Psalms 75
75
Dit is God wat oordeel
1Vir die leier van die koor: Dieselfde musiek soos vir die lied “Moenie verwoes nie.” 'n Psalm van Asaf. 'n Lied.
2O God, ons sê vir U dankie, ons sê dankie.
U is naby ons, almal praat oor u wonderwerke.
3God het gesê:
“Wanneer die tyd kom, die tyd wat Ek besluit het,
dan sal Ek reg oordeel.
4Wanneer die aarde en alles op die aarde wegsmelt,
dan is dit Ék wat die pilare van die aarde vas laat staan.
Sela
5Ek het vir die hoogmoedige mense gesê,
vir die mense wat verkeerd doen:
‘Julle moenie hoogmoedig wees nie,
julle moenie dink julle is sterk nie,
6julle moenie dink julle is baie sterk
en julle kan enige iets sê wat julle wil sê nie.’ ”
7Want niemand kan 'n mens belangrik maak nie,
niemand in die ooste of die weste,
of in die woestyn nie.
8Dit is God wat oordeel.
Hy wys vir party mense dat hulle nie belangrik is nie
en Hy maak ander mense belangrik.
9Ja, daar is 'n beker in die hand van die Here,
en in die beker is wyn wat skuim
en daar is baie sterk kruie daarin.
Die Here skink die wyn
vir die mense wat verkeerd doen,
en hulle sal almal daarvan drink,
hulle sal die beker heeltemal leeg drink,
ook die stukkies wat afsak en onder in die beker lê.
10Ekself sal aanhou praat oor die God van Jakob,
ek sal vir Hom sing.
11Hy het gesê: “Ek sal vir almal wys
dat die mense wat verkeerd doen,
nie belangrik is nie,
en Ek sal wys dat die mense wat reg doen,
die belangrike mense is.”
Currently Selected:
Psalms 75: ABA
Highlight
Share
Copy
Want to have your highlights saved across all your devices? Sign up or sign in
© Bybelgenootskap van Suid-Afrika 2007. Gebruik met toestemming. Alle regte voorbehou.