YouVersion Logo
Search Icon

Nahum 1

1
1Die Here het vir Nahum gewys wat Hy met die stad Nineve wil doen. Nahum het van die stad Elkos gekom. Die Here het gesê Hy sal Nineve straf.
Wanneer die Here kom
2Die Here is 'n God
wat baie kwaad word
en wat sy vyande straf.
Hy straf die mense wat teen Hom is,
Hy bly kwaad vir sy vyande.
3Die Here is geduldig
en baie sterk,
maar as iemand skuldig is,
dan sal die Here hom straf.
Wanneer die Here kom,
dan is daar 'n sterk wind
en 'n storm.
Die wolke is soos stof
onder sy voete.
4Wanneer Hy met die see raas,
dan word die see droog.
Hy laat al die riviere droog word.
Die plante in Basan
en op Karmel-berg word droog.
Al die blomme op die Libanon-berg
verlep en gaan dood.
5Die berge skud voor die Here,
die heuwels smelt,
die wêreld en almal
wat op die wêreld woon,
skrik wanneer die Here kom.
6Wie kan voor God staan
wanneer Hy kwaad is?
Niemand nie.
Wanneer God kwaad is,
dan is dit soos 'n vuur wat brand.
Die rotse breek stukkend
voor Hom.
Ek sal julle nou vrymaak
7Die Here is goed.
Hy help mense wanneer dit sleg gaan met hulle
en Hy is bekommerd oor almal
wat vra dat Hy hulle moet beskerm.
8Maar die Here sal die mense van Nineve straf.
Dit sal lyk soos wanneer
'n sterk stroom water
hulle wegspoel.
Hy sal sy vyande jaag
tot in donker plekke.
9Die Here sal die planne stop
wat julle teen Hom maak.
Sy vyande sal nie weer kom nie.
10Hulle is soos dorings
wat inmekaar steek,
hulle is dronk van die wyn
wat hulle drink,
maar hulle sal brand soos kaf.
11Daar het iemand uit Nineve gekom
wat slegte planne
teen die Here gemaak het.
Hy wou hê dit moet sleg gaan
met die Israeliete.
12Die Here sê:
“Daar is nou baie soldate
in Nineve,
en hulle is sterk.
Maar hulle sal almal
in oorlog sterf.
My volk, Ek het julle laat swaarkry,
maar Ek sal julle nie weer
laat swaarkry nie.
13Ek sal julle nou vrymaak.
Nineve sal nie meer regeer
oor julle nie.”
Daar sal vrede wees
14Nineve, die Here het gesê
die vyande moet jou verwoes,
niemand sal jou naam
weer noem nie.
Die Here sê:
“Ek sal die beelde stukkend breek wat
in jou afgod se tempel is.
Ek grawe vir jou 'n graf,
want jy beteken niks.
15Kyk, daar oor die berge
kom iemand
wat 'n boodskap bring.
Hy bring goeie nuus,
hy sê daar sal vrede wees.
Hy sê: ‘Mense van Juda,
julle moet julle feeste vier.
Julle moet vir die Here gee
wat julle belowe het.
Die slegte mense
wat julle verdruk het,
sal nie weer in julle land kom nie.
Hulle is dood.’ ”

Currently Selected:

Nahum 1: ABA

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy