ɡbo aa soɡa nɔ. 9Dɛ bɛlbwa nao kɛŋɔ waa won haŋre dɛ́ ɡbo so te naa, amɔ ó mo haah kɛɛ ó yalɛ. A bɔ kɛŋɔ haah kɛɛ baa pɛla aa dɔe aa we he nɛɛ kohona.
10Anɔ la maa bera dɔ dɛɛ tɛ hahmoola ne jadɔɔhnaa nɔ. N ɡbaɡba laa dɛɛ bol. Ya Dɔɔree ŋɔa ŋɔ haah bɛ o jaa vɛh.#Mak 10:9 11Kɛ dɛ o vɛh o jaa aa, o bɛ baa bɛlbwa yalɛ kpa, atane kɛŋɔ o berɛ la o jaa la be, ásɛ ba ka pɛ dɛ́ so ja. Baa ɡe bɛ o haah vɛh.
12N ɡbaɡbaa dɛɛ bol anɔ te dɛɛ tɛ he kar la. Ya Dɔɔ laa bola. Dɛ he ɛ asɔre te dɛ mo haah waa wola asɔre te ɛɛ, a too o tea o ŋɔ wɛɛ soo waa, bɛ on vɛh. 13Dɛ haah ɡe ɛ asɔre te dɛ yalɛ baa waa wola asɔre te ɛɛ, dɛ o tea toorɔ kɛŋɔ o ne wɛɛ soo waa, haah la bɛ on vɛh. 14Baa waa wola asɔre te ɛɛ la, o mo haah waa ɛ asɔre te aa, pɛɛ o ne haah la aa pɛa la nomanta, Korowii kpɔ baa la dɛɛ ɛ o nɛn. Gɛɛ a do, haah ɡe ta asɔre te ɛɛ dɛ yalɛ baa waa ɛ asɔre te aa, pɛɛ o ne waa pɛa la nomanta, Korowii kpɔ haah la ɡe dɛɛ ɛ o nɛn. Dɛ ɡɛ laa aa, ba bii fe ta Korowii bii ɛɛ, kɛ taraken ba ɛ o kwa.
15Dɛ onɔ la waa wola asɔre te ɛɛ ŋɔ wɛɛ vɛh o dɔŋ waa ɛ asɔre tee yaa, tɛo ŋwɛnɛ wɛɛ la. A ba ɡɛ naa, a ta wechɔɡa ɛɛ. Korowii dɛ nyin kɛŋɔ ya so deŋnesɔɔhna ta. 16Dɛ Korowii ɛɛ che haah haa ɛ asɔre te nɛɛ dɛ́ lɛ he jaa aa, he jemaa? Gɛɛ a do baa haa ɛ asɔre te la, dɛ Korowii ɛɛ che he nɛɛ dɛ́ lɛ he haah naa, he jemaa?
17Korowiirii tɛ bɛlbwa o we-ɛɛla wɛɛ ɛ. Anomanta, a chɛ kɛŋɔ bɛlbwa ɛ ɡɛ Korowii aa leo dɛ tɛo ŋɔ wɛ́ɛ ɛ la. Gɛɛ mɛɛ bol asɔre tena baa lɔ bobɛlbwa la be. 18Dɛ ba kpɔ kere chɔɡɛ nomɛl mɔɔ Korowii leo o ba ɛ asɔre te aa, o bɛ kpɔ sɔh. Korowii le nomɛl ɡe, dɛ ba ta kere kpɔe chɔɡɔ waa, o bɛ ɡel ba kpɔ kere chɔɡɔ.#7:18 Dɛɡ wobol ta, ba kpɔ kere chɔɡɛ nomɛl dɛ baɡle pen teŋa. 19Ba kpɔ kere chɔɡɛ noo, a ta waane ɛɛ, ba ta kere kpɔe chɔɡɛ noo, a ta waane ɛɛ. Kɛ Korowii Waa la ta teŋaa ɛ kasinteŋ. 20Anomanta, do ɡɛ haa doa mɔɔ Korowii lee he ba ɛ asɔre te la. 21Dɛ he ɛ yom dɛ ba ɛ asɔre te aa, bɛ ɡel a we he nɛ. Kɛ dɛ ba tɛɛ ŋwɛnɛ ŋɔ hé le he yom ɛɛ la ta naa, bɛ vɛh. 22Nomɛlbwa waa ɛ yom dɛ ɛ asɔre te la, o dɔ o te Korowii be. Gɛɛ a do, nomɛlbwa waa dɔ o te dɛ ba ɛ asɔre te la, o ɛ Yeesu Kristo yom. 23Korowiirii kpɔ Yeesu Kristo chal la yawɛ heya, anomanta, he bɛ lii kɛŋɔ nɛraa dɔ heya. 24Yabala, ɡɛ he fa aa doa mɔɔ Korowii le heyaa he ba ɛ asɔre tena la, hé ta do ɡɛ, ásɛ he ne Korowii do le.
25Korowii ta men nɛra baa wola yalɛ la waa baɡlɛ, kɛ o dɛ cha mɛ asɛ mɛɛ ɛ o toma kɛrɛdɛ. Anomanta, mɛɛ baɡle ɡɛ maa jemaa. 26Waa lole dɛ dawɛ ya nɛɛ kɛrɛdɛ, anomanta, n te be te, a wer kɛ ɡɛ haa soɡa la, hé ta so ɡɛ. 27Dɛ he dɔ haah naa, bɛ ŋɔ hɛɛ vɛoh. Dɛ he ta bɛl dɔe ɡe aa, bɛ ŋɔ hɛɛ nyin bɛlee. 28He mo haah naa, a ta wechɔɡa ɛɛ. Dɛ haah ɡe yalaa, a ta wechɔɡa ɛɛ. Kɛ waa lɔ a ta he soɡa bini, a waa mɛɛ nyin n lɛ heyaa le a ta la.
29Maa ŋɔ ɡɛ nɔ, yabala, yaa harɛ nɔ taa biɡri bɛlbwa. Anomanta, le fini dɛɛ kaa, a chɛ kɛŋɔ he banɔ la haa dɔ haahna la ɛ kɛŋɔ he ta haahna dɔe ken, 30he banɔ la haa dɛ wi ɛ kɛŋɔ he waa aa sume ken, he banɔ la ɡe haa dɛ mamɛ ɛ kɛŋɔ he sie ta lɛɛ ken, he banɔ la ɡe aa dɛ yawɛ la ɛ kɛŋɔ kwaa haa yawa la ta he kwaa ɛɛ ken. 31Asɛ he banɔ la ɡe haa dɛ ɛ wobɛlbwa harɛ nɔ ta la bɛ ɛ a ɡwaa kohona, dɛkalkɛŋɔ harɛ nɔ ne o waa dɔ jaɡa. Waa biɡri bɛlbwa.
32N dɛ nyin kɛŋɔ harɛ nɔ ta waa bɛ heyaa ha kohona. Baa waa wola haah dɔe la, o siwi dɛ swɛɛ Korowii toma ta, wɛɛ nyin kɛŋɔ Korowii sie lɛ o nɛ. 33Kɛ baa waa dɔ haah la te sie dɛ beɡre harɛ nɔ ta kwaa ta, ásɛ o haah sie ɛɛ lɛ o nɛ. Webele anɛɛ yon do o baŋa. 34Haah waa wola yalɛ, kɛɛ tolo waa wola baa jemɛ mɔɔ la, o sie dɛ beɡre Korowii toma ta, o kpɔ o te ne o liire bwa dɛɛ tɛ Korowii toma. Asɛ haah waa yala la ɡe sie ɛɛ beɡre harɛ nɔ ta kwaa ta, ásɛ o jaa sie lɛ o nɛ. 35N dɛ nyin kɛ n cha heya, a waa ɡela mɛɛ bol waa ɡɛ la. Maa nyin kɛŋɔ he ŋwɛnɛ tɔ. N dɛ nyin kɛŋɔ he ɛ anɔ la aa wera, ásɛ he liire bwa won do Korowii toma ta.
36Dɛ baa bɛlbwa dɔ o bihaah waa kpeɡa ne yala, o ŋɔ waa ɡel o yalɛ, dɛ berɛ na kɛŋɔ a wer kɛŋɔ bie la yalaa, ó ɛ ɡɛ bwa waa dɛ nyin. Ó ɡel o yalɛ. A ta wechɔɡa ɛɛ. 37Dɛ baa bɛlbwa nyiŋi ɡɛ waa nɔ kɛrɛdɛ, dɛ ŋɔ waa o bihaahnee kpɔ tɛ baa bɛlbwa ó mo aa, dɛ nomɛl laa hɛo, dɛ o ɡbaɡba bambile binii a le, asɛ o ta on kpɔe tɛ baa laa, o ɛ wa. 38Anomanta, dɛ nomɛl lawɛ o bihaah tɛ baa o mo aa, o ɛ kɛrɛdɛ. Kɛ naate waa wola o bihaah lawɛ tɛ baa ó mo la ɛa kɛrɛdɛ ɡwaa o dɔŋ waa lawɛ o bihaah tɛ yal la.
39Dɛ haah yalɔ, o jaa ta do le naa, baa laanee dɔ haah la kpeɡri. Kɛ dɛ baa la sewaa, o ta haah la kpeɡri dɔe kpa. Haah la won kaala, dɛ́ ka yalɛ baa waa dɛ nyinu ja. Kɛ o bɛ baa waa wola asɔre te ɛɛ yalɛ. 40A ka n waa aa, dɛ o fe ta yalɛ kpa kwaraa fe wer tɛo ɡwaa kɛŋɔ waa yala. N ɡbaɡba liire te, kɛ Korowii Domadɛɛɡe la soɡe n nɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.